<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:wfw="http://wellformedweb.org/CommentAPI/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	xmlns:slash="http://purl.org/rss/1.0/modules/slash/"
	>

<channel>
	<title>Ledi Shamku &#8211; JavaNews.al</title>
	<atom:link href="https://javanews.al/author/ledishamku/feed/" rel="self" type="application/rss+xml" />
	<link>https://javanews.al</link>
	<description></description>
	<lastBuildDate>Mon, 18 Feb 2019 11:13:31 +0000</lastBuildDate>
	<language>en-US</language>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	

<image>
	<url>https://javanews.al/wp-content/uploads/2024/12/cropped-cropped-favicon-32x32.jpg</url>
	<title>Ledi Shamku &#8211; JavaNews.al</title>
	<link>https://javanews.al</link>
	<width>32</width>
	<height>32</height>
</image> 
	<item>
		<title>Liu i Cakut dhe demostrata</title>
		<link>https://javanews.al/liu-i-cakut-dhe-demostrata/?utm_source=rss&#038;utm_medium=rss&#038;utm_campaign=liu-i-cakut-dhe-demostrata</link>
					<comments>https://javanews.al/liu-i-cakut-dhe-demostrata/#respond</comments>
		
		<dc:creator><![CDATA[Ledi Shamku]]></dc:creator>
		<pubDate>Mon, 18 Feb 2019 11:13:17 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">http://www.javanews.al/?p=681439</guid>

					<description><![CDATA[Nga Ledi Shamku Shkova sot me e gjerb nji kafe e nja dy hurba raki rrushsafì me Liun e Cakut. Kisha kohë pa e taku se, helbete, unë i kam vu “themrat ka mojat” si thotë Liu dhe ky s’do me mbajtë celular “t’natarrum” e nuk flas dot me te n viber o ku di [&#8230;]]]></description>
										<content:encoded><![CDATA[<p><strong>Nga Ledi Shamku</strong></p>
<p style="text-align: justify;">Shkova sot me e gjerb nji kafe e nja dy hurba raki rrushsafì me Liun e Cakut. Kisha kohë pa e taku se, helbete, unë i kam vu “themrat ka mojat” si thotë Liu dhe ky s’do me mbajtë celular “t’natarrum” e nuk flas dot me te n viber o ku di unë.</p>
<p style="text-align: justify;">Liut ja ka qejfi içik me u tall me t’gjithë, edhe me mu, pavarsisht se jena dora jonë, tironsa të dy e merrna vesh e n’fund merrna n’qafë (përkthej: përqafohemi). Po Liu nuk tallet dosido, jo mër jo! Si tirons k<span class="text_exposed_show">atërqindërhemsh, Liu ka ca lojna fjalësh me ju bo marak çdo gjuhëtar. </span></p>
<p style="text-align: justify;"><span class="text_exposed_show">Doli e m’priti sot aty ke avllia edhe hymë n’oborr: karriken per tavolinë ene shkomat (stolat) për karrike, ene: “Ja ke baba ‘ri goc se u bomë për t’u shkrujt me letra! (Liu s’di me shkru). </span></p>
<p style="text-align: justify;"><span class="text_exposed_show">E mora n’qafë edhe un dhe ja shtrum aty cipër shkomit e faqe dillit të dy.</span></p>
<div class="text_exposed_show">
<p style="text-align: justify;">Liu: &#8211; A t’ra siraja me e pa demostratën dje ër babë?<br />
Unë: &#8211; Protestën thu, babe?<br />
Liu: &#8211; Çëre proteste pash Zotin! Kjo kaptina ime m’thot qi me protestu osht me fol e me u hongër me llafe. Demostrata osht me huj! (edhe ktu, me kët dallim të hollë semantik jemi: 1 me 0 për Liun e më rroftë shkolla mu!).<br />
Liu (prapë): Lene mo, sa m’osht rrëmys ai Sala mo, i dor rob ishte bo, e mur m’qafë dera! Babe, mos qesh, për Zotin atij ja fiku derën dera!</p>
<p style="text-align: justify;">Unë qesh. Qesh me lojën e fjalëve: me ta fik derën dera. Po s’kam kuptu gjë akoma dhe e cys muhabetin.</p>
<p style="text-align: justify;">Unë: Babe, po nuk shkoi Sala ke dera. Ishin tjerë. E kush e prishi le ta majë babe se si thu ti s’bohet me “mshoja si n’mall t’senjefit”.<br />
Ai: Ori goc, a t’kena çu anej me na u ftillu a me na u letu? Dera qi s’ju thy po t’thomi, dera qi s’ju thy ja fiku derën Sal vorfnit! Ai kishte bo hesapin që dera do u thyjte, robt do hyjshin mrena, me vojgurna e me shkrepse mo, njato qi kishin mor me vete kastile. Ene do ja vejshin zjermin binosë qeverisë. Do detyroheshin polict me reagu se helbete i kishin hy mrena. E do bohej larg o Zot lufta modhe, ene sherrit nuk i dihet. Nji kto ishin llogaritë e atij t shkreti babe, po ka ta dite ai që nji derë xhomi paska qenë kalu derë kalaje paska qenë. Fut e bjer e veç ca cifla. Ene s’pat mo çëre me bo i shkumi kot, hec e hikim tha, ene i qajshin sytë mo! I pat mledh ata rob me i shti mrenë e masnej le t’i njelte kapili qeverisë. Po ja fiku derën dera që s’ju shem!!!</p>
<p style="text-align: justify;">Kisha ngri e rrisha tu e vrejtë Liun e Cakut. M’i kishte hap sytë me syqartësinë e mendjes së vet.</p>
<p style="text-align: justify;">Paskan kërku komën për gjemb dje domethënë. Veçse gjembi qenka kallxu i mençëm. Tashti që i ngeli çakmaku n’dorë, zjerm për zjerm, ka bërtit sot plak-vorfni me djeg mandatet&#8230;</p>
</div>
]]></content:encoded>
					
