Kur ju matni temperaturën, ndoshta i bieni shkurt. E vendosni nën sqetull, prisni 3 minuta dhe shihni çfarë shfaqet.
Por nuk është tamam kështu. Ka disa rregulla për ta bërë edhe këtë.
Së pari, mos e vendosni termometrin nën sqetull nëse ajo është e lagësht apo e djersitur. Ky është gabim dhe pakujdesi që na ndodh shpesh, por ndikon në matjen e saktë.
Fshijeni mirë dhe më pas vendosni termometrin duke e mbajtur 5 minuta pa lëvizur.
Kjo është mënyra më e saktë e matjes së temperaturës dhe është e rëndësishme që të aplikohet në këto kohë të vështira pandemie, ku koronavirusi ka si simptomë kryesore temperaturën.
Ka dhe plot mënyra të tjera për matjen e temperaturës, me termometër dixhital apo ato me lazer. Por termometri që vëmë nën sqetull është më i sakti.
Ndërkaq, kur e masni temperaturën me dorë apo me buzë, mos harroni se kjo nuk tregon asgjë të saktë.
Ndaj këshillohet termometri mjekësor i cili është termometër që përdoret për matjen e temperaturës se njeriut. Termometri mjekësor ka shifrat e temperaturës nga 35 °C deri ne 42 °C. Nëse temperatura e njeriut zbret nën 35 °C ose rritet mbi 42 °C atëherë njeriu mund edhe që të vdesë.
/a.r
