<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:wfw="http://wellformedweb.org/CommentAPI/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	xmlns:slash="http://purl.org/rss/1.0/modules/slash/"
	>

<channel>
	<title>Met Dervishi &#8211; JavaNews.al</title>
	<atom:link href="https://javanews.al/author/metder/feed/" rel="self" type="application/rss+xml" />
	<link>https://javanews.al</link>
	<description></description>
	<lastBuildDate>Thu, 11 May 2017 08:46:14 +0000</lastBuildDate>
	<language>en-US</language>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	

<image>
	<url>https://javanews.al/wp-content/uploads/2024/12/cropped-cropped-favicon-32x32.jpg</url>
	<title>Met Dervishi &#8211; JavaNews.al</title>
	<link>https://javanews.al</link>
	<width>32</width>
	<height>32</height>
</image> 
	<item>
		<title>Përfytyrimet nekrofile nga Basha, ustai Berisha dhe Kastriot Myftaraj</title>
		<link>https://javanews.al/perfytyrimet-nekrofile-nga-basha-ustai-berisha-dhe-kastriot-myftaraj/?utm_source=rss&#038;utm_medium=rss&#038;utm_campaign=perfytyrimet-nekrofile-nga-basha-ustai-berisha-dhe-kastriot-myftaraj</link>
					<comments>https://javanews.al/perfytyrimet-nekrofile-nga-basha-ustai-berisha-dhe-kastriot-myftaraj/#comments</comments>
		
		<dc:creator><![CDATA[Met Dervishi]]></dc:creator>
		<pubDate>Thu, 11 May 2017 08:43:21 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">http://www.javanews.al/?p=367097</guid>

