<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:wfw="http://wellformedweb.org/CommentAPI/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	xmlns:slash="http://purl.org/rss/1.0/modules/slash/"
	>

<channel>
	<title>Flutura Açka &#8211; JavaNews.al</title>
	<atom:link href="https://javanews.al/author/fluturaaa/feed/" rel="self" type="application/rss+xml" />
	<link>https://javanews.al</link>
	<description></description>
	<lastBuildDate>Sat, 06 Sep 2025 07:53:15 +0000</lastBuildDate>
	<language>en-US</language>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	

<image>
	<url>https://javanews.al/wp-content/uploads/2024/12/cropped-cropped-favicon-32x32.jpg</url>
	<title>Flutura Açka &#8211; JavaNews.al</title>
	<link>https://javanews.al</link>
	<width>32</width>
	<height>32</height>
</image> 
	<item>
		<title>Për mikun tim, Marash, dhe për çdo balash… politik</title>
		<link>https://javanews.al/per-mikun-tim-marash-dhe-per-cdo-balash-politik/?utm_source=rss&#038;utm_medium=rss&#038;utm_campaign=per-mikun-tim-marash-dhe-per-cdo-balash-politik</link>
					<comments>https://javanews.al/per-mikun-tim-marash-dhe-per-cdo-balash-politik/#respond</comments>
		
		<dc:creator><![CDATA[Flutura Açka]]></dc:creator>
		<pubDate>Sat, 06 Sep 2025 07:55:17 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1729249</guid>

					<description><![CDATA[Nga Flutura Açka Në mbrëmjen e autografëve të librit tim “Para se të iki” kisha ftuar mes kolegëve parlamentarë edhe dy kundërshtarët politikë me të cilët kam debatuar më fort se me të tjerët. Si njeri, doja të mbetesha njeri, dhe é çmova shumë praninë e tyre. Meqenëse je shqetësuar që po iki, boto edhe [&#8230;]]]></description>
										<content:encoded><![CDATA[<p><strong>Nga Flutura Açka</strong></p>
<p>Në mbrëmjen e autografëve të librit tim “Para se të iki” kisha ftuar mes kolegëve parlamentarë edhe dy kundërshtarët politikë me të cilët kam debatuar më fort se me të tjerët. Si njeri, doja të mbetesha njeri, dhe é çmova shumë praninë e tyre.</p>
<p>Meqenëse je shqetësuar që po iki, boto edhe fotot me koleget e tjerë opozitarë të pranishëm:</p>
<p>Bujar Leskaj, Merita Bakiu, Ervin Salianji, Kreshnik Çollaku, Emilia Koliqi, Selaudin Jakupllari, Andia Ulliri.</p>
<p>Edhe nëse iki, po iki te letërsia ime që é lexojnë tash e 35 vjet me mijëra lexues.</p>
<p>Në mos ia dola të shkoj te letërsia, do të shkoj te stacioni i fundit, por do të shkoj me nder, jo kërpudhë nën ferrë.</p>
<p>Lektiaja jote e përsëritur mund të jetë personale, por sa kohë je ende këshilltar i Grupit Parlamentar të PD-së lexohet institucionale. Pra, një këshilltar i deputetëve të PD-së sulmon një deputete të PD-së.</p>
<p>Këtë merre si këshillë miqësore. Ose, ose, ktheu dhe lexoje prapë “Birin” që të kishte prekur dhe magjepsur dikur. Nga leximi i atij libri, shoesh bij plangprishësa, janë bërë më të mirë.</p>
<p>Harxhoje jetën për një vete të bukur! Është shumë é shkurtër për punë të mira dhe shumë e gjatë për ligësira. TEMA</p>
<p><img fetchpriority="high" decoding="async" class=" wp-image-1729250 aligncenter" src="https://javanews.al/wp-content/uploads/2025/09/640-0-1757142710xscreenshot-20250906-090953-facebook-184-300x291.jpg" alt="" width="484" height="470" srcset="https://javanews.al/wp-content/uploads/2025/09/640-0-1757142710xscreenshot-20250906-090953-facebook-184-300x291.jpg 300w, https://javanews.al/wp-content/uploads/2025/09/640-0-1757142710xscreenshot-20250906-090953-facebook-184.jpg 640w" sizes="(max-width: 484px) 100vw, 484px" /></p>
]]></content:encoded>
					
