Lulzim Basha ndihet i zënë keq nga denoncimet për zhvatje dhe kërcënime të bizneseve dhe qytetarëve që neve si PS po sjellim në dritë dhe ditë pas dite.

Kryetari i “kuq” i PD po i vendos bizneset dhe kompanitë private mes dy alternativash të tmerrshme: Shtetëzimit komunist përmes “Listës së Zezë” që prej ditësh ka vënë pas murit të PD, ose zhvatjes me “Taksën e Kunatit” përmes shifrash marramëndese.

3 dekada pas rënies së komunizmit në Europë shqiptarët po rikujtohen me pahir nga PD dhe një herë se çfarë kanë hequr në të shkuarën.

Ringjallja e fantazmës së komunizmës nga Lulkuqi i PD po na vjen përditë në ekranet tona televizive, mjafton dhe sapo të përmendet “Taksa e Kunatit”.

Lulkuqi të numëron pa pikë morali si të ishte viti 1946, gjithë pronat e ndershme dhe të ligjshme të punës së krushqisë, farefisit apo dhe prindërve të larguar nga kjo jetë.

Lulkuqi kurrë s’ka qenë kaq i dëshpëruar, acid dhe komunist i kuq: as kur humb zgjedhjet në emër të PD (edhe në Njësinë 8, shtëpinë e tij), as kur mbron kuksianët, as kur mbron artistët, as kur mbron parimet e djathta të një Partie Demokratike sot në koma morale.

Kam respekt për demokratët e vërtetë që njësoj sa unë, besojnë në vlerat bazë: të drejtës së pronës, tregut të lirë, fuqisë së kapitalit shqiptar dhe urrejnë komunizmin e kuq si dje & rot.

Respekt për Lulkuqin … JO!

Pres me respekt nga demokratët e vërtetë të mohojnë virusin e kuq sovjetik si dje ashtu dhe sot, në çfarëdo lloj forme të ricikluar nga kryetarë sterilë të kuq partish.

Para se të rinxjerrë në ekranet televizive konferencierët hemafroditë të kuq të tij, po deklaroj para se ti “zbulojë Gjyqi Popullor” të Lulëkuqit se posedoj: 2 qenë shtëpiakë, 1 mace, 2 breshka uji dhe 7 peshq akuariumi.

Zogjtë e Zotit më ulen vetë ne bahçe, ndaj nuk i quaj të mitë për të deklaruar.

Lulzim Basha na qenkërka kaq “eksploziv” kur i përmend aferat e kunatit, saqë nuk di më çtë bëjë përveçëse të spërkatë baltë e të shpikë gënjeshtra pafund.

Aq shpërthyes qenka nervi kur i prek Paratë e Lulit -te Parkuara te Kunati- saqë ai nuk do t`ia dijë më së çfarë ligësie të sajojë dhe furishëm hedh baltë mbi deputetët e Partisë Socialiste.

Nisi me Kryetarin e grupit të Partisë Socialiste, Taulant Ballapor nga fillimi doli i humbur e i dështuar me orekstrimin e pjesës II të `Sagës Babale`, pastaj me deputeten Klotilda Ferhati, vijoi me Elisa Spiropalin edhe së fundmi me mua.

Luli nuk ka qenë kurrë kaq i DËSHPËRUAR: as kur humbi Zgjedhjet ne 2015, as kur humbi Zgjedhjet në 2017, as për aferën me rrugën e Kombit, as për ligjin për TVSH, as për taksat e banesës, as për Reformën ne Energji, as për Reformen Territoriale, as për Reformen ne Drejtësi, as për VETTING, as për Kryeprokuroren …. as edhe për Lodrat e Liqenit dhe së fundmi as për Teatrin – pretekse sa për të bojkotuar Kuvendin.

MINA me sahat e Lulit qenkërka vetë kunati me PARATË e tija, e nuk i intereson asgjë tjetër përveç PARASË.

Kot përbetohet Luli që çdo gjë bën e bën për të mirën e shqiptarëve, kur në të vërtetë çdo gjë e bën për të mirën e Kunatit.