<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:wfw="http://wellformedweb.org/CommentAPI/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	xmlns:slash="http://purl.org/rss/1.0/modules/slash/"
	>

<channel>
	<title>Fatmir Xhafaj &#8211; JavaNews.al</title>
	<atom:link href="https://javanews.al/author/fatmirxhaf/feed/" rel="self" type="application/rss+xml" />
	<link>https://javanews.al</link>
	<description></description>
	<lastBuildDate>Wed, 04 Feb 2026 18:39:26 +0000</lastBuildDate>
	<language>en-US</language>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	

<image>
	<url>https://javanews.al/wp-content/uploads/2024/12/cropped-cropped-favicon-32x32.jpg</url>
	<title>Fatmir Xhafaj &#8211; JavaNews.al</title>
	<link>https://javanews.al</link>
	<width>32</width>
	<height>32</height>
</image> 
	<item>
		<title>Kuvendi ushtron rol kushtetues, jo ndërhyrës ndaj institucioneve të pavarura</title>
		<link>https://javanews.al/kuvendi-ushtron-rol-kushtetues-jo-nderhyres-ndaj-institucioneve-te-pavarura/?utm_source=rss&#038;utm_medium=rss&#038;utm_campaign=kuvendi-ushtron-rol-kushtetues-jo-nderhyres-ndaj-institucioneve-te-pavarura</link>
					<comments>https://javanews.al/kuvendi-ushtron-rol-kushtetues-jo-nderhyres-ndaj-institucioneve-te-pavarura/#respond</comments>
		
		<dc:creator><![CDATA[Fatmir Xhafaj]]></dc:creator>
		<pubDate>Wed, 04 Feb 2026 18:39:51 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1793883</guid>

					<description><![CDATA[Nga Fatmir Xhafaj Më lejoni të ndaj me ju në fund të kësaj mbledhje, për transparencë dhe informim të publikut, një qëndrim të Komisionit lidhur me disa nga iniciativat dhe vendimet që janë ndërmarrë nga ana jonë të dakortësuara në unanimitet nga të gjithë anëtarët e këtij Komisioni. Ngjarja në gjykatën e Apelit të juridiksionit [&#8230;]]]></description>
										<content:encoded><![CDATA[<p><strong>Nga Fatmir Xhafaj</strong></p>
<p>Më lejoni të ndaj me ju në fund të kësaj mbledhje, për transparencë dhe informim të publikut, një qëndrim të Komisionit lidhur me disa nga iniciativat dhe vendimet që janë ndërmarrë nga ana jonë të dakortësuara në unanimitet nga të gjithë anëtarët e këtij Komisioni. </p>
<p>Ngjarja në gjykatën e Apelit të juridiksionit të përgjithshëm, ishte një ngjarje e rëndë e cila solli si pasojë marrjen e jetës së gjyqtarit të ndjerë Kalaja, një ngjarje me reflektime të gjithanshme e cila kërkon dhe vendos në përgjegjësi politikbërëse dhe institucionale një sërë institucionesh duke përfshirë edhe Kuvendin për të ndërmarrë një reagim të koordinuar institucional. Përtej reagimeve publike, nevoja sot është jo thjesht për të gjetur përgjegjësit, por për të parandaluar ngjarje të cilat cënojnë jetën e magjistratëve, të stafeve gjyqësore dhe prokuroriale si dhe jetën e qytetarëve në ambjentet e institucioneve të drejtësisë, të cilat përbëjnë një cënim të sigurisë së sistemit gjyqësor por edhe më tepër se kaq godasin besimin publik tek shteti ligjor. </p>
<p>Thënë këtë, më lejoni të informoj publikisht se siç rezultoj edhe nga seanca e sotme dëgjimore, KLGJ i është drejtuar Kuvendit dhe ka kërkuar ndërhyrjen urgjente ndërinstitucionale për garantimin e sigurisë në gjykata. Në shkresën e saj ka kërkuar konkretisht ndërhyrje urgjente për realizimin e disa masave që lidhen me cilësinë dhe rritjen në numër të personelit të sigurisë në gjykata, mbështetje buxhetore dhe përmirësim të infrastrukturës së sigurisë, rishikimi i kuadrit ligjor dhe nënligjor që rregullon sigurinë në gjykata, përcaktimin qartë të kompetencave, institucioneve, aspekteve buxhetore, etj. Në këtë frymë është edhe Deklarata e gjyqtarëve që i është drejtuar Kuvendit me kërkesën për veprim dhe bashkërendim institucional.</p>
<p>Në përputhje me parashikimet ligjore të Rregullores së Kuvendit, Komisioni ka pranuar dhe shqyrtuar kërkesën e KLGJ-së dhe në mbledhjen e datës 19.01.2026 pas diskutimeve dhe sugjerimeve të deputetëve si të maxhorancës dhe të opozitës të këtij Komisioni, ka miratuar unanimisht zhvillimin e vizitave monitoruese në disa gjykata të parashikuara në dokumentin e miratuar po në këtë mbledhje “Plani i punës në kuadër të kërkesës së KLGJ-së për sigurinë në gjykata” ashtu si dhe ka miratuar relatorët përkatës.</p>
<p>Komisioni për Nismat Qytetare, Bashkëpunimin dhe Mbikëqyrjen Institucionale, në vijim të ushtrimit të rolit të tij kushtetues dhe në zbatim të dokumentit parlamentar “Planin e punës në kuadër të kërkesës së KLGJ-së për sigurinë në gjykata”, gjatë dy javëve të fundit ka zhvilluar vizita pune në disa institucione drejtuese të sistemit të drejtësisë (KLGJ, KLP, Prokurori e Përgjithshme) dhe të ekzekutivit (MD) si dhe në 16 gjykata e prokurori të rretheve gjyqësore, me qëllim njohjen nga afër me kushtet konkrete të funksionimit dhe sfidat e evidentuara në këtë fushë me rëndësi për mirëfunksionimin e sistemit të drejtësisë. </p>
<p>Gjatë takimeve, anëtarët e Komisionit janë njohur me një sërë çështjesh dhe problematikash që lidhen me infrastrukturën e godinave gjyqësore, masat e sigurisë fizike, organizimin e hapësirave të punës dhe nivelin e ngarkesës së çështjeve, elemente që ndikojnë drejtpërdrejt në funksionimin e përditshëm të institucioneve dhe në cilësinë e shërbimit ndaj qytetarëve. </p>
<p>Përfaqësuesit e institucioneve kanë ndarë në mënyrë të hapur shqetësimet dhe vlerësimet e tyre, duke ofruar një pasqyrë të qartë të nevojave dhe prioriteteve për ndërhyrje, në funksion të garantimit të kushteve të përshtatshme dhe të sigurta për ushtrimin e veprimtarisë gjyqësore e hetimore.</p>
<p>Këto vizita janë konceptuar dhe realizuar si pjesë e një qasjeje të strukturuar dialoguese dhe bashkëpunuese, por edhe si një përgjegjësi e përbashkët ndërinstitucionale për adresimin e problematikave të sigurisë së gjykatave dhe cilësisë së shërbimit të drejtësisë ndaj publikut, në funksion të forcimit të shtetit të së drejtës, konsolidimit të besimit publik dhe mbështetjes së përpjekjeve institucionale për përmbushjen e standardeve evropiane në fushën e sigurisë dhe administrimit të drejtësisë.</p>
<p>Komisioni shpreh vlerësimin e tij për bashkëpunimin institucional të treguar nga drejtuesit dhe stafet e institucioneve në të cilat u realizuan vizitat nga anëtarët e Komisionit. Ashtu si dhe vlerëson gadishmërinë e tyre për bashkëpunim dhe dialog të hapur institucional si element thelbësor për ndërtimin e një qasjeje të përbashkët ndaj sfidave të evidentuara dhe për hartimin e politikave dhe masave që i shërbejnë interesit publik dhe forcimit të shtetit të së drejtës.</p>
<p>Komisioni do të vijojë shqyrtimin parlamentar të kërkesës së Këshillit të Lartë Gjyqësor dhe të informacionit të përcjellë nga institucionet përgjegjëse, në funksion të vlerësimit të nevojave dhe përcaktimit të formave më të përshtatshme të mbështetjes, përfshirë edhe përmes diskutimeve dhe seancave dëgjimore në Komision.</p>
<p>Në vijim të këtij procesi, pas zhvillimit të seancave dëgjimore në Komision me institucionet përgjegjëse, parashikohet organizimi i një tryeze të përbashkët dialogimi ndërinstitucional, me pjesëmarrjen e aktorëve kryesorë të sistemit të drejtësisë, ekzekutivit dhe Kuvendit, me qëllim thellimin e diskutimit dhe ndërtimin e një qasjeje të koordinuar për adresimin e çështjeve të sigurisë në gjykata. </p>
<p>Në përfundim, Komisioni synon të paraqesë dhe miratojë një rezolutë parlamentare, në të cilën do të parashikohen masa konkrete që duhen ndërmarrë nga Kuvendi dhe pushteti ekzekutiv si dhe rekomandime për institucionet e pushtetit gjyqësor.</p>
<p>=</p>
<p>Gjithashtu, bëj me dije për publikun se gjithashtu Komisioni ka vendosur unanimisht në mbledhjen e datës 11.12.2025 të trajtojë kërkesën e Agjencisë e Inteligjencës Financiare (AIF) të përcjellë për trajtim, lidhur me bashkërendimin e kontributeve të institucioneve të pavarura, kushtetuese për përmbushjen e standardeve të Bashkimit Evropian dhe rekomandimeve të FATF-së, në fushën e parandalimit të pastrimit të parave, financimit të terrorizmit dhe financimit të armëve të dëmtimit në masë. </p>
<p>Bazuar në parashikimet e Rregullores së Kuvendit për veprimtarinë e Komisioneve parlamentare, në këtë mbledhje është miratuar plani i punës për trajtimin e kërkesës së AIF për parandalimin e pastrimit të parave, duke parashikuar marrjen e informacionit nga institucionet përgjegjëse si dhe kryerjen e vizitave pranë këtyre institucioneve me qëllim njohjen më mirë të situatës konkrete, ecurinë e realizimi të detyrimeve institucionale, dialogun ndërinstitucional për arritjet dhe problematikat si parapërgatitje të seancës dëgjimore si dhe raportit e rezolutës që do të rrjedh prej saj. </p>
<p>= =</p>
<p>Shqipëria është Republikë parlamentare. Kushtetuta i ka përcaktuar një rol të vecantë Kuvendit dhe deputetëve si përfaqësues të vullnetit të popullit. Kuvendi në ushtrimin e kompetencave të tij kushtetuese të ligjvënies dhe kontrollit parlamentar, shërben edhe si hapësirë e dialogut institucional, ku ndërtohet mirëkuptimi ndërmjet pushteteve dhe konsolidohet kultura e bashkëpunimit ndërinstitucional. </p>
<p>Normat dhe praktikat parlamentare nuk e shohin kurrësesi funksionin kushtetues të mbikqyrjes parlamentare si monitorim të institucioneve të pavarura e sidomos ndaj veprimtarisë së tyre dhe nuk kanë aspak karakter ndërhyrës apo vlerësues mbi çështje konkrete të cdo natyre qofshin. </p>
<p>Vizitat monitoruese janë një praktikë e konsoliduar parlamentare edhe gjatë legjislaturës së kaluar, e parashikuar në rregulloren e Kuvendit si dhe bazuar në Manualin e Monitorimit Periodik dhe Vjetor, një dokument i hartuar me ekspertizë ndërkombëtare dhe miratuar me konsensus parlamentar në të cilin përcaktohen “vizitat dhe takimet monitoruese” si instrumente të rëndësishme të komisioneve dhe nënkomisioneve parlamentare. </p>
<p>Ato janë shprehje e hapjes së pushtetit legjislativ dhe respektit ndaj institucioneve të pavarura si dhe të orientuara drejt dialogut, informimit dhe mbështetjes institucionale duke synuar të kontribuojë në mënyrë konstruktive në identifikimin e problematikave, shkëmbimin e informacionit dhe mbështetjen e zgjidhjeve të qëndrueshme.</p>
<p>Komisioni thekson se çdo veprimtari e tij është duke u zhvilluar tërësisht brenda kuadrit kushtetues dhe ligjor, në frymë, parime dhe në gërmë, në respekt të plotë të parimit të ndarjes dhe balancimit të pushteteve, duke respektuar në mënyrë rigoroze pavarësinë kushtetuese dhe funksionale të institucioneve të pavarura si dhe përmes frymës së komunikimit etik dhe respektit të ndërsjelltë institucional. </p>
<p>Komisioni i përhershëm parlamentar për Nismat Qytetare, Bashkëpunimin dhe Mbikëqyrjen Institucionale mbetet i angazhuar për të nxitur një bashkëpunim të qëndrueshëm dhe konstruktiv ndërinstitucional, me bindjen se vetëm përmes dialogut dhe përgjegjësisë së përbashkët mund të forcohet funksionimi i shtetit të së drejtës dhe të garantojmë mbrojtjen e interesit publik, detyrimin ndaj qytetarëve të llogaridhënies dhe transparencës, rritjen e përgjegjshmërisë institucionale si dhe përmbushjen e detyrimeve tona si shtet në procesin e negociatave për anëtarësim në Bashkimin europian. </p>
<p>Duke falenderuar të gjithë drejtuesit e institucioneve të cilët me vizion dhe përgjegjshmëri i janë përgjigjur kërkesës për bashkëpunim ndërinstitucional si dhe anëtarët e Komisionit e veçanërisht relatorët, të cilët kanë kryer me shumë angazhim dhe përgjegjshmëri detyrën e tyre, konform kushtetutës e ligjit në përmbushje të interesit qytetar, më lejoni të mbyll këtë mbledhje për sot.</p>
<p>Faleminderit!</p>
]]></content:encoded>
					
