<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:wfw="http://wellformedweb.org/CommentAPI/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	xmlns:slash="http://purl.org/rss/1.0/modules/slash/"
	>

<channel>
	<title>Bajram Peçi &#8211; JavaNews.al</title>
	<atom:link href="https://javanews.al/author/bajrampeci/feed/" rel="self" type="application/rss+xml" />
	<link>https://javanews.al</link>
	<description></description>
	<lastBuildDate>Mon, 09 Nov 2026 15:19:25 +0000</lastBuildDate>
	<language>en-US</language>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	

<image>
	<url>https://javanews.al/wp-content/uploads/2024/12/cropped-cropped-favicon-32x32.jpg</url>
	<title>Bajram Peçi &#8211; JavaNews.al</title>
	<link>https://javanews.al</link>
	<width>32</width>
	<height>32</height>
</image> 
	<item>
		<title>Lufta për pushtet është shkaku që ua nxijnë jetën qytetarëve?</title>
		<link>https://javanews.al/lufta-per-pushtet-eshte-shkaku-qe-ua-nxijne-jeten-qytetareve/?utm_source=rss&#038;utm_medium=rss&#038;utm_campaign=lufta-per-pushtet-eshte-shkaku-qe-ua-nxijne-jeten-qytetareve</link>
					<comments>https://javanews.al/lufta-per-pushtet-eshte-shkaku-qe-ua-nxijne-jeten-qytetareve/#respond</comments>
		
		<dc:creator><![CDATA[Bajram Peçi]]></dc:creator>
		<pubDate>Mon, 09 Nov 2026 15:12:23 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1920035</guid>

					<description><![CDATA[Nga Bajram Peçi Metoda më e mirë për të bërë analizën e pse-së, është ajo e krahasimit. Për rrjedhë, patjetër do t’u referohesh librave të historisë së Shqipërisë. I shfleton dy-tre prej tyre dhe ndalesh të mbash shënime kur ndesh Shqipërinë e 100 vjetëve më parë. Pasi përjeton sjelljen e nipërve të tyre sot, e [&#8230;]]]></description>
										<content:encoded><![CDATA[<p><strong>Nga Bajram Peçi</strong></p>
<p>Metoda më e mirë për të bërë analizën e pse-së, është ajo e krahasimit. Për rrjedhë, patjetër do t’u referohesh librave të historisë së Shqipërisë.</p>
<p>I shfleton dy-tre prej tyre dhe ndalesh të mbash shënime kur ndesh Shqipërinë e 100 vjetëve më parë. Pasi përjeton sjelljen e nipërve të tyre sot, e merr përgjigjen se pse ndodh kështu?</p>
<p>Të bëjmë shtet të pavarur e të fortë, që e filluam nga zero, apo të bëjmë demokraci përmes partive?</p>
<p>Pas shpalljes së Pavarësisë, periudha më e ndritshme e historisë tonë është Kongresi i Lushnjës. E përbërë nga ajka e kombit, parësi, atdhetarë dhe intelektualë, të mbështetur nga populli i armatosur, i doli zot vendit, duke pasur përballë tri fuqi, fqinjët tanë: Jugosllavinë, Greqinë dhe Italinë!</p>
<p>Në zhvillimet e Luftës së Parë Botërore, ato kishin siguruar marrëveshje me fuqitë e mëdha: Italia, nëse i bashkohej Antantës, i jepej Vlora, krahinat që e rrethonin atë, si dhe protektorati mbi Shqipërinë; Greqisë i jepej Korça dhe Gjirkastastra, për çka, përpos Anglisë dhe Francës, edhe Shteteve të Bashkuara të Amerikës i kish “shkarë” goja dhe kish dhënë pëlqimin; Jugosllavisë i kishin dhënë premtime për të mbajtur Shkodrën dhe kufiri i saj jugor të ishte Drini. Ngelte një copë Shqipërie, që Franca dhe Jugosllavia do e ruanin për Esat pashë Toptanin.</p>
<p>Kongresistët ikën nga Lushnja dhe erdhën në Tiranë, luftëtarëit ikën ndër shtëpia, bajraktarët i mbajtën një mori trimash. Ashtu siç u zhvilluan ngjarjet, në vend që t’i përkushtoheshin shtetit të sapokrijuar, çka gjëja e parë që i lipsej ishte bashkimi kombëtar, bashkëpunimi, për ta nxjerrë vendin nga prapambetja, injoranca, skamja dhe përçarja, krerët krijuan parti dhe ju turrën kolltuqve që afronte pushteti. Elektoratin e mjerë e zotëronte Partia Popullore e Ahmet Zogut, që pasohej nga “Bashkimi i Shenjtë”. Ndër këto parti, zotër ishin pashallarë-pronarë të mëdhenj tokash, bejlerë, agallarë dhe bajraktarë, të gjithë këta të lidhur fort përmes martesave. Vetëm dy prej tyre ngulnin këmbë prej emrit se program i tyre ishin fshatarët pa tokë, dhe kishin zgjedhur si emër Xhokën, një veshje e sipërme shqiptare, që vishej nga shtresa e varfër burra dhe gra. Partija tjetër, “As e Pashës, as e Beut”, gjithashtu kishte një program për vegjëlinë, që pak veta e kishin lexuar.</p>
<p>Krijimi i partive do ishte gjëja më e dëmshme. E dëmtoi rëndë Shqipërinë dhe kombin. Shkaku: ambicjet politike për të patur pushtetin, rrogat e privilegjet që fitoheshin prej posteve.</p>
<p>Përse u duhej pushteti këtyre partive? Mos vallë për prosperitein e popullit shqiptar? Lexoni më poshtë se sa pak gjasa kishte të ndodhte kjo?</p>
<p><strong> Një histori e shkurtër lufte për pushtet</strong></p>
<p>-Janar-nëntor 1920. Kongresi i Lushnjës, me të drejtë rrëzoi qeverinë e Durrësit dhe i shpalli tradhtar se i kishin dhënë mandatin Italisë. U krijua Këshilli i Naltë, organ si këshill regjence, me kryetar Aqif pashën dhe kryeministër Sulejman Delvinën. Së bashku përballën luftën e Vlorës dhe intervenimin jugosllav.</p>
<p>-20 nëntor 1920. Era e përcarjes u ndez me rrëzimin e kabinetit të Sulejman Delvinës, me nxitës deputetin e Dibrës, Ramiz Daci, me nxitjen e Aqif pashës, i cili inatin nuk e kish me kryeministrin, por me ministrin e brendshëm, Ahmet Zogollin.</p>
<p>&#8211; 21 Nëntor 1920. Sulejman Delvinën e zëvendësoi si kryeministër Iliaz Vroni, i cili u shkarkua nën presionin e grupit politik “Bashkimi i Shenjtë”, që ju imponua edhe pasuesit, kryeministrit Pandeli Evangjeli të jepte dorëheqjen, duke i vënë revolverin në kokë.</p>
<p>&#8211; Korrik 1921. Gjon Markagjoni, i ashtuquajturi princ i Mirditës, ndërsa Lidhja e Kombeve merrte vendimin për kufijtë e Shqipërisë, prej Prizrenit (Selinë e kish në Beograd), në marrëveshje me qeverinë jugosllave dhe klerin katolik, ngriti krye kundër qeverisë  dhe  shpalli Republikën e Mirditës.</p>
<p>-6 dhjetor 1921 Detyrën e kryeministrit e mori Qazim Koculi, i cili dha dorëheqjen brenda ditës, pasi u rrethua nga sherrxhinjtë e politikës, rivalë të tij.</p>
<p>&#8211; 7 dhjetor 1921-12 dhjetor 1921. Këshilli i Naltë ja ngarkoi barrën e krijimit të kabinetit Hasan Prishtinës, të cilin brenda muajit e detyruan të jepte dorëheqjen. Pason rrokopuja e të quajturës “Kryengritja e dhjetorit”.</p>
<p>&#8211; 12 dhjetor-24 dhjetor 1921. Në krye të qeverisë u caktua Idhomene Kosturi. Ishte një kabinet provizor në kushtet e mbretërimit të anarkisë dhe intrigave politike.</p>
<p>&#8211; U thirr Ahmet Zogolli, i cili ndodhej në operacionet kundër ushtrisë Jugosllave në veri. Ai erdhi me ushtri, stabilizoi e normlizoi pështjellimin, derisa u mblodh parlamenti (22 dhjetor 1921)</p>
<p>-24 dhjetor 1921-mars 1922. Këshilli i Naltë ju ngarkua për drejtim Xhaferr Ypit, i cili nuk vonoi të organizoj një grusht shteti, duke u prishur mendjen disa bajraktarëve, si Elez Isufi, Daj Sanës dhe Halid Lleshi, madje dhe Bajram Currit. Këto viktima, me forca të armatosura, sulmuan në mars 1922, hynë në Pukë dhe tentuan Shkodrën. Të tjerë ju drejtuan Elbasanit dhe Tiranës (Elez isufi), vranë në Valias Meleq Frashërin, që drejtonte trupat e qeverisë dhe u futën në disa lagje të Tiranës.</p>
<p>&#8211; Më 9 mars 1922. U kryen luftime brenda në qytet mes A. Zogollit që mbronte Tiranën dhe Elez Isufit.</p>
<p>&#8211; 12 mars 1922. Hyri pajtues z. Eyres, ministri fuqiplotë i Mbretërisë Angleze në Shqipëri. I bindi që Zogu, i cili e kish rrethuar E. Isufin, t’i lironte atij rrugën për tërheqje e të mos vrisnin më shqiptari-shqiptarin.</p>
<p>&#8211; 15 mars 1922. Pa u larguar ende kryengritësit nga Tirana, plasi kryengritje në Shijak dhe Durrës, të cilët Zogu i shtypi në Sukth, te çifligu i Hamid Toptanit. Kjo kryengritje ishte nxitur nga Mustafa Kruja, Zija Dibra dhe Abaz Kupi.</p>
<p>Fillon një periudhë qetësie, nën Ahmet Zogollin dhe kabinetin e tij, deri kur:</p>
<p>-23 shkurt 1924, Beqir Valteri qëllon në Parlament me tri plumba kryeministrin Ahmet Zogu.</p>
<p>&#8211; 6 prill 1924. Vriten dy amerikanë në Mamurras. Ahmet Zogolli, prej prokurorit dhe gjyqtarit u akuzua se kishte gisht në vrasjen e tyre.. Prokuroi kërkoi për A. Zogollin dënim me vdekje.</p>
<p>&#8211; 20 prill 1924. Avni Rustemi qëllohet me armë nga Jusuf Reçi dhe vdes pas tri ditësh. Djemtë e “Bashkimit” marshojnë nga Vlora dhe hyjnë në Tiranë. A.Zogolli ikën në Jugosllavi.</p>
<p>-10 qershor 1924, Fan Noli, kryetar i shoqërisë “Bashkimi”, ul veten në poltronin e kryeministrit.</p>
<p>-24 dhjetor 1924, Ahmet Zogu hyn prej Jugosllavie me trupa dhe përpjekje në Tiranë, merr pushtetin dhe e quan këtë datë “Triumf i legalitetit”.</p>
<p><strong> Histori shtatoresh e bustesh</strong></p>
<p>Pasojnë zhvillimet, Shqipëria Republikë-Zogu president, Shqipëria Monarki-Zogu mbret. Shqipëria shpëtoi nga partitë, Zogu mbretëroi i qetë 15 vjet dhe popullin e bëri zap. Të tillë gjë bëri dhe diktatura tjetër, 45 vjet e gjatë e Enver Hoxhës, emërimi juridik i të cilës ishte “Diktaturë e Proletariatit”.</p>
<p>Me bindjen se lexuesi do më ishte mirënjohës për të ditur se çfarë ndodhi me këta politikanë, që për kolltukun dhe poste rrezikuan disa herë seriozisht pavarësinë e Shqipërisë, deri kur shpura e tyre i dorëzoi “në pjatë” Viktor Emanualit kurorën e Skënderbeut?</p>
<p>Së pari duhet thënë se askush nga këta protagonistët e kohës nuk u vra, duke luftuar për Shqipërinë! Hasan Prishtina, Qazim Koculi, Bajram Curri, Avni Rustemi, Elez Isufi, u vranë si hakmarrje shqiptare prej shqiptarësh.</p>
<p>Së dyti, vlen të mësojmë se si miq ashtu dhe armiq kanë mes bulevardeve, rrugëve, shesheve dhe lulishteve tona, të ngritura shtatore dhe buste. Tirana ka pasur deri në vitin 1944 vetëm një shtatore, atë të Enriko Tellinit, vrarë nga grekët, duke qenë në detyrë për mbrojtjen ndërkombëtare të kufijve të Shqipërisë. Kësaj shtatoreje nuk i gjendet më as nam e as nishan? Nga mbinë këto dhjetëra të tjera? Ja t’i shohim?</p>
<p>Ahmet Zogu ka dy shtatore, një në Tiranë dhe një në Burrel. Tre kundërshtarët e tij, për të cilët i rëndon akuza si organizator i vrasjeve: Bajram Currit i ngrihet një monument madhështor në qytetin që mban emrin e tij dhe një bust në Krumë; Hasan Prishtina dhe Avni Rustem kanë nga dy shtatore dhe dy buste. H. Prishtina e ka një në Vlorë dhe tjetrin në bulevardin Zogu I, përballë shtatores Zogut; A. Rustemi ka një bust në Tiranë, në sheshin që mban emrin e tij dhe tjetrin në qendër të Libohovës.</p>
<p>Kur në pushtet kanë ardhur kundërshtarët e A. Zogut, kanë dashur t’ia heqin shtatoren, idem siç ka ndodhur me kundërshtarët e A. Rustemit, të cilësuar nga urrejtja si vrasës me pagesë, kanë dashur edhe ata t’ja heqin, por nuk ka ndodhur as njëra dhe as tjetra?</p>
<p>Sulejman Delvina ka bust në Delvinë dhe Aqif pasha (që e hoqi nga posti) ka shtatore në Elbasan. Nuk do mungonte edhe për feudalin, pronarin e madh të tokave, Ilias Bej Vrionin, një shtatore në qendrën historike të qytetit të Beratit; Fan Noli, që u ul në poltronin e kryeministrit i pa zgjedhur, ka tri buste, në Tiranë në Durrës dhe në Ersekë (pa përfshirë atë në Ibrik-Tepe).</p>
<p>Mustafa Kruja, italofili më i spikatur, kryeministër gjatë pushtimit, nuk u harrua për t’i bërë një bust në Krujë, ngjashëm siç ndodhi me Mitat Frashërin në Tiranë? Elez Isufi, ndonëse nuk e pushtoi dot gjithë Tiranën, ka një bust në Peshkopi dhe një shtatore në Dibër të Madhe.</p>
<p>Këto dhjetëra shtatore dhe buste bronzi ruajnë pamjen e atyre burrave që në vitet 1922-1924 e çuan Shqipërinë përsëri në buzë të greminës. Kushdo feudal e bajraktar që mundi, luftoi pushtetin për të ardhur vetë në pushtet?!</p>
<p>I vetmi protagonist i kohës 1922-1924, që nuk pati shtatore ose bust ishte i huaji që i bëri bashkë, i pajtoi përkohësisht për të mos u vrarë më me njeri-tjetrin, z. Eyres, ministri fuqiplotë i Mbretërisë Angleze në Shqipëri. Askush se kujton emrin e tij të harruar! Këtij zotërie nuk morën mundimin t’í vinin emrin as ndonjë cepi rruge!?</p>
<p>Historia vijon më tej me dyshimin se ”… kemi ngelur ata që kemi qenë”.</p>
<p>Lufta për pushtet vazhdon edhe pas 100 vjetësh, po me rregullat e asaj kohe, kaosin, por me armë të tjera. Bën përjashtim vetëm kushtetuta, që brenda rregullave quan vetëm zgjedhjet, votimet, pushtet përmes votës. Opozita i vlerëson të rregullta edhe ato brenda shpellës dhe xhunglës mendore të saj, të cilës duan t’i venë emrin “Studentore”. Ti Rama don me vota, unë, Saliu i madh me Saliun e vogël, i dua me “çunat e Londrës?!</p>
<p>Pjesë e kësaj lufte, që zhvillohet çdo pasdite në Tiranë, janë rusë dhe iranianë. Prej tyre hyjnë në dobi të protestave fonde të mjaftueshme për të përballur jo vetëm shpenzimin e ditës, por, siç u premtoi Sali Berisha, kthimin trefish të shumës së gjobave që u janë vënë banditëve që qëllojnë policinë. Duke qenë se dhe fëmijët e kopshteve e dinë që ai se prek më pushtetin me dorë dhe s’ka gjasa që ato gjoba të hiqen nga sistemi, premtimin e mbështet, besa, te këto financime!</p>
<p>Luftënxitësit dhe paqebërësit, nëse nuk do grindeshin më me njeri-tjetrin, para se të bëjnë më shumë dëme, janë të detyruara t’í referohen interesave të popullit. Ty protestues i lirë, ndalo veprimin atje ku fillon liria e tjetrit! Mjaft na nxitë jetën!</p>
]]></content:encoded>
					