					<description><![CDATA[Nga Met Dervishi Strukturat përgjegjëse në Policinë e Shtetit, në bashkëpunim me Prokurorinë pranë Gjykatës së Rrethit gjyqësor Tiranë, dje kanë arrestuar shtetasin Kastriot Myftaraj, i cili, në media ka bërë thirrje të hapura për të kryer vepra të dhunshme kundër rendit kushtetues, në bazë të nenin 223 të Kodit Penal, etj. Konkretisht, gazetari Kastriot [&#8230;]]]></description>
										<content:encoded><![CDATA[<p style="text-align: justify;"><strong>Nga Met Dervishi</strong></p>
<p style="text-align: justify;">Strukturat përgjegjëse në Policinë e Shtetit, në bashkëpunim me Prokurorinë pranë Gjykatës së Rrethit gjyqësor Tiranë, dje kanë arrestuar shtetasin Kastriot Myftaraj, i cili, në media ka bërë thirrje të hapura për të kryer vepra të dhunshme kundër rendit kushtetues, në bazë të nenin 223 të Kodit Penal, etj.</p>
<p style="text-align: justify;">Konkretisht, gazetari Kastriot Myftaraj ka postuar një shkrim në fcb për profilin politik të zonjës Romana Vllahutin, përfaqësueses së Bashkimit Europian në Tiranë, dhe konkludon se ajo “mund të vritet nga shqiptarët”.</p>
<p style="text-align: justify;">Veprimi i Policisë së Shtetit në këtë rast tregon se shteti shqiptar i ka të gjitha instrumentet kushtetuese për të arrestuar këdo që bën thirrje të hapura për vrasje, të cilat, në rastin konkret, gazetarin Kastriot Myftaraj e shndërrojnë në një shtetas të thjeshtë, subjekt të ligjit, që duhet të përgjigjet për aktet e tij publike.</p>
<p style="text-align: justify;">Deri këtu, Policia e Shtetit mund të përgëzohet për veprimin e saj, madje dhe për aftësinë e saj që, në morinë e pafund të rrjeteve sociale, të identifikojë një rast ekstrem të kësaj natyre.</p>
<p style="text-align: justify;">Por, në të njëjtën kohë, ky veprim i Policisë së Shtetit dhe Prokurorisë i nxjerr ato zbuluar për mosveprimet e tyre kundrejt thirrjeve publike për dhunë dhe linçime.</p>
<p style="text-align: justify;">Njëlloj si gazetari Kastriot Myftaraj, politikani shqiptar Lulëzim Basha bën thirrje për luftë, madje dhe për shfarosje, dhe, që nga çadra e tij ka kohë që po e terrorizon opinionin publik me përfytyrimet nekrofile të kufomës së kryeministrit në Lumin e Lanës.</p>
<p style="text-align: justify;">Po ashtu, ustai i tij, politikani Sali Berisha, në çadër e përtej saj, madje gjatë gjithë veprimtarisë së tij politike ka prodhuar e prodhon pa reshtur përfytyrime apokaliptike për dhunë, gjak, thyerje kokash, buzëqeshje të ngrira, etj., etj. , thirrje të cilat, të sintetizuara, kushdo mund t’i gjejë në internet, pa ndonjë mundim të madh.</p>
<p style="text-align: justify;">Kemi pra, dy standarde të Policisë së Shtetit, por kemi njëkohësisht dhe dy standarde të opinionit publik, që reagon, fjala vjen kur një kryetar partie i Lushnjës terrorizon me fjalë një polic të thjeshtë, dhe hesht kur nga çadra, vijimësisht, politikanët e saj bëjnë thirrje për rrëmbim armësh, madje këto kohët e fundit kanë joshur dhe “marinsa” amerikanë për qëllime të tilla.</p>
<p style="text-align: justify;">Për stabilitetin social të vendit, kuptohet që thirrja e gazetarit Kastriot Myftaraj nuk mund të krahasohet me dëmin e mesazheve të liderëve të një partie të madhe që shumëfishohen në media në të gjitha emisionet e lajmeve, editorialet, komentet, etj., etj.</p>
<p style="text-align: justify;">E, megjithatë, në këtë rast, Policia e Shtetit nuk e kryen funksionin e saj kushtetues për t’i shndërruar politikanët Lulëzim Basha e Sali Berisha në shtetas, subjekt të ligjit.</p>
<p style="text-align: justify;">Duket qartë që kjo ka të bëjë me statusin që ka marrë politika në këtë vend: veprimtaria e saj shihet si mbikushtetuese dhe mesazhet e saj shihen si një e drejtë që e ka vetëm ajo.</p>
<p style="text-align: justify;">Me sa duket, kështu nuk mendon vetëm Policia e Shtetit, po, në një farë mënyre kështu mendojnë të gjithë, duke përfshirë dhe opinionin publik që, duket, e percepton veprimtarinë politike me një status të veçantë që është mbi çdo ligj.</p>
<p style="text-align: justify;">Se, ka mbi tetëdhjetë ditë, që çadra është shndërruar në një sfidant të hapur të rendit kushtetues, dhe shumëkush bën sehir, duke pritur protestën e radhës me “marinsa” e me grupe militantësh që stërviten nga ish punonjësit e policisë së Partisë Demokratike.</p>
<p style="text-align: justify;">Dhe, se, çadra inskenon vazhdimisht spektakle të ekzekutimit publik të kryeministrit, madje dhe skena nekrofile me portretet e ministrave të kabinetit që “ekzekutohen” publikisht .</p>
<p style="text-align: justify;">Nëse Policia e Shtetit tregohet e vëmendshme për një shkrim të Katsriot Myftarajt, dhe nëse njëkohësisht bën sikur nuk i dëgjon mesazhet e çadrës, kjo tregon që dhe për Policinë e Shtetit politika ka status të veçantë dhe politikanët nuk janë subjekt i ligjit.</p>
<p style="text-align: justify;">Natyrisht që statusin e politikanit që qëndron mbi ligjet e kanë krijuar diktaturat.</p>
<p style="text-align: justify;">Dhe, natyrisht, që këtë status në mjedisin e ri demokratik shqiptar e ka mbajtur me dhëmbë e me thonj Sali Berisha gjatë këtyre afro tri dekadave, por nuk është se ky lloj statusi nuk i josh të tjerët përreth tij.</p>
<p style="text-align: justify;">Kemi rreth tre muaj që rrimë e presim ndërmjetësimet e vazhdueshme të ndërkombëtarëve për të negociuar stabilitetin, por në të vërtetë problemi qëndron pikërisht këtu: politikanët duhet të jenë subjekt i ligjit, shtetas, madje shtetasit e parë që duhet të përgjigjen para tij.</p>
<p style="text-align: justify;">Të parët që duhet ta kuptojmë këtë duhet të jemi ne, qytetarët, që duartrokasim nëpër mitingje. Pasi të ndodhë kjo, kuptohet që dhe Policia e Shtetit dhe mekanizmat e tjerë kushtetues do të tregohen po kaq ekzigjentë sa dhe në rastin e gazetarit Katsriot Myftaraj.</p>
]]></content:encoded>
					