					<wfw:commentRss>https://javanews.al/per-mikun-tim-marash-dhe-per-cdo-balash-politik/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Për vajzat e medias shqiptare dhe ca…. burrashë</title>
		<link>https://javanews.al/per-vajzat-e-medias-shqiptare-dhe-ca-burrashe/?utm_source=rss&#038;utm_medium=rss&#038;utm_campaign=per-vajzat-e-medias-shqiptare-dhe-ca-burrashe</link>
					<comments>https://javanews.al/per-vajzat-e-medias-shqiptare-dhe-ca-burrashe/#respond</comments>
		
		<dc:creator><![CDATA[Flutura Açka]]></dc:creator>
		<pubDate>Sat, 15 Aug 2020 08:14:16 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=919360</guid>

					<description><![CDATA[Nga Flutura Açka Po të mos ishit ju të gjitha, vajzat e mençura, të hijshme e kurajoze të medias shqiptare, ne do të ishim akoma me lot e qyrre duke parë “Shamikuqja”. Ju keni qenë pjesë e një emancipimi të madh shoqëror dhe të kurajës për fjalën e lirë. Dhe mos prisni nderim nga kërriçër [&#8230;]]]></description>
										<content:encoded><![CDATA[<header class="entry-header">
<h1 class="entry-title"><strong style="color: #333333; font-size: 15px;">Nga Flutura Açka</strong></h1>
</header>
<div id="entry_content_paragraphs" class="entry-content">
<p>Po të mos ishit ju të gjitha, vajzat e mençura, të hijshme e kurajoze të medias shqiptare, ne do të ishim akoma me lot e qyrre duke parë “Shamikuqja”.</p>
<p>Ju keni qenë pjesë e një emancipimi të madh shoqëror dhe të kurajës për fjalën e lirë. Dhe mos prisni nderim nga kërriçër politikë.</p>
<p>Ata, si seksistë të rafinuar që janë, duke u fshehur pas shpurës së vajzukeve që iu bën fresk, janë mësuar të ecin në bulevarde të florinjtë me një pjese të “çunave të medias”, ndaj nuk ju durojnë dot.</p>
<p>Këta të tillë, ngaqë janë mësuar vetëm të uzurpojnë, nuk e kuptojnë se betejën nuk e kanë me ju, por me të Vërtetën.</p>
<p>Dhe sa për ca burrashë të medias që ju gjuajnë shpesh, ata janë në fakt dorëzanët e të pafeve të politikës, kur duhet të ishin mbështetësit tuaj.</p>
<p>E them nga pëvoja ime prej qershorit të vitit 2014.</p>
<p>Përveç një pjese të tyre që janë në skalionin tuaj të së vërtetës, djem për të cilët kan nderim të madh, të tjerët, ngaqë e kanë alergji dushin, i mbajnë duart në xhepa… dhe dihet përse.</p>
</div>
]]></content:encoded>
					
					<wfw:commentRss>https://javanews.al/per-vajzat-e-medias-shqiptare-dhe-ca-burrashe/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Monologu i Skënderbeut në passhpinë</title>
		<link>https://javanews.al/monologu-skenderbeut-ne-passhpine/?utm_source=rss&#038;utm_medium=rss&#038;utm_campaign=monologu-skenderbeut-ne-passhpine</link>
					<comments>https://javanews.al/monologu-skenderbeut-ne-passhpine/#respond</comments>
		
		<dc:creator><![CDATA[Flutura Açka]]></dc:creator>
		<pubDate>Wed, 29 Nov 2017 13:46:20 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">http://www.javanews.al/?p=466578</guid>