					<wfw:commentRss>https://javanews.al/lufta-per-pushtet-eshte-shkaku-qe-ua-nxijne-jeten-qytetareve/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Pak rreshta për banditët që dhunuan Tiranën, që thyen semaforët dhe shkulën e thyen shtyllat e ndriçimit</title>
		<link>https://javanews.al/pak-rreshta-per-banditet-qe-dhunuan-tiranen-qe-thyen-semaforet-dhe-shkulen-e-thyen-shtyllat-e-ndricimit/?utm_source=rss&#038;utm_medium=rss&#038;utm_campaign=pak-rreshta-per-banditet-qe-dhunuan-tiranen-qe-thyen-semaforet-dhe-shkulen-e-thyen-shtyllat-e-ndricimit</link>
					<comments>https://javanews.al/pak-rreshta-per-banditet-qe-dhunuan-tiranen-qe-thyen-semaforet-dhe-shkulen-e-thyen-shtyllat-e-ndricimit/#respond</comments>
		
		<dc:creator><![CDATA[Bajram Peçi]]></dc:creator>
		<pubDate>Thu, 05 Nov 2026 16:14:38 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1918249</guid>

					<description><![CDATA[Nga Bajram Peçi Tiranës, vendbanimit tim, i ka ndodhur kjo gjëmë! Rasti e deshi që furinë e një copëze egërsie ta përjetoja në një distancë të afërt me një nga urat e Lanës. Banditët, djem shqiptarë, të moshës 15-20 vjeç, duke ndihmuar njëri-tjetrin, u kacavirrën në shtyllën mbajtëse të semaforit. Ndërkohë, një bandit tjetër i [&#8230;]]]></description>
										<content:encoded><![CDATA[<p><strong>Nga Bajram Peçi</strong></p>
<p>Tiranës, vendbanimit tim, i ka ndodhur kjo gjëmë! Rasti e deshi që furinë e një copëze egërsie ta përjetoja në një distancë të afërt me një nga urat e Lanës. Banditët, djem shqiptarë, të moshës 15-20 vjeç, duke ndihmuar njëri-tjetrin, u kacavirrën në shtyllën mbajtëse të semaforit.</p>
<p>Ndërkohë, një bandit tjetër i zgjati një shufër hekuri (e shkulur nga gardhimi rrugë-trotuar) me të cilën banditi lart në shtyllë i ra pa mëshirë, me gjithë focën dhe e theu semaforin me gjithë kaskën mbajtëse të ndriçimit. Më tej, “malllit të fashizmit”, shtyllës i vunë shpatullat dhe e përkulën deri në rrugë. Siç ishin grup, nxituan te semafori përballë, i cili pësoi të njejtin fat</p>
<p>Masakrimin nuk e vuajtën vetëm ato të cilësuara në titull, por ishin dhjetra e dhjetra objekte të tjera të qyetërimit, të cilat janë të pranishme në kryeqytetin tonë për rregullimin e jetës së përditëshme të lëvizjes e qarkullimit të njerzve dhe automjeteve. Ka disa prej objekteve që kanë moshën e një shekulli, siç janë gurët dekorativë, ardhur nga Italia, që shtronin trotuarin e që u shkulën në të dyja anët e rrugës, prej ministrive deri te universiteti.</p>
<p>Ato u përdoren si armë kundër policisë. Fatmirësisht policët, deri tani kanë marrë nga këta gurë kubikë vetëm goditje në trup, se nëse do u binin në kokë jeta e tyre do vihej seriozisht në rrezik. Nëse Tirana nuk është djegur tërësisht, kjo është meritë e policisë, që u ka dalë ballas banditëve dhe nuk i ka lejuar të shkojnë tej atij kufiri ku rrezikohet jeta e banorëve dhe shteti bie.</p>
<p>Do ishim të lumtur nëse banditët do mjaftoheshin me kaq, po këta vandalë të mesjetës së errët i shkatërruan Tiranës mbi 300 ndriçues të qytetit në gjithë rrugët kryesore: Bulevardin Dëshmorët e Kombit, Zogu I, rruga e Durrësit, rruga Myslym Shyri, rruga e Kavajës, rruga Zhan d’Árk, rruga Bajram Curri, etj.</p>
<p>Përveç ndriçimit, në këto rrugë dogjën e shkatërrrruan të gjithë stacionet e autobuzëve, qindra të tilla, stendat e reklamave të qytetit dhe të firmave private. Dora e fundit e shkatërrimeve ju bë në fillim të nëntorit kumbullave të rrugës Kavajës, ato që u mbollën për kthimin në identitet. Pak prej tyre kanë shpëtuar pa u thyer e shkulur. Deri tani janë denoncuar në organet tatimore 127 biznese dhe subjekte tregtare, të cilat janë konfirmuar si të dëmtuara dhe të vjedhura nga banditët, dëme që deri tani kapin vlerën e 2.150.000 mijë eurove. Në këtë shifër nuk përmenden dëmet e përmendura sa sipër, që janë pronë publike.</p>
<p>Shihet qartë se këta banditë i ka krijuar familja, shoqëria jonë. Shumica dërmuese e tyre janë banorë të periferisë, të cilët kanë ardhur nga fshatrat. U mungon edukata qytetare, ajo edukatë qytetare që e dimë mirë se formohet e përpunohet në procesin e të menduarit vetiak: kur shikon më të mëdhenjtë, kur u vë veshin mësuesve në shlollë, kur lexon e mëson më të mirat e kësaj jete! Dhe këto nuk kanë të bëjnë me nivelin ekonomik, por me mendimin e gjykimin. Dobësia mendore është i vetmi cen, që po kaluam adoleshencën, nuk dimë ta ndreqim.</p>
<p>Sami Frashëri, ndonëse i larguar herët nga Shqipëria, kur shkruan për formimin e shqiptarëve, vren se “…qëndron veçan nga popujt e qytetëruar, është i ndarë në fise të vogla, në armiqësi me njeri-tjetrin…Ata nuk kanë menduar ndonjëherë për t’u bashkuar”.</p>
<p>Duket se asgjë nuk ka ndryshuar. Ndjehem i turpëruar kur shoh se si shkatërrojnë pronën publike Për një farë kohe u duk sikur u fashitën këto tipare negative, por mëse 30 partitë partitë politike që solli prulalizmi, i lindën edhe më të spikatura këto dallime. Banditët kanë nga mbrapa partitë. PD dhe Sali Berisha (dhe jo vetëm) i inkurajon përmes TV të tij, u jep guxim për të shkatërruar e djegur pronën e shtetit, atë publiken, tënden dhe timen.</p>
<p>Të tilla kujtime të trishta me rizgjojnë prej kujtimeve të Xhemal Kusit (një historian i kohës para komunizmit) histori ngjethëse, prej të cilave  duket se kemi ngelur ata që kemi qenë. Lexo, i nderuar lexues disa rreshta të nxjerra nga faqe 180 e botimit “Shqipëria në vitet 1912-1944”:</p>
<p>“…Ushtrija austro-hungareze pati lënë në vendin tonë (1918) trena, binarë, baraka, ndërtesa të drunjta, centrale elektrike, hekurudhën e dekovilit Tiranë-Shkodër, që punonte hem për udhëtarë, hem për transport, teleferikun Vorë-Shkodër…Mirëpo, po ku vajti kjo pasuni shtetrore shumë e vlefshme? Kjo pasuni e tanë u grabit nga popullsia  vendase”. Një vandalizëm i pashembullt popullit i popullit katundar ndaj vetes” Binarët e hekurit u bënë hunj gardhesh 140 km hekurudhë, me trena, binarë, tërkuzat e teleferikut, kabllot eketrike, lëndë druni, hekur e metal, magazinat e ushtrisë me ushqime, u zhdukën brenda muajit.</p>
<p>Për një kokë të turbullt ska vend për këshilla, por e kam zgjedhur një të tillë, marrë prej dikujt tjetër:</p>
<p>“Çdo njeri-ka thënë një burrë i mençur-ka të drejë të jetë budalla. Kundër kësaj nuk ke çfarë të thuash, por kjo e drejtë duhet përdorur me një farë mase”.</p>
]]></content:encoded>
					
					<wfw:commentRss>https://javanews.al/pak-rreshta-per-banditet-qe-dhunuan-tiranen-qe-thyen-semaforet-dhe-shkulen-e-thyen-shtyllat-e-ndricimit/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Kujt i shërbejnë sulmet, inatet personale dhe mllefet ndaj Shqipërisë? </title>
		<link>https://javanews.al/kujt-i-sherbejne-sulmet-inatet-personale-dhe-mllefet-ndaj-shqiperise/?utm_source=rss&#038;utm_medium=rss&#038;utm_campaign=kujt-i-sherbejne-sulmet-inatet-personale-dhe-mllefet-ndaj-shqiperise</link>
					<comments>https://javanews.al/kujt-i-sherbejne-sulmet-inatet-personale-dhe-mllefet-ndaj-shqiperise/#respond</comments>
		