					<wfw:commentRss>https://javanews.al/perfytyrimet-nekrofile-nga-basha-ustai-berisha-dhe-kastriot-myftaraj/feed/</wfw:commentRss>
			<slash:comments>1</slash:comments>
		
		
			</item>
		<item>
		<title>Një çadër ku u mbars mali dhe polli një mi</title>
		<link>https://javanews.al/nje-cader-ku-u-mbars-mali-dhe-polli-nje-mi/?utm_source=rss&#038;utm_medium=rss&#038;utm_campaign=nje-cader-ku-u-mbars-mali-dhe-polli-nje-mi</link>
					<comments>https://javanews.al/nje-cader-ku-u-mbars-mali-dhe-polli-nje-mi/#respond</comments>
		
		<dc:creator><![CDATA[Met Dervishi]]></dc:creator>
		<pubDate>Sun, 23 Apr 2017 18:15:12 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">http://www.javanews.al/?p=358952</guid>

					<description><![CDATA[Nga Met Dervishi/ Gjatë këtyre dy muajve të fundit çadra e opozitës është mbajtur mbi kunjat e tri gënjeshtrave të mëdha, që mund t’i kushtojë Partisë Demokratike të shkojë deri te e vërteta e pezullimit ose e përjashtimit nga anëtarësimi në Partitë Popullore Europiane. Gënjeshtra e parë e madhe ka të bëjë me krijimin e [&#8230;]]]></description>
										<content:encoded><![CDATA[<div class="breadcrumbs"></div>
<article id="post-671944" class="post-671944 post type-post status-publish format-standard hentry category-aktualitet category-blogu-tema">
<div id="entry_content_paragraphs" class="entry-content">
<div class="really_simple_share really_simple_share_button robots-nocontent snap_nopreview"></div>
<div class="really_simple_share_clearfix"><strong>Nga Met Dervishi/</strong></div>
<p>Gjatë këtyre dy muajve të fundit çadra e opozitës është mbajtur mbi kunjat e tri gënjeshtrave të mëdha, që mund t’i kushtojë Partisë Demokratike të shkojë deri te e vërteta e pezullimit ose e përjashtimit nga anëtarësimi në Partitë Popullore Europiane.</p>
<p>Gënjeshtra e parë e madhe ka të bëjë me krijimin e iluzionit se në aventurën e saj të kaosit me qeveri teknike, çadra kishte mbështetjen e LSI-së. Gjatë këtyre dy muajve kjo gënjeshtër ka pasur zikzaket e saj, por javës së kaluar është bërë e qartë për të gjithë se në vend që Partia Demokratike ta përdorte Lëvizjen Socialiste për Integrim për interesat e saj, ka ndodhur e kundërta: është Lëvizja Socialiste për Integrim që e ka përdorur çadrën dhe Partinë Demokratike për interesat e veta.</p>
<p>Gënjeshtra e dytë e madhe ka të bëjë me krijimin e iluzionit të mbështetjes së Uashingtonit dhe Brukselit për çadrën. Për këtë gënjeshtër të dytë nuk ka pasur asnjë zikzake se, që në fillim, si Uashingtoni si Brukseli janë pozicionuar qartë, por, megjithatë, Lulëzim Basha ka dashur gjithnjë të krijojë përshtypjen te militantët e vet se mbështetja do të vijë nga dita në ditë me lobingjet e Fatmir Mediut në Uashington, por, së fundmi, vizita e ministrit të Jashtëm Gjerman dhe deklarimet e tij nuk kanë lënë vend për ekuivoke as dhe për militantët më të pashkolluar të çadrës që e kanë zbrazur mllefin e tyre për “Evropin” që blihet me paret e kanabisit nëpër rrjetet sociale dhe te Rilindja Demokratike.</p>