					<wfw:commentRss>https://javanews.al/kuvendi-ushtron-rol-kushtetues-jo-nderhyres-ndaj-institucioneve-te-pavarura/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Fatmir Xhafaj: Gati për sfidën e re</title>
		<link>https://javanews.al/fatmir-xhafaj-gati-per-sfiden-e-re/?utm_source=rss&#038;utm_medium=rss&#038;utm_campaign=fatmir-xhafaj-gati-per-sfiden-e-re</link>
					<comments>https://javanews.al/fatmir-xhafaj-gati-per-sfiden-e-re/#respond</comments>
		
		<dc:creator><![CDATA[Fatmir Xhafaj]]></dc:creator>
		<pubDate>Sun, 16 Mar 2025 16:43:12 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<category><![CDATA[Politikë]]></category>
		<guid isPermaLink="false">https://javanews.al/?p=1654787</guid>

					<description><![CDATA[Nga Fatmir Xhafaj Miqtë e mi! Përpara është një tjetër sfidë e re! Po rinis këtë garë për të fituar së bashku me ju një mandat të ri në shërbimin ndaj vendit! Në rrugëtimin tim politik i kam qëndruar besnik dashurisë për vendin tim, përfaqësimit të vlerave më të mira të socialistëve që më kanë [&#8230;]]]></description>
										<content:encoded><![CDATA[<p><strong>Nga Fatmir Xhafaj</strong></p>
<p>Miqtë e mi!<br />
Përpara është një tjetër sfidë e re! Po rinis këtë garë për të fituar së bashku me ju një mandat të ri në shërbimin ndaj vendit!<br />
Në rrugëtimin tim politik i kam qëndruar besnik dashurisë për vendin tim, përfaqësimit të vlerave më të mira të socialistëve që më kanë mbështetur e inkurajuar me zemër në çdo hap edhe në momentet më të vështira të jetës sime politike e personale. Mirënjohje miqtë e mi socialistë! Unë jam njëri prej jush, dhe ndaj jush do të mbetem përherë borxhli dhe mirënjohës!</p>
<p>Në gjithë karrierën time i kam shërbyer me devotshmëri zgjedhësve të mi, interesave të qytetarëve, dhe sfidave të vendit tim! Jam shumë krenar për çfarë kam bërë deri më tani si deputeti juaj, si ministër i Brendshëm e i Drejtësisë, si Kryetar i Komisionit të Posaçëm Parlamentar për Reformën në Drejtësi, dhe tashmë si Kryetar i Komisionit të Posaçëm Parlamentar për thellimin e reformave për Mirëqeverisjen, Antikorrupsionin dhe Sundimin e ligjit. Kam adresuar problemet e qytetarëve të Tiranës e jo vetëm, në Parlament, në Qeveri e në çdo institucion e forum tjetër, me bindjen se kështu përmbush detyrimet e mia në kontratën e besimit që kam me zgjedhësit e mi.</p>
<p>Për mua të jesh deputet, përfaqësues i interesave të qytetarëve, është mision, është përgjegjësi për shpresat e njerëzve që të votojnë e besojnë. Politika, sipas meje, nuk është e nuk duhet të jetë një lojë, por një punë shumë serioze, një përgjegjësi e madhe për fatet e njerëzve çka kërkon seriozitet, përkushtim, përunjësi dhe respekt e besnikëri ndaj shtetit e ligjit. Këto vlera kanë udhëhequr e motivuar jetën time politike, ushtrimin e funksioneve në qeveri apo në Kuvend.</p>
<p>Kam pranuar të bëhem pjesë e këtij rrugëtimi të ri, pasi ndjej se kam përgjegjësinë politike e qytetare për të përmbushur plotësisht misionin për konsolidimin e reformës në drejtësi në standardet më të mira evropiane dhe për të vazhduar punën e nisur për konsolidimin e shtetit të së drejtës, për të ndërtuar një shoqëri të mbështetur në institucione të qëndrueshme si garanci për një qeverisje më të mirë, për një luftë të ashpër ndaj korrupsionit dhe për të forcuar sundimin e ligjit dhe barazinë e kujtdo para tij, për një Shqipëri më të mirë për të gjithë ne, të ardhmen e fëmijëve, nipërve e mbesave, për Shqipërinë2030 në BE!</p>
<p>Me bindjen e vendosmërinë se kjo është rruga e duhur për të konsoliduar së bashku shtyllat e shtetit modern, për të thelluar më tej reformat për Shqipërinë në BE dhe për të vijuar së bashku me punët që kemi përpara, ju ftoj të bëheni pjesë e këtij rrugëtimi historik, me Partinë Socialiste në 11 maj!</p>
<p>Unë dhe skuadra ime jemi gati për këtë sprovë të re, kandidimin tim në zgjedhjet e 11 majit në listën e hapur të PS-së për qarkun Tiranë. Maksimalisht i motivuar dhe i përkushtuar të përmbush besimin që më është dhënë për të përfaqësuar zgjedhësit e mi dhe për të shkruar një tjetër histori suksesi, ashtu siç bëmë edhe 4 vite më parë kur bashkuam mendjet dhe zemrat e qytetarëve të mrekullueshëm të kryeqytetit në një betejë të përbashkët duke bërë një sukses të jashtëzakonshëm.</p>
<p>Gjithçka falë jush miqve të mi, falë ekipit të mrekullueshëm që më mbështet me aq besim e përkushtim! Falë djemve dhe vajzave, burrave e grave, socialistëve të ekipit fantastik të Njësisë Nr.10, në zemrën e Tiranës, të cilët jam me fat që i drejtoj në gjithë këto vite, në disa beteja elektorale, të gjitha të suksesshme!</p>
<p>Me shumë përunjësi dhe mirënjohje do kërkoj përsëri jo thjesht votën tuaj, por zemrën e socialistëve dhe besimin e zgjedhësve në të gjithë qarkun e Tiranës për një sfidë të re, për një tjetër rrugëtim të përbashkët të sukseshëm!<br />
Bashkë është e mundshme! Me mbështetjen e zemrave dhe kontributet tuaja do t’ja dalim!</p>
]]></content:encoded>
					
					<wfw:commentRss>https://javanews.al/fatmir-xhafaj-gati-per-sfiden-e-re/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Reforma në Drejtësi, SPAK dhe Erion Veliaj</title>
		<link>https://javanews.al/reforma-ne-drejtesi-spak-dhe-erion-veliaj/?utm_source=rss&#038;utm_medium=rss&#038;utm_campaign=reforma-ne-drejtesi-spak-dhe-erion-veliaj</link>
					<comments>https://javanews.al/reforma-ne-drejtesi-spak-dhe-erion-veliaj/#comments</comments>
		
		<dc:creator><![CDATA[Fatmir Xhafaj]]></dc:creator>
		<pubDate>Sat, 15 Feb 2025 11:43:56 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<category><![CDATA[kryesore]]></category>
		<guid isPermaLink="false">https://javanews.al/?p=1642624</guid>