		<dc:creator><![CDATA[Bajram Peçi]]></dc:creator>
		<pubDate>Sun, 01 Nov 2026 10:18:19 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1915890</guid>

					<description><![CDATA[Nga Bajram Peçi Nuk ka gjë më të trishtuar kur sheh se kryeministrat e Kosovës dhe Shqipërisë shihen vetëm në takime ndërkombëtare. Nuk takohen enkas për të folur, nuk shkëmbejnë as vizita dhe as delegacione. Kësaj gjendjeje i thonë: prag i ngrirjes së marrëdhënjeve.  Në mbledhjen dje të Këshillit të Përgjithshëm të Vetvendosjes, Kurti, mes [&#8230;]]]></description>
										<content:encoded><![CDATA[<p><strong>Nga Bajram Peçi</strong></p>
<p><span style="font-weight: 400;">Nuk ka gjë më të trishtuar kur sheh se kryeministrat e Kosovës dhe Shqipërisë shihen vetëm në takime ndërkombëtare. Nuk takohen enkas për të folur, nuk shkëmbejnë as vizita dhe as delegacione. Kësaj gjendjeje i thonë: prag i ngrirjes së marrëdhënjeve. </span></p>
<p><span style="font-weight: 400;">Në mbledhjen dje të Këshillit të Përgjithshëm të Vetvendosjes, Kurti, mes të tjerash i ka kushtuar edhe disa rreshta (e folur pak minuta) për marrëdhëniet mes Kosovës dhe Shqipërisë. Kryeministri i Kosovës, duke parë e dëgjuar se marrëdhënjet e ftohta bëjnë “mu”, i drejtohet auditorit të tij partiak me kërkesën që ato të mos shihen përmes logjikës së rivalitetit (!?) e ndërkohë mohoi të ketë gisht në nxitjen e protestave në Tiranë. “Kosova-theksoi Kurti-mbështet përparimin e Shqipërisë në procesin e integrimit europian, si dhe zhvillimet ekonomike e turistike të vendit”, gjë që nuk shfaqet as në prakikën dhe as në qëndrimin! </span></p>
<p><span style="font-weight: 400;">Shtypi i Kosovës çfarë nuk ka shkruar për Ramën? Ata qofshin të falur, por kur vjen puna te organizimi dhe dërgimi i formacioneve paramiltare në protestat që zhvillohen në Tiranë, me kërkesën “Rama ik” dhe rrëzimin e qeverisë, çështja ndryshon!? Në Mbledhjen e Këshillit të Përgjithshëm të Vetvendosjes, Kurti ka mohuar të ketë nxitur protestat, por pjesëmarrja e disa eksponentëve të partisë së tij në protestë flasin për të kundërtën. Kushdo mund të klikojë e gjej në Facebook regjistrime të hordhive që nisen prej Prishtine për Tiranë. Vargun që prin me flamurin e VV, nisjen me automjete, një zinxhir i pafund prej tyre, për të marrë pjesë në protestat e organizuara në Tiranë, fillimisht prej studentëve e më pas nga “zotërit” e shesheve, militantët e PD-së. </span></p>
<p><span style="font-weight: 400;">Albin Kurti as që do të arrijë të dijë dot se sa urrejtje dhe përçarje ka prurë kjo sjellje? Fatmirësisht, në Kosovë ka ende njerëz me mend në kokë, të cilët, reaguan kur panë e ndjen zëmrimin shqiptar, nuk ju përgjegjën më thirrjeve për nisje të organizuara për në Tiranë, ku do rrëzonin Ramën, pasi ta kishin djegur atë. Shumë prej tyre, duke pranuar se janë të VV-së, patën paturpësinë të intervistoheshin nga TV-të ndryshme në Tiranë, ku mburreshin me rebelimin kryengritës, me pogromin e dy javëve terror mbi xhamat, ‘Netët e kristalta”, që të kujtonin ato të datave 9 e 10 nëntor 1938 të hordhive naziste mbi 7500 dyqane e biznese në Berlin. Jo vetem atë, por dhe sulmin mbi kryeministri të forcave ushtarake të Bujar Bukoshit (që stërvteshin në Laprakë-Tiranë) ditën e varrimit të Azem Hajdarit.</span></p>
<p><span style="font-weight: 400;">Kështu mund të jetë, por marrëdhenjet Kurti i ka më të mira me Greqinë, ku bën dhe pushimiet, se sa me Shqipërinë, ku ka kohë pa shkelur; marrëdhënje që i ka “grurë”me kryeministrin e Maqedonisë, armikun haptas (nuk fshihet) të shqiptarëve, për të cilat Kurti nuk jep shpjegim? Po mirë bre burra, jeton dot Kosova pa Shqipërinë? Troç muhabeti, e ka njeri në hesap Kosovën pa atdheun amë nga pas, pa “motrën” (!?), sipas Kurtit?</span></p>
<p><span style="font-weight: 400;">Po realiteti si duket? Si dy vëllezër (si vëllai me motrën sipas Kurtit) që nuk shkojnë mirë me njëri-tjetrin, si dy duar që pengojnë njëra-tjetrën. Në vend që të ndihmojnë, të dëgjojnë e të vështrojnë mbi plane që i kanë synim jetësor, që e dimë çfarë duam, duhet ta dinë mirë edhe çfarë s’duhet të bëjnë?</span></p>
<p><span style="font-weight: 400;">Edhe atje, në tryezat ndërkombetare, z. Kurti, si dhe në të tjera vende, nuk ka lënë rast pa treguar, madje edhe me gjuhën e trupit, se nuk ushqen asnjë besim ndaj z. Rama, kryeministrit të Shqipërisë. Të mënçurit i fshehin mosmarrëveshjet, çka nuk ndodh me këta të dy. Pse ndodh kështu?</span></p>
<p><span style="font-weight: 400;">Pala e Kosovës dhe partia në pushtet, Vetvendosje, përmendin shpesh në kulisat e tyre si shkak kryesor qëndrimin e Ramës ndaj propozimit të njohur si Plani Franko-Gjerman. Si rrallë-herë, plani u mbështet fuqishëm nga Presidenti i Francës, Emanuel Macron dhe Kancelari i Gjermanisë, Olaf Scholz. Nuk u nënshkrua nga të dyja palët për shkak të qëndrimeve të tyre të kundërta, Pas një takimi me presidentin e Francës, Makron, Vetvendosje thotë se Rama kërkoi t’ja ndikonte për miratim Kosovës!? Formimi i Asociacioni të Komunave me Shumicë Serbe ishte çështja që Kosovën e ngurronte. ndërsa ndërkombëtarët e kishin si kusht të domosdoshëm për të ecur përpara, ndryshe…? </span></p>
<p><span style="font-weight: 400;">Paralajmërimin e Francës dhe Gjermanisë, nëse palët nuk e pranonin propozimin, se do të kish pasoja, Kosova po e vuan ndërsa mbi Serbinë realisht ska çfarë të ndikojë? Ajo vazhdon të marrë ndihma nga BE, ndërsa Kosova, mbi të gjitha, po vuan ndihmën ekonomike, si dhe bllokimin e rrugës së integrimit evropian (për të dyja vendet), të cilën Ramës ja kishin bërë të qartë dhe besoaj se i kishin kërkuar që t’ja përcillte Kurtit. </span></p>
<p><span style="font-weight: 400;">Kjo është një nga motivet e qëndrimit të ftohtë. Ka me dhjetra arsye të tjera të cilat hanë më kot kohë po të merremi me to, por mes të tjerash nuk do lë pa përmendur inatin e një zonje të pushtetit, të afërt të Kurtit, një budallaqe që i bënte thirrje publike para do kohe popullit të Kosovës, që të mos shkonin me pushime në Shqipëri, medemek se do e demtonin ekonomikisht, ekonomi që sipas saj ishte mbështetur te turizmi Kosovar në Shqipëri!?</span></p>
<p><span style="font-weight: 400;">Në parim i mbulojnë si goditje dhe sulme që i bëjnë Edi Ramës dhe qeverisjes së tij, por në të vërtetë janë goditje që i bëhen Shqipërisë. Edi Rama, me të mirat e të metat e tii, është zgjedhje kolektive si kryetar partie dhe kryeministër i Partisë Socialiste, duke patur mandatin qeverisës të mëse 80 përqind të votuesve. Ikën vetëm përmes votës, ndryshe, harrojeni! Kjo nuk i pengon luftëtarët e Vetvendosjes, (jo luftëtarë të UÇK-së. Askush prej tyre nuk ka luftuar për lirinë e Kosovës. Liria ka emër), me mendje pjellore të pabesueshme, që t’í ngjisin etiketime fyese, që marrin rrugë sa përmes mënyrës së veshjes për të kulmuar te “Vëllai i Vuçciçit”. Jo vetëm nuk kanë dhënë asnjë shënjë mirënjohje për mbrojtjen e fortë e të rreptë që Rama pa rreshtur u ka bërë në institucionet ndërkombëtare, në OKB dhe në BE, madje ne Beograd, kur ka mbrojtur pavarsinë e Kosovës, luftën e UÇK-së për çlirim nga robëria dhe genocidi serb, pandrueshmërinë njëherë e përgjithmonë të statusit të republikës së pavarur; denoncimin e akuzave që ndërtoi Rusia dhe Serbia ndaj luftës, krerëve drejtues, të ashtuquajturit trafik të organeve dhe pushtetit drejtues në Kosovë, por sidomos ndaj krerëve drejtues të luftës për pavarësi, Ushtrisë Çlirimtare të Kosovës. Në ndonjë rast kanë reaguar me nervozizëm, si Gërvalla, por dhe të tjerë, duke dhënë të kuptojnë se Edi Rama nuk ka punë (si me thënë-mos fut hundët) në çështjet e Kosovës. </span></p>
<p><span style="font-weight: 400;">Zotërinë e tij, kryeministrin Rama, kam patur fatin ta njoh nga koha kur punoja në “Gazeta Shqiptare” e më pas te gazeta “Koha Jonë”, ku ai ishte herë pas here pjese e hapësirës opinion. Nikoll Lesi e di shume mirë se ditën kur në numrin e gazetës ndodhej një artikull i Edi Ramës, gazeta shiste atë ditë mbi 90 mijë kopje. Publicistika e tij, ku Ai shquante për kulturën e gjerë, aftësinë për të shtjelluar e për t’ja përcjellë lexuesit artikullin “të qëruar” për ta përtypur; ku spikaste me qëndrimin e prerë ndaj rregullave të demokracisë, rrugës që ajo (demokracia) duhej të përshkonte dhe shtrëmbrimet e devijimet autokrate që i solli Sali Berisha Partisë Demokratike dhe Shqipërisë. Guximi për “t’i mësuar” të parit të klanit pushtetor, i kushtoi, siç dihet, dhunimin makabër prej zagarëve të tij. Se sa të drejtë kishte ai, kur bënte publike devijimin e PD-së, shiheni tani, i nderuar lexues: asnjë nga themeluesit e PD-së nuk është më anëtar i PD-së.</span></p>
<p><span style="font-weight: 400;">Ndonëse ishte nxitës dhe nismëtar i lëvizjes demokratike, me Blendi Gonxhen dhe të tjerë pranë Fakultetit të Arteve, ku shquan në veprimin dhe aktivizimin për shëmbjen e sistemit komunist, ai nuk u bë pjesë e asnjë partie. Bashkëngjitja me Partinë Socialiste rrodhi vetëm pas marrjes së postit në Ministrinë Kulturës, që i afroi i ndjeri Fatos Nano. Do besoja shumë që Edi Rama nuk ka pse të ndjehej i prekur nëse i them se ai nuk kish asnjë lidhje me Partinë Socialiate! Ai ishte demokrat, luftëtar i të vërtetës për një ardhmëri të denjë për atdheun. I përkiste më tepër qëndrës liberale, çka u duk qartë kur i ngriti një memorial Mid&#8217;hat Frashërit, njeriu që bashkëpunoi me pushtuesin, kur ishte kryetar i Partisë Balli Kombëtar, duke ngjallur reagime të forta në anëtarsinë socialiste. Gjithësesi, ky veprim nuk kish pse ndryshonte bindjen e tij dhe të partisë, se përmes punës dhe vendimarrjeve ai mundohej t’ua bënte jetën fëmijëve shqiptarë më të sigurt e më të mirë. </span></p>
<p><span style="font-weight: 400;">Ky është Edi rama, ku mbisundon pozitivja, largpamësia dhe këmbëngulja për të mbërritur te ëndërra: pranimi në BE.</span></p>
<p><span style="font-weight: 400;">Ka qenë një moment që edhe me Haradinajn u ka dalë situata nga dora. Haradinaj hatërmnbetur (mbase me të drejtë) si burrë zakoni që është, gjeti kohën dhe vendin që të normalizojë marrëdhënjet, duke qenë mëse i qartë se qendrimet personale janë tjetër gjë dhe as duhet t’i afrohen klimës mes dy republikave shqiptare. Çdo inat kundër Shqipërisë, mllef kundër shqiptarve të Shqipërisë, nuk është se dëmton vetëm Shqipërinë, po dëmton rënë Kosovën, e lë atë pa mbështeje, i jep krahë armiqve të kalcifikuar serbë të thurrin plane, të ndërmarrin në kohën e duhur agresione! Duke qenë këtu, më lejoni tju them se është kotësi që ndokush të ushqeje iluzione se ardhësit e rinj në pushtet do ndryshojnë qendrim ndaj Kosovës!</span></p>
<p><span style="font-weight: 400;">Politika është një fushë ku mëndjelehtësia njerzore shfaqet kaq shpesh në përmasa të frikshme dhe gjithë zotësia njerëzore nuk është gjë tjetër përpos se një përzierje durimi dhe kohe, kur sheh se Kurti nuk guxon t’u përgjgjet akuzave prej politikës shqiptare se ka qënë promotori i përçarjes të Shqiptarëve të Maqedonisë. Rruga e vetme dhe e sigurtë Albin, nuk është qendrimi politik i pakuptimtë që mban, por është mirëkuptimi! Do të duhet patjetër të hedhësh pas krahëve shumë marrëdhënje e qendrime. Po si hodhe, vetiu lind pyetja: kujt i shërben? Është detyrë kombëtare.</span></p>
]]></content:encoded>
					