<p>Gënjeshtra e tretë, më e madhja e të mëdhave, ka të bëjë me krijimin e iluzionit që kauza e çadrës ka me vete mbështetjen popullore. Këtë iluzion e krijoi manifestimi i parë i 18 shkurtit dhe hiperbolizimi i shifrave ( 500 mijë), por që në natën e dytë ky iluzion u çmontua: megjithëse kryeqyteti tashmë ka rreth një milionë banorë, çadra mbeti që në natën e saj të dytë e vetmuar dhe vijon të mbesë dhe sot e kësaj dite si një çadër nomade në shkretëtirë. Megjithatë, kjo se ka ndaluar as dje as sot Lulëzim Bashën t’i referohet gjithnjë popullit , duke treguar kësisoj se me iluzionin e mbështetjes së tij ka mbetur vetëm ai.</p>
<p>Në këto kushte, thirrja e Lulëzim Bashës për bllokimin e rrugëve ditën e hënë, duket e dëshpëruar, dhe, më tepër se një thirrje për të demonstruar luajalitet me partnerët e saj politikë të Europës, duket si një kërcënim për delegacionin e PPE-së .</p>
<p>Por, Lulëzim Basha, që i serviloset çdo ditë popullit dhe flet në emër të tij, duket që asnjëherë nuk e ka ditur shprehjen e urtë popullore se dielli duket që në mëngjes dhe ky mëngjes ka perënduar me kohë për çadrën e tij.</p>
<p>Aventura e çadrës i ka ditët të numëruara.</p>
<p>Nëse Lulëzim Basha do të hedhë në tavolinën e negociatave popullin e tij inekzistent, ai ose do të ketë sanksione individuale, siç po paralajmërohet nga departamenti i Shtetit për lidershipin e VMRO-së në Maqedoni, ose Partia Demokratike do të pezullohet për një kohë të gjatë nga anëtarësimi në familjen e Partive Popullore Europiane.</p>
<p>Kësisoj, çadra që u ngrit për t’i vënë vetullat Partisë Demokratike në ditët e saj më të vështira, po shërben për t’i nxjerrë sytë vetvetes.</p>
<p>Ka një arsye të thjeshtë pse po ndodh kjo dhe pse Partia Demokratike gjendet sot në një pozicion të tillë. Ajo kishte njëzet e pesë vjet kohë për t’u shndërruar në institucion, në një parti europiane forumesh, por ka mbetur edhe sot e kësaj dite një parti e nënshtruar nga pasionet e liderit të saj faktik, Sali Berishës, që kauzën personale të mbrojtjes nga Vetingu e shndërroi në kauzë partie për qeveri teknike.</p>
<p>Tri gënjeshtrat e mëdha burojnë prej kësaj axhende personale.</p>
<p>Gjatë historisë së saj njëzet e pesë vjeçare, edhe kur Sali Berisha ishte në kulmet e pushtetit të tij, në Partinë Demokratike ka pasur vazhdimisht zëra kundër axhendave të tij personale. Këta njerëz janë përjashtuar nga Partia Demokratike ose janë larguar në heshtje, por megjithatë ata demonstronin që në të kishte përpjekje për të prodhuar institucione brenda saj.</p>
<p>Fakti , pra, që po vihet në pikëpyetje ekzistenca e saj është se kjo parti po paguan sot për atë që s’e ka bërë për njëzet e pesë vjet: shndërrimin e vetvetes në institucion.</p>
<p>Në rastin konkret, axhenda personale e Sali Berishës kundër Vetingut e ka bërë këtë parti një aneks pa peshë të Lëvizjes Socialiste për Integrim.</p>
<p>Edhe sikur Lulëzim Basha të nënshkruajë kokëulur tekstin e negociatave që vijnë nesër, edhe sikur të mos i nënshkruajë ato, Partia Demokratike do të dalë nga aventura e çadrës si një aneks i spektrit politik aktual. Ky do të jetë sanksioni më e madh që do të marrë ajo prej sindromës së eksperimentimeve me kaosin.</p>
</div>
</article>
]]></content:encoded>
					