					<description><![CDATA[Nga Fatmir Xhafaj Të dashur miq! Këto ditë më kanë kontaktuar apo shkruajtur shumë prej jush, kolegë, profesionistë të fushës së drejtësisë, socialistë e qytetarë të zakonshëm për disa tema të rëndësishme të ditës që lidhen me Reformën në drejtësi, me SPAK dhe sidomos me çështjen Veliaj. Shqetësimet e tyre i gjej legjitime pavarësisht nga [&#8230;]]]></description>
										<content:encoded><![CDATA[<p><b>Nga Fatmir Xhafaj</b></p>
<p>Të dashur miq!</p>
<p>Këto ditë më kanë kontaktuar apo shkruajtur shumë prej jush, kolegë, profesionistë të fushës së drejtësisë, socialistë e qytetarë të zakonshëm për disa tema të rëndësishme të ditës që lidhen me Reformën në drejtësi, me SPAK dhe sidomos me çështjen Veliaj. Shqetësimet e tyre i gjej legjitime pavarësisht nga këndvështrimet e ndryshme. Në pamundësi t’ju përgjigjem të gjithëve dhe në reflektim të detyrimit që kam si deputet, si ish-Kryetar i Komisionit Parlamentar për Reformën në Drejtësi (2014-2017) dhe tashmë si Kryetar i Komisionit të Posaçëm Parlamentar për Thellimin e Reformave për Mirëqeverisjen, Antikorrupsionin dhe Sundimin e Ligjit, gjykova t’ju përgjigjem përmes këtij reagimi publik.</p>
<p>I.<br />
Së pari çfarë do të lexoni në radhët e këtij prononcimi publik, s’e ndryshon aspak bindjen dhe qëndrimin tim të kahershëm për çfarë ne bëmë me Reformën në Drejtësi këtu e pak vite më parë dhe rolin e kontributin tim në këtë proces. Nuk kam asnjë mëdyshje për rëndësinë dhe vlerat e këtij projekti historik, për qëllimet dhe pritshmëritë ndaj tij. Sot jam edhe më i vetëdijshëm për rëndësinë që ky projekt ka dhe do të ketë edhe më shumë në vite për konsolidimin e demokracisë dhe shtetit të së drejtës.</p>
<p>Krejt normale të kemi opinione të ndryshme, por fakteve duhet t’u qëndrojmë.</p>
<p>Sot është fakt i pamohueshëm që me këtë reformë NE i dhamë Shqipërisë një drejtësi të re për të krijuar njëherë e përgjithmonë me Kushtetutë një ndarje të pastër të pushteteve siç e ka çdo vend tjetër demokratik në Europën e Bashkuar, ndarje pushtetesh që ky shtet s’e ka pasur kurrë prej ditës kur është krijuar. Reforma i ka dhënë sistemit të drejtësisë, institucioneve të tij dhe veçanërisht prokurorëve e gjyqtarëve pavarësinë e plotë vendimmarrëse e funksionale, pavarësi që nuk e kishin kurrë më parë dhe që sot i bëjnë të krahasueshëm me standardet më të larta evropiane.</p>
<p>Fakt është që drejtësisë së re, i është dhënë mbështetje e jashtëzakonshme nga kjo maxhorancë. Mbështetje politike, mbështetje me burime njerëzore, infrastrukturore dhe buxhetore si askush dhe asnjëherë më parë.</p>
<p>Është fakt i pamohueshëm që ky projekt reformimi dhe zbatimi i tij ka qenë dhe mbetet përcaktues në procesin e integrimit të vendit, në vlerësimet e agjencive të ndryshme ndërkombëtare për përparimin demokratik dhe imazhin ndërkombëtar të vendit.</p>
<p>Nga ana tjetër është gjithashtu fakt, se ndërsa ne kemi reformuar sistemin e drejtësisë duke e vendosur atë mbi standarde evropiane, shpesh qasja e politikës, institucioneve shtetërore, medias dhe vetë opinionit publik ndaj tij mbetet e njëjtë. Ashtu sikundër është fakt që kemi ngritur një sistem të ri drejtësie, kemi bërë institucione të reja me standarde evropiane, por ende një pjesë e njerëzve që shërbejnë në sistem kanë ndryshuar pak në mentalitetin, qasjen dhe sjelljen e tyre në raport me ligjin dhe detyrën. Në vlerësimin tim aktualisht ky është problem kyç që meriton vëmendje për trajtim me zgjidhjet përkatëse.</p>
<p>Ndjehem i keqardhur kur njerëzit e drejtësisë, për shkak të detyrës intimidohen dhe sulmohen deri edhe te shantazhimi i familjeve të tyre. Kam qenë dhe mbetem solidar me ta në këtë përballje me të keqen, me armiqtë e Reformës në Drejtësi.</p>
<p>Ndërkohë i mirëkuptoj kritikat e shëndetshme që adresohen, shqetësimet konstruktive që synojnë identifikimin e problematikave dhe përmirësimin e sistemit. Edhe personalisht nuk kam munguar që publikisht në disa debate parlamentare të adresoj të tilla edhe pse shpesh kanë qenë objekt keqkuptimesh e spekulimesh dhe jo rrallë sulmeve të gjithëkrahshme.</p>
<p>Kam kërkuar shpesh që edhe vetë institucionet e drejtësisë të jenë shumë më modeste e reflektuese ndaj kritikave të tilla dhe jo vetëm kur ato vijnë nga partnerët ndërkombëtarë po se po, por edhe nga profesionistët e fushës, institucionet, shoqëria civile dhe vetë qytetarët e këtij vendi. Në vlerësimin tim personal, siç edhe e kam thënë disa herë publikisht, pavarësia nuk mundet kurrsesi të shërbejë për t’u mbrojtur për dobësitë e sistemit, për të justifikuar mungesën e përgjegjshmërisë, transparencës dhe llogaridhënies prej tyre, për të kërkuar disa privilegje të pajustifikuara e të pamerituara, për të mos bashkëpunuar e bashkëvepruar me pushtetet e tjera në funksion të qëllimeve të përbashkëta, në interes të vendit. Është kjo qasje një ndër arsyet e problematikave që konstatohen lidhur me cilësinë e dobët të qeverisjes së brendshme të vetë sistemit nga KLGj e KLP, të kontrollit të brendshëm të tij nga ILD, cilësinë e dobët të hetimeve e gjykimeve, zvarritjen e tejzgjatjen kohore të proceseve gjyqësore penale, civile e sidomos atyre administrative, mungesave në aksesin dhe shërbimet që ju ofrohen qytetarëve etj.</p>
<p>Jam tërësisht i vetdijshëm se s’ka reformë perfekte dhe s’ka ligj perfekt ndaj është domosdoshmëri, është përgjegjshmëri të analizosh progresin, të kesh sensin vetëkritik e reflektues ndaj problemeve që praktika nxjerr dhe ca më tepër edhe ndaj gabimeve të mundshme që mund të jenë bërë në procesin e zbatimit të reformës. Zbatimi i kësaj reforme historike që ne udhëhoqëm e finalizuam me sukses, ishte dhe mbetet një sfidë e vijueshme.</p>
<p>Është kjo arsyeja që ne në kuadër të Komisionit të Posaçëm Parlamentar për Mirëqeverisjen, Antikorrupsionin dhe Sundimin e Ligjit, një komponent të veçantë ia kemi dedikuar drejtësisë. (III.3 “Konsolimi i sistemit të drejtësisë”). Kjo sepse kemi përgjegjësinë të mbrojmë progresin, të vlerësojmë arritjet, por ndërkohë të shohim edhe problematikat e të reflektojmë ndaj tyre si një mundësi për t’a vazhduar e konsoliduar më tej zbatimin e Reformës në Drejtësi, vetë sistemin e drejtësisë duke i ruajtur të paprekura dhe fuqizuar edhe më tej shtyllat kushtetuese të drejtësisë së re të miratuara në 2016, arkitekturën ekzistuese të sistemit.</p>
<p>NE, përmes një projekti të guximshëm kushtetues, ndërtuam një sistem drejtësie tërësisht mbi standarde evpropiane, duke i garantuar një pavarësi të plotë vendimmarrëse e funksionale dhe jemi duke e mbështetur fort atë në çdo aspekt dhe tashmë qytetarët taksapagues të këtij vendi kanë gjithë të drejtën të shohin prej saj të bëjë dhe të japë drejtësi të standardeve evropiane, në respekt të plotë të Kushtetutës dhe të ligjeve në fuqi.</p>
<p>II.<br />
Së dyti dua të ripohoj se në arkitekturën e sistemit të ri të drejtësisë, në institucionet tona të drejtësisë penale, ngritja e GJKKO dhe SPAK ka qenë një zgjidhje e domosdoshme në luftën kundër korrupsionit dhe krimit të organizuar. Ne, ndryshe nga rregulli i përgjithshëm, ngritëm një strukturë speciale për të bërë një punë speciale në luftën kundër krimit të organizuar dhe korrupsionit në zyrtarët e nivelit të lartë, për të hetuar e gjykuar në këto fusha vepra penale të rrezikshmërisë së lartë dhe me pritshmëri të madhe, për të vendosur në gjykimin e ligjit çështje me interes të veçantë publik që prej vitesh nuk ishin bërë dhe ende nuk janë bërë të mundura t’u nënshtrohen gjykimit të drejtësisë së vërtetë, barazisë para ligjit. Ndaj i kemi dhënë Gjykatës së Posaçme e sidomos SPAK (Prokurorisë së Posaçme e BKH-së) një status special kushtetues, ligjor e institucional, por edhe një mbështetje speciale në status, në burime njerëzore e financiare.</p>
<p>E kam mbështetur qysh ditën e parë dhe në vijim punën e GJKKO, SPAK dhe BKH e sidomos të prokurorëve dhe hetuesve të angazhuar në to, me bindjen e plotë se duhej dhe duhen mbështetur fort në funksion të misionit të tyre. E në vlerësimin tim SPAK, me punën dhe rezultatet e dëshmuara e ka justifikuar veten, pasi ka thyer më së paku fenomenin e pandëshkueshmërisë. Edhe përballë kritikave rreth punës së tyre kam qenë gjithnjë mbrojtës edhe kur kam parë gjëra që nuk shkonin duke i përligjur me rritjen, me vështirësitë e hetimeve penale në këto fusha dhe presionin e lartë që mbart një punë e tillë e i mirëkuptoj në këtë këndvështrim. I vlerësoj shumë prej tyre për ndershmërinë dhe aftësitë profesionale.</p>