					<wfw:commentRss>https://javanews.al/kujt-i-sherbejne-sulmet-inatet-personale-dhe-mllefet-ndaj-shqiperise/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Flamuri kombëtar si strehë ku fshihen bandat</title>
		<link>https://javanews.al/flamuri-kombetar-si-strehe-ku-fshihen-bandat/?utm_source=rss&#038;utm_medium=rss&#038;utm_campaign=flamuri-kombetar-si-strehe-ku-fshihen-bandat</link>
					<comments>https://javanews.al/flamuri-kombetar-si-strehe-ku-fshihen-bandat/#respond</comments>
		
		<dc:creator><![CDATA[Bajram Peçi]]></dc:creator>
		<pubDate>Thu, 29 Oct 2026 11:40:35 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1914314</guid>

					<description><![CDATA[Nga Bajram Peçi Një flamur i madh kombëtar valëvitet në krye të protestuesve. Mbajtësi i saj trimosh ka veshur një kostum kombëtar ku spikat qeleshja tipike shqiptare. Ai as e njeh dhe sdi çka do të thotë shënjtëri e flamurit kombëtar. Është një djalosh I zgjedhur mes të tjerëve, për shkak të fizikut, që shoqërohet [&#8230;]]]></description>
										<content:encoded><![CDATA[<p><strong>Nga Bajram Peçi</strong></p>
<p>Një flamur i madh kombëtar valëvitet në krye të protestuesve. Mbajtësi i saj trimosh ka veshur një kostum kombëtar ku spikat qeleshja tipike shqiptare. Ai as e njeh dhe sdi çka do të thotë shënjtëri e flamurit kombëtar. Është një djalosh I zgjedhur mes të tjerëve, për shkak të fizikut, që shoqërohet me pagesën ditore të pëlqyeshme prej tij, shkak i qëndrueshëm për të mos ndjer lodhje.</p>
<p>Të tjerë, disa qindra, fshehur fytyrën me maska, shihen të mbështillen me copën Flamur, kuq e zi, me shqiponjën e zezë dykrerëshe. Këta protestues e përdorin flamurin kundër policisë dhe shikuesve në TV-të ose kalimtarë të rastit për t’u dhënë të besojnë se janë atdhetarë që japin dhe jetën për… lirinë me gjasa.</p>
<p>Jo-jo, i keqkuptuat! Bëhet fjalë vetëm për largimin e Ramës nga posti i kryeministrit. Vetëm kaq! Nuk kanë program politik, as udhëheqës, por “prapa u vjen historia”, Partia Demokratike, kyeshitësi online dhe qorrogllu. Duan pushtet në tavolinë, jashtë rregullave juridike, në dhunim të kushtetutës, qeveri teknike ose zgjedhje, ku më së pari vjen nga mugëtira dhe errësira e familjes berisha, Saliu shekullor</p>
<p>Për çfarë lirie bëhet fjalë se u mungon? Për të protestuar apo për të djegur koshat e plehrave? Për të qëlluar policët me gurë dhe mjete të tjera vrasëse apo se mos i kanë penguar për të hedhur bomba Molotov ndaj institucioneve shtetërore? Kush ua ka ndaluar lirinë për të dëmtuar pasurinë publike, si semaforët e sistemin sinjalistik të rrugëve, gjithë ndriçimin rrugor, djegjen e stacioneve të autobuzave, të kioskave të vogla, zjarrvënjen dyerve të bankave, thyerjen e bankomateve e xhamave të bizneseve dhe vitrinave të bankave; të sulmojnë e grabitin bizneset e rrugëve, të marshojnë nën tingujt fashistë dhe të përdorin mënyrat naziste të veprimit ndaj pronës publike dhe qytetarëve të pambrojtur!?</p>
<p>Tirana e strukur, e mpakur, populli i saj i mbushur plot zemërim prej atyre që plagosën rëndë qytetin, të hidhëruar, të plogështuar, i grishim (nëse munden) të kexojnë një poemë të At Gjrgj Fishtës, “Çohuni të vdekun”! Të dalësh sot rrugëve të Tiranës nuk sheh më këmbë turisti. Prej halldupëve “flamurmbajtës”, Tirana që gjallonte nga biznesi i vogël, që ngriheshin me natë dhe bënin gati mezeri, restorante, bare e kioska shërbimi, u gjendeshin mijra e mijëra të huajve që kishin ardhur të pushoheshin e argëtoheshin në qytetin tonë të bukur, shihet qartë se ka rënë në mjerim. Mund ta shohin dhe prekin sa sipër ata që ecin në këmbë, por jo zotërinjtë makinave milionëshe me xhama antiplumb!</p>
<p>Qytetarët e Tiranës, të cilët nuk janë e s’kanë pse bëhen pjesë e këtyre formacineve fashiste, sepse nuk i lejon qytetaria dhe njohin mirë jetesën në komunitet, me rregullat e saj, u rrinë larg dhe shumica i shohin me urrejtje. Nuk është thjesht urrejtje, por është dhe forcim i bindjes se këto lëtyra njërzore nuk duhet kurrë të lejohen t’i afrohen pushtetit! Analistë të pavarur janë pothuaj të gjithë të një mendjeje e të bindur se ato ndihmojnë Partinë Socialiste, i betonojnë themelet e një fitoreje tjetër e tjetër, e cila merr kuptim e bindje edhe më të fortë kur shefi i Partisë Demokratike del në television dhe nxit thyerjet e dëmtimet e përkrah kaosin e dhunën ndaj qytetit, që i thurr me fjalën në kuvend ditirambe lavdie djegësit dhe dhunuesit.</p>
<p>Veshur me Flamur, ngjeshur simbolin kombëtar e lëshuar mbi brezin, ku janë ngjeshur bombat molotov dhe fishekzjarret vrasëse, por edhe trastat me gurët të kalldrëmit të thyer, këta “atdhetarë”, patjetër trima, e shohin flamurin mjaft të dobishëm për të mbuluar armatimin dhe të japin figurën e të riut shqiptar që “Lufton për liri, për një Shqipëri pa diktaturë” .</p>
<p>A vetëm këtë Flamur bën pis kjo turmë pa kokë, që rri në pritje të një viktime!? Një javë u morën me dëmtimin e syrit të një protestuesi (të cilin urojmë të shërohet sa më shpejt) ndërkohë askush nuk u kujtua për atë policin që mori flakë (siç nuk u kujtuan për Lirak Bejkon e ndjerë të vetdjegur, tashmë të harruar nga PD-ja, që ai votonte si i dënuar dhe i persekutuar). Djaloshin e përcolli shteti për mjekim në Itali, opozita e veshi me flamurin kombëtar, ndërsa te sheshi u stampuan flamur me portretin e djaloshit, ku spikat syrin i nxirë dhe i dëmtuar. Këtij flamuri ju bashkangjtën flamuri i UÇK-së dhe flamuri i Shqipërisë etnike, atë që demonstoi Ismail &#8220;Ballist&#8221; Morina në stadiumin e Beogradit në tetorin e 12 vjetëve më parë. Janë tre flamur dhe një bluzë e stampuar me një sy të dëmtuar, të cilët përdoren foshnjërakisht për të mposhtur mëse 700 mijë votues për partinë që drejton me pushtet ekzekutiv Shqipërinë.</p>
<p>Ndërsa shtypi i shkruar, armik i Edi Ramës, armiqësi që buron më tepër nga motive personale sesa ato të përmbajtjes, punës drejtuese dhe organizuese, shihet të jetë i merakosur. Njëherë, se mos po vendoset shteti policor (!?) dhe ditën tjetër se me masat ekonomike që po përgatit, “shkëlqesa” e tij po shtrenjton jetesën (!?). Opozita (jo Berisha), ata që nuk vërtiten rreth familjes që sundon opozitën dhe orvaten të jenë më konstruktiv, e kanë të lehtë të kritikojnë qeverinë, madje u duket çudi pse Rama ende nuk e ka dhënë dorëheqjen, por e kanë të vështirë të çmojnë punën e të japin shpjegime se pse Shqipëria me më pak se 3 milon banorë shkon (për të parën herë) në vitin e ardhshëm 2027 me një buxhet që kalon 10 miliard Euro?</p>
<p>Protestuesit me maska nuk dallojnë nga kryengritësit rebelë të Man Picarit, i cili në Vorë qëlloi e pengoi luftëtarët e Vidit, që ishin nisur kundër hordhive greke, në maj 1915, të cilët po vrisnin shqiptarët dhe po digjnin vendin. Edhe Man Picari me Haxhi Qamilin kishin një Flamur që tundnin dhe u printe, atë me gjysmëhënën e Turqisë, të cilin, kur pushtuan Tiranën, e hoqën nga shtiza dhe e shkelën flamurin kombëtar shqiptar dhe ngjitën gjysmëhënën. Kjo turmë, duke mos patur atë botë semaforë për të thyer, as bankomate për të thyer e grabitur, ju turrën, u ngjiten e zbritën pllakën e hekurt të Post-telegrafës, stemën me shqiponjën, simbolin kombëtar. E lidhën dhe e tërhiqshin zvarrë nëpër Pazar, siç ndodhi me halldupët lezhjanë që thërrmuan, shkelën dhe baltosën memorialin e At Gjrgj Fishtës në qendër të qytetit.Qofshin mallkuar!</p>
<p>Tufa flamurmbajtëse e maskave të Tiranës, halldupë të Tiranës 2026, mbulohen me flamurin kombëtar edhe për t’jua treguar mëshirëmëdhenjve gjykatës, të cilët, ndonëse kanë përpara individin që ka kryer vepër penale, i lënë të lirë “atdhedashësit-flamurmbajtës”.</p>
<p>Një popull nuk lejon ta shkatërrojnë, ndaj është qeverisja, ndaj janë zgjedhur, të mos lejojnë kaos, për të mos lejuar shkatërrimin! Të tilla ngjarje ka patur edhe në Paris, Milano e qytete të tjera europiane, por Makron dhe Meloni e dinë se ato janë mësë shumti të nxitura nga e majta ekstreme, nga komunitetet ekstrakomunitare, ku zotëron Afrika Veriore e më gjërë, të cilët e duan Europër për të jetuar, më shpesh me ndihmën sociale, por e urrejnë! Simbolet e qytetërimit italian dhe francez për ata janë asgjë, janë të huaja. Me gurët e Koloseut Antifa besoj se ka projekt që me to të sulmojë policinë. Kaq përcjell Koloseu dhe Shën Mëria e Parisit për të huajin, me kulturë e besim ndryshe nga italiani e francezi. Do i shohin një ditë si depo armësh dhe objekte të lakmueshme për t’’I djegur e rrënuar. Por tek ne ishin vetëm shqiptarë, që djegin Shqipërinë dhe shkatërrojnë pronën publike se e shohin si të Edi Ramës. Shqiptarë kundë shqiptarve i dallon dhe ndryshojnë prej politikës të instaluar në Shqipëri për të krijuar brënda kombit krahina dhe klane fisnore.</p>
<p>Edhe ky shkrim i shërben këtij rregulli, rendit dhe shpresoj të kem qënë i qartë në çka kam shkruar, i qetë dhe pa ndikime!</p>
<p>&nbsp;</p>
<p>&nbsp;</p>
]]></content:encoded>
					