					<description><![CDATA[Nga Flutura Açka Monologu i Skënderbeut në passhpinë: “Ah, sikur në vend të robve të kishte vetëm flamurë në radhë para meje! Por ç’e do, në kohët e reja, prej akrobacive politike, i janë ngatërruar zorrët Atdheut, nuk e di i mjeri më ku e ka kokën, e ku i ka këmbët. Duartrokit, moj elitë [&#8230;]]]></description>
										<content:encoded><![CDATA[<p style="text-align: justify;"><strong>Nga Flutura Açka</strong></p>
<p style="text-align: justify;">Monologu i Skënderbeut në passhpinë:</p>
<p style="text-align: justify;">“Ah, sikur në vend të robve të kishte vetëm flamurë në radhë para meje!</p>
<p style="text-align: justify;">Por ç’e do, në kohët e reja, prej akrobacive politike, i janë ngatërruar zorrët Atdheut, nuk e di i mjeri më ku e ka kokën, e ku i ka këmbët.</p>
<p style="text-align: justify;">Duartrokit, moj elitë hipokrite!</p>
<p style="text-align: justify;">– Valbona e shkaterruar</p>
<p style="text-align: justify;">– Vjosa e kërcënuar</p>
<p style="text-align: justify;">– Llogaraja e gërryer</p>
<p style="text-align: justify;">– Tomorri i sakatuar</p>
<p style="text-align: justify;">– Tirana e betonuar</p>
<p style="text-align: justify;">– Puset e matrikulluar</p>
<p style="text-align: justify;">– Kanabisi i çertifikuar</p>
<p style="text-align: justify;">– Media e parcelizuar</p>
<p style="text-align: justify;">– Çmimet të globalizuar</p>
<p style="text-align: justify;">– Leku i diskretituar</p>
<p style="text-align: justify;">– Bankat akaparuar</p>
<p style="text-align: justify;">– Spiunët të nderuar</p>
<p style="text-align: justify;">– Diktatura e rehabilituar</p>
<p style="text-align: justify;">– Populli i duruar</p>
<p style="text-align: justify;">Uh… paska shumë. Mbaroi dhe ceremonia, të tjerat i dini vetë, o shqiptarë! I juaji, Skënderbeu!”</p>
]]></content:encoded>
					
					<wfw:commentRss>https://javanews.al/monologu-skenderbeut-ne-passhpine/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Baladë për gruan e mirë, që dinte vetëm të punonte, jo të shitej!</title>
		<link>https://javanews.al/balade-per-gruan-e-mire-qe-dinte-vetem-te-punonte-jo-te-shitej/?utm_source=rss&#038;utm_medium=rss&#038;utm_campaign=balade-per-gruan-e-mire-qe-dinte-vetem-te-punonte-jo-te-shitej</link>
					<comments>https://javanews.al/balade-per-gruan-e-mire-qe-dinte-vetem-te-punonte-jo-te-shitej/#respond</comments>
		
		<dc:creator><![CDATA[Flutura Açka]]></dc:creator>
		<pubDate>Fri, 25 Aug 2017 08:16:45 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">http://www.javanews.al/?p=417811</guid>