<p>Kjo nuk më ka penguar të dëgjoj me vëmendje çdo problematikë dhe shqetësim për punën e tyre, lidhur me zbatimin e ligjit penal sidomos në aspektin procedurial. Kjo jo vetëm nga avokatë penalistë me shumë përvojë, por edhe nga pedagogë e profesionistë të ligjit dhe përfaqësues të shoqërisë civile që i çmoj për dijet e tyre. Ndaj kam qenë shumë mbështetës për institucionin, por edhe kritik e këshillues për disa probleme të cilat i kam artikuluar edhe publikisht në komisione e seanca plenare. Sepse kam besuar e vazhdoj të besoj se si çdo institucion e organizëm shtetëror edhe GJKKO e SPAK kanë nevojë për reflektim e përmirësim për t’u konsoliduar më tej. Vlerësoj raportet e drejtuesve të SPAK në Kuvend që kanë pasur shpesh sens vetëkritik dhe propozime konkrete për amendime që përgjithësisht synojnë përmirësimin e funksionit dhe punës së tyre.</p>
<p>Eshtë vërtet speciale dhe jetike lufta e SPAK e GJKKO ndaj këtyre fenomeneve, por po aq jetike është që gjithçka në këtë proces, investigimi, hetimi e gjykimi të bëhen nëpërmjet një procesi të rregullt ligjor, ku palët respektohen e dëgjohen konform ligjit, ku qëllim ndëshkimi nuk është individi në vetvete, por shkelja e ligjit, hetimi dhe gjykimi mbi të bazuar vetëm në ligj dhe prova, duke respektuar parimet kushtetuese të prezumimit të pafajësisë e proporcionalitetit dhe veçanërisht duke respektuar fort ato që janë aq të shenjta, të drejtat dhe liritë themelore të njeriut.</p>
<p>E kam deklaruar edhe më herët, se unë nuk bëj pjesë tek ata që e shohin arrestin me burg si alternativën kryesore në masat e sigurisë apo që e shohin përdorimin e instrumentave të drejtësisë së re për statistika penale apo populizëm mediatik.</p>
<p>Këto shqetësime, që i kam dëgjuar të artikulohen edhe nga shumë profesionistë të fushës, i kam ngritur në mënyrë koherente në çdo debat apo dalje publike. Ashtu si dhe vetë SPAK në raportimet periodike në Kuvend ka pohuar fort faktin se do të duhet që të ketë përmirësime ligjore në disa aspekte. Pikërisht për adresimin e këtyre çështjeve ne kemi hapur një diskutim konstruktiv edhe me ftesën e bashkëpunimit për ta, në funksion të interesit publik. Një diskutim për të konsoliduar më shumë arritjet, por edhe për të reflektuar dhe përmirësuar sistemin e drejtësisë penale, të një drejtësie preventive, jo represive.</p>
<p>Ne që bëmë gjithçka për ta çliruar drejtësinë nga kthetrat e politikës, kemi gjithë të drejtën e Zotit, kredon morale, politike e shoqërore që të kërkojmë nga këto institucione të japin drejtësi me standarde të panegociueshme demokratike, njëjtë si vendet e Evropës së Bashkuar ku Shqipëria do të jetë më herët sesa vonë.</p>
<p>III.<br />
E treta, dua të shpreh opinion tim personal lidhur me çështjen më të diskutueshme dhe më të debatueshme për momentin, atë të Kryetarit të Bashkisë së kryeqytetit, të votuar në 3 mandate radhazi nga qytetarët e Tiranës, i cili pas një odiseje 1- vjeçare e më shumë përfoljesh të gjithëllojshme aktualisht është nën hetim dhe njëkohësisht nën masën e sigurisë “arrest me burg”.</p>
<p>Zotin Veliaj e kam njohur nga afër në momentin që ai erdhi në PS, më pas si koleg deputet e ministër dhe prej rreth 10 vitesh bashkëpunoj me të nga afër si deputet i qarkut Tiranë me Kryetarin e Bashkisë Tiranë dhe drejtuesin politik të qarkut gjithashtu. Për të gjitha këto, si bashkëluftëtar të betejave të përbashkëta, jam i keqardhur për këtë që ka ndodhur ndaj tij e familjes së tij.</p>
<p>Si deputet i Tiranës e kam parë nga afër punën e ditëpërditshme të Erionit për kryeqytetin e vendit, për bashkinë më të madhe, për menaxhimin e të gjitha punëve të një qyteti që rritet përditë dhe sfidat i rriten përditë. E kam parë nga afër mbështetjen popullore që Erion Veliaj ka patur për t’u zgjedhur si kryetar i Bashkisë së Tiranës. S’e mohojnë këtë fakt as kundërshtarët e tij me të zellshëm në politikë, media dhe opinionin publik. E besoj fort se kjo është edhe arsyeja kryesore përse ai luftohet kaq fort e egër dhe shpesh me goditje nën brez.</p>
<p>Ishte ky progres i dallueshëm i Tiranës, mbështetja popullore e kryebashkiakut nga qytetarët, afrimi i betejës elektorale, numri prej 37 mandatesh në Tiranë, gjë që bëri që prej muajsh opozita t’a kishte fokusuar gjithë betejën e saj paralektorale te Bashkia Tiranë dhe drejtpërdrejtë te Erion Veliaj. Po atë që nuk e bëri dot opozita për mbi 10 muaj me rreth 50 protesta të përjavshme e shpesh të dhunshme e bëri një vendim gjyqësor rreth 90 ditë para zgjedhjeve, që vendosi masën e sigurisë “arrest me burg” për Kryetarin e Bashkisë së kryeqytetit dhe një prej drejtuesve kryesorë politikë të PS për qarkun Tiranë.</p>
<p>Personalisht bëj pjesë tek të gjithë ata që besojnë që Erion Veliaj, për aq sa e njoh dhe si e njoh, nuk është një zyrtar i korruptuar. Askush nuk është i pagabueshëm, por nuk i shoh gabimet e tij edhe nëse janë të tilla, si qasje korruptive. Nuk e njoh gjithë çështjen në fjalë dhe nuk pretendoj ta njoh në thelb, por për aq sa kam lexuar dhe me njohjen që kam se si është ndërtuar ky proces, kam pikëpyetjet e mia për mënyrën se si ka filluar dhe si është proceduar në këtë çështje penale. Druaj se jemi para rastit ku investigohet e hetohet personi dhe jeta e tij, për të gjetur fakte penale në ngarkim të tij dhe jo përpara asaj çfarë ligji lejon e kërkon, pra që hetohet vepra penale konkrete dhe prej saj shkohet te përgjegjësia e personit konkret të cilin gjithësesi të fajshëm apo jo e përcakton vendimmarrja gjyqësore e të dy shkallëve dhe jo hetuesi e prokurori.</p>
<p>Duke lexuar vendimin gjyqësor që ka pranuar e certifikuar kërkesën e prokurorit për masë sigurie “arrest me burg” bindem edhe më shumë për një proces jo të drejtë në aspektin procedurial. Faqet e shumta të vendimit gjyqësor nuk bindin dot askënd që ka minimumin e kulturës juridike që masa e marrë është proporcionale dhe në përputhje me kërkesat e Kodit të Procedurës Penale lidhur me këtë masë sigurie. Ca më keq akoma nuk bindin kur shtron në diskutim dobinë dhe interesin publik, përfshi dhe momentin politik e elektoral kur ajo u dha.</p>
<p>Nëse këtë e bashkon pastaj edhe me fillimin “anonim” të kësaj çështjeje, mënyrën e procedimit, mënyrën se si iu servir publikut gjatë hetimit dhe pas vendimit gjyqësor, me disa “argumenta” që përdoren për këtë vendimmarrje që nuk pëputhen me të vërtetën që ne njohim dhe akoma më keq kur dëgjon për presione e shantazhe ndaj dëshmitarëve të pyetur, me të drejtë kjo e vendos në pikëpyetje integritetin profesional e moral të këtij procesi duke e bërë atë të dyshimtë në sy të çdo profesionisti të ligjit dhe vetë publikut.</p>
<p>Të jemi të qartë, askush nuk është dhe nuk duhet të jetë mbi ligjin. Të gjithë jemi të barabartë para ligjit dhe gjithkush mund e duhet të hetohet dhe gjykohet pavarësisht statusit politik, institucional e social. Edhe Erion Veliaj, padyshim që PO.</p>
<p>Nuk i hyj fare çështjes në thelb, është apo jo i fajshëm dhe përgjegjës ai për çfarë akuzohet, pavarësisht se nga ato qindra faqe nuk e gjej qartë një gjë të tillë, se ku është korrupsioni i vetë Kryetarit të Bashkisë!! Gjithësesi kjo nuk më përket mua dhe as tentoj ta bëj këtë gjë. Kjo i përket më së pari prokurorëve, ata kanë barrën e provës, të provojnë fajësinë me prova bindëse, përtej çdo dyshimi, me prova të qarta dhe jo me supozime e interpretime indirekte siç lexohen në vendimin gjyqësor.</p>
<p>Si ligjvënës, si përfaqësues i zgjedhur edhe me votat e qytetarëve të Bashkisë së Tiranës kam gjithë të drejtën të kërkoj që e gjithë kjo të kryhet me objektivitet dhe paanësi dhe përmes një procesi të rregullt ligjor, në respektim të parimeve kushtetutese dhe përcaktimeve të ligjit penal procedurial duke mbajtur kurdoherë në konsideratë të drejtat e liritë e njeriut dhe padyshim edhe interesin publik dhe sigurinë publike.</p>
<p>Njohja e gjatë dhe e thellë me Erionin e mban të njëjtë edhe sot vlerësimin tim për të si një funksionar publik që kudo ku ai ka qenë, ka shërbyer në interes të ligjit dhe të të mirës publike.</p>
<p>Gjithësesi në kushtet kur në tregun mediatik janë nxjerrë inventarët e veshjeve (jo pa qëllim dhënë në atë mënyrë dhe me ato detaje) opinioni publik meriton të sqarohet rreth tyre pavarësisht se nga sa del nga vendimi gjyqësor i bërë publik nuk ka një lidhje të drejtpërdrejtë edhe midis atyre “fakteve” dhe akuzës për korrupsion ndaj Kryetarit të Bashkisë.</p>
<p>Në përfundim duke i shprehur mbështetjen time Erionit në betejën e tij ligjore e politike, i kërkoj atij edhe në kushtet aktuale të izolimit, të bëjë transparencën e plotë për akuzat e ngritura si detyrim ndaj opinionit publik, qytetarëve e zgjedhësve të tij të Tiranës, si dhe përballë gjyqtarëve që do t’a gjykojnë e vendosin për të vërtetën e tij.</p>
]]></content:encoded>
					