					<wfw:commentRss>https://javanews.al/nje-cader-ku-u-mbars-mali-dhe-polli-nje-mi/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Arrestimi i Bashkimit Europian dhe i Departamentit Amerikan të Shtetit si “komplotistë”</title>
		<link>https://javanews.al/arrestimi-bashkimit-europian-dhe-departamentit-amerikan-te-shtetit-si-komplotiste/?utm_source=rss&#038;utm_medium=rss&#038;utm_campaign=arrestimi-bashkimit-europian-dhe-departamentit-amerikan-te-shtetit-si-komplotiste</link>
					<comments>https://javanews.al/arrestimi-bashkimit-europian-dhe-departamentit-amerikan-te-shtetit-si-komplotiste/#respond</comments>
		
		<dc:creator><![CDATA[Met Dervishi]]></dc:creator>
		<pubDate>Wed, 12 Apr 2017 15:55:40 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">http://www.javanews.al/?p=354278</guid>

					<description><![CDATA[Nga Met Dervishi Sot, nga bunkeri i tij, të cilin e quan shesh të rinisë dhe të republikës së tij të re, z. Basha, kryetar i Partisë Demokratike, projektin e Vetingut e ka quajtur publikisht komplot ndërkombëtar mafioz, në qendër të të cilit është z. Rama. Sipas tij, mbështetësit ndërkombëtarë të Vetingut janë paguar me [&#8230;]]]></description>
										<content:encoded><![CDATA[<p><strong>Nga Met Dervishi</strong></p>
<p>Sot, nga bunkeri i tij, të cilin e quan shesh të rinisë dhe të republikës së tij të re, z. Basha, kryetar i Partisë Demokratike, projektin e Vetingut e ka quajtur publikisht komplot ndërkombëtar mafioz, në qendër të të cilit është z. Rama.</p>
<p>Sipas tij, mbështetësit ndërkombëtarë të Vetingut janë paguar me dollarët dhe eurot e kanabisit shqiptar, bankomati i të cilave është kryeministri aktual i Shqipërisë, dhe, në këto kushte, oferta e Partisë Demokratike për qeveri teknike është zemërgjerë: në fakt ajo duhet të kërkonte arrestimin e kryeministrit.</p>
<p>Por, në këtë mes, ajo që nënkupton z. Basha, por që nuk e shpreh për arsye që kuptohen, është dëshira e fshehtë  e tij për arrestimin e ndërkombëtarëve dhe të ekspertëve të tyre, bashkëpunëtorë në krim me z. Rama. Dhe, në fakt, po të ishte koherent më republikën e tij të re, ai duhet të kërkonte dhe arrestimin e tyre.</p>
<p>Gjithsesi, sipas z. Basha, ky nuk është vetëm një komplot Vetingu, por dhe një komplot ndërkombëtar ekonomik i thellë, nëpërmjet fondeve publike, si pasojë e të cilit shqiptarëve të këtushëm u vidhen 2.8 miladardë euro, ndryshe, sipas llogarive të tij, si pasojë e orientimit euroatlantik të shqiptarëve të këtushëm, atyre u vidhen një mijë euro për frymë.</p>
<p>Megjithatë z. Basha është në këtë mes një jurist amnistish ( Dhe ai ka parasysh aministimin e tij për grabitjen e Rrugës së Kombit): ai nuk kërkon as arrestimin e z. Rama, as arrestimin e ndërkombëtarëve, po vetëm një qeveri teknike që t’i amnistojë të dy palët, si z. Rama, si ndërkombëtarët që po  vjedhin sistematikisht shqiptarët.  Dhe, në këtë rast, kuptohet, dhe amnistia për vetveten dhe bashkëpunëtorët e tij të Rrugës së Kombit.</p>