					<wfw:commentRss>https://javanews.al/flamuri-kombetar-si-strehe-ku-fshihen-bandat/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Përvjetor lufte, ne shqiptarët “agresorë” dhe engjëjt grekë</title>
		<link>https://javanews.al/pervjetor-lufte-ne-shqiptaret-agresore-dhe-engjejt-greke/?utm_source=rss&#038;utm_medium=rss&#038;utm_campaign=pervjetor-lufte-ne-shqiptaret-agresore-dhe-engjejt-greke</link>
					<comments>https://javanews.al/pervjetor-lufte-ne-shqiptaret-agresore-dhe-engjejt-greke/#respond</comments>
		
		<dc:creator><![CDATA[Bajram Peçi]]></dc:creator>
		<pubDate>Tue, 27 Oct 2026 11:46:43 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1913093</guid>

					<description><![CDATA[Nga Bajram Peçi Po e përkujtoj 28 tetorin e vitit 1940, ditën kur Italia fashiste sulmoi Greqinë fqinje nga territori shqiptar i pushtuar. Po pse e kujtoj? E kam zgjedhur se jam shqiptar dhe si çdo shqiptar përgjigjem para botës për atë të keqe për të cilën akuzohemi nga Greqia se i shkaktuan asaj bashkëkombasit [&#8230;]]]></description>
										<content:encoded><![CDATA[<p><strong>Nga Bajram Peçi</strong></p>
<p>Po e përkujtoj 28 tetorin e vitit 1940, ditën kur Italia fashiste sulmoi Greqinë fqinje nga territori shqiptar i pushtuar. Po pse e kujtoj? E kam zgjedhur se jam shqiptar dhe si çdo shqiptar përgjigjem para botës për atë të keqe për të cilën akuzohemi nga Greqia se i shkaktuan asaj bashkëkombasit e mi të 86 viteve më parë! Këtë e bëj pa asnjë farë detyrimi, e bëj se e kam zgjedhur si kërkesë të ndërgjegjes për të kundërshtuar marrëzinë juridike greke të ruajtjes së gjendjes së luftës me Shqipërinë. Kemi të bëjmë me mbrojtjen e një gënjeshtre shumë vjeçare, të pështirë dhe po aq të ndyrë sa gënjeshtra gjermane kur sulmoi Poloninë.</p>
<p>Sapo kam përfunduar së lexuari kujtimet e Çenos, Ksenofon Nushit, ambasador i Shqipërisë në Greqi në vitet 1982 deri në vitin 1988. Kujtimet e tij, lënë dorëshkrim, i zbardhi dhe i botoi shoku im i rinisë, Gëzim Nushi, nip i Çenos. Në 4 volume, ku përshkohet jeta e ambasadorit në Athinë gjatë 6 vjetëve, faqet mbushen me orvatjet e qeverisë shqiptare, deri në takime të nivelit të lartë, mbi mbajtjen në fuqi të famëkeqit Ligj të Luftës. Abrogimi i saj, ndonëse u vendosën marrëdhënje diplomatike dhe u shkëmbyen ambasadorë, nuk u hoq. Ambasador Nushi përshkuan besnikërisht klimën e qarqeve miqësore dhe armiqësore ndaj Shqipërisë. Në vitin 1987 qeveria mike e Papandreut, me një vendim të saj, shpalli heqjen e Ligjit të Luftës, por nuk kaloi asnjëherë për ratifikim në parlament. Ai është dhe sot e kësaj dite në fuqi.</p>
<p>Paradoksi që rrjedh nga paaftësia juridike e të dy palëve, pason përmes “Traktati i Miqësisë, Bashkëpunimit, Fqinjësisë së Mirë dhe Sigurisë”, që u ra dakord ndërmjet Shqipërisë dhe Greqisë në vitin 1995, dhe u nënshkrua më 21 mars 1996. Traktati hyri zyrtarisht në fuqi më 5 shkurt 1998, pasi u ratifikua nga parlamentet e të dyja vendeve. Ratifikuesit, paradoksalisht “nuk u kujtuan” t’i jepnin zgjidhje aktit më se 50 vjeçar, që juridikisht njihte praninë e Ligjit të Luftës.</p>
<p>Në kujtimet e Ksenofon Nushit ka me dhjetra e dhjetra shënime mbi diplomacinë europiane që shfaqin pikpamje mbi këtë çështje. Ja një prej tyre: “Ambasadori francez më pyeti për marrëdhënjet tona me Greqinë. I fola shkurt dhe më tha se nuk e kuptoj akoma pse qeveria greke nuk po bën deklaratën për heqjen e ligjit të luftës me Shqipërinë, pasi në një moment të caktuar u mendua se me deklaratat që bënë ky ligj u hoq?! Iu përgjegja se edhe unë nuk e kuptoj, pasi një situatë e tillë ul prestigjin e diplomacisë greke në sytë e opinionit ndërkombëtar…”. Ksenofoni e dinte se pengesa qendronte te pasuritë shqiptare në Greqi, ashtu siç ky personalitet i diplomacisë, me kulturë të gjerë, e dinte se plaçka e pasuria ka më shumë skllevër nga të gjithë.</p>
<p>&nbsp;</p>
<p>Më 28 tetor 1940, Italia Fashiste sulmoi Greqinë duke përdorur territorin e Shqipërisë, të pushtuar prej saj që nga prilli i vitit 1939, duke shënuar kështu fillimin e Luftës Italo-Greke. Filloi me ultimatumin e mëngjezit të 28 tetor 1940. Ambasadori italian në Athinë i dorëzoi kryeministrit grek Ioannis Metaxas një ultimatum nga Benito Mussolini, i cili kërkonte kalimin e lirë të trupave italiane në territorin grek. Përgjigjja ishte, &#8220;Ohi-jo&#8221;: gjë që solli menjëherë fillimin e sulmit ushtarak italian nga kufiri shqiptaro-grek. Italia e nisi luftën fare e papërgatitur, vetëm me trupa të dislokuara në Shqipëri, të cilat ngroheshin në diell paqësisht. Arroganca e Musolinit dhe trillet rinore aventureske të Çianos, këto trupa i nisën të vriteshin prej ushtrisë greke, që kish kohë që përgatitej nga dyshimi i fortë se do sulmoheshin. Ushtria greke jo vetëm që ndali sulmin e forcave italiane, por kaloi në kundërsulm, duke i detyruar italianët të tërhiqen thellë brenda territorit shqiptar (duke pushtuar qytete si Korça dhe Gjirokastra). U desh ndërhyrja e Gjermanisë me trupa dhe mjete që i dha fund luftës në prillin e vitit 1941.</p>
<p>Në Romën fashiste  zotëronte bindja se “Mesdheu dhe Adriatiku, që prej kohëve më të vjetra i përkisnin sferës historike të interesave të gadishullit Italian”. Brënda kësaj bindjeje, propaganda fashiste kish synuar dhe ja kish mbërritur të krijonte te krerë shqiptarë opinionin se qëllimi i Romës ishte dorëzimi nga grekët i krahinës shqiptare të Çamërisë, që popullohej në shumicë dërmuese prej shqiptarësh të besimit të krishterë ortodoks dhe musliman. Rritja e irredentizmit ishte reale, por jo aq e fortë dhe bindëse për të përkrahur një agresion ushtarak.</p>
<p>Ishte dëshirë kjo dhe projekt i fashizmit para se Italia ta pushtonte Shqipërinë, por jo e shqiptarëve! Vetë pushtimi i trojeve Shqiptare  u nxit nga motivi i pushtimit të Greqisë. Personalitete të shquara të saj në qeveri, madje disa me origjinë nga Çamëria, i shihnin shumë të ndërlikuara motivet etnike, ideologjike, ekonomike e fetare që të nxisnin e përkrahnin një sulm të projektuar nga Musolini dhe Çiano kundër Greqisë.</p>
<p>Po orvatem të rendis kronologjikisht disa momente, thënje e dokumente që provojnë sa sipër, për të cilat kam përdorur më së shumti rrëfime të vetë krerëve italianë, por sidomos kujtimet e mëkëmbësit mbretëror në Shqipëri, Francesko Jakomoni:</p>
<p>-Irredentizmi shqiptar për mëvetësimin e Çamërisë u përdor si një preteks i vlefshëm për Hitlerin, i cili nuk u vu në dieni për këtë sulm. Kaq e vërtetë është kjo sa territoret e pushtuara të Çamërisë nga trupat italiane u rregulluan pa ia bashkangjitur Çamërinë trojeve të Shqipërisë. Ajo ngeli nën administrimin e forcave pushtuese në Greqi.</p>
<p>-Duçja ishte tërbuar kur Greqia vrau përfaqësuesin Italian, gjeneral Tellinin, kryetar i delegacionit në Komisionin e Përcaktimit të Kufijve jugorë të Shqipërisë, dhe ju forcua bindja se ishujt jonianë grekë duhen pushtuar si masë sigurie për shtetin Italian.</p>
<p>-Shkruan te kujtimet mëkëmbësi i mbretit, Jakomoni se “…Në mëndjen e Musolinit ishte pjekur mes paqartësish ky vendim i trishtueshëm”. Në pallatin Venecia, më 15 tetor 1940, dy javë para sulmit mbi Greqinë, Musolini foli për agresionin e parashikuar kundër Greqisë në takimin e nivelit të lartë dhe tha se “…ky është një veprim i pjekur tek unë për muaj të tërë, që para përfshirjes sonë në luftë, madje para fillimit të saj”.</p>
<p>-Në ditarin e Çianos, në shënimin e datës 12 maj 1939, shkruhet se “…Gjithë sistemi rrugor në Shqipëri drejtohet për nga kufiri grek. Kjo është vendosur nga Duçja, i cili gjithmonë e më shumë mendon ta sulmojë Greqinë në rastin më të parë”. Më tej, Çiano shkruan në ditar, më 7 korrik 1940, mëse tre muaj para agresionit, se “…Italia e vlerësonte të nevojshëm pushtimin e ishujve grekë të detit Jon”. Kjo dëshmi vinte nga një bisedë e tij në takim me Hitlerin.</p>
<p>-Në Tiranë ishin mbajtur fshehur synimet për agresionin, nuk dihej çka po bëhej pas krahëve të qeverisë dhe krerëve të saj, gjithashtu fashistë. Heshtjes mbi politikën ndërkombëtare i shtoheshin dhe planet e strategjisë ushtarake, për të cilat qeveria shqiptare nuk kish dieni dhe nuk përfillej. Një kërkesë e kryeministrit shqiptar për sqarime rreth synimeve të Romës ranë në vesh të shurdhër, madje vetë mëkëmbësi i mbretit, Jakomoni, nuk ishte në dieni të planeve të Duçes.</p>
<p>-Qëndrimi Italian, përmes pushtimit ushtarak, me prirje të rrënonte çdo formë të jetës shoqërore shqiptare, përcaktonte qartë formalizmin e Bashkimit Personal dhe kalimin e Shqipërisë në kategorinë e vëndeve të pushtuara. Gjithësesi, personalitete të shquara shqiptare, arsye themelore të pranimit të Italisë dhe bashkëpunimit paraqesnin krijimin e bindjes se “Nuk mund të ketë Shqipëri të fortë nëse asaj i mungon mbështetje nga një fuqi e madhe”. Kjo mbështetje ishte thjesht për të përdorur territorin shqiptar për sulmin ndaj fqinjëve shekullore të shqiptarëve, sulm i cili nuk pati në asnjë rast miratimin dhe angazhimin e shqiptarëve, qoftë dhe trupave të dy batalioneve shqiptare që nisën për Greqi.</p>
<p>Disfata e turpshme e Perandorisë fashiste Italiane nuk vonoi të shoqërohej me akuzat ndaj dy batalioneve shqiptare, të cilat u trajtuan si të dyshimta dhe u akuzuan për tradhëti, madje batalionin me komandant Spiro Moisiun e izoluan në Bejliken e Shijakut. Shtabin e vunë në gjendje arresti. Opinionit italjan ju propagandua se humbje vinte prej tradhëtisë së dy batalioneve shqiptare!??? Major Moisiu u akuzua si grekofil, i lidhur si agjent me Mitropolinë e Durrësit dhe Jakovin. Ushtrija italiane e më tej, nën ndikimin e kësaj propagande, ku gjenin shqiptarë i keqtrajtonin dhe poshtëronin. Këtu i vjen fundi dhe “miqësisë” një vjeçare italo-shqiptare.</p>
<p>Ndërsa me shtetin fqinj, Shqipërinë, që atëbotën e vitit të largët 1940 ishte e pushtuar, Greqia mban Ligjin e Luftës, me Italinë që e sulmoi dhe i solli popullatës greke shumë fatkeqësi, marrëdhënjet u normalizuan që në vitin 1948, kur Greqia dhe Italia nënshkruan një Traktat Miqësie, i cili zyrtarizoi marrëdhëniet e tyre diplomatike pas Luftës së Dytë Botërore! Dy palët u pajtuan në fakt që me armëpushimin e Italisë me Aleatët, në shtator 1943. Me Traktatin e Paqes të Parisit, në vitin 1947, palët zgjidhën kalimin e ishujve të Dodekanezit nga Italia tek Greqia dhe me traktatin Bashkimi Territorial dhe Traktati i Miqësisë -1948”, më 7 mars 1948, ishujt e Dodekanezit u bashkuan zyrtarisht me Greqinë, gjë që i hapi rrugën nënshkrimit të Traktatit të Miqësisë në nëntor të po atij viti, duke lënë pas të kaluarën e luftës.</p>
<p>Ndërsa ndodhnin sa sipër, Greqia në marrëdhënje me Shqipërinë kishte kapërxyer caqet e një armiqësie të hapur dhe tej mase të egër! Fillimisht filloi me spastrimin e popullatës shqiptare të Çamërisë të besimimit fetar islam, duke i vrarë, djegur dhe përzënë drejt Shqipërisë. E gjithë kjo masakër krimesh të përbindshme u krye para syve të ndërkombëtarëve, anglezë dhe amerikanë, të cilët ishin të pranishëm me trupa në Greqi dhe në një fare mënyre ishin prononcuar për një rishikim kufijsh në dobi të Greqisë. Greqia shfaqej para tyre si ëngjëll.</p>
<p>Genocidit grek ndaj popullit shqiptar, Shqipëria nuk ju përgjigj me keqtrajtim të komunitetit grek, minoritet në Dropull, i ngulur atje prej vitesh si argatë në tokat e agallarëve shqiptarë. Ata jetuan paqësisht. Pretendimet shoveniste dhe armiqësia kulmuan në sulmin ndaj territorit shqiptar në gushtin e vitit 1949, në të cilat pati përleshje të ashpra, të vrarë, djegje e fatkeqësira të mëdha në popullatë. Shteti shqiptar i sapo dalë nga lufta, ku ishte palë me anën fituese, ndryshe nga Italia, ajo jo vetem nuk u thye në kufijtë tanë, por e sundoi ushtarkisht situatën dhe territorin, ndonëse me shtrirje operacionale tejet të shtrirë.</p>
<p>Mjaft gjëra kanë ndryshuar nga ajo kohë! Marrëdhënjet janë normalizuar, popullata shqiptare që emigroi në vitet ’90 në Greqi tashmë është integruar dhe gëzon mikpritjen e miqësinë e fqinjëve helenë. U jemi mirënjohës miqve tanë grekë, fqinjëve shekullorë të cilët, si ata dhe ne nuk kemi privilegjin t’i zgjedhim apo zëvëndësojmë, që siç ka thënë heroi kombëtar grek, Manolis Glezos, “Jemi të dënuar të bashkëjetojmë”, ndaj prej tyre presim ta heqin gardhimin e fundit të ndarjes, Ligjin e Luftës!</p>
<p>&nbsp;</p>
]]></content:encoded>
					
