Gjatë prononcimit të tij, ministri bëri të ditur se një prej operatorëve më të rëndësishëm low-cost ka njoftuar shtimin e linjave ajrore dhe zgjerimin e flotës së tij në aeroportin e Rinasit

“Kënaqësi të isha sot në aeroportin e Rinasit, ku një nga operatorët më të rëndësishëm low cost ka njoftuar shtimin e linjave ajrore, por edhe shtimin e flotës së vet në këtë aeroport.

Sigurisht ky është një sinjal shumë i mirë për aviacionin në Shqipëri, pasi vazhdojmë me rritjen e tij dhe kjo është falë edhe gjithë punës që ka bërë Qeveria Shqiptare gjatë gjithë këtyre viteve. Sigurisht kemi ecur me liberalizimin e linjave, duke futur tashmë dhe linjat që quhen low cost,” u shpreh ministri.

Ministri ia atribuoi këtë ecuri edhe politikave të ndjekura ndër vite nga qeveria, duke veçuar liberalizimin e tregut ajror dhe uljen e tarifës për pasagjerët nga 10 euro në 1 euro.

“Po ashtu kemi ulur tarifën për pasagjerët nga 10 euro në 1 euro, që sot aktualisht është ndër më të ulëtat në rajon dhe në Europë. Dhe sigurisht të gjitha këto kanë bërë të mundur që aeroporti i Rinasit të jetë më i madhi në rajon. Shifrat tregojnë që trafiku ajror i vitit 2026 parashikohet të jetë rreth 18.3% më i madh se viti 2025. Ne nuk krahasohemi fare me shifrat e vitit 2019, siç bëjnë shumë shtete të tjera, pasi në krahasim me vitin 2019, ne jemi mbi trefish të trafikut ajror.

Sigurisht për të bërë të mundur kontrollin dhe navigimin e trafikut ajror nga ana e Albcontrol, shoqërisë shtetërore të trafikut ajror, janë bërë të gjitha investimet e nevojshme, si nga ana e kapitalit njerëzor, por edhe nga ana e teknologjisë që ky trafik të vazhdojë dhe të menaxhohet në mënyrën më të mirë të mundshme. Dhe sigurisht për mua ishte shumë kënaqësi të flisja me përfaqësuesit e linjës ajrore, por edhe të aeroportit dhe për të dëgjuar të gjitha planet e zgjerimit,”- sqaroi Karakaçi.

Sipas ministrit, ky zhvillim përbën një sinjal pozitiv për ecurinë e aviacionit në vend, i cili pritet të vijojë rritjen edhe gjatë vitit 2026.

“Dhe një lajm tjetër po ashtu domethënës për trafikun ajror në Shqipëri është që këto nivele që ne parashikojmë të mbyllim në vitin 2026 me përpunimin e mbi 13.5 milionë pasagjerësh, janë bërë pa asnjë incentivë mbështetëse financiare nga ana e Qeverisë Shqiptare, siç ka ndodhur dhe në shtetet e tjera,” theksoi ai

Skema mbështetëse për fëmijët me aftësi ndryshe, ministrja Spahiu nga Gjirokastra: Përfitojnë rreth 10 mijë prej tyre, në 2027 hyn në zbatim.

Fëmijët me aftësi ndryshe do të përfitojnë më shumë mbështetje financiare në vitin 2027. Gjatë një vizite në qendrën terapeutike në Gjirokastër ku marrin kujdes 55 fëmijë me aftësi të kufizuara, ministrja e Shëndetësisë, Klodiana Spahiu, tha se veç fëmijëve, prindërit ose kujdestarët e tyre do të kenë edhe sigurimet shëndetësore e shoqërore të paguara.

Nga skema mbështetëse përfitojnë rreth 10 mijë fëmijë me aftësi ndryshe.

Qendra Terapeutike për Zhvillimin e Fëmijëve në Gjirokastër është një vatër e ngrohtë kujdesi dhe mbështetjeje për 55 fëmijë me aftësi të kufizuara, ku secili prej tyre merr vëmendjen dhe përkushtimin që meriton

Përmes programeve të Ministrisë së Shëndetësisë dhe Mirëqenies Sociale dhe Ministrisë së Arsimit, në vitin 2027 do të shtojmë mbështetjen për fëmijët me aftësi të kufizuara, duke forcuar gjithëpërfshirjen dhe duke dedikuar më shumë burime për shërbimet dhe mundësitë që u nevojiten atyre dhe familjeve”, thuhet në postimin e Spahiut.