					<wfw:commentRss>https://javanews.al/reforma-ne-drejtesi-spak-dhe-erion-veliaj/feed/</wfw:commentRss>
			<slash:comments>2</slash:comments>
		
		
			</item>
		<item>
		<title>Kemi ndryshuar sistemin e drejtësisë por nuk kemi ndryshuar kulturën e sjelljen tonë ndaj saj</title>
		<link>https://javanews.al/kemi-ndryshuar-sistemin-e-drejtesise-por-nuk-kemi-ndryshuar-kulturen-e-sjelljen-tone-ndaj-saj/?utm_source=rss&#038;utm_medium=rss&#038;utm_campaign=kemi-ndryshuar-sistemin-e-drejtesise-por-nuk-kemi-ndryshuar-kulturen-e-sjelljen-tone-ndaj-saj</link>
					<comments>https://javanews.al/kemi-ndryshuar-sistemin-e-drejtesise-por-nuk-kemi-ndryshuar-kulturen-e-sjelljen-tone-ndaj-saj/#respond</comments>
		
		<dc:creator><![CDATA[Fatmir Xhafaj]]></dc:creator>
		<pubDate>Mon, 15 Jul 2024 20:30:47 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1549370</guid>

					<description><![CDATA[Nga Fatmir Xhafaj Kuvendi është vendi ku procesi i monitorimit dhe raportimit të institucioneve të pavarura të drejtësisë duhet të trajtohet si një nga proceset me të rëndësishme në funksion të parimit kyc kushtetues të ndarjes dhe balancimit ndërmjet pushteteve dhe në shërbim të drejtësisë aq jetike për fatin e shoqërisë që duam të ndërtojmë [&#8230;]]]></description>
										<content:encoded><![CDATA[<p><strong>Nga Fatmir Xhafaj</strong></p>
<p>Kuvendi është vendi ku procesi i monitorimit dhe raportimit të institucioneve të pavarura të drejtësisë duhet të trajtohet si një nga proceset me të rëndësishme në funksion të parimit kyc kushtetues të ndarjes dhe balancimit ndërmjet pushteteve dhe në shërbim të drejtësisë aq jetike për fatin e shoqërisë që duam të ndërtojmë dhe pritshmërit e interesat e qytetarëve tanë.</p>
<p><strong>Ne kemi ndryshuar thellësisht sistemin e drejtësisë, por kemi ndryshuar shumë pak kulturën tonë të sjelljes e reagimit ndaj institucioneve të saj</strong>. <strong>Seanca e sotme ishte dëshmia kuptimplotë e këtij fakti.</strong></p>
<p>Ky realitet ka zënë vend edhe në raportin screening të BE që shprehimisht ka theksuar se: “Kontrolli parlamentar i punës së institucioneve të pavarura kryhet, por mbetet një proces burokratik që në pjesën më të madhe limitohet në shqyrtimin e raporteve të tyre vjetore”</p>
<p>Përpjekja e bërë në këtë fillim viti nga maxhoranca për të reflektuar mbi këtë rekomandim të BE ishte një hap shumë pozitiv që fatkeqësisht nga disa u keqkuptua dhe nga një pjesë tjetër u keqpërdor për interesa të politikës dritëshkurtër që nuk mungon të flasi papushim për drejtësinë, por shumë pak bën për të ndryshuar qasjen e sjelljen ndaj saj.</p>
<p>Duhet ta pranojmë, <strong>reforma në drejtësi ka sjell ndryshime thelbësore në sistem ku vlerat, parimet dhe akitektura e tij është në standartet më të mira ndërkombëtare</strong>.</p>
<p>E dëshmojnë këtë fakt të gjitha raportet e vlerësimit të BE.</p>
<p><strong>Drejtësia e re po ndryshon vetvehten dhe po ndikon pozitivisht mbi shoqërinë, por edhe në dy pushtetet e tjera. Kryesorja ka rritur shpresën dhe besimin e shqiptarëve. E ky është fakt</strong>. Sondazhet më të mira e konfirmojnë këtë gjë, por akoma e më shumë po e konfirmon koha!</p>
<p>Mjafton edhe vetëm një krahsim i thjeshtë. Dje pushteti i drejtësisë ishte vecse një zgjatim i pushtetit ekzekutiv të maxhorancës së radhës, sepse cdo institucion i drejtësisë formohej në këtë sallë nga vullnetet e konsensuset politike, shpesh tejet të mbrapshta ndaj saj.</p>
<p>Sot pushteti gjyqsor është tërësisht i pavarur, një pavarësi e garantuar dhe mbrojtur me kushtetutë, sistemi vetqeveriset me institucionet e zgjedhura prej tij dhe kontrolli, promovimi dhe kariera e gjyqtarit dhe prokurorit përcaktohet tërësisht me mekanizma të brendshëm rregullues të vet sistemit.</p>
<p>E për ta kuptuar edhe më mirë këtë mjaft të shohim goditjen e fenomenit të pandëshkueshmërisë. Shumë pak do ta imagjinonin këtë cfarë po ndodh sot me luftën kundër korrupsionit në nivelet e larta dhe sidomos atë cfarë po ndodh me krimin e organizuar në vend. E ky është fakt që nuk duan ta pranojnë vetëm disa që ndjejnë peshën e mëkatave dhe orën e llogaridhënies për to. Po kjo ka pak rëndësi. Ka rëndësi që e pranojnë qytetarët shqiptarë që po ndjejnë përditë ndryshimin, forcën dhe barazin para ligjit.</p>
<p>E <strong>kjo është një vijë e qartë ndarëse midis atyre që duan drejtësi të pavarur dhe barazinë para ligjit në këtë vend dhe atyre që duan një drejtësi me telekomandë politike, një drejtësi të nënshtruar nga pushteti politik dhe pushteti i parasë e krimit</strong>.</p>
<p>Kjo është një betejë e madhe që është duke e ndryshuar shoqërinë tonë, një betejë midis të djeshmes dhe të nesërmes europiane. Nuk ishte një betejë e lehtë dje kur nisi dhe u miratua kjo reformë dhe nuk ka sesi të jetë sot kur drejtësia ka filluar të veprojë mes nesh dhe ndaj nesh, pa dallim gradën politike që mban apo sa vite mban mbi supe xhaketën e pushtetit.</p>
<p><strong>Procesi për reformimin e drejtësisë, për konsolidimin e vlerave dhe standarteve që kushtetuta dhe kuadri ligjor kanë përcaktuar mbetet një proces i vështirë e i shtrirë në kohë.</strong> Vërtetë jemi duke ndryshuar shumë gjëra: ligjin, institucionet, infrastrukturën apo edhe njerëzit brenda sistemit, por ama nuk kemi ndryshuar ende sa dhe si duhet qasjen dhe kulturën e njerëzve që japin drejtësi dhe gjithë atyre që shërbejnë në sistemin e drejtësisë. Kjo <strong>nuk është vetëm cështje ligji, godinash apo financash, por vullneti, devotshmërie, besimi dhe kohe</strong>.</p>
<p>Kushtetuta e ligji kanë garantuar një drejtësi të pavarur dhe cdo presion për vendimmarrjen e saj është i dënueshëm, por ama është fakt që ende edhe në këtë aspekt kemi jo pak probleme sot brenda sistemit. Gjyqtarë dhe sidomos prokurorë që nuk ndjehen brenda vehtes të pavarur dhe lejojnë të ndikohen në vendimmarrje nga eprori, kolegu apo edhe faktorë të jashtëm. Ca më keq akoma që disa prej tyre e kanë keqkuptuar pavarësinë, mbështetjen dhe mbrojtjen e dhënë si një liri për të kapërcyer kufijtë e ligjit apo për t’ju kthyer disa praktikave të mëparshme të gabuara për të cilat u detyruam të bënim atë ndërhyrje të thellë në sistem.</p>
<p><strong>Pavarësia dhe mbështetja finaciare e dhënë duhet të kthehen në më shumë përgjegjshmëri, transparencë, cilësi hetimi e gjykimi dhe eficensë të sistemit gjë që nuk po ndodh me ritmin e duhur në disa pjesë të tij</strong>.</p>
<p>Në vlerësimin tim aktualisht po bëhet një gabim i madh, me apo pa dashje. Të gjithë flasin, sic ndodhi edhe sot në këtë seancë, kryesisht vetëm për SPAK dhe me shumë të drejtë për cfarë ky institucion përfaqëson dhe po dëshmon me treguesit e punës së tij. Natyrisht <strong>SPAK, por edhe GJKKO kanë shumë arritje dhe një pjesë e mirë e gjyqtarëve dhe sidomos një shumicë e prokurorëve e hetuesve të SPAK janë duke duke dëshmuar integritet të lartë moral e profesional dhe duke bërë një punë të jashtëzakonshme. Kjo është një arritje e paimagjinueshme me pak vite më parë</strong>.</p>
<p>Gjithsesi pavarësisht suksesit, tashmë mbas kësaj faze të ngritjes dhe veprimit të këtyre strukturave të specializuara krahas nevojës për të përmirësuar dhe forcuar më tej kushtet e garancit ligjore ndaj tyre ka ardhur momenti për të forcuar më tej autoritetin e gjyqtarit dhe barazinë e palëve në proces, kërkesën për rritje të cilësisë së hetimit dhe gjykimit, zbatimin e drejtë të ligjit dhe bazueshmërinë në prova, zbatimin e një politike më të drejtë e proporcionale në masat e sigurisë dhe dënimin penal etj.</p>
<p>Drejtësia penale nuk mund të jetë kurrësesi cështje numrash dhe as garë statistikash brenda sistemit. Edhe sepse cështjet penale janë tejet komplekse profesionalisht, por edhe delikate sepse kanë të bëjnë në thelb me lirit dhe të drejtat themelore të njeriut.</p>
<p><strong>Reforma në drejtësi, prokuroria e gjykatat nuk janë vetëm SPAK e GJKKO, por edhe ato dhjetra prokurori e gjykata në të gjithë territorin ku ka shumë e shumë më tepër probleme dhe në dyert e të cilave trokasin shumë më tepër njerëz që shpresojnë të zgjidhin drejt dhe në kohë hallet e tyre, të marrin drejtësi dhe të shërbehen me drejtësi. </strong></p>
<p><strong>Pavarësisht arritjeve shumë pozitive në zbatimin e reformës në drejtësi duhet të shohim me preokupim e reflektim edhe gjetjet e problematikat që ka aktualisht sistemi të adresuara këto shumë qartë edhe në raportet vlerësuese  më të fundit të BE, në vlerësimet dhe rekomandimet e tyre</strong>.</p>
<p><strong>Vonesat në hetim e gjykim janë aty ashtu sic është zvarritja pafund e cështjeve nga gjyqtarët që padyshim lidhen me vakancat në sistem, por në një masë të konsiderueshme lidhen edhe me zvarritjen e vetë cështjeve nga gjyqtarët ekzistues</strong>, keqmenaxhimi i seancave gjyqsore prej tyre, mungesa e autoritetit të tyre për t’ju dhënë fund praktikave simuluese të palëve ndërgjyqëse, mungesa e arsyetimit në kohë të vendimeve si dhe shtyrja për shkaqe të pajustifikuara të seancave hetimore e gjyqsore.</p>
<p>Situatë kjo e ndihmuar edhe nga mungesa e një efikasiteti më të mirë të autoritetit kontrollues të Inspektorit të Lartë të Drejtësisë dhe vecanërisht me problematikat që kemi me përgjegjshmërinë, transparencën dhe efikasitetin në punë të dy këshillave që qeverisin sistemin e sidomos Këshillin e Lartë të Prokurorisë që në vlerësimin tim në disa aspekte ka dështuar në përmbushjen e detyrimeve që rrjedhin nga ligji dhe zbatimin e rekomandimeve të BE.</p>
<p>E përsëris sërish në këtë sallë, që <strong>është e papranueshme që dy këshillat nuk arrijnë të koordinohen midis tyre dhe të reagojnë në kohë e me vendosmëri për disa cështje kyc për sistemin</strong> sic janë ato për unifikimin e standarteve në aktet rregullatore që do duhej të ishin miratuar, ndërtimin e sistemit të integruar të menaxhimit të cështjeve – një projekt ky kyc për sistemin, reagimin e fortë për uljen e numrit të lartë të cështjeve në pritje prej vitesh për hetim e gjykim etj të tilla.</p>
<p>Më vjen keq ta them, por <strong>performanca e dy këshillave lë shumë për të dëshiruar dhe vecanërisht e disa prej anëtarëve jo magjistratë, cka është reflektuar qartazi ne vendimmarrjet e tyre me vlerësimet profesionale të vonuara, promovimin e gjyqtarëve dhe prokurorëve</strong> që karakterizohen nga zvarritjet e pajustifikuara dhe mungesa e transparencës, cka ka krijuar perceptime mbi ndikimin në këtë proces të interesave koorporatiste dhe nepotike brenda sistemit, por edhe nga lobimet e interesave jashtë sistemit.</p>
<p><strong>Cilësia e hetimit dhe gjykimit mbetet ende problematike ku shpesh vihet në dyshim edhe integriteti për disa gjyqtarë, prokurorë e oficer të policisë gjyqsore</strong>.</p>
<p>Gjithashtu vendime të keqarsyetuara dhe të keqshkruara dhe për më tepër qëndrime të ndryshme për cështje të së njëjtës natyrë janë prezente në të dy nivelet e gjykimit.</p>
<p>Dukuri prezente këto edhe sepse <strong>mungon kontrolli i brendshëm efikas i vet gjyqsorit, por edhe nga nevoja për një unifikim të munguar të standarteve e praktikës nga Gjykata e Lartë dhe sidomos për një kontroll më të adresuar në cështje të tilla nga ILD</strong> mbështetur qoftë edhe në vendimmarrjet e Gjykatës së Strasburgut, të Gjykatës Kushtetuese dhe të Gjykatës së Lartë cka do të ishte një shërbim shumë i mirë në këtë fushë.</p>
<p><strong>Drejtësia e drejtë nuk gjykon dhe as ndëshkon bazuar mbi perceptim, as mbi preferenca politike, as mbi shijet e portaleve mediatike të ndikuara po prej tyre, por mbi fakte dhe prova! Populizmi politik është i dëmshëm, por populizmi gjyqsor është i edhe më i dëmshëm. Ligjshmëria dhe prova mbeten thembra e akilit, forca dhe autoriteti i drejtësisë, besueshmëria reale e saj!</strong></p>
<p>Nga ana tjetër me shumë të drejtë raporti i fundit i Komisionit Evropian konstaton se: “Shqetësimet mbeten për … presionin politik dhe frikësimin, duke përfshirë zyrtarë publikë ose politikanë që ngrenë akuza kundër magjistratëve që duhet të parandalohen dhe sanksionohen”.</p>
<p>E tillë ishte edhe sot gjuha e përdorur në disa nga pyetjet e bëra në sallë ndaj drejtuesve të institucioneve. Nuk jam kundër pyetjeve, përkundrazi se unë vet e kam shfrytëzuar gjerësisht këtë të drejtë në seancat dëgjimore në komisionin e ligjeve, megjithëse do të ishte realisht e dobishme një prezencë më aktive e më konstruktive të opozitës në këto seanca dëgjimore dhe sidomos në hartimin dhe miratimin e projektrezolutave me rekomandime për këto institucione.</p>
<p><strong>Nuk është pozitive kur dëgjon në seancë një gjuhë presioni politik, në shkelje të parimit kushtetues të ndarjes e balancimit ndërmjet pushteteve dhe tërësisht jashtë kufijve që parashikon kushtetuta e rregullorja e Kuvendit për procese të tilla me institucionet e pavarura të drejtësisë</strong>.</p>
<p>Në përmbyllje, <strong>dua t’ju kujtoj përgjegjësinë që Kuvendi ka, për të reflektuar mbi problematikat dhe për të propozuar zgjidhjet e duhura, jo përmes tavolinave hermetike, por përmes një procesi gjithpërfshirës, transparent dhe profesional ku në qendër të këtij debati të jenë vet njerëzit e sistemit të drejtësisë</strong>.</p>
<p><strong>Maxhoranca, në reflektim të përgjegjësive kushtetuese e ligjore të Kuvendit e bëri këtë hap me ngritjen e një Komisioni të Posacëm Parlamentar që ndër të tjera do ju jap mundësin përfaqësuesve të vet sistemit, ekspertëve e profesionistëve të saj që vet ato të prezantojnë, debatojnë e vendosin për reflektimet që duhen bërë në sistem, përmes një procesi gjithëpërfshirës dhe transparent</strong> përball ekspertizës së shoqërisë civile, trupës akademike dhe vlerësimit të vet qytetarëve.</p>
<p><strong>Opozita ende heziton të bëhet pjesë e këtij procesi dhe në vend të bashkëpunimit dhe përfshirjes me kontribute konkrete në këtë proces, ka zgjedhur paragjykimin mbi procesin dhe agresivitetin mbi vet sistemin e drejtësisë.</strong> Nuk mund të jesh një forcë serioze, se alternativë e besueshme jo e jo, nëse një pjesë e juaja i drejtohet SPAK-ut si në një gjyq popullor duke i kërkuar drejtësi e ndëshkim penal për kundërshtarët politik dhe pjesa tjetër bën dhunuesin publik ndaj tij sic ndodhi edhe në seancën e sotme! Nuk mund të ketë prokurorë apo gjyqtar të mirë kur ju jep të drejtë dhe prokurorë e gjyqtarë të kapur apo të blerë kur nuk u japin të drejtë!</p>
<p>Rezultatet e zgjedhjeve të njëpasnjëshme mbase duhet t’i bëj kundërshtarët tanë politik të kuptojnë se <strong>për qytetarët e këtij vendi qëndrimi ndaj drejtësisë së re, pavarësisë së saj, mbetet vija e kuqe.</strong> Këtë e kanë treguar qartazi qytetarët tanë me mbështetjen që i dhanë reformës në drejtësi dhe që vazhdojnë ti japin institucioneve të reja të drejtësisë.</p>
<p><strong>Drejtësia, domosdoshmëria për të, mbetet guri i themelit mbi të cilën mund të vazhdoj përpara rruga jonë europiane, bazamenti mbi të cilën mund të ndërtojmë një shtet të fortë e me institucione të qëndrueshme, shpresa e fortë për mirëqeverisje dhe sundimin e ligjit</strong> për një të ardhme shumë më të mirë për vendin e fëmijët tanë.</p>
]]></content:encoded>
					
					<wfw:commentRss>https://javanews.al/kemi-ndryshuar-sistemin-e-drejtesise-por-nuk-kemi-ndryshuar-kulturen-e-sjelljen-tone-ndaj-saj/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Kushtetuesja përballë sfidave, më shumë paanshmëri, integritet, profesionalizëm dhe koherencë</title>
		<link>https://javanews.al/kushtetuesja-perballe-sfidave-me-shume-paanshmeri-integritet-profesionalizem-dhe-koherence/?utm_source=rss&#038;utm_medium=rss&#038;utm_campaign=kushtetuesja-perballe-sfidave-me-shume-paanshmeri-integritet-profesionalizem-dhe-koherence</link>
					<comments>https://javanews.al/kushtetuesja-perballe-sfidave-me-shume-paanshmeri-integritet-profesionalizem-dhe-koherence/#comments</comments>
		
		<dc:creator><![CDATA[Fatmir Xhafaj]]></dc:creator>
		<pubDate>Thu, 13 Jun 2024 10:48:42 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1533456</guid>