					<wfw:commentRss>https://javanews.al/liu-i-cakut-dhe-demostrata/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Një Shqipëri të Enverit, po pa Enver</title>
		<link>https://javanews.al/nje-shqiperi-te-enverit-po-pa-enver/?utm_source=rss&#038;utm_medium=rss&#038;utm_campaign=nje-shqiperi-te-enverit-po-pa-enver</link>
					<comments>https://javanews.al/nje-shqiperi-te-enverit-po-pa-enver/#respond</comments>
		
		<dc:creator><![CDATA[Ledi Shamku]]></dc:creator>
		<pubDate>Sat, 12 Jan 2019 13:45:32 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">http://www.javanews.al/?p=662975</guid>

					<description><![CDATA[Nga Ledi Shamku/ Përditë e më shumë bindem se ajo që njerëzit duan në Shqipëri ēshtë: NJË SHQIPËRI TË ENVERIT PO PA ENVER. &#x1f609; Hera e mbrame që e ndesha këtë dëshirë është te objeksioni: “Ndryshe nga sa pretendohet, Ligji e kufizon autonominë e Universiteteve pasi Bordet e Administrimit kryesohen nga Ministria, pra nga Shteti”. E para, [&#8230;]]]></description>
										<content:encoded><![CDATA[<p class="entry-title"><strong>Nga Ledi Shamku/</strong></p>
<p>Përditë e më shumë bindem se ajo që njerëzit duan në Shqipëri ēshtë: NJË SHQIPËRI TË ENVERIT PO PA ENVER. <img src="https://s.w.org/images/core/emoji/17.0.2/72x72/1f609.png" alt="😉" class="wp-smiley" style="height: 1em; max-height: 1em;" /> Hera e mbrame që e ndesha këtë dëshirë është te objeksioni: “Ndryshe nga sa pretendohet, Ligji e kufizon autonominë e Universiteteve pasi Bordet e Administrimit kryesohen nga Ministria, pra nga Shteti”.</p>
<p>E para, s’ka gjë më damtore se një e vërtetë e pjesshme e shitur si e plotë. Kjo është më keq se rrena. Ndaj le ta themi siç është: ka Fakultete në bordet e të cilave shumicën vendimmarrëse e ka Ministria dhe ka borde ku e kanë fakultetet vetë. C’përfaqësojnë këto dy ndarje? Shumicën e ka Ministria aty ku Fakulteti vetë nuk prodhon asgjë dhe pret si miturak çdo gjë nga shteti. Nuk është përfshirë në asnjë grant kërkimor europian (për të cilin shteti ka paguar që të hyjë), nuk ka ofruar asnjë ekspertizë me vlerë (për të cilen të shpërblehet). Me pak fjalë rri, shullehet në diell kur ka diell, dhe pret dy palë të ardhura: tarifat e studentëve dhe buxhetin e shtetit. Vetë, aha, asnjë lek! Lekë do ama, për rrogat e për makinat e rojet speciale.</p>