Sipas Shërbimit Meteorologjik Ushtarak, moti parashikohet me kthjellime dhe vranësira kalimtare në pjesën më të madhe të territorit.

Era do të fryjë nga drejtimi verilindje-veriperëndim, me shpejtësi mesatare 5 m/s. Përgjatë vijës bregdetare dhe në lugina, shpejtësia e saj pritet të arrijë deri në 10 m/s.

Në det, valëzimi parashikohet i forcës 1-2 ballë dhe temperaturat minimale do të zbresin deri në 3 gradë Celsius në zonat veriore të vendit.

POPULLSIA NË MOSHË PUNE

Shqipëri                     57.9%

Bashkimi Europian   58.3%

Ndërsa Durrësi ka 58.2% të popullsisë në moshë pune. Pranë mesatares së Bashkimit Evropian rezultojnë edhe qarqet e tjera të vendit. TABELE 2

POPULLSIA NE MOSHE PUNE SIPAS QARKUT

Tiranë    60.5%

Dibër     58.5%

Durrës   58.2%

Kukës     58.1%

Elbasan  58%

Berat       57.4%

Korçë       55.9%

Lezhë     56.7%

Shkodër  56.5%

Fier          55.2%

Vlorë       54.2%

Gjirokastër 51.1%

Por diferencat mes qarqeve brenda vendit lidhen kryesisht me ndryshimet demografike të viteve të fundit. Tirana ka përqendrimin më të madh të popullsisë në vend, dhe rrjedhimisht rritet përqindja e kategorisë së individëve që janë në punë.

Dallimet janë të dukshme edhe në nivel evropian. Sipas të dhënave të Eurostat në 39 rajone të BE-së rreth 63% e popullsisë ishte në moshë pune. Pjesa më e madhe e tyre në Gjermani dhe në disa zona ishullore të Spanjës.

Ndërsa në 189 rajone të tjera te BE-së, popullsia në moshë pune përbënte më pak se 55 % të popullsisë, kryesisht në zonat rurale të Portugalisë, Francës, pjesën më të madhe të Gjermanisë lindore, si dhe territore rurale në Bullgari, Greqi dhe në vendet nordike të BE-së.

Edhe e dhëna nga Eurostat, 57.9% e popullsisë në Shqipëri është në moshë pune. Pak me poshtë mesatares se BE qe është 58.3%. Shqipëria ka një rënie te lehtë nga viti 2023 që ishte 61.3%. Popullsia në moshë pune përfshin kategorinë nga 20-64 vjeç./ TV Klan/

Sipas parashikimit meteorologjik, gjatë fundjavës moti do të jetë kryesisht i kthjellët në pjesën më të madhe të territorit, me intervale të gjata me diell dhe vranësira të pakta kalimtare, kryesisht në zonat malore.

Të martën parashikohet një përmirësim i përkohshëm i kushteve atmosferike, por kjo situatë nuk do të zgjasë shumë. Reshjet e shiut pritet të rikthehen ditën e mërkurë, duke përfshirë pjesën më të madhe të territorit që në orët e para të ditës. Temperaturat do të shënojnë një rritje të lehtë në vlerat minimale dhe pritet të luhaten nga 4 deri në 23-24 gradë Celsius.

“Për fundjavën do të vijojë qëndrueshmëria e kushteve atmosferike, ku moti parashikohet të jetë i kthjellët në pjesën më të madhe të territorit, pra orë të plota me diell, por nuk do të mungojnë dhe vranësira të pakta kalimtare, kryesisht përgjatë relieveve malore të vendit. Era do të fryjë me drejtim nga kuadrati i jugut, me shpejtësi deri në 8 m/s, duke bërë që valëzimi në dete të jetë i forcës një deri në dy ballë. Për sa i përket kushteve termike, temperaturat në vlera parashikohet të jenë 4 deri në 22°C. Për sa i përket fillimit të javës dhe javës në vijim, e konkretisht ditën e hënë, pritet përkeqësimi i kushteve atmosferike. Moti parashikohet me vranësira mesatare deri të dendura.