					<wfw:commentRss>https://javanews.al/pervjetor-lufte-ne-shqiptaret-agresore-dhe-engjejt-greke/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Mjerimi i arsimit të lartë!</title>
		<link>https://javanews.al/mjerimi-i-arsimit-te-larte/?utm_source=rss&#038;utm_medium=rss&#038;utm_campaign=mjerimi-i-arsimit-te-larte</link>
					<comments>https://javanews.al/mjerimi-i-arsimit-te-larte/#respond</comments>
		
		<dc:creator><![CDATA[Bajram Peçi]]></dc:creator>
		<pubDate>Thu, 22 Oct 2026 15:40:55 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1910489</guid>

					<description><![CDATA[Nga Bajram Peçi Brenga e madhe e “presorëve” në Shqipëri mori rrugën e zgjidhjes kur celula e Partisë Demokratike në arsimin e lartë, veshur me petkun e të ashtuquajtur sindikatë, vendosi të fillojë protestën, shoqëruar me ndërprerjen e orëve mësimore, “Rama ik”. Si ide e tyre protestuese, i kanë rrënjët e nismës në dogmën berishiste [&#8230;]]]></description>
										<content:encoded><![CDATA[<p><strong>Nga Bajram Peçi</strong></p>
<p>Brenga e madhe e “presorëve” në Shqipëri mori rrugën e zgjidhjes kur celula e Partisë Demokratike në arsimin e lartë, veshur me petkun e të ashtuquajtur sindikatë, vendosi të fillojë protestën, shoqëruar me ndërprerjen e orëve mësimore, “Rama ik”.</p>
<p>Si ide e tyre protestuese, i kanë rrënjët e nismës në dogmën berishiste të përçarjes dhe të programit politik të “mallkimit shqiptar”. Marrëdhëniet mes tyre, pres-orë dhe PD, shihen shkoqur se janë marrëdhënie vartësie. Ai që komandon në këto sindikata u shfaq dikush që ka qenë dhe është një zagar, qen gjahu i Sali Berishës.</p>
<p>Ekstremizmi radikal në politikë ngjet të jetë i njëjtë si veprim prej një shekulli. Nuk ndodh rishtazi dhe nuk është Shqipëria vendi shembull që rrëfen politizimin e trupit akademik në universitete, siç ngjet me orvatjen e kësaj sindikate politike. 95 vjet më parë, në vitin 1931, Musolini ja mbërriti të nënshtroj profesorët. Regjimi fashist ndërmori një nga hapat më të dhunshëm për përgjunjen totale të arsimit të lartë në Itali, duke detyruar të gjithë profesorët e universiteteve të bënin një betim besnikërie ndaj fashizmit.</p>
<p>Ky akt ligjor eliminoi lirinë akademike dhe i ktheu universitet në një vegël të propagandës fashiste. Rreth 1200 profesorë universitarë të Italisë, (aq kishte Italia 45 milionëshe atë botë, po kaq sa ka Shqipëria e 2026-tës!???) pothuajse të gjithë, u nënshtruan dhe e nënshkruan betimin për të mos humbur vendet e tyre të punës dhe karrierën. Ata që refuzuan, &#8220;Të Trembëdhjetë Otomanët&#8221;, siç i cilësoi fashizmi, që patën guximin të refuzonin hapur shantazhin politik, emra të shquar të fizikës, të historisë, të së drejtës, elita e profesorëve, u dëbuan menjëherë nga universitetet dhe vuajtën  persekutimin nga regjimi.</p>
<p>Nëse ju, i nderuar lexues, merrni përsipër të dilni sot e të vërdalloseni nëpër sheshin e bulevardit “Dëshmorët e Kombit”, ku “pres-orët” protestojnë, do ndesheni me të bijën e Saliut dhe bashkëshortin e saj, të cilët gardhohen prej emrash të njohur të nëpunësve politikë të ish administratës berishiste. Çfarë kanë bërë këta profesorë të arsimit të lartë?</p>
<p>Kanë lënë orët mësimore dhe duan që kryeministri të japi dorëheqjen. Shtrati ku e vendosin kërkesën është thjesht idealist, të cilin e paraqesin si thelbin e “revoltës”, si bazë nga do nisin reformën shoqërore-kupto: ardhjen në qeverisje të Sali Berishës me kuajt e tij të luftës, por pa zgjedhje, siç kushtetuta përcakton!</p>
<p>Ajo që gjithkujt i bie në sy është pakujdesia e organizatorëve për të shmangur ngjashmëritë e pamjes dhe të formës mes tyre (profesorëve) dhe celulës së Partisë Demokratike. Kësaj turme politike, nuk është se i janë bashkuar shumica, sepse nuk janë anëtarë të kësaj sindikate! Një pjesë tjetër e madhe janë distancuar. Ata që i janë bashkuar, për shkak të zellit të tepërt, nuk i kanë shpëtuar tundimit për t’u marrë me veprimtari që janë në shkelje dhe tejkalojnë caqet si të Kodit të Punës ashtu dhe të kodit profesional e moral të mësim-dhënësit.</p>
<p>Ka individë në popull, në PS, deputetë dhe madje grupe shoqërore, që shohin me dhimbje shkatërrimet prej bandave të frymëzuara nga Sali Berisha, që u janë nënshtruar ngasjeve, një mendësie që don të shohë patjetër dorëheqjen e Ramës. Atyre, është mbase rasti t’u tregosh rrëmujën politike e juridike të dorëheqjes. Përmendet rëndom kërkesa politike për qeveri teknike, term ky që nuk gjendet në asnjë tekst të së drejtës, të kushtetutës apo të çfarëdo dokumenti juridik. Është e paimagjinueshme të marrësh e të trajtosh dorëheqjen si mundësi për krijimin e një organi kaotik, parazit, “Qeveri teknike”.</p>
<p>U pa para disa vjetësh se si qeveria teknike nuk ishte gjë tjetër përpos se një grusht ministrish e institucionesh, që detyrë kryesore, me të cilën mbushnin ditën, ishin qoka emërimesh, shpërblesa këto për pjesëmarrje në protesta. Ideja e qeverisë teknike, gjetja kjo më idiote për drejtimin e shtetit, jeton në kokat e turbullta të listës së pritjes për punësim prej PD-së dhe shefit të saj. Afërmendsh, që një sajesë e tillë prish vazhdimësinë, funksionimin e aparatit administrativ, ndjekjen e detyrave operative për drejtimin e vetë shtetit.</p>
<p>Dorëheqja është një akt qytetar që nuk diktohet, por vetmerret sipas rrethanave, ndërsa qeveria teknike që kërkonte një eksponent i PD-së, që pason sipas tij dorëheqjen, mund të jetë një ushqim i vogël qetësues për opozitën!</p>
<p>“E vogël është miza-është një thënie popullore-por barkun ta prish!”. Ndoshta opsioni për të shkuar në zgjedhje do ishte më i përshtatshëm. Kështu merr rrugë si qeverisja ashtu dhe kërkesa “Rama ik”, shihet me kë është shumica, të cilës kushtetuta i jep të drejtën të formojë qeverinë dhe të qeverisë? Opozita dhe vete profesorët janë kryekëput të pa qartë se çfarë kërkojnë, veç “Rama ik”; ata nuk kuptohen, madje nuk u njihen as shtysat nga të cilat nxiten të veprojnë kur përkrahin ushtrimin e dhunës mbi kryeqytetin e drobitur.</p>
]]></content:encoded>
					
					<wfw:commentRss>https://javanews.al/mjerimi-i-arsimit-te-larte/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Të respektohet paqja dhe besnikëria ndaj atyre që dhanë votën për qeverisje!</title>
		<link>https://javanews.al/te-respektohet-paqja-dhe-besnikeria-ndaj-atyre-qe-dhane-voten-per-qeverisje/?utm_source=rss&#038;utm_medium=rss&#038;utm_campaign=te-respektohet-paqja-dhe-besnikeria-ndaj-atyre-qe-dhane-voten-per-qeverisje</link>
					<comments>https://javanews.al/te-respektohet-paqja-dhe-besnikeria-ndaj-atyre-qe-dhane-voten-per-qeverisje/#respond</comments>
		
		<dc:creator><![CDATA[Bajram Peçi]]></dc:creator>
		<pubDate>Tue, 20 Oct 2026 10:08:57 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1909067</guid>