<p>Dhe sigurisht, madje SIGURISHT, që në të tilla raste Ministria detyrohet të marrë shumicën në bord për të parë e ndrequr dy gjëra: 1. Si përdoren paratë e buxhetit (a jeni n’vete?! Të jap çdo lek se ti s’ke takat dhe të mos shoh si i përdor paratë publike?!); dhe 2. Si mund të orientohen investimet që t’mos paguhen roje dhe BMW X6 për drejtuesit, por konferenca realisht ndërkombetare, ftesa profesorësh të shquar që të hyjnë në kontakt me studentëbe staf etj etj. Pra Ministria ka shumicën në ato borde ku Universiteti është Ulok, dhe pret t’ja sjellin ushqimin te goja e madje edhe t’ja kojnë….!</p>
<p>Dhe nuk e ka shumicën në ato pak raste e në ato pak universitete të cilat janë më të zonjat dhe përfshihen në sa më lart. Në ato borde shteti është në minorancë sa i takon vendimmarrjes.</p>
<p>THUAJINI GJËRAT SIÇ JANË. Këtë shpërndarje ka parasysh ligji. I cili po te zbatohet, bën punë!!! Unë sigurisht e di që nuk e bëni me qëllim këtë keqinformim. Thjesht e keni me t’nigjume, se në vendin tonë nuk lexon më kush, e në lexoftë, lexon NARÇIZISHT, pra për të gjetur vetëm argumenta pro ipso (për veten). Ka vdekur dyshimi pozitiv në vendin tonë, dhe vrastarja e këtij dyshimi është politika, e cila ka kohë që kërkon ushtarë, dhe bezdiset nga njerëzit që tentojnë të mendojnë. Kjo verbëri që vetë mbolli ka me ja ngrënë shpirtin politikës, se nuk u shpjegohet dot marshi atyre që i ke ushtruar veç në pilot automatik. Halli është shumë i madh!</p>
<p>Por duke u kthyer te situata e Universiteteve dhe jo vetëm, se kjo është mendësi mbarëshqipëritare: të dashur, ju doni një Shqipëri të Enverit, por pa Enver! Është e kobshme sa shumë e doni një Shqipëri të Enverit: t’jua gjejnë punën dhe sigurisht në shtet; t’ju mbajë shteti me lek e ju të pini birra me qofte te bar sahati; të bëni takime shkencore veç me të ngjashmit me ju dhe të mos pērballeni kurrë me “mendimin borgiezo-revizionisto-kapitalist”, etj etj etj.</p>
<p>Ju doni një Shqipëri të Enverit, po pa Enver ama. Ndajeni mendjen: o ndërroni llojin e Shqipërisë që doni, o pranoni Enverin! Kaq!</p>
]]></content:encoded>
					
					<wfw:commentRss>https://javanews.al/nje-shqiperi-te-enverit-po-pa-enver/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Doktoraturat, aty ma lidh gamorin!</title>
		<link>https://javanews.al/doktoraturat-aty-ma-lidh-gamorin/?utm_source=rss&#038;utm_medium=rss&#038;utm_campaign=doktoraturat-aty-ma-lidh-gamorin</link>
					<comments>https://javanews.al/doktoraturat-aty-ma-lidh-gamorin/#comments</comments>
		
		<dc:creator><![CDATA[Ledi Shamku]]></dc:creator>
		<pubDate>Wed, 19 Dec 2018 10:44:51 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">http://www.javanews.al/?p=652306</guid>

