Kjo vajzë është alergjike nga shkolla
Një nxënëse po merr mësime nga shtëpia pasi mësuesit dhe mjekët e kanë bindur se ajo është alergjike nga shkolla. Ajo është Tiffiney Blakey dhe pësoi shok anafilaktik të përsëritur për disa minuta pasi hyri në akademinë “John Whitgift” në Grimsby.
13-vjecarja, e cila po studion SAT-in, ka një alergji ndaj kikirikëve por nga ana tjetër ajo ka një mënyrë jetese normale dhe të shëndetshme dhe ka shkuar në shkollë për tre vjet pa asnjë problem. Por më 28 shtator të këtij viti, Tiffiney filloi të ndihej jo mirë me shëndet.
“Isha në orën e matematikës kur më filluan problemet me frymëmarrjen. Pastaj kur kaluam te ora e anglishtes fillova të kisha shumë vapë dhe nuk shikoja mirë. Kisha shumë frikë”, është shprehur 13-vjeçarja.
Doktorët kanë udhëzuar atë që të qëndrojë në shtëpi deri sa testet të zbulojnë se çfarë po e shkakton këtë reaksion fatal. Ndërkohë, prindërit e vajzës janë shprehur: “Për tre vite rresht vajza jonë nuk ka patur probleme, nuk mund ta ketë alergji shkollën. Do ketë qenë ndonjë gjë e rastit që ka ndikuar ashtu tek ajo”.