					<description><![CDATA[Nga Bajram Peçi Me zhvillimin e protestave të dhunshme kundër institucioneve dhe rendit kushtetues, shihet qartazi se orvaten të bëjnë ndryshim përmes përdorimit të forcës. Përdorimi i dhunës prej Sali Berishës bëhet që të thyejë sedrën e fortë kombëtare të 70 % të shqiptarëve që votojnë Partinë Socialiste. Ai dhe ndjeksit mercenarë të tij duan [&#8230;]]]></description>
										<content:encoded><![CDATA[<p><strong>Nga Bajram Peçi</strong></p>
<p>Me zhvillimin e protestave të dhunshme kundër institucioneve dhe rendit kushtetues, shihet qartazi se orvaten të bëjnë ndryshim përmes përdorimit të forcës. Përdorimi i dhunës prej Sali Berishës bëhet që të thyejë sedrën e fortë kombëtare të 70 % të shqiptarëve që votojnë Partinë Socialiste. Ai dhe ndjeksit mercenarë të tij duan të përcjellin përshtypjen se shteti ka rënë dhe bashkë me të dhe Rama me PS-në. Kryeministri Rama ndodhet para zgjedhjes për të marrë më të mirën e asaj që është më pak e keqe. Ai duhet të kuptojë njëherë e mirë se nuk ka më “mbretërim” të qetë, ndjesi kjo e krijuar nga  njëtrajtshëmëria e deputetëve të saj, ku mungon kritika dhe guximi për tú përballur me të keqen.</p>
<p>Rebeli Haxhi Qamili dhe myftiu i Krujës, Musa Qazimi, ndonëse të pashkollë, nuk ishin &#8220;studentë&#8221; si këta te sotmit e Tiranës, por ishin shumë të qartë në kërkesat dhe synimin: “Dum babën” dhe rikthimin e otomanëve. Kjo do kryhej me forcën e armëve, me luftëtarë. “Vidi ik” ishte thelbi i të parit rebelim antishqiptar për ndryshimin me forcë të qeverisjes, që do vijonte me “Nano ik” dhe më tej, “Rama ik”, luftëtarët pararojë të të cilëve kanë qenë pa asnjë lidhje me qytetin, me qytetërimin dhe kulturën e bashkëjetesës në komunitet.</p>
<p>Sali Berisha dhe bandat paramilitare, me të cilat ai ka sulmuar Shqipërinë, të cilët mediat i quajnë protestues dhe &#8220;studentë&#8221;, ndërsa përkrah dhe nxit dhunën me çdo mjet, përpos largimit të Ramës, kryeministrit të &#8220;narkoshtetit&#8221;, nuk e shfaq qëllimin fundor. Gjithsesi, ngjashëm si Haxhiu i Sharrës, edhe ai do e kryejë misionin me luftëtarë, që i quan studentë. (Vë bast nëse ndonjë prej tyre ka lexuar një libër, një roman psh., nga Viktor Hygo!?) Do të vijë në pushtet, duke sjellë veten e cirkun e familjes së tij në qeverisje apo kërkon të çojë në vend porositë e zotërinjve, kushërinjve të mamase zenos: shkatërrimin e Shqipërisë dhe rënjen e shtetit? Në një Shqipëri të dobët ai dhe shefat e tij në Beograd e shohin më të lehtë ngritjen së shpejti të flamurit të Serbisë në Prizren.</p>
<p>Paradoksi në ngjarjet shqiptare të këtyre ditëve është cilësimi &#8220;paqësore&#8221; e protestave, ndërkohë që dhe më budallai i PD-së dhe i mediave të Saliut, e sheh se ata janë luftëtarë super të armatosur: me bomba molotov, një krijim ky i tmerrshëm finlandez i Luftës së Dytë Botërore që përdorej kundër rusëve; me gurë të madhësisë së mjaftueshme për të vrarë jo vetëm policin, por dhe ariun! Dalë në terren mediat e Saliut dhe institucionet parazite, si Avokati i Popullit, rëndojnë me akuza policinë se po helmon me gaz rininë, të ardhmen e Shqipërisë, dhe po i lag me uje, çka mund t&#8217;iu dëmtojë shëndetin sepse mund të ftohen banorët e periferisë!? Periferisë, se prej andej janë mbi 90 përqind e luftëtarëve që thyen shtyllat e ndriçimit rrugor, të semaforvëve, që sulmuan me thyerje dhe zjarr bankat e institucionet; që shkatërruan gjithë sistemin sinjalistik rrugor&#8230;! Ndokush (e majta e qorrollepsur) beson dhe shkruan se është luftë klasore, ndërkohë që ajo bën &#8220;mu&#8221;se është luftë klanore. kemi të bëjmë me ëndrrën e vjetër berishiste, ushqyerjen e urrejtjes Veri-Jug, Veriu &#8220;demokrat kundër Jugut &#8220;komunist&#8221;.</p>
<p>Në vitin e parë &#8220;të mbrapshtë&#8221;, 1914, ndonëse në një shtet të brishtë, të sapo dalë nga shpërgenjtë, ishin përsëri në gjendje që rebelin Haxhi, shqiptarin turkoshak, që lufonte kundër Shqipërisë, ta çonin në trekëmbësh. Doli një burrë që e bëri këtë! Ne vitin e dytë &#8220;të mbrapshtë&#8221;&#8221;, 1997, pseudo demokracia berishiste synonte të vendoste diktaturën, me të cilën shqiptarët ishin të ngopur deri në grykë, ndaj ju kundërvunë forcave mercenare që ishin nisur kundër Vlorës e Përmetit. Në vitin e tretë të mbrapshtë&#8221;, tetori i 2026-tës, ndërsa Saliu pret të vritet ndokush, që të shlyej krimet e tij, vrasjet me gjakftohtësi të 21 dhjetorit, dhe të rrëmbejë armët, Shqipëria nuk ka asnjë &#8220;burrë&#8221;-institucion, që të vendosë drejtësi e të qetësojë gjendjen. Edhe nëse Rama largohet, (se nuk bëhet qameti po iku?) nuk ka asnjë siguri se vendoset drejtësi. Shkaku: dikush e ka tredhur prokurorinë e tërë sistemin e drejtësisë!</p>
<p>Zot i madh, ruaje Shqipërinë nga urrejtja klanore!</p>
<p>Pa dyshim do ishte diçka shumë e bukur dhe gjithkush do të ishte dakord që të gjitha cilësitë e mira të gjendeshin të bashkuara te Edi Rama. Dihet se kjo gjë është e pamundur dhe aspak në natyrën njerëzore. Rama i ka dhënë shumë e shumë progresit të Shqipërisë, por ka bërë dhe gabime: nuk ka mundur ose nuk ka dashur që mes tyre të ketë një të dytë, me potencial e staturë te besueshme që t’ja lejë postin; nuk ka krijuar klimë kolegjale në vendimmarrje, se ndryshe nuk do ndodhnin protestat për marrëveshjet si në rastin me Kushner; nuk ka patur zgjuarsinë në përzgjedhjen e ekipit drejtues në ministri dhe institucione, ndërsa shumica e deputetëve, thënë troç, janë qoka personale&#8230;! Mbi të gjitha nuk ka pse të merrte mbi vete të meta e shpërdorime posti e detyre të vartësve! E fundit, nuk i ka ndjekur zhvillimet dhe shumë gjëra nga afër.</p>
<p>Të gjitha këto nuk mjaftojnë për ta bërë përgjegjës për largimin nga posti pa i përfunduar mandati! Akuzat e opozitës si &#8220;narko shtet&#8221;dhe vjedhës, e dëngla të tjera, shpien në të vërtetë te shpërfillja e tyre dhe shpifja, krijesa në sajë të poshtërive që ka mbytur opozitën e zënë prej grykësh nga familja berishiste. Është pronë private, është e drejta e tyre se si ta trajtojnë të ashtuquajturën Parti Demokratike! Në metodën qeverisëse të Ramës nuk ka qenë kurrë zgjidhje e problemeve mënyra e sjellje përmes arrestimeve dhe vrasjeve, siç pararendësi i tij në pushtet vepronte.</p>
<p>Agresiviteti, paisja me mjete luftarake e dhunuesve të Shqipërisë, tregon se ata kanë patur kohë të mjaftueshme që të bëheshin gati paratë me të cilat do paguheshin bandat e rekrutuara. Kush i ka bërë gati, prej nga vijnë burimet e financimit, mbeten t’i bëhen të njohura opinionit publik dhe organeve të drejtësisë?</p>
<p>&nbsp;</p>
]]></content:encoded>
					
					<wfw:commentRss>https://javanews.al/te-respektohet-paqja-dhe-besnikeria-ndaj-atyre-qe-dhane-voten-per-qeverisje/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Një gjyq kundër kombit shqiptar</title>
		<link>https://javanews.al/nje-gjyq-kunder-kombit-shqiptar/?utm_source=rss&#038;utm_medium=rss&#038;utm_campaign=nje-gjyq-kunder-kombit-shqiptar</link>
					<comments>https://javanews.al/nje-gjyq-kunder-kombit-shqiptar/#respond</comments>
		
		<dc:creator><![CDATA[Bajram Peçi]]></dc:creator>
		<pubDate>Wed, 16 Sep 2026 13:46:58 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1888989</guid>

					<description><![CDATA[Nga Bajram Peçi Kur BE, përmes përfaqësuesit të saj u kujtoi dje shqiptarve se do ketë edhe apel ndaj vendimit, kush deshi e kuptoi mesazhin? Ata dhe të tjera qeveri ishin njoftuar për dënimin e pritshëm të të gjithë zinxhirit drejtues të UÇK-së. U përforcua kjo bindje kur gjyqtari, në nisje të verdiktit, shqiptoi se [&#8230;]]]></description>
										<content:encoded><![CDATA[<p><strong>Nga Bajram Peçi</strong></p>
<p>Kur BE, përmes përfaqësuesit të saj u kujtoi dje shqiptarve se do ketë edhe apel ndaj vendimit, kush deshi e kuptoi mesazhin? Ata dhe të tjera qeveri ishin njoftuar për dënimin e pritshëm të të gjithë zinxhirit drejtues të UÇK-së. U përforcua kjo bindje kur gjyqtari, në nisje të verdiktit, shqiptoi se “&#8230;procesi gjyqësor nuk ka të bëjë me luftën çlirimtare dhe Kosovën”, gjë që vete ai nuk e beson! Ajo çka kuptohet më qartazi, tani pas vendimeve, është ndikimi i tmerrshëm që ka Rusia mbi Europën (që vazhdon luan rolin e xhandarit) si dhe qëndrimi i Shteteve të Bashkuara te Amerikës (vëndi i cili e ka krijesën e vet Kosovën e lirë), e flashkët, me mungesë vullneti dhe autoriteti për të penguar marrëzinë e disa punonjësve, veshur me toga. Me toga gjyqtarësh, por sa rrogëtarë aq dhe të ndikueshëm politikisht (siç ndodh kudo).</p>
<p>U përmendën krime që ka bërë UÇK. Nuk kam pse e vë në dyshim se ka patur apo nuk ka patur vrasje, por luftë ka qenë!? Janë vrarë pa gjyq bashkëpuntorë të pushtuesit dhe pas hyrjes së trupave të KFOR-it kanë ndodhur krime që askush nuk mund t’í kontrollonte. Thaçi me Krasniqin, jo që jo! Kështu ka ndodhur në çdo luftë. 14 mijë të tillë u vranë në Francë pas çlirimit dhe kapitullimit të Gjermanisë në Luftën e Dytë Botërore, ish bashkëpuntorë të pushtuesit nazist.</p>
<p>Mjerimi i vendimeve të Gjykatës së Hagës, cilësohet i tillë sepse e dinë që lufta u krye kundër makinerisë më të tmerrshme ushtarake që përdori Serbia për shfarrosjen e të tjerë popujsh në Ballkan, me besim tjetër fetar, por sidomos kundër shqiptarëve, me kombësi e gjuhë tjetër nga sllavishja. Drejtohej sundimi dhe genocidi kundër një race tjetër, popullit shqiptar, duke e ditur se ishte i paarmatosur, i pa mbrojtur, pa përkrahjen e një shteti me peshë ndërkombëtare. Dhe do ta kishin bërë realitet shfarrosjen e kombit shqiptar, nëse NATO, nën drejtimin e Amerikës, nuk do kishte ndërhyrë!? Më kujtohen mirë vitet para kësaj kohe, kur Europa bënte sehir, ndërkohë që shqiptarëve në Kosovë ju mbyllën shkollat, u larguan nga çdo punë dhe burgjet u tej mbushën. Do mjaftonte akuza se kishin përdorur flamurin e kuq me shkabën e zezë dykrerëshe ose dhe pa asnjë akuzë madje?</p>
<p>Për të shpjeguar pse shqiptarët ngelën si jetimë, do i sjell lexonjësit disa momente historike!?</p>
<p>Në vitin 1536, pas përkeqësimit të marrëdhënjeve me Austrinë, Franca, atëbotë lider ushtarak dhe udhëheqëse e botës së krishterë, nën sundimin e Fransisit të Parë nënshkroi me Sulejmanin e Madhërishëm të Perandorisë Otomane, Aleancën Franko-Osmane. Kjo aleancë politike, ushtarake dhe ekonomike, ishte kapaku i varrit për popujt e krishterë ballkanas, që kishin rënë nën sundimi turk. Ngelën të tilla, në robëri për 450-500 vjet. Vetëm Franca kishte kapacitetet ushtarake ta çlironte Ballkanin. Të tjerat, Austria, Venediku, Gjenova, as që llogariteshin, deri kur Rusia u forcua së tepërmi, mori nën sqetull popujt sllavë në Ballkan, siç kish ndodhur me Greqinë, që u vendos nën mbret dhe ombrellë gjermane. “Turqia e vogël”-Shqipëria, pjesërisht e islamizuar, vetëm sa ju mbrojt bregdeti, për interesat austriako-italiane, të cilët nuk vonuan ta pushtojnë.</p>
<p>Shqipëria shtet, por jo komb-shtet, sepse gjysma e saj ngeli jashtë, ishte tërë kohën lakmi e Italisë, Jugosllavisë dhe Greqisë. Nëse shpëtoi, kjo nuk ndodhi për meritë të saj, por nga shkaku i statukuosë së vendodur në luftën e ftohtë, NATO-Traktat i Varshavës ose me saktë, Bashkim Sovjetik! Aktualisht bota, që siç e shohim nuk është më ajo e para, po ndryshon me ritme të shpejta. Deri tani, si anëtarë të NATO-s dhe si partnerë strategjikë me SHBA, i jepnim vetes siguri. Nuk mjafton më! Gjykata e Hagës, me vendimin që mori, tërthorazi na bën me dije kërcënimin, retë e zeza mbi kryet tanë dhe na ndërmend kujdesin që duhet të tregojmë për ushtrinë, për armatimin, për vemendjen nga kurthet serbe e më gjerë.</p>
<p>Ajo që nuk na thotë, por që e marrim me mend është uniteti kombëtar! Nuk mjafton në të dy shtetet shqiptare vetëm një shoqëri e përçarë politikisht, me unitet të cënuar rëndë, por mbajmë në shpinë dhe sjelljet foshnjërake të drejtuesve qeveritarë. Njëri ndërton hapësira “’bashkëpunimi” me Vuçiç, pa përfilluar dhe pa kaluar të vëllai më i vogël, sepse nuk e gjykon të nevojshme, ndërsa tjetri, si fëmijë qefprishur, përmes sjelljes i përcjell publikut mërinë ndaj vëllait të madh. Dhe sikur këto të mos ishin të mjafta, shohim se si raportet e Republikës së Kosovës me SHBA-në kanë rënë në nivelet më të ulta? Kosovës, që vuan prej një kohe të gjatë krizën qeveritare e të presidentit, i shtohen tani dhe pakënaqësia që do shoqërojnë në popull vendimet për katër krerët e UÇK-së.</p>
<p>M’u duk se kaloi pa u vënë re qëndrimi i AfD-Alternativa për Gjermaninë, partia që fitoi në Saksoni-Anhalt? Si parti me karakter ekstremisht të djathtë, ajo tronditi opinionin shqiptar kur deklaroi se do</p>
<p>kërkojë zyrtarisht tërheqjen e njohjes për Kosovën. Nuk pashë asnjë prononcim prej republikave tona, ta dimë: pse e kërkon kjo parti këtë gjë? Pasojat dihen. Serbia, prej lakmive të saj, ekstremizmit nacionalist, urrejtjes racore, ka provokuar dy luftra botërore. Ky deklarim i AfD-së i ngjall Serbisë shpresa se një ditë do kthehet në Kosovë. Përderi sa e thotë gjermani, pse jo?!</p>
<p>Organizmat tona kanë gjithçka, kohë, mjete, mëndësi dhe praktikë për ta vënë në shërbim të begatisë kombëtare. Gjëja më e zgjuar që ndodhi gjatë këtij viti ishte marrëveshja në fushën e mbrojtjes përmes Kroacisë, Shqipërisë dhe Kosovës. Një marrëveshje kjo rajonale, e cila kërkoi dhe mori miratimn e NATO-s. Pas vendimit të Gjykatës së Hagës nuk dimë se çka do bëjë Serbia,? Dimë se po armatoset rëndshëm dhe po i përdori, kundër nesh do e bëjë? E njohim dhe nuk i kemi besë.</p>
<p>Nuk është aspak e tepërt ta mbyll me vlerësimin se Gjykata e Hagës, me vendimin e marrë, i bëri një dëm shumë të madh paqes në rajon, sepse nuk dënoi katër veta, por (ndonëse nuk do ta pohojnë kurrë), por dënoi luftën e armatosur të një populli për liri.</p>
<p>&nbsp;</p>
]]></content:encoded>
					