					<description><![CDATA[Nga Ledi Shamku/ Krejt të pabesueshëm, përvecse krejt të parashikueshëm e të paditur! Keni urth për shkencën, o opozitarë?! Vërtet?! E ka fajin ligji ë?! Kqyre kqyre! Domethënë ligji e ka fajin që në vendin tonë, timin dhe tuajin, titujt shkencorë janë bërë t’ia hedhësh qenit e të sheh shtrembër ë? Po mirë, a t’ju [&#8230;]]]></description>
										<content:encoded><![CDATA[<p><strong>Nga Ledi Shamku/</strong></p>
<p>Krejt të pabesueshëm, përvecse krejt të parashikueshëm e të paditur! Keni urth për shkencën, o opozitarë?! Vërtet?!</p>
<p>E ka fajin ligji ë?! Kqyre kqyre!</p>
<p>Domethënë ligji e ka fajin që në vendin tonë, timin dhe tuajin, titujt shkencorë janë bërë t’ia hedhësh qenit e të sheh shtrembër ë?</p>
<p>Po mirë, a t’ju ndërmend veç një fakt?</p>
<p>Kur dhe kush e shpalli vendimin se po të mbrosh masterin të shtohet rroga me 100 mijë lekë dhe po të mbrosh doktoraturën me 200 mijë e më?!</p>
<p>Ishte dhe para jush kjo shtesë rroge, por ishte vetëm (siç edhe ka sens) për personelin e Institucioneve Shkencore dhe Profesoratin Universitar.</p>
<p>Dhe kështu është në gjithë botën.</p>
<p>Këndej nga jam unë, doktoraturës i futen vetëm ata që duan të bëjnë karrierë akademike.</p>
<p>Dhe doktoratura mbetet vlerë e njëmendtë shkencore!</p>
<p>Juve ç’bëtë kur ishit të pushtetshëm dhe marshalla me oreks?</p>
<p>I vutë doktoraturës një çmim, një të ardhur prej 200 mijë lekë në muaj, të cilat “doktori” i merr paçka se ka doktoruar bie fjala për Pulari dhe punon në Zyrën e Gjendjes Civile (apo hajt, ju shihnit pula edhe te civilët thuaj!).</p>
<p>I dhatë asaj një çmim dhe i vodhët një vlerë!</p>
<p>E varrosët doktoraturën shqiptare dhe me të krejt kërkimin shkencor!</p>
<p>E bëtë treg, morët vesh?</p>
<p>TREG për dreqin privat dhe të birin publik!</p>
<p>”Hajt edhe nji se u mush!” – ja sistemi shkencor që “sistemuat” për të “sistemuar” sistematikët tuaj!</p>
<p>Nuk e dij kur do ta marrë veten, po injoranca juaj mban era kotec, sa herë i hapni “lesën” e ju dalin belbëzime për Dijen!</p>
]]></content:encoded>
					
					<wfw:commentRss>https://javanews.al/doktoraturat-aty-ma-lidh-gamorin/feed/</wfw:commentRss>
			<slash:comments>1</slash:comments>
		
		
			</item>
		<item>
		<title>Qetësoni titujt! Evropa nuk dridhet, as shkundet, prej bariut tonë</title>
		<link>https://javanews.al/qetesoni-titujt-evropa-nuk-dridhet-shkundet-prej-bariut-tone/?utm_source=rss&#038;utm_medium=rss&#038;utm_campaign=qetesoni-titujt-evropa-nuk-dridhet-shkundet-prej-bariut-tone</link>
					<comments>https://javanews.al/qetesoni-titujt-evropa-nuk-dridhet-shkundet-prej-bariut-tone/#respond</comments>
		
		<dc:creator><![CDATA[Ledi Shamku]]></dc:creator>
		<pubDate>Fri, 17 Nov 2017 08:36:08 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">http://www.javanews.al/?p=460393</guid>