					<description><![CDATA[*Fjala e plotë e deputetit të PS, Fatmir Xhafaj në seancën plenare, 12 qershor 2024, ku diskutohej për rritjen e pagave për Gjykatën Kushtetuese Nga Fatmir Xhafaj Mbështetja financiare për sistemin e drejtësisë përfshi dhe rritjen e ndjeshme të pagave ishte një ndër qëllimet e shpallura të reformës në drejtësi dhe padyshim një ndër arritjet [&#8230;]]]></description>
										<content:encoded><![CDATA[<p><em>*Fjala e plotë e deputetit të PS, Fatmir Xhafaj në seancën plenare, 12 qershor 2024, ku diskutohej për rritjen e pagave për Gjykatën Kushtetuese</em></p>
<p><strong style="background-color: #fcf8e3;">Nga Fatmir Xhafaj</strong><img decoding="async" style="background-color: #fcf8e3;" src="https://video.shqiptarja.com/reviveads_new/www/delivery/lg.php?bannerid=0&amp;campaignid=0&amp;zoneid=54&amp;loc=https%3A%2F%2Fshqiptarja.com%2Flajm%2Ffatmir-xhafaj-kushtetuesja-perballe-sfidave-me-shume-paanshmeri-integritet-profesionalizem-dhe-koherence&amp;cb=67b21fceea" alt="" width="0" height="0" /></p>
<p>Mbështetja financiare për sistemin e drejtësisë përfshi dhe rritjen e ndjeshme të pagave ishte një ndër qëllimet e shpallura të reformës në drejtësi dhe padyshim një ndër arritjet dhe risitë kryesore të reformës.</p>
<p>Kjo maxhorancë, kjo qeveri ka bërë një përmbysje epokale në këtë aspekt. Sot pagat e gjyqtarëve dhe prokurorëve janë ndjeshëm të pakrahasueshme me vitet para reformës, të krahasueshme në nivel rajonal dhe normalisht ende larg mesatares europiane.</p>
<p>Gjithçka nga taksat e qytetarëve të këtij vendi. Ata kanë pranuar që një pjesë e taksave të tyre të përdoren për njerëzit e drejtësisë me shpresën se kjo do ti shërbejë pavarësisë, përgjegjshmërisë, efikasitetit dhe cilësisë në dhënien e drejtësisë.</p>
<p>Nëse do më pyesni mua mendoj se ja ka vlejtur dhe nga optika e sotme gjykoj se nuk ka qenë aspak një lajthitje ajo çfarë kemi bërë me reformën për mbështetjen buxhetore të dhënë, përfshi edhe pagat e larta për sistemin në tërësi dhe SPAK në veçanti.</p>
<p>Rezultatet e dëshmuara nga Prokuroria e Posaçme dhe BKH, vendimet e dhëna nga GjKKO, ritmet dhe treguesit e punës në GjL etj dëshmojnë se jemi në rrugën e duhur. E për më tepër kur sheh shifrat e jashtëzakonshme të sekuestrimeve dhe konfiskimeve të këtyre dy viteve të fundit të cilat edhe nga pikëpamja e vlerave financiare e justifikojnë më së miri këtë mbështetje.</p>
<p>Sot kemi një projektligj që në thelbin e tij ka rritjen e pagave për gjyqtarët kushtetues, paga e të cilëve me këtë projekt nga 346.698 lekë bruto në muaj shkon në 644.725 lekë bruto ose 460.322 neto.</p>
<p>GjK është një institucion kyç në shtetin e së drejtës, garant i zbatimit të kushtetutës, me një rol të pazëvendësueshëm në kontrollin kushtetues ndaj 3 pushteteve, ndaj ligjeve të Kuvendit, vendimmarrjes së qeverisë dhe vendimeve të gjykatave në mbrojtje të frymës, vlerave dhe parimeve kushtetuese si dhe lirive e të drejtave të njeriut.</p>
<p>Kemi qenë me fat që megjithë tranzicionin e çmendur të pushteteve në këtë vend dhe drejtësisë në veçanti, Gjykatat Kushtetuese në vite kanë dëshmuar edhe shembuj të shumtë qëndrueshmërie, pavarësie, integriteti dhe profesionalizmi duke krijuar një traditë të mirë dhe precedentë shumë pozitivë që janë vlerësuar nga opinioni publik, por edhe nga ekspertiza ndërkombëtare.</p>
<p>Kam pasur fatin, për shkak të detyrës, që të shoh se si disa vendime të Gjykatave tona kushtetuese në vite janë bërë pjesë edhe të vlerësimeve dhe referencave në gjykime kushtetuese në vende të tjera e më gjerë.</p>
<p>Gjykata aktuale ka sfidën për ta ruajtur me fanatizëm këtë traditë, këtë emër të mirë duke dëshmuar pavarësi reale nga të 3 pushtetet dhe kryesorja paanshmëri objektive, integritet e profesionalizëm në misionin e tyre.</p>
<p>Në tërësi Gjykata Kushtetuese aktuale në vlerësimin tim, ka një përbërje të mirë. Në rradhët e saj ka disa profesionistë me përvojë, individë me eksperiencë gjykimi pasi vijnë nga rradhët e gjyqësorit ose nga fusha e gjykimit kushtetues.</p>
<p>Gjykata ka gjithashtu në mbështetje edhe një staf të mirë këshilltarësh, një pjesë në moshë të re, të cilët nëse trajnohen dhe vlerësohen mund të jenë një burim shumë i mirë në të ardhmen për drejtësinë kushtetuese.</p>
<p>Duke qenë se njoh shumë mirë karierën dhe përvojën e shumë prej anëtarëve dhe këshilltarëve të gjykatës, e duke qenë se kam ruajtur me ta distancën e nevojshme etike për shkak të funksionit që aktualisht ushtrojnë, personalisht bëj pjesë tek ata që shpresojnë që mbasi kaluan këtë fazë tranzicioni formimi e formatimi që është reflektuar edhe në disa vendimmarrje të saj gjatë kësaj periudhe, është momenti që GjK të bëjë ndryshimin e duhur, të dëshmojë përgjegjshmëri, paanshmëri dhe profesionalizëm në vendimmarrjet e saj si dhe koherencë e konsistencë në ruajtjen e praktikave më të mira në vite dhe në mbrojtje të vlerave e parimeve kushtetuese.</p>
<p>Të gjithë jemi në pritje të shohim autoritetin e fortë kushtetues të kësaj gjykate në mbrojtje të shtetit të së drejtës.</p>
<p>Sigurisht që autoriteti nuk është një gjë që dhurohet, as që ta jep pozicioni që zë në hierarkinë shtetërore. E ca më keq fakti se cili është vendi në protokollin shtetëror apo edhe vetë paga. Paga e ndihmon pavarësinë, por paga nuk është baraz integritet dhe profesionalizëm. Se me këtë logjikë gjyqtarët e Gjykatës së Lartë do të duhet të konsiderohen më pak të dinjitetshëm se kolegët e Gjykatës Kushtetuese që do të marrin gati dyfishin e pagës së tyre !!!.</p>
<p>Për pozicionin e rëndësishëm që Gjykata Kushtetuese ka në hierarkinë e institucioneve kushtetuese dhe të pavarura, për rolin që ajo luan në forcimin e shtetit të së drejtës padyshim një vlerësim shumë më i mirë fianciar është një gjë e mirëpritur.</p>
<p>E thënë më drejtpërdrejt personalisht jam shumë dakord për rritjen e pagës referuese ose ndryshe pagës për funksion të gjyqtarëve kushtetues, por nuk jam dakord për shtesën mbi pagë të aplikuar për të për efekt vështirësie si dhe për diferencën e ndjeshme që krijohet për këtë shkak midis tyre dhe Gjykatës së lartë dhe Gjykatës së posaçme. Argumentat që prezantohen nuk janë bindëse dhe e bëjnë të diskutueshme e të cënueshme këtë vendimmarrje.</p>
<p>1.Gjykata Kushtetuese nuk është maja e piramidës së sistemit të drejtësisë, pasi nuk është pjesë e sistemit gjyqësor në vend, ndaj çdo pozicionim i saj në të është më së paku pakujdesi ose ndryshe reminishencë e disa praktikave të mëparshme kur ajo është sjellë si gjykatë e shkallës së katërt, gjë që ishte një ndër faktorët ndikues që çoji edhe në përfshirjen e saj në një proces reformimi thelbësor.</p>
<p>Përpjekja për ta futur në këtë rol GjK në raport me vendimet e SPAK dhe të Gjykatës së Lartë do të ishte një kthim mbrapa dhe me pasoja të mëdha për drejtësinë kushtetuese dhe shtetin e së drejtës.</p>
<p>2.Një argument i dhënë nga relacioni dhe i përsëritur edhe në debatet në komisione ishte se kjo bëhet për të rivendosur hierarkin e pagave. Hierakia krijohet realisht me koeficentin e pagës për funksion dhe kjo është qasje e drejtë, por shkelet keqas me pagën brutto përfshirë edhe shtesat, çka bën që një gjyqtar kushtetues në total të paguhet shumë më tepër se Presidenti, Kryetari i Kuvendit, Kryeministri, se mbi ministrat e deputetët po e po.</p>
<p>Pra me pagën bruto sipas këtij projekti një gjyqtar kushtetues do të paguhet shumë me tepër se cdo funksionar tjetër në këtë vend cka do të thotë se bie edhe argumenti i hierarkisë së pagave në piramidën shtetërore.</p>
<p>3.Argumenti tjetër se vendosja prej 58% e shtesës mbi pagë diktohet nga “Kompleksiteti dhe vështirësia” apo se “kjo gjykatë gjykon edhe kushtetueshmërinë e vendimeve të GjKKO e për këtë shkak duhet të paguhet edhe për vështirësi pune si ata” është tërësisht absurd dhe krejt i pasaktë.</p>
<p>Asnjë gjë nuk ka ndryshuar nga statusi i kësaj gjykate qysh nga krijimi i saj, as nga vetë reforma, që e bën sot funksionin e tyre shumë më kompleks dhe më të vështirë. GjK jonë kushtetuese nuk bën ndonjë rol ndryshe nga GjK në vendet e tjera ku askush nuk paguhet për shtesë page për “kompleksitet e vështirësi”.</p>
<p>Nuk ka logjikë e fakt të përafrojë dhe jo më të barazojë ngarkesën e punës së kësaj gjykate me atë që po përjeton aktualisht GjL dhe vet GJKKO, por mbi të gjitha me lëndën dhe natyrën e hetimit dhe gjykimit prej tyre si dhe gjithë procesin përkatës. Nga ana tjetër të mendosh pastaj se gjyqtarët kushtetues na paskan të njëjta vështirësi pune me gjyqtarët, prokurorët dhe hetuesit e SPAK kjo nuk do ishte lajthitje, por çmenduri në ditë vere.</p>
<p>E trajtuar kështu do të ishte edhe një mungesë vlerësimi e respekti për punën dhe rezultatet e Prokurorisë dhe Gjykatës së posaçme, për vështirësitë reale të tyre, për vendimet e vështira që ju duhet të marrin në përballje me krimin e organizuar, terrorizmin dhe korrupsionin në nivelet e larta, por edhe për faktin se jeta e tyre është jo rrallë e shantazuar dhe kërcënuar, por edhe e kufizuar dhe e privuar me ligj nga një sërë të drejtash dhe lirish në jetën e tyre të përditshme.</p>
<p>Në vlerësimin tim do duhej të kishte një qasje tjetër në trajtimin e kësaj kërkese qoftë edhe për ta ruajtur nga perceptimet negative.</p>
<p>E para sepse benefite të tilla duhet të mendohen mirë edhe sepse janë të pakthyeshme nesër dhe “lajthitje” të tilla janë nga ato që nuk zhbëhen më dhe më keq akoma e kanë efektin zinxhir.</p>
<p>Gjithashtu duhej mbajtur në konsideratë edhe pozicioni delikat i GjK në raport me ekzekutivin. Ndër vite është ndjekur zakoni i mirë që si rregull ligje të kësaj natyre dhe përgjithësisht çështjet e buxhetit të drejtësisë kanë kaluar përmes diskutimit dhe inisiativës së deputetëve të Kuvendit.</p>
<p>Gjithashtu mendoj se edhe vetë Institucionet e drejtësisë dhe sidomos drejtuesit e tyre duhet të jenë shumë më të përgjegjshëm, por edhe të kujdesshëm në kërkesat dhe sidomos në vendimmarrjet e tyre që lidhen po me pagat e tyre, shtesat e pagave dhe privilegjet e tjera.</p>
<p>Ata duhet të dëshmojnë se drejtësia jo vetëm që nuk është një mall që shitet e blihet, por as edhe një shërbim që shkëmbehet me privilegje të pamerituara apo të pa justifikuara të çfarëdolloji qofshin ato.</p>
<p>Besoj fort se akte të tilla nuk i bëjnë mirë edhe vetë sistemit, pasi e largojnë atë nga qytetari, e bëjnë më pak miqësor me të. Ndaj çdo vendimmarrje e tillë duhet të shihet me kujdes nëse vërtet duam ta mbrojmë drejtësinë e re, nëse vërtet duam që të forcohet besimi i qytetarëve te drejtësia.</p>
]]></content:encoded>
					
					<wfw:commentRss>https://javanews.al/kushtetuesja-perballe-sfidave-me-shume-paanshmeri-integritet-profesionalizem-dhe-koherence/feed/</wfw:commentRss>
			<slash:comments>1</slash:comments>
		
		
			</item>
		<item>
		<title>Drejtësia, e vetmja rrugë shprese që nuk na e mban kokën mbrapa dhe as lart nga ballkoni</title>
		<link>https://javanews.al/drejtesia-e-vetmja-rruge-shprese-qe-nuk-na-e-mban-koken-mbrapa-dhe-as-lart-nga-ballkoni/?utm_source=rss&#038;utm_medium=rss&#038;utm_campaign=drejtesia-e-vetmja-rruge-shprese-qe-nuk-na-e-mban-koken-mbrapa-dhe-as-lart-nga-ballkoni</link>
					<comments>https://javanews.al/drejtesia-e-vetmja-rruge-shprese-qe-nuk-na-e-mban-koken-mbrapa-dhe-as-lart-nga-ballkoni/#respond</comments>
		
		<dc:creator><![CDATA[Fatmir Xhafaj]]></dc:creator>
		<pubDate>Tue, 28 May 2024 08:30:09 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1525338</guid>