Reshjet e shiut pritet të jenë prezente që në orët e para të 24-orëshit. Ato pritet të jenë me intensitet të ulët në pjesën më të madhe të territorit. Ndërsa në zonën e qendrës dhe të jugut, reshjet parashikohet të jenë në formën e shtrëngatave afatshkurtra, herë pas here të shoqëruara me shkarkesa elektrike. Era do të fryjë me drejtim nga kuadrati i jugut, me shpejtësi deri në 19 m/s, duke bërë që valëzimi në dete të jetë i forcës tre deri në pesë ballë. Ditën e martë pritet një përmirësim i përkohshëm i kushteve atmosferike dhe rikthimi i reshjeve të shiut në mesjavë, konkretisht ditën e mërkurë.

Reshjet parashikohet të jenë prezente në pjesën më të madhe të territorit që në orët e para të 24-orëshit, ndërsa në zonën e qendrës dhe të jugut pritet të jenë me shtrëngata afatshkurtra, të shoqëruara me shkarkesa elektrike. Për sa i përket kushteve termike, temperaturat në vlera parashikohet të kenë një rritje të lehtë në orët e mëngjesit. Ato parashikohet të jenë 7 deri në 23-24°C. Pritet që intensiteti i erës të jetë deri në 19 m/s, duke bërë që valëzimi në dete të jetë i forcës tre deri në pesë ballë“, deklaroi sinoptikania Elida Maloçali, nga shërbimi Meteorologjik Ushtarak.

Ministrja e Ekonomisë dhe Inovacionit, Denila Ibrahimaj, deklaroi se reforma synon kalimin nga një sistem i përqendruar te kontrolli dhe ndëshkimi, në një model që mbështetet te këshillimi dhe përmbushja vullnetare e detyrimeve.

Gjatë konferencës së Inspektoratit të Përgjithshëm, Ibrahimaj theksoi se procesi i integrimit evropian kërkon standarde të larta, por kjo nuk duhet të shoqërohet me një barrë shtesë për bizneset.

Sipas ministres, sistemi i ri do të synojë eliminimin e mbivendosjeve mes inspektorateve dhe shmangien e kontrolleve të zgjatura, duke garantuar njëkohësisht zbatimin e legjislacionit.

“Procesi i integrimit europian kërkon që standardet ët jenë të larta, ndërsa si qeveri synojmë të garantojmë që pesha që shteti ka ndaj subjekteve të jetë sa më e ulët. Ndaj qëllimi i reformës ishte që të kalonim nga një sistem i përqendruar te kontrolli dhe ndëshkimi, në një sistem të përqendruar te eliminimi i mbingarkesës së kontrolleve, këshillimi dhe përmbushja vullnetare. Këto janë elementët kryesorë që kanë udhëhequr reformën dhe strukturimin e ri të inspektorateve. Duam të arrijmë standardet e kërkuara nga BE, por pa iu dhënë biznesit një barrë ekstra. Ndaj sistemi i inspektimeve është menduar i tillë që të eliminohen mbivendosjet. Gjatë 2027 synojmë të ngremë sistemin e ri të inspektimeve, i cili do të garantojë akoma më shumë dhe më mirë zbatimi e ligjit. Do garantojmë të mos kemi mbivendosje, apo kontrolle të zgjatura”, tha Ibrahimaj.

Ibrahimaj bëri të ditur gjithashtu se do të hapet një proces i ri dialogu me biznesin, për të identifikuar problematikat që hasin subjektet dhe për të diskutuar përshtatjen e procedurave të inspektimit me standardet që burojnë nga legjislacioni evropian.