					<description><![CDATA[Nga Ledi Shamku Portale që dridhin dhe shkundin! Titujt e portaleve që u referohen lajmeve që kanë lidhje me shqiptarët, shqipen ose shqiptarinë, meritojnë një studim të vërtetë antropologjko-kulturor (për të mos thënë edhe psikologjik). Titujt shpesh formulohen kështu: Tronditet Greqia… Alarmohen serbët…., Dridhet Beogradi…., Ngrihet në këmbë Athina…, Shkundet nga themelet historiografia botërore…., Mbeten [&#8230;]]]></description>
										<content:encoded><![CDATA[<p style="text-align: justify;"><strong>Nga Ledi Shamku</strong></p>
<p style="text-align: justify;">Portale që dridhin dhe shkundin!</p>
<p style="text-align: justify;">Titujt e portaleve që u referohen lajmeve që kanë lidhje me shqiptarët, shqipen ose shqiptarinë, meritojnë një studim të vërtetë antropologjko-kulturor (për të mos thënë edhe psikologjik).</p>
<p style="text-align: justify;">Titujt shpesh formulohen kështu: Tronditet Greqia… Alarmohen serbët…., Dridhet Beogradi…., Ngrihet në këmbë Athina…, Shkundet nga themelet historiografia botërore…., Mbeten pa gojë grekët… etj etj etj. Ti thua me vete: ç’bëri vaki? U gjet më në <span class="text_exposed_show">fund antropoidi që fliste pellazgjishto-ilirishto-shqip e që banonte njëherazi në Beograd, Athinë dhe Tiranë?! Në të vërtetë jo, asgjë e tillë. Ndonjë aktori i hamendësohet origjina shqiptare, ose historiografisë i është shtuar ndonjë hipotezë (po atë punë ka ajo, të hipotezohet <span class="_5mfr _47e3"><img decoding="async" class="img" role="presentation" src="https://www.facebook.com/images/emoji.php/v9/fce/1/16/1f600.png" alt="" width="16" height="16" /><span class="_7oe"><img src="https://s.w.org/images/core/emoji/17.0.2/72x72/1f600.png" alt="😀" class="wp-smiley" style="height: 1em; max-height: 1em;" /></span></span>).</span></p>
<div class="text_exposed_show">
<p style="text-align: justify;">Veçse këto tituj janë shenjë e keqe. Janë shenjë e një mendësie që ende nuk ka dalë nga bunkeri i vetërrethimit. Janë shenjë e një stadi ende fëminor të arsyes, dhe stadi fëminor dihet që është egocentrik, pandeh se bota rrotullohet për të dhe rreth tij.</p>
<p style="text-align: justify;">Këto tituj më kujtojnë një ngjarje që më pati kallxuar dikur Artan Lame: andej nga zonat e thella të Kolonjës, në kohën e Luftës kishte inkursione ajrore. Një bari sheh një kaçatorr që fluturon ulët e i tremb tufën, nxehet, mbush dyfekun edhe bamp – thes e në tokë kaçatorri me gjithë pilot italian. Fshati i bëri këngë bariut, dhe bëmën ia kallxoi gjatë e me breza. Në 1997 dogjëm vendin dhe erdhi bota të na shuante.</p>
<p style="text-align: justify;">Erdhën dhe ca ushtarakë të huaj andej nga fshati i bariut të Kolonjës. Bariu kuptohet kish rrojtur sa kish dashur, me famë e me bujë fshatçe dhe dikur kish ndërruar jetë. Por s’kish ndërruar jeta e mbyllur aty, ndaj me të parë ushtarët e huaj, ndonëse pas 60 e kusur vjetësh, dikush u zgjati kutinë e duhanit dhe i pyeti: Pa hë more djema, ç’thotë Evropi tani për bariun tonë?</p>
<p style="text-align: justify;">Të dashura portale, qetësoni titujt. Evropi nuk dridhet as shkundet prej bariut tonë. Jemi komb me fqinjë e me kushërinj, me dashuriçka e me hatëre si gjithë të tjerët. Kaq.</p>
<p style="text-align: justify;">Me shkencën ama e kemi disi keq punën.</p>
</div>
]]></content:encoded>
					
					<wfw:commentRss>https://javanews.al/qetesoni-titujt-evropa-nuk-dridhet-shkundet-prej-bariut-tone/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Kotzias foli me gjuhën e “naçuve”</title>
		<link>https://javanews.al/kotzias-foli-gjuhen-e-nacuve/?utm_source=rss&#038;utm_medium=rss&#038;utm_campaign=kotzias-foli-gjuhen-e-nacuve</link>
					<comments>https://javanews.al/kotzias-foli-gjuhen-e-nacuve/#respond</comments>
		