					<description><![CDATA[Nga Flutura Açka Ishte natë e vonë mbrëmë, kur mora lajmin e hidhur për ty, Arlindë, dhe ngaqë jam mësuar të të gjej gjithmonë kah drita, nuk desha të shkruaja natën. Edhe më vonë, një mesazh i shkurtër i tët bije nëpër natë, thirrja e fikur e saj “Ah, ç’ë bëri!”, m’i bëjnë edhe më [&#8230;]]]></description>
										<content:encoded><![CDATA[<p style="text-align: justify;"><strong>Nga Flutura Açka</strong></p>
<p style="text-align: justify;">Ishte natë e vonë mbrëmë, kur mora lajmin e hidhur për ty, Arlindë, dhe ngaqë jam mësuar të të gjej gjithmonë kah drita, nuk desha të shkruaja natën.</p>
<p style="text-align: justify;">Edhe më vonë, një mesazh i shkurtër i tët bije nëpër natë, thirrja e fikur e saj “Ah, ç’ë bëri!”, m’i bëjnë edhe më të vështirë këto rreshta.</p>
<p style="text-align: justify;">Liria për të cilën ke shkruar shpesh edhe ti, liria për të cilën ke luftuar edhe ti, nuk më jep të drejtën të të gjykoj në vendimin tënd, por të gjykoj një Shqipëri<span class="text_exposed_show"> që ka ajër gjithnjë e më pak për gra si ti.</span></p>
<p style="text-align: justify;"><span class="text_exposed_show">Nëpër median shqiptare, ku je vërtitur shpesh mes pasionit dhe pasigurisë, këmbënguljes dhe drojës, dashurisë dhe hezitimit, ti ishe një specie e veçantë, ti dije vetëm të punoje, jo të shiteshe.</span></p>
<p style="text-align: justify;"><span class="text_exposed_show">Ka plot gra si ty, por kemi nevojë t’i njohim, sepse ato kurrë nuk bërtasin, ato vetem i japim Shqipërisë dhe kurrë nuk i marrin.</span></p>
<p style="text-align: justify;"><span class="text_exposed_show">Ty kurrë nuk të vinin ftesa për koktejle ministrore, për shëtitje turistike shoqëruese të tipit escort girl, nuk psherëtive kurrë për ndonjë çantë Hermes, as nuk u ankove se Tirana t’I thyente këmbë për të mbijetuar tu dhe familja jote, nuk bëre zhurmë kurrë për romanet e tu, edhe pse ishte një vajzë e talentuar, që nuk pati kohë – prej kësaj jete që po shpjegoj – as t’i ribotonte, nuk u përqave kurrë edhe pse e dite bukur mire se sa e vështirë është të rezistosh e papërlyer në kohë si tonat.</span></p>
<p style="text-align: justify;"><span class="text_exposed_show">Ti dije të falje bujarisht, aq sa ndonjëherë kam mendur se kjo ishte një e “metë” e jotja. E lumja ti!</span></p>
<p style="text-align: justify;"><span class="text_exposed_show">Por si ia dole e vetme, e pandotur, pritëse, përjetësisht e qeshur, pranuese, e pafjalë, e painat, e pamërzi, që të mbetesh ti, vetvetja, në kohën e tjetërsimit të madh që jetojmë?</span></p>
<p style="text-align: justify;"><span class="text_exposed_show">Gati pesëmbëdhjetë vjet të shkuara, kur botuam bashkë romanin tënd të parë “Dashuri bjonde”, që u shit marramendthi, kemi qeshur shumë me faktin se do ta çudisnim dynjanë me titullin.</span></p>
<p style="text-align: justify;"><span class="text_exposed_show">Disa herë pata këmbëngulur ta merrje seriozisht talentin tënd, por ti nuk kishe kohë për të, nuk të tepruan kurrë minuta të mendoje për të.</span></p>
<p style="text-align: justify;"><span class="text_exposed_show">Ti, takëngrëna nga vrapi, ti mirësia Arlindë, je në paqen tënde tani, atje ku as moti, as stina, as koha, as fryma, as paraja nuk bëjnë sens, dhe mbase qesh me baladat e të gjallëve që kanë vendosur të vazhdojnë.</span></p>
<p style="text-align: justify;"><span class="text_exposed_show">Por ata duhet të vazhdojnë, për të bërë një mjedis ku Arlindat të mos ndjehen të vetmuara, dhe ku bijat dhe bijtë e Arlindjave të mos ndjehen të braktisur nga fati, dhe shoqëria. Pushofsh në paqe!</span></p>
]]></content:encoded>
					
					<wfw:commentRss>https://javanews.al/balade-per-gruan-e-mire-qe-dinte-vetem-te-punonte-jo-te-shitej/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Humbësi? Prapë populli…</title>
		<link>https://javanews.al/humbesi-prape-populli/?utm_source=rss&#038;utm_medium=rss&#038;utm_campaign=humbesi-prape-populli</link>
					<comments>https://javanews.al/humbesi-prape-populli/#respond</comments>
		
		<dc:creator><![CDATA[Flutura Açka]]></dc:creator>
		<pubDate>Sun, 20 Aug 2017 13:33:06 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">http://www.javanews.al/?p=415509</guid>