“Reforma e inspektimeve duhet të jetë e ndikuar nga një proces dialogu me biznesin. Ne do të hapim një tjetër proces dialogu me biznesin, që të diskutojmë mbi ato standarde që po vijën nga legjislacioni europian. Synojmë të reduktojmë barrën e reduktimit, të identifikojmë pikat problematike që biznesi ka, të analizojmë procedurat e inspektimit dhe të kuptojmë sesi reforma mund të ndryshojë që t’i shërbejë objektivit që kemi që bashkë me biznesin të punojmë për të patur konkurrencë më të drejtë, për të mos patur kosto të fshehura për biznesin dhe për të garantuar  standarde”, deklaroi Ibrahimaj

Sula theksoi se sfidat e sotme kërkojnë një qasje të re, ku inspektimi të mos përqendrohet vetëm te kontrollet dhe masat ndëshkuese, por kryesisht te parandalimi i shkeljeve dhe respektimi i ligjit.

“Sfidat e sotme kërkojnë një qasje të re ndaj mënyrës se si ushtrohet ky funksion. Një sistem modern inspektimi nuk mund të vlerësohet vetëm nga numri i kontrolleve apo masave administrative, por mbi të gjitha nga aftësia për të parandaluar shkeljet, për të reduktuar risqet dhe për të nxitur respektimin e ligjit”, u shpreh Sula.

Ai nënvizoi se ky është thelbi i reformës që po ndërmerret, duke synuar kalimin nga një model i përqendruar te kontrolli dhe sanksioni drejt një sistemi që vendos në qendër parandalimin, analizën e riskut, këshillimin dhe përputhshmërinë me standardet ligjore.

“Ky ndryshim nuk nënkupton dobësimin e rolit kontrollues të shtetit, përkundrazi synon ta bëjë atë më efektiv, më proporcional dhe më të orientuar drejt rezultateve. Ne synojmë një sistem ku burimet institucionale përqendrohen aty ku rreziku për interesin publik është më i lartë, ndërsa subjektet që respektojnë ligjin përfitojnë nga një administratë më e parashikueshme dhe nga reduktimi i barrës së panevojshme administrative”, deklaroi kryeinspektori.

Sula bëri të ditur se prioritetet e reformës përfshijnë konsolidimin e inspektimit të bazuar në risk, unifikimin e metodologjisë së mbikëqyrjes, forcimin e koordinimit institucional dhe modernizimin e proceseve përmes digjitalizimit dhe përdorimit më efektiv të të dhënave.

Një tjetër drejtim i rëndësishëm, sipas tij, është rritja e transparencës dhe komunikimit me qytetarët dhe bizneset, si dhe përmirësimi i mekanizmave për trajtimin e ankesave.

“Njëkohësisht, forcimi i transparencës, komunikimit me qytetarët dhe bizneset, përfshirë mekanizmat e trajtimit të ankesave, si dhe platforma ‘e-Albania’, do të kontribuojnë në rritjen e përgjegjshmërisë institucionale”, theksoi Sula.

Ai vuri në dukje gjithashtu rëndësinë e investimit te burimet njerëzore, duke e cilësuar profesionalizmin e trupës inspektuese dhe zhvillimin e kapaciteteve si elementë thelbësorë për suksesin e reformës.

“Një reformë e qëndrueshme kërkon investim te njerëzit. Për këtë arsye, profesionalizmi i trupës inspektuese, zhvillimi i kapaciteteve dhe komunikimi i vazhdueshëm do të mbeten prioritete të rëndësishme të punës sonë”, u shpreh ai.

Kryeinspektori theksoi se një prej objektivave kryesorë të reformës është ndërtimi i një marrëdhënieje të re mes administratës inspektuese dhe sektorit privat, ku bashkëpunimi, parandalimi dhe respektimi i kërkesave ligjore të jenë në qendër të këtij procesi.

Era do të fryjë nga kuadrati i veriut, me shpejtësi mesatare deri në 8 m/s, duke mbetur përgjithësisht në nivele të moderuara. Në zonat bregdetare, deti parashikohet të paraqitet i qetë, me valëzim të ulët të forcës 1–2 ballë, duke ofruar kushte të favorshme për lundrimin dhe aktivitetet detare.

Lajmin e bëri të ditur ministri i Infrastrukturës dhe Energjisë, Enea Karakaçi, në një intervistë për gazetarin Mario Brakaj në A2 CNN.