<p>Njëzet vite më parë, tutori i z. Basha, ish president, z. Berisha, në vitin 1997, nëpërmjet Gazidedes,  i akuzoi ndërkombëtarët për komplot  kundër tij, por në asnjë rast ai nuk kërkoi arrestimin e tyre. Në rastin më të vështirë të tij, ai refuzoi takimin me një zëvëndës sekretar shteti të departamentit Amerikan të Shtetit.</p>
<p>Mirëpo, kësaj radhe, panorama e akuzës së z. Basha është ku e ku më e gjerë: qeveria teknike e tij kësisoj është një amnisti politike që ai po e kërkon me zemërgjerësi jo vetëm për mbështetësit amerikanë të Vetingut, por dhe për mbështetësit europianë të tillë si Filkenshtain e company, si dhe një amnisti e gjerë për të gjithë grabitqarët ekonomikë të Shqipërisë Londineze gjatë këtyre njëzet e pesë viteve të demokracisë.</p>
<p>Fakti që ai po kërkon amnisti për veten nga Vetingu është më se i kuptueshëm, por fakti që ai po kërkon amnisti për ndërkombëtarët që kanë konstruktuar një komplot ekonomik kundër shqiptarëve të këtushëm është problematik.</p>
<p>Qoftë Departamenti Amerikan i Shtetit, qoftë Brukseli i z. Kukan apo z. Filkenshtain duhet të shprehen qartë kësaj radhe, se , publikisht, janë akuzuar si bashkëpunëtorë në një komplot jo vetëm juridik e kushtetues ( Vetingu), por dhe ekonomik për grabitjen e shqiptarëve të këtushëm.</p>
<p>As më shumë, as më pak, bashkë me arrestimin e z. Rama, nga bunkeri i tij,  z. Basha, sot ka kërkuar publikisht dhe arrestimin e tyre.</p>
<p>Që shqiptarët në këto vise të Ballkanit Perëndimor kanë orientim euroatlantik , kjo dihet.</p>
<p>Që shqiptarët këtë orientim euroatlantik nuk e kuptojnë si grabitje, dhe kjo dihet.</p>
<p>Por që kemi liderë të një partie anëtare të Partive Popullore Europiane që e konceptojnë marrëdhënien euroatlantike si komplot, kjo nuk dihet dhe është e duhet të jetë problematike si për shqiptarët si për euroatlantikët.</p>
<p>Dhe për këtë duhet të mbajnë qëndrim të qartë të gjithë faktorët që janë vënë në bankën e akuzës nga z. Basha, kryetar i Partisë Demokratike, anëtare e Partive Popullore Europiane.</p>
<p>Po kështu duhet të mbajë qëndrim dhedepartamenti Amerikan i Shtetit, për një parti që i akuzon për grabitjen e fondeve publike në vendin më të varfër të Ballkanit Perëndimor.</p>
<p>Në fjalimin e tij të sotshëm, z. Basha nuk ka vënë në bankën e të akuzuarit vetëm z. Rama, kryeministrin e Shqipërisë Londineze, po të gjitha ata që i kanë rekomanduar opozitës të kthehet në parlament.</p>
<p>Opsionet që të mbyllim në një dhomë z. Rama, z. Meta, z. Basha, janë përgjigje ezopike që nuk japin asnjë përgjigje.</p>
<p>Euroatlantikët janë akuzuar dhe duhet të japin përgjigje nëse lideri i Partisë Demokratike është euroatlantik.</p>
<p>Pa ekuivoke.</p>
<p>c.a</p>
]]></content:encoded>
					
					<wfw:commentRss>https://javanews.al/arrestimi-bashkimit-europian-dhe-departamentit-amerikan-te-shtetit-si-komplotiste/feed/</wfw:commentRss>
			<slash:comments>0</slash:comments>
		
		
			</item>
	</channel>
</rss>