					<description><![CDATA[Nga Flutura Açka Sonte në radion holandeze do të ketë një bisedë enkas për rivendosjen e regjimit të vizave për shqiptarët. Edhe pse vetëm në projekt – me shpresën se Gjermania do ta refuzojë kategorikisht – ky lajm është më i trishti që shqiptarët mund te merrnin sot. Tani janë në plazhe, kur të freskohet [&#8230;]]]></description>
										<content:encoded><![CDATA[<p style="text-align: justify;"><strong>Nga Flutura Açka</strong></p>
<p style="text-align: justify;">Sonte në radion holandeze do të ketë një bisedë enkas për rivendosjen e regjimit të vizave për shqiptarët. Edhe pse vetëm në projekt – me shpresën se Gjermania do ta refuzojë kategorikisht – ky lajm është më i trishti që shqiptarët mund te merrnin sot.</p>
<p style="text-align: justify;">Tani janë në plazhe, kur të freskohet mbase do ta kuptojnë rrëmetin që po vjen. Tani, njerëzit e thjeshtë, ata që duan të vizitojnë fëmijët e tyre jashtë vendit dhe të tjerë që prej kohësh ndihen qytet<span class="text_exposed_show">arë të lirë të kësaj Europe, do të rrojnë me frikën e kthimit të radhëve në spoertelet e ambasadave. Për një vizë!<br />
</span></p>
<p style="text-align: justify;"><span class="text_exposed_show">Një turp kombëtar shqiptar, mjaft që është ideuar diku! Fajin nuk e ka Holanda që është bërë def nga kriminelët shqiptarë me dhe pa pushtet. A ka njeri përgjegjësi, a di të bëjë njeri ndjesë për këtë.</span></p>
<p style="text-align: justify;"><span class="text_exposed_show">A ka ndokush ndonjë keqardhje, ndonjë pendesë për këtë? Jo, absolutisht jo, sepse, në fund të fundit, populli do ta vuajë, jo pasaportat diplomatike, jo pasaportat e shërbimit, jo pasaportat e falsifikuara të kriminelëve, as pasaportat e garantuara të polit-kriminelëve. Populli do të jetë prapë humbësi… dhe populli e di arsyen.<br />
</span></p>
<p style="text-align: justify;"><span class="text_exposed_show">KANABISGATE po na i mbyll edhe dyert e fundit me Europën. Është përsheshi që gatuam vetë, që e kthyem Shqipërinë në fillim në Lazarat e pastaj në Gjitharat!</span></p>
<p style="text-align: justify;"><span class="text_exposed_show">Kur u shpreha një herë tejet e shqetësuar në një program televiziv për kanabizimin e plotë të vendit dhe pasojat që do të sillte, një zëdhënëse e politikës, u çorr publikisht duke më fyer e duke më shpjeguar se e kisha gabim dhe se në Holand lejohej të mbillje canabis sativa.</span></p>
<p style="text-align: justify;"><span class="text_exposed_show">Po lejohet. Sa do të doja ta kisha tani përballë e ta pyesja se ç’mendonte sot kur Shqipëria kërcënohet nga regjimi i vizave, prej të cilit shqiptarët pandehën se kishin shpëtuar?<br />
</span></p>
<p style="text-align: justify;"><span class="text_exposed_show">Holanda po, lejon pesë rrënjë për shtëpi, por jo 5 milion rrrënjë për qeveri. Akrepat e orës shqiptare janë kthyer në kundërkohë. Bravo, hë duartrokisni në teatrin e madh të turpërimit kombëtar:</span></p>
<div class="text_exposed_show">
<p style="text-align: justify;">Zgjedhjet…</p>
<p style="text-align: justify;">Zjarret…</p>
<p style="text-align: justify;">Vetingu cung…</p>
<p style="text-align: justify;">Liria në hekura..</p>
<p style="text-align: justify;">Kriminelët në rrugë…</p>
<p style="text-align: justify;">Media në “burg”…</p>
<p style="text-align: justify;">Vizat e lejëkalimet… në fund.</p>
<p style="text-align: justify;">Zot, ruaji shqiptarët nga bastardët qe u ranë për hise, se veten nuk e ruajtën dot…</p>
</div>
]]></content:encoded>
					
					<wfw:commentRss>https://javanews.al/humbesi-prape-populli/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Për lehësit, me dhe pa pagesë</title>
		<link>https://javanews.al/per-lehesit-dhe-pa-pagese/?utm_source=rss&#038;utm_medium=rss&#038;utm_campaign=per-lehesit-dhe-pa-pagese</link>
					<comments>https://javanews.al/per-lehesit-dhe-pa-pagese/#comments</comments>
		
		<dc:creator><![CDATA[Flutura Açka]]></dc:creator>
		<pubDate>Thu, 23 Mar 2017 09:38:44 +0000</pubDate>
				<category><![CDATA[Opinion]]></category>
		<guid isPermaLink="false">http://www.javanews.al/?p=344961</guid>