“Kilometrat e parë deri të Mbikalimi i Rinasit janë ndërtuar tashmë. Qytetarët janë të shqetësuar për atë hinkën që krijohet të Mbikalimi i Rinasit. Fatmirësisht punimet janë duke ecur mjaft mirë. Kontrata që në ne kemi në zbatim kalon Mbaikalimin e Kasharit, dhe në fillim të vitit 2027 do të kemi një aks të kaluëshëm për të gjithë qytetarët. Ajo çfarë është më e rëndësishmja për këtë autostradë Tiranë-Durrës, që është edhe aksi kombëtar me transportin më të zgjeruar, ne në projket-buxhetin afatmesëm 2027-2029, kemi parashikuar financimin e plotë të këtij aksi. Ne shkojmë deri në Durrës, aty ku mbaron edhe projekti Ura e Dajlanit”.

Karakaçi foli edhe për Bypass-in e Elbasanit, një projekt i rëndësishëm për lehtësimin e qarkullimit, veçanërisht gjatë sezonit turistik.

“Kemi disa lajme të mira Bypass-i i Elbasanit, arterie shumë e rëndësishme, ku qytetarët kanë vuajtur gjatë sezonin veror, ku mbaron autostrada Tiranë-Elbasan. Qeveria ka vendosur ta buxhetojë ByPass-in dhe fazat pasuese. Kontratat e para tashmë janë lidhur nga ARRSH, 2027-2028-2029, kemi të financuar tashmë fazat vijuese”.

Në një lidhje direkte në Report Tv, kryebashkiaku Gledian Llatja thotë se kjo do të vijojë derisa të gjendet një zgjidhje përfundimtare për situatën.

“Momentalisht familjeve u është dhënë mundësia që të akomodohen në strukturat e bashkisë, provizorisht. Zgjidhja tjetër provizore deri në gjetjen e zgjidhjes përfundimtare për ndërtimin e godinës së re për prishjen e saj ose marrjen e një vendimi përfundimtar, do të jetë bonusi i qirasë. Në bazë të legjislacionit shqiptar, këto familje do të përfitojnë bonusin e qirasë për t’u spostuar në një banesë tjetër. Bashkia do të mbështesë 15 familjet me bonusin e familjes gjatë periudhës provizore”, tha Llatja.

Kryebashkiaku thotë se po konsiderohen dy variante: shembja e pjesës së dëmtuar të pallatit apo e gjithë ndërtesa.

“Momentalisht është varianti për demolimin e pjesës së dëmtuar totalisht, por do të shihet nëse pjesa tjetër e strukturës do të marrë përforcim, apo do të shembet dhe ndërtohet nga e para”, shpjegoi Llatja.

Ai hodhi poshtë çdo pretendim që ka qarkulluar në rrjete se ndërhyrja e zjarrfikëses nuk ishte në kohën e duhur dhe pati vështirësi.

“Zjarrfikëset fatmirësisht, stacioni është pranë unazës së qytetit dhe nuk ka pasur vonesa për reagimin. Menjëherë në vendngjarje kanë ardhur 2 mjete bashkë me autoshkallën. I gjithë stacioni zjarrfikës ka qenë në gatshmëri, më pas kanë ardhur edhe forcat e tjera. Nuk është e vërtetë që ka pasur problematika për ndërhyrjen, është ndërhyrë që në momentin e parë, fillimisht me nxjerrjen e banorëve, më pas me evakuimin e banorëve të kateve të larta”, tha Llatja.

Në spital nuk ka më asnjë banor. Pallati është i izoluar dhe në monitorim të vazhdueshëm pasi aty ndodhen sendet personale të banorëve, por edhe për shkak të rrezikshmërisë së ndërtesës.

“10 personat që janë paraqitur pranë spitalit të Elbasanit kanë ndenjur mesatarisht 30 minuta për të marrë shërbimin e parë dhe bërë analizat përkatëse. Pas kësaj, nuk ka pasur më frekuentim nga banorët. Momentalisht pallati është i izoluar, është marrë në dorëzim nga forcat e Policisë për ta ruajtur sepse banorët kanë ende sende personale. Një pjesë e tyre i kanë marrë sendet, do të vijojë edhe nesër, e monitoruar nga forcat zjarrfikëse sepse kati i pestë i strukturës ka rrezikshmëri të lartë për dëmtimin dhe rrëzimin e saj, të shkaktojë dëme në njerëz dhe të jetë më problematike”, përfundoi Llatja.