					<wfw:commentRss>https://javanews.al/nje-gjyq-kunder-kombit-shqiptar/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Copa pushtetesh, secili për vete, Zoti për të gjithë!</title>
		<link>https://javanews.al/copa-pushtetesh-secili-per-vete-zoti-per-te-gjithe/?utm_source=rss&#038;utm_medium=rss&#038;utm_campaign=copa-pushtetesh-secili-per-vete-zoti-per-te-gjithe</link>
					<comments>https://javanews.al/copa-pushtetesh-secili-per-vete-zoti-per-te-gjithe/#respond</comments>
		
		<dc:creator><![CDATA[Bajram Peçi]]></dc:creator>
		<pubDate>Fri, 11 Sep 2026 16:41:25 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1886316</guid>

					<description><![CDATA[Nga Bajram Peçi Padurimi i pushtetit të magjistratëve për t’í treguar muskujt pushtetit ekzekutiv mori formë neveritëse kur vendosën të bëjnë kallzim penal ndaj ministrit të financave shqiptare. Ai kish refuzuar të shkelte kushtetutën. I ndërgjegjshëm se duke pranuar shtesën në buxhetin e vitit, me ndikim 40 milion euro, shtesa pagash të vetëmarra prej sistemit [&#8230;]]]></description>
										<content:encoded><![CDATA[<p><strong>Nga Bajram Peçi</strong></p>
<p>Padurimi i pushtetit të magjistratëve për t’í treguar muskujt pushtetit ekzekutiv mori formë neveritëse kur vendosën të bëjnë kallzim penal ndaj ministrit të financave shqiptare. Ai kish refuzuar të shkelte kushtetutën. I ndërgjegjshëm se duke pranuar shtesën në buxhetin e vitit, me ndikim 40 milion euro, shtesa pagash të vetëmarra prej sistemit të drejtësisë, ai do shkelte ligjin, pa marrë ajo formën ligjore prej Kuvendit. Kryeministri Rama vuri në dukje më pas se duhej të ishin të kallzuar edhe ai me Ministrin e Drejtësisë, të cilët ishin konsultuar për qendrimin sa sipër. Nga sa po ndodh, shihet sheshit se janë të ndarë në qëllime, madje dhe në parime, për mënyrën e drejtimit të shtetit, arsyeja pse ekzistojnë?!</p>
<p>Po the “Qeverisje”, populli kupton shtëpinë, ku i pari ose dikush tjetër pjestar i familjes qeveris paratë? Formën e parë për qeverisjen, që e ndeshim të përshkruar, e kemi prej kohës së Likurgut të Spartës. Me banorët lakedemonas Likurgu vendosi drejtësi përmes barazisë dhe “votës” së popullit, me të veçantën e formës së votimit, me ngastra tokash të barabarta dhe heqjen e monedhës ar dhe argjend nga qarkullimi. Sistemi dihet se ra, me vdekjen e Likurgut dhe shpejt u rikthye si pabarazia ashtu dhe etja për monedhat e metalet e çmuara.</p>
<p>“Çfarë është drejtësia dhe a është mirë që një person të jetë i drejtë?”, ishte pyetja që bënte Platoni te “Republika” e tij? Është Sokrati që i jep përgjegje pyetjes, duke thënë në mënyrë kategorike se “Drejtësia në qytetin ideal, është e ngjashme me drejtësinë e një personi”, në një farë mënyre, sundimi i një personi. Ndonëse filozofët në shekuj kanë pranuar se në “Republikën” e Platonit askush nuk do donte të jetonte, nuk kanë mundur dot të rrëzojnë përgjegjen e Sokratit, çka kemi privilegjin si brez ta shijojmë ende, duke e parë përmes sundimtarësh në monarkitë arabe, në Kinë, në Korenë e veriut, në Rusi e më gjerë.</p>
<p>Me këtë sistem republikan shqiptarët kanë qenë të ngopur deri në grykë, kur përjetuan për 45 vjet partinë shtet. Republika quhej “Popullore”, por drejtimi ishte personal. Fuqia e popullit s’kish asnjë lidhje me qeverisjen, përpos gadishmërisë së tërë shtresave dhe klasave të saj për të punuar në përputhje me vendimet e të parit të vendit. Drejtësia e këtij sistemi patjetër do të duhej të ishte drejtësi e partisë; liria e individit ishte e kufizuar për të lëvizur e për t’u shprehur.</p>
<p>Polibi, historiani i antikitetit, shekuj më pas na e përshkruan qeverisjen e Republikës Romake të sunduar prej Senatit Romak, Konsujve dhe Asamblesë. Ndonëse atyre u njihet vendosja e shtyllave të të drejtës, si eci dhe qysh eci kjo, deri kur republika e përzier në qeverisje u zëvendësua nga diktatura e një njeriu, pushteti i të cilit u njoh si perandori dhe vetë ai si perandor, e kemi të njohur në detaje? Ecurinë e saj e shfrytëzuan juristë, filozofë e pushtetarë për të krijuar sisteme qverisje me sa më pak konfrontime pushtetesh?</p>
<p>Në sistemin anglez qeverisja përbëhej nga Mbreti, Dhoma e Lordëve dhe Dhoma e Komunave, që në vitin 1653 u miratua si kushtetutë e Anglisë, i cili përbëhej nga një degë legjislative (Parlamenti) dhe dy degë ekzekutive. John Locke, në veprën e tij, “Dy Traktate mbi Qeverisjen (1690) bëri dallimin midis pushtetit legjislativ, ekzekutiv dhe federativ&#8221;. Locke bën dallimin midis pushteteve të ndara, por jo midis institucioneve diskrete të ndara. Ai besonte se pushteti legjislativ ishte suprem mbi pushtetet ekzekutive sepse pushteti legjislativ e merr autoritetin e tij nga populli, i cili ka të drejtën të krijojë dhe të rrëzojë legjislaturën.</p>
<p>Në këto radhë përshkruese ja vlen të përmendet edhe sistemi i iluministit francez, Monteskiesë, të cilit i atribuohet termi &#8220;sistem trepalësh&#8221;. Në “Fryma e Ligjit” (1748), Monteskie përshkroi format e ndryshme të shpërndarjes së pushtetit politik midis një legjislature, një ekzekutivi dhe një gjyqësori. Ai mbronte një formë qeverisjeje, fuqitë e së cilës nuk ishin të centralizuara te një monark ose sundimtar, në mënyrë që askush të mos mund të uzurponte pushtetin e plotë. Kjo është forma qeverisëse që sundon sot në shumicën e republikave.</p>
<p>Këto sisteme dhe këta emra të përvetshëm, hap pas hapi e sistem pas sistemi, formuan kufirin juridik ndarës mes tre pushteteve. Ndonëse pushteti i drejtësisë ndalohet të hyjë në kompetencat dhe pushtetin ekzekutiv, për shkak se në shoqërinë shqiptare, thellësisht e ndarë politikisht, historia është më komplekse se juridike. Drejtësia e mbledhur dje dhe Gjykata Administrative e mbledhur sot, përmes vendimeve janë të bindura t’i përqasen publikut të gjërë me argumentin se është pushteti ekzekutiv ai që ka shkelur sinoret e saj, ku, mes të tjerash mbrohen me vendimin e Gjykatës Kushtetuese. Askush prej forumeve dhe individëve përgjegjës për këto forume të sistemit të drejtësisë nuk rreket të përmendë pushtetin legjislativ, përmes të cilit kalon miratimi i buxhetit, i parave. Ata që marrin vesh nga buxheti, çka është lehtësisht e prekshme, dinë se janë dy zëra të tij: të ardhura dhe shpenzime. Mbi treguesit e këtyre shifrave del ligji i cili përcakton sa do i shtrijë këmbët? Sa ka jorganin mbulesë apo sa i kërkon arroganca e një tjetër pushteti</p>
<p>Nxitimi për të kallzuar në SPAK qeverinë dhe vendimi i Administratives për t’u bërë pagesat sipas borderove të mbërritura me shtesat, nuk kish asnjë arsye të qendrueshme! Thjesht do prisnin deri në datë 17 shtator, ditë kur Kuvendi e shqyrton çështjen. Më e arsyeshmja do ishte dërgimi i borderove të vjetra, siç dhe ka vepruan ndonjë institucion tjetër drejtësie!</p>
<p>Sa e dëmton jetën shqiptare pezullimi prej gjykatave i punës, grevën ndaj pushtetit ekzekutiv (do tingëllonte më mirë)?  Ndikimi, në kushte kur mali i dosjeve dhjetëvjçare, me mijra e mijra, flenë të harruara, ndikimi do jetë besoj i papërfillshëm. Dëmi më i mdh do i vijë prej keqkuptimit: këto pushtete i shërbejnë një qëllimi, qeverisjes së shtetit apo njëri gozhdës e tjetri patkoit?</p>
<p>Thelbi i vërtetë i një qeverisjeje duhet të përbëhet nga pajtimi i plotë i vullneteve, i shijeve, i mendimeve, i zotërimit të impulseve. Njeriu fizik ndjehet më mirë kur bën në këto rrethana një dush të ftohtë. Qetësohun njerëz!</p>
]]></content:encoded>
					
					<wfw:commentRss>https://javanews.al/copa-pushtetesh-secili-per-vete-zoti-per-te-gjithe/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Në kokat e turbullta s&#8217;ka vend për humanizmin</title>
		<link>https://javanews.al/ne-kokat-e-turbullta-ska-vend-per-humanizmin/?utm_source=rss&#038;utm_medium=rss&#038;utm_campaign=ne-kokat-e-turbullta-ska-vend-per-humanizmin</link>
					<comments>https://javanews.al/ne-kokat-e-turbullta-ska-vend-per-humanizmin/#respond</comments>
		
		<dc:creator><![CDATA[Bajram Peçi]]></dc:creator>
		<pubDate>Tue, 08 Sep 2026 16:54:13 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1884523</guid>

					<description><![CDATA[Nga Bajram Peçi Krerët e Bashkimit Europian pasojnë këto orë njeri-tjetrin, duke bërë deklarata