					<description><![CDATA[Nga Fatmir Xhafaj Fushata e vitit 2021 mbetet një moment i rëndësishëm në karrierën time politike, ku derë më derë me zgjedhësit e mi dhe dritare më dritare mediatike, siç dihet e mbështeta kërkesën për votë mbi angazhimin tim publik për tri beteja kyçe, tre objektiva në përputhje me programin e Partisë Socialiste: Drejtësia, Antikorrupsioni dhe [&#8230;]]]></description>
										<content:encoded><![CDATA[<p><strong>Nga Fatmir Xhafaj</strong></p>
<p>Fushata e vitit 2021 mbetet një moment i rëndësishëm në karrierën time politike, ku derë më derë me zgjedhësit e mi dhe dritare më dritare mediatike, siç dihet e mbështeta kërkesën për votë mbi<strong> angazhimin tim publik për tri beteja kyçe, tre objektiva në përputhje me programin e Partisë Socialiste: Drejtësia, Antikorrupsioni dhe Rinia!</strong></p>
<p>Isha i bindur se nëse vota e qytetarëve do më sillte sërish në këtë sallë, do t’i përkushtohesha me gjithë mundësitë dhe energjitë e mia, këtyre tri betejave. Rreth 17.000 zgjedhës më besuan jo thjesht votën, por shpresën e tyre për t’ju shërbyer, angazhuar dhe vepruar me këtë mision.</p>
<p>Andaj, edhe qysh në nisje të kësaj legjislature, fjalën time të parë në këtë foltore (<em>16 shtator 2021</em>) ja kushtova pikërisht nevojës së domosdoshme të ndërmarrjes së hapave që synonin thellimin e mëtejshëm të rrugës së reformave shtet-formuese, konsolidimin e reformës në drejtësi dhe ndërmarrjen e një sërë iniciativash të reja me fokus anti-korrupsionin.</p>
<p>Kjo është edhe arsyeja pse <strong>e mbështes fort këtë rezolutë e cila vlerëson nismat dhe mekanizmat e deritanishme e rezultatet e arritura dhe i hap rrugë reformave që qytetarët presin për ndryshimin që ata duan, për të ardhmen</strong> që ata na kanë besuar, ku Shqipëria 2030 e gjeneratës së re evropiane. nuk ngjet aspak si destinacion i largët, nëse çdo ditë rezultatet e këtij projekti do ofrojnë stacione shprese.</p>
<p>I kam ndjekur me vëmendje reagimet e shumta që prej momentit kur iniciativa u prezantua nga kryeministri! I keqardhur kur balta ka qenë reagimi i parë pasi edhe politika duhet të bëjë armëpushim kur flitet për një kauz që mund të kurojë e shërojë plagë 30 vjeçare duke u bashkuar, jo duke u ndarë, duke folur me zërin e arsyes, dhe jo të dëshpërimit politik, duke pasur vullnet për punë e përunjësi politike, dhe jo luftë ndaj njëri-tjetrit, tymi i së cilës vetëm ka sjellë verbëri për të parë hallet reale të qytetarëve.</p>
<p>Siç edhe e dini, unë për disa çështje disa herë edhe këtu në këtë sallë, kam mbajtur qëndrime të ndryshme të shprehura edhe me vote, duke i qëndruar besnik bindjeve dhe këndvështrimeve të mia, kryesisht në çështjet që lidhen me procesin e zbatimit të reformës në drejtësi dhe fushën e zbatimit të ligjit, por diskutimi për këtë proces reformash pa asnjë mëdyshje më ka përfshirë aktivisht në tryezë sepse gjykoj se, <strong>rrugët në politikë duhet të bashkohen aty ku bashkohen interesat e qytetarëve për një shtet të fortë, ku udhërrëfyes janë vlerat europiane dhe jo sherret mes partive e mospëlqimet e klasës politike, apo edhe raportet e prishura, ndasitë, qejfmbetjet, interesat e protagonizmat personale</strong>.</p>
<p>E ky nuk është moral, por thirrje që ti lëmë mënjanë sherrnajat tona e ta mbështesim këtë Rezolutë, e cila veç të tjerash shërben si <strong>një ftesë e hapur për një cikël të ri reformash të thella shtet-formuese e gjithëpërfshirëse në funksion të forcimit të shtetit të së drejtës</strong>.</p>
<p>Për çdo skeptik, konspiracionist, akuzues a trillues, përfshi dhe sponsorizuesit e tyre, që me dashje apo pa dashje janë duke atakuar këtë projekt, di të them që <strong>synimi i kësaj rezolute është i qartë, transparent, i vërtetë dhe është vetëm një: Përmirësimi i cilësisë së qeverisjes, Forcimi i zbatimit të ligjit dhe kryesorja Ashpërsimi i luftës kundër korrupsionit në të gjitha nivelet e qeverisjes, përfshi dhe reformimin e strukturave përkatëse dhe mekanizmave anti-korrupsion</strong>.</p>
<p>Kur Partia Socialiste nisi të konkretizonte reformën në drejtësi, tonet kundërshtuese brenda e jashtë kësaj salle ishin shumë më të mëdha, dhe nga të gjitha krahët, dhe sot rezultati që kemi padyshim është një medalje krenarie në murin e madh që u ngrit mes ligjit dhe pandëshkueshmërisë, mes drejtësisë me komandë politike dhe drejtësisë si pushtet i pavarur!</p>
<p>Reforma në drejtësi ishte dhe mbetet hap kyç në ndarjen e balancimin e pushteteve dhe përmirësimin e qeverisjes, por <strong>që ajo të mbetet një proces i besueshëm e i PAKTHYESHËM dhe të efektojë pozitivisht gjithë mekanizmat e shtetit dhe vetë shoqërinë shqiptare është domosdoshmëri, që bazuar në këtë model organizimi e reformimi të thellojmë procesin e reformave shtetformuese që reformojnë e konsolidojnë në të njëtin hap veprimi me to, edhe institucionet e tjera ligjzbatuese të shtetit.</strong></p>
<p>Padyshim që <strong>zbatimi i reformës mbetet ende një sfidë</strong>. Ajo është në rrugë të mbarë dhe pa kthim, por ende reforma nuk e ka mbyllur fazën e saj të vetingut, dhe për rrjedhojë edhe të formatimit dhe funksionalitetit normal të institucioneve të reja, të cilat ende nuk janë me ritmin e duhur dhe në standardet mbi të cilat u ndërtua kjo reformë e thellë. Duhet <strong>më shumë angazhim </strong> <strong>lidhur me cilësinë e qeverisjes së brendshme të vetë sistemit, dhe veçanërisht për rritjen e përgjegjshmërisë dhe llogaridhënies së magjistratëve, transparencën e institucioneve të drejtësisë, koordinimin dhe bashkëpunimin midis tyre, dhe kryesorja për rritjen e cilësisë së hetimeve e gjykimeve, përmirësimin e efiçensës së sistemit, aksesit dhe shërbimeve që ju ofrohen qytetarëve si dhe respektimin e lirive dhe të drejtave të njeriut.</strong></p>
<p>Shoh në disa deklarata të disa kolegëve opozitarë një përpjekje për të nxirë çdo gjë të bërë këto vite dhe disa ndër ju çuditshëm shkojnë deri aty sa hyjnizojnë të djeshmen!! Shqiptarët dhe jo vetëm ata, e njohin mirë edhe atë realitet ku korrupsioni ishte gjerësisht i pranishëm dhe kryesorja, mekanizmat frenuese ndaj tij shumë të dobëta. Ndaj <strong>duhet ta pranojmë që JU dje, NE sot, jemi fajtorët kryesorë që situata është kjo sot që na thërret për reflektim, reagim dhe veprim, si ndjesa e vetme që mund t’i japim qytetarëve edhe pse pak e vonë</strong>.</p>
<p>Sigurisht, ndryshe nga ju, ne kemi kurajë ta pranojmë që pavarësisht përpjekjeve të shumta të Qeverisë dhe Kuvendit për forcim dhe modernizim të makinerisë shtetërore dhe rezultateve shumë pozitive gjatë këtyre 11 vjet qeverisjeje, do të ngrihemi në një standard tjetër. <strong>Nëse dje ngritëm SPAK brenda pushtetit të drejtësisë, tani synojmë të ngremë në të njëjtin nivel e standard përgjegjshmërie, dhe institucionet e agjencitë ligjzbatuese të kësaj fushe brenda qeverisjes në të gjithë nivelet e saj, se si të parandalojmë dhe luftojmë paligjshmërinë për të pasur një administratë më të mire, dhe me më shumë integritet, shoqëri më të shëndetshme dhe qeverisje cilësisht shumë më të mirë</strong>.</p>
<p>Unë <strong>nuk bëj pjesë tek ata që e shohin ndëshkimin penal dhe sidomos burgun si alternativën kryesore, apo që e shohin përdorimin e instrumentave të drejtësisë së re për ndëshkim politik apo populizëm mediatik</strong>. Sa më pak njerëz në ndëshkim penal aq më e shëndetshme është shoqëria. Ai është fisheku i fundit. Ka ndodhur kjo sepse kemi dështuar në aspektet e tjera. <strong>Lufta kundër paligjshmërisë dhe vetë korrupsionit është një ndërthurje komponentësh e masash politike, institucionale, financiare, administrative dhe edukative para se të jetë ndëshkim penal</strong>!</p>
<p>Është momenti që t’i rikthejmë Kuvendit jo vetëm pushtetin që duhet t’i njohë vetes, por edhe detyrimin e mundësinë për të gjetur e vendosur në zbatim zgjidhjet e duhura. <strong>Kuvendi është vendi ku tre pushtetet dhe të gjithë faktorët e tjerë shoqërorë, bëhen bashkë për ta koordinuar punën e përbashkët për hartimin dhe zbatimin e këtij plani të domosdoshëm kombëtar veprimi</strong>, duke krijuar hapësirën dhe mundësinë e gjithëpërfshirjes së aktorëve politikë në radhë të parë, të institucioneve të pavarura, agjencive ligjzbatuese, shoqërisë civile, botës akademike, grupeve të interesit, sipërmarrjes private dhe medias gjithashtu, por edhe ekspertizën më të mirë vendase e ndërkombëtare, përfshi dhe kapacitetet e shumta në diasporën tonë jashtë vendit.</p>
<p>Si deputet i kësaj mazhorance e cila pati vullnetin të iniciojë e çojë përpara reformën historike të drejtësisë, dua t’ju them se <strong>jam krenar që Partia Socialiste, familja ime politike me kurajo e vizion të qartë është duke iniciuar këtë hap të madh reformimi</strong>!</p>
<p><strong>Reformat janë e vetmja rrugë e vërtetë shprese, e cila nuk na i mban kokën mbrapa dhe as kokën lart nga ballkoni drejt askundit, por drejt Shqipërisë Evropiane 2030.</strong></p>
<p>Mbështetja që kemi marrë në këta 33 vjet nga SHBA e BE, ka qenë vendimtare në këtë rrugëtim të gjatë për konsolidimin e demokracisë dhe shtetit të së drejtës. Ashtu siç ngjau me reformën në drejtësi, ku asistenca dhe monitorimi prej tyre dje gjatë hartimit dhe sot gjatë zbatimit mbeten garancia kyçe e suksesit. <strong>Jam tejet optimist për mbështetjen e partnerëve tanë edhe për këtë rezolutë që i hap rrugë një procesi tjetër reformues, ose siç e shpreh një nga partnerët tanë strategjik: REFORMA 2</strong>. Sigurisht siç ngjau edhe tek reforma në drejtësi, <strong>ata do të na asistojnë e monitorojnë, por në thelb kjo mbetet lufta jonë, përgjegjësia jonë</strong>!</p>
<p>Sigurisht ky nuk është një proces i lehtë, nuk është një betejë e thjeshtë, edhe sepse jemi të vonuar, por është momenti, për ta bërë këtë betejë dhe për ta bërë së bashku!</p>
<p>Jam shpresëplotë që kolegë të nderuar të opozitës, shumë prej të cilëve i çmoj si vlera të këtij Kuvendi, do gjejnë forcën për t’ju bashkuar këtij procesi reformues!</p>
<p><strong>Ne po ju ftojmë jo në një betejë për partitë tona, por për Shqipërinë, jo në një betejë për karriget tona, por për të ardhmen evropiane të vendit, të qytetarëve, gjeneratës së re, fëmijëve, nipave e mbesave tona!</strong></p>
]]></content:encoded>
					
					<wfw:commentRss>https://javanews.al/drejtesia-e-vetmja-rruge-shprese-qe-nuk-na-e-mban-koken-mbrapa-dhe-as-lart-nga-ballkoni/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Përtej tymit… ka sfida</title>
		<link>https://javanews.al/pertej-tymit-ka-sfida/?utm_source=rss&#038;utm_medium=rss&#038;utm_campaign=pertej-tymit-ka-sfida</link>
					<comments>https://javanews.al/pertej-tymit-ka-sfida/#respond</comments>
		
		<dc:creator><![CDATA[Fatmir Xhafaj]]></dc:creator>
		<pubDate>Fri, 21 Jan 2022 08:22:45 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1137913</guid>

					<description><![CDATA[Nga Fatmir Xhafaj Tymnaja politike e bravave, levave dhe megafonëve rreth tyre, duket se do të vazhdojë edhe për shumë gjatë të dominojë skenën politike, mediatike dhe shoqërore. Teksa selia e PD-së fatkeqësisht vijon të nxjerrë tym të zi derisa të digjen plotësisht të gjitha zullumet, intrigat, autokracitë dhe gënjeshtrat që kanë berishizuar dhe lulëzuar [&#8230;]]]></description>
										<content:encoded><![CDATA[<p><em><strong>Nga Fatmir Xhafaj</strong></em></p>
<p>Tymnaja politike e bravave, levave dhe megafonëve rreth tyre, duket se do të vazhdojë edhe për shumë gjatë të dominojë skenën politike, mediatike dhe shoqërore. Teksa selia e PD-së fatkeqësisht vijon të nxjerrë tym të zi derisa të digjen plotësisht të gjitha zullumet, intrigat, autokracitë dhe gënjeshtrat që kanë berishizuar dhe lulëzuar për vite me radhë aty brenda, nuk duhet të lejojmë që ai tym mbytës të na zërë shikimin për të hedhur vështrimin edhe në dimensione të tjera ku duhet të orientohemi si politikanë, si ligjvënës dhe si shqiptarë që të sotmen e duam më të mirë se të djeshmen dhe të nesërmen më të mirë se të sotmen.</p>
<p>Nuk kam për qëllim t’i tregoj askujt se çfarë duhet të bëjë, por nën peshën e rëndë të votës së qytetarëve, kam për detyrë të flas hapur për atë çka na shqetëson dhe preokupon për të propozuar ide e zgjidhje që s’vijnë nga unë, por nga modelet më të mira të demokracive perëndimore që pavarësisht niveleve të larta ku kanë arritur, nuk ndalojnë kurrë se ngrituri mekanizma për t’i shpëtuar amortizimit, stanjacionit dhe për t’u konsoliduar akoma më tej.</p>
<p>Një prej tyre është i freskët, i qartë dhe sfidues, ku më 3 qershor 2021, presidenti amerikan Joe Biden vendosi luftën kundër korrupsionit si një interes thelbësor të sigurisë kombëtare të SHBA-së dhe veç 6 muaj më pas administrata Biden-Harris miratoi Strategjinë për luftën kundër korrupsionit nën pesë shtylla që përforcojnë njëra-tjetrën: 1.Modernizimi, koordinimi dhe ofrimi i burimeve për përpjekjet e Qeverisë Amerikane në luftën kundër korrupsionit; 2.Ndalimi i financimeve të paligjshme; 3.Vendosja para përgjegjësisë të aktorëve të korruptuar; 4.Ruajtja dhe forcimi i arkitekturës shumëpalëshe kundër korrupsionit; 5.Përmirësimi i angazhimit diplomatik dhe shfrytëzimi i asistencës së huaj për të arritur qëllimet e politikës kundër korrupsionit.</p>
<p>Siç është e njohur tashmë, kjo u pasua edhe nga një samit organizuar nga presidenti amerikan në muajin dhjetor, me liderët politik nga gjithë bota, aktorë të shoqërisë civile dhe sektorit privat i fokusuar në tre tema kyçe: 1.Forcimi i demokracisë dhe mbrojtja kundër autoritarizmit; 2.Adresimi dhe lufta kundër korrupsionit; 3.Promovimi dhe respektimi i të drejtave të njeriut. Një samit i shndërruar në një lëvizje që me suksesin e pritshëm mund të bëjë histori nisur nga zhvillimet delikate ndërkombëtare që jetojmë dhe posaçërisht nga sfidat që përballet sistemi demokratik përgjithësisht dhe demokracitë e reja veçanërisht.</p>
<p>Akoma e më tepër, kur demokracitë janë të brishta duke u rrotulluar prej dekadash në tranzicion të tejzgjatur si ky i yni, nevojitet një qasje serioze për të ofruar progres në qëndrueshmërinë ekonomike, sociale dhe politike. Nëse për SHBA-në dhe shumë vende të tjera me demokraci të konsoliduar, këto problematika konsiderohen prioritete, atëherë për ne duhen konsideruar emergjente. Ndaj le të shërbejë iniciativa e tyre si një leksion primar jo vetëm demokracie, por edhe politik për të mësuar, reflektuar, implementuar dhe vepruar në të njëjtin ritëm e strategji.</p>
<p>Sot, duhet pranuar, që këto sfida janë emergjente pavarësisht përpjekjeve të mëdha që kemi bërë bashkërisht nëpërmjet një sërë politikash dhe masash për të luftuar korrupsionin në të gjitha fushat, ndërtimin e instrumenteve të qëndrueshëm për luftën ndaj korrupsionit dhe krijimin e një sërë institucionesh të pavarura të cilat janë pjesë e luftës ndaj korrupsionit. Fatkeqësisht, përsëri besimi te institucionet e ndryshme të qeverisjes mbetet në shifra të ulëta dhe korrupsioni mbetet realisht një plagë në shoqërinë shqiptare. Pavarësisht se duam apo nuk duam ta pranojmë, preferojmë apo nuk preferojmë ta themi me zë të lartë, ai është aty duke na sfiduar çdo ditë, në çdo sektor dhe në të gjitha nivelet e qeverisjes dhe për fat të keq shpesh gjejmë bashkëpunimin e zi midis politikës së të gjitha krahëve, korrupsionit dhe krimit të organizuar. Ky është fakt, të tjerat janë veç fjalë qoftë dje, qoftë sot.</p>
<p>Megjithëse këto vite është bërë shumë punë, që para së gjithash meriton respekt për nismat e marra, reformat në implementim dhe bilancin e arritur deri më sot, përsëri ngelet e pamjaftueshme në raport me problematikat serioze që shfaqen, përgjegjësitë e mëdha që mbartim por edhe me kapacitetet e mëdha institucionale e administrative që kemi angazhuar e financuar në zbatimin e ligjit.</p>
<p>Ashtu siç u theksua fort në samitin e Uashingtonit, është korrupsioni dhe pandëshkueshmëria ato që hanë si të babëzitur në themelet e shoqërive demokratike, çka e bën qeverisjen më pak efektive, sulmon bazat e institucioneve demokratike, nxit dhe intensifikon ekstremizmin dhe e bën më të lehtë për autoritarizmin të gërryej qeverisjen demokratike.</p>
<p>Andaj, në reflektim të angazhimeve tona ndërkombëtare si pjesë aktive e këtij samiti ndërkombëtar, si vend anëtar i NATO-s, si vend kandidat për familjen europiane dhe parasëgjithash si domosdoshmëri për të mbrojtur e konsoliduar demokracinë në vend, për të ruajtur e forcuar besimin e qytetarëve te sistemi demokratik dhe institucionet e tij, për të ushqyer shpresën e fortë te rinia për një të ardhme të sigurt demokratike të shoqërisë, duhet të nisim një betejë të fortë institucionale e publike gjithëpërfshirëse, për të vepruar ndaj këtyre fenomeneve me pasoja të egra dhe afatgjata politike, ekonomike dhe sociale.</p>
<p>Meqenëse viti 2022 është konsideruar një &#8220;VIT VEPRIMI&#8221; për të çuar përpara qëllimet e samitit ku edhe Shqipëria ishte pjesë, përfaqësuar nga Kryeministri z.Edi Rama, është tani momenti që të gjithë bashkërisht duhet të nisim një debat të sinqertë publik, të ngremë ura komunikimi me njëri-tjetrin e të gjithë aktorët, të nxjerrim mësime nga praktikat më të mira ndërkombëtare, të hartojmë një platformë gjithëpërfshirëse dhe të organizojmë struktura efiçente e të mirëbesuara që do të vendosen në veprim. Mbi të gjitha, na duhet të veprojmë pa shumë retorikë konfliktuale, por me ide, zgjidhje e veprime konkrete të peshuara me rezultate konkrete.</p>
<p>Teksa lufta politike mëton në të njëjtat ujëra të ndotura 30 vjeçare ku “non gratat” vijojnë të shkarkojnë helm dhe turbullira, ne si maxhorancë që udhëhoqëm një ndër reformat më thelbësore në këtë vend, reformën në drejtësi, në përligjje edhe të mandatit qeverisës të tretë radhazi e kemi obligim të gjendemi në kahun e duhur të moralit shoqëror dhe historisë e cila ashtu siç do të shkruajë për bravat e levat, ashtu do të shkruajë edhe se si po përballemi me sfida të tilla.</p>
<p>Sigurisht kjo është dhe duhet të ngelet shumë më mirë një angazhim parësor i qeverisë. Shumë hapa janë pozitive në këtë aspekt e sidomos në aspektin rregullator dhe të digjitalizimit të shërbimeve publike. Por ndërkohë në shumë aspekte gjithçka mbetet në nivelin e strategjive formale dhe një pjesë e mekanizmave ekzekutive dhe institucione të zbatimit të ligjit në varësi të saj megjithëse janë të ndërtuara për këtë funksion janë inefiçente dhe pa produkte konkrete. Qeveria dhe ne si maxhorancë, para se të shohim çfarë duhet të bëjë drejtësia dhe institucionet e saj duhet të shohim se çfarë janë duke bërë institucionet tona ligjzbatuese dhe se sa e si ato janë në një hap dhe në bashkëpunim të frytshëm me drejtësinë e re.</p>
<p>Padyshim, nga ana tjetër të gjithë ne, qytetarët dhe partnerët ndërkombëtarë kanë pritshmëri të larta nga institucionet e reja të drejtësisë të ndërtuara posaçërisht për luftën kundër korrupsionit. Projekti i drejtësisë së re është një realitet në veprim. Tashmë është përgjegjësia e tyre të dëshmojnë pavarësi reale, vullnet e përgjegjshmëri në zbatimin e ligjit. Janë aty me dëshirën e tyre, kanë konkuruar për të qenë pjesë e kësaj sfide të jashtëzakonshme, paguhen mjaft mirë dhe mbrohen e mbështeten si askush tjetër në këtë vend për këtë qëllim specifik: Të ndëshkojnë pandëshkueshmërinë e mitizuar duke goditur me forcën e ligjit simbiozën Politikë e keqe – Korrupsion – Krim i Organizuar. Është koha për rezultate reale, konkrete e domethënëse në zbatim të kushtetutës, ligjit dhe interesit të lartë publik.</p>
<p>Në dhjetor Partneriteti për Demoraci i Dhomës së Përfaqësuesve në Kongresin Amerikan mirëpriti një tjetër takim ndërkombëtar me fokus 3 çështjet kyçe të Samitit duke i parë ato nga këndvështrimi i rolit të ligjvënësve në këto fusha jetike për domokracinë. Një mësim i vyer për reflektim edhe për ne deputetët shqiptarë. Kjo sepse Kushtetuta realisht na përcakton ne deputetëve si përfaqësues të popullit, një përgjegjësi kyçe për shkak të funksionit ligjbërës dhe mekanizmave të koordinimit, monitorimit e kontrollit të pushteteve të tjera dhe veçanërisht rolit ekskluziv të Kuvendit për institucionet e pavarura. Kjo edhe për faktin e rëndësishëm se vetëm përmes Kuvendit, sidomos në kushtet aktuale, mund të garantojmë gjithëpërfshirje në këtë proces të politikës para së gjithash, por edhe shoqërisë civile, grupeve të interesit, medias dhe sipërmarrjes private. Edhe vetëm reflektimi mbi rekomandimet ndërkombëtare në këtë fushë si Raport progresi i BE, Manyval, Greco, etj, do të ishte një hap minimal, por i domosdoshëm. E gjithë kjo mund të përmblidhet në një paketë strategjike për t’u vendosur në zbatim hap pas hapi nën monitorimin dhe mbikqyrjen parlamentare, çka do ta bënte atë shumë më gjithëpërfshirëse, të qëndrueshme në kohë dhe padyshim edhe më rezultative.</p>
<p>Siç e dimë, korrupsioni e sidomos ai i niveleve të larta vret çdo ditë, gërryen të sotmen, humbet besimin e qytetarëve te shteti dhe institucionet e tij dhe kryesorja po vret shpresën e të rinjve tek e ardhmja e tyre. Ne kemi nevojë për më shumë shkolla, spitale, energji, rrugë, aeroporte, porte e shumëçka që sjell zhvillim ekonomik dhe ndryshimet e mëdha që po ndodhin në këtë aspekt janë tejet pozitive, por para së gjithash kemi nevojë për të konsoliduar akoma më tej një shtet të fortë, për shpresë e besim tek qeverisja e drejtë dhe e barabartë e tij. Demokracitë nuk i bëjnë më të forta dhe të qëndrueshme muret dhe betoni, as individët e fortë sado vullnetmirë të jenë ata, por shteti i së drejtës dhe institucionet e qëndrueshme që kanë si parakusht integritetin.</p>
<p>Shqipëria është vendi ynë ku po ndërtohet e ardhmja e fëmijëve tanë ndaj të cilëve kemi përgjegjësi politike, ligjore, morale dhe historike për të trashëguar një vend me demokraci të qëndrueshme, me shtet të së drejtës dhe institucione të përgjegjshme në zbatimin e ligjit.</p>
<p>Koha për “luftë” demokratike në emër të paqes ashtu si partnerët tanë dhe familja demokratike euro-atlantike! Në mos ne, atëherë nga kush do të presim të përballet me këtë sfidë, në mos sot, atëherë kur do të duhet të nisim ta bëjmë?</p>
]]></content:encoded>
					
					<wfw:commentRss>https://javanews.al/pertej-tymit-ka-sfida/feed/</wfw:commentRss>
			<slash:comments>0</slash:comments>
		
		
			</item>
	</channel>
</rss>