		<dc:creator><![CDATA[Ledi Shamku]]></dc:creator>
		<pubDate>Mon, 17 Oct 2016 09:44:46 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<category><![CDATA[KOtzias]]></category>
		<category><![CDATA[Ledi Shamku]]></category>
		<guid isPermaLink="false">http://javanews.al/?p=264535</guid>

					<description><![CDATA[Nga Ledi Shamku Nuk kam asgjë as kundër “naçuve” as kundër zhargonit të tyre. Aq më pak kundër zhargonit të cilin shpesh e studioj me qejf, për të parë si identifikohen në grup naçut me njëri-rjetrin përmes gjuhës. Pra e njoh. Dhe sapo dëgjova deklaratën (qesharake le të themi) të ministrit të Jashtëm grek Kotzias, [&#8230;]]]></description>
										<content:encoded><![CDATA[<p style="text-align: justify;"><strong>Nga Ledi Shamku</strong></p>
<p style="text-align: justify;">Nuk kam asgjë as kundër “naçuve” as kundër zhargonit të tyre. Aq më pak kundër zhargonit të cilin shpesh e studioj me qejf, për të parë si identifikohen në grup naçut me njëri-rjetrin përmes gjuhës. Pra e njoh.</p>
<p style="text-align: justify;">
<p style="text-align: justify;">Dhe sapo dëgjova deklaratën (qesharake le të themi) të ministrit të Jashtëm grek Kotzias, më kapi gazi. Kishte folur me gjuhë naçush, madje naçush adoleshentë, të cilëve sapo ka nisur t’u dirsë mustaqja, t’u trashet pak zëri e t’u plasë aty-këtu ndonjë akne puerile.</p>
<p style="text-align: justify;">
<p style="text-align: justify;">Dhe këta naçu adoleshentë, për të treguar forcën, thonë fillimisht: “Hej, hec ta folim iher se ti e di, babi im e rref babin tat!”. Fillimisht kjo, se pastaj më vonë, kur naçut bëhen mustaqellinj, masin forcën e vet e jo më atë të “plakut”.</p>
<p style="text-align: justify;">
<p style="text-align: justify;">E tillë ishte edhe deklarata e Kotzias: “Greqia ka buxhet, ka njerëz, ka ushtri më të madhe, ju ka në dorë emigrantët, pra babi grek versus babit shqiptar; prandaj hec ta folim ndryshe për çështjen çame”.</p>
<p style="text-align: justify;">
<p style="text-align: justify;">I habitshmi ministër, sa m’ke bo me qesh! – po ta kthej edhe unë me zhargon se ndoshta kët e kupton më mirë mqs e përdorke më shlirë (në vend të ligjërimit zyrtar diplomatik). Po t’kujtoj së pari që kur dy vendet janë anëtare të NATO-s, gjuha e naçuve s’të pi ujë mor mik!</p>
<p style="text-align: justify;">
<p style="text-align: justify;">Madje babi yt, po ta dojë vërtet të mirën ty, të merr tani mënjanë e të thotë: “Ça bo or çun se na flliqe!”. Madje po i sugjeroj babit tat të ta thotë Çamërisht, se ndoshta e kupton më mirë! Në greqisht, një këshillë e tillë s’dij sa do të të hynte në vesh!</p>
<p style="text-align: justify;">
<p style="text-align: justify;">Të fala nga Babi-dheu im, Shqipëria, zoti ministër! Kur të vish herës tjetër, mund të të bëj dhuratë ca leksione regjistrash gjuhësore. Leksionet e Diplomacisë do të të duhen ca më vonë, si të kesh kuptuar më parë këto të thjeshtat punë të gjuhës.</p>
]]></content:encoded>
					
					<wfw:commentRss>https://javanews.al/kotzias-foli-gjuhen-e-nacuve/feed/</wfw:commentRss>
			<slash:comments>0</slash:comments>
		
		
			</item>
	</channel>
</rss>