					<description><![CDATA[Nga Flutura Açka Një shënim i im e djeshëm mbi intervistën e fundit televizive të kryeministrit tonë në News 24, mori shumë reagime, dhe mes tyre pati njerëz që nuk ishin dakort me idenë time, me të gjithë të drejtën e mendimit të tyre ndryshe nga imi. Por nuk munguan as lehësa, në postën e [&#8230;]]]></description>
										<content:encoded><![CDATA[<p style="text-align: justify;"><strong>Nga Flutura Açka</strong></p>
<p style="text-align: justify;">Një shënim i im e djeshëm mbi intervistën e fundit televizive të kryeministrit tonë në News 24, mori shumë reagime, dhe mes tyre pati njerëz që nuk ishin dakort me idenë time, me të gjithë të drejtën e mendimit të tyre ndryshe nga imi. Por nuk munguan as lehësa, në postën e fshehur veçmas, që vetëm fyejnë pa ndonjë argument, por prej militantizmit të tyre të kuptueshëm, por të papranueshëm në raport me mua. Që FaceBook është një gjyryk për lehësa të tillë, kjo dihet dhe mbase nuk do të gjendet ndonjëherë ndonjë mundësi për të patur imunitet ndaj tyre, edhe kjo është e qartë, veçmas në një vend të polarizuar politikisht si ynë, vepra më e madhe e partive tona. Dua vetëm t’u sjell në kujtesë një fakt të thjeshtë, që shpjegon mbase edhe pozicionin tim ‘politik’.</p>
<p style="text-align: justify;">Në vigjilje të pranverës së vitit 2013, pra mu në prag të zgjedhjeve të përgjithshme botova romanin tim të radhës “Kukullat nuk kanë Atdhe”, që jashtë modestisë u lexua si trakt mbase nga mijëra vetë. Ai libër është kryekeput kundër pushtetit që qeveriste atë kohë Shqipërinë dhe një lexues i thjeshtë që e lexonte atë libër, nuk besoj se mund të votonte për ministrat e korruptuar të PD-së së asaj kohe (të kuptohemi, ata që ishin të korruptuar). Natyrisht që është roman, por janë 500 faqe kundër PD-LSI-së së asaj kohe, që në substancë mund ta lexosh edhe si libër kundër Sali Berishës, që do të thotë vota te pastra për Edi Ramën e asaj kohe. Ndaj jam e detyruar të pohoj se është PS dhe Edi Rama në borxh të madh tek unë, dhe jo e kundërta, edhe pse për këtë “shërbim” të pavullnetshëm që ka ardhur nga fiksioni që kam shkruar, kam marrë dhurata shumë të hidhura prej tyre. Fatkeqësisht!</p>
<p style="text-align: justify;">Kështu që i rekomandoj çfarëdo lehësi, me ose pa pagesë, i futur qëllimshëm ose naivisht, ta lexojë këtë libër e ta kuptojë se unë jam në opozitë me pushtetet, kurdo qofshin ato, kushdo që t’i drejtojë ato, sa kohë mendoj se ka vend për opozitë, dhe kjo nuk është një opozitë e politikës (me të cilën deri në këtë çast që po flasim nuk kam patur kurrë lidhje), por opozitë e një njeriu që në ndërgjegjjen e vet, dhe që ka një medium me të cilin mund ta shpallë zërin e vet, të thotë fjalën e duhur në kohën e duhur. Kjo nuk e mohon faktin që mund të ketë patur raste ku edhe mund të kem gabuar në gjykimin tim, por fjalët e mia nuk ndikojnë në fatin e askujt, kështu që qari dhe qederi janë të miat.</p>
<p style="text-align: justify;">Pra me Sali Berishën unë e kam mbyllur opozitën në vitin 2013 me ato 500 faqe, ndaj nuk e ndjek më tani, nëse ndonjë ide e imja rezonon me të tijën, duhet të jetë në fakt një alarm. Pra, unë nuk merrem me Sali Berishën, por nuk di pse merreni ju, madje nuk e di pse merret Sali Berisha me Sali Berishën vetë. Të isha në vend të tij, unë do të isha duke shkruar ditarë tani.</p>
<p style="text-align: justify;">Sa për çadrën që më përmendi dikush, dje konstatova një gjë shumë të rëndësishme, dhe që në vetvete më qetësoi shumë. Unë kam shkruar edhe më parë shënime kinse të forta, siç dimë ne ti lexojmë me kotësitë tona politike gjërat, por asnjëherë nuk kanë patur reagime si ai i djeshmi. Çadra, të paktën, vrau frikën. Edhe për kaq ka nderimin tim, të tjerat pastaj janë gjëra të politikës, le të merret ajo. Unë e kam një të dashur, librin, dhe ai me posedon mjaftueshëm.</p>
]]></content:encoded>
					
					<wfw:commentRss>https://javanews.al/per-lehesit-dhe-pa-pagese/feed/</wfw:commentRss>
			<slash:comments>1</slash:comments>
		
		
			</item>
	</channel>
</rss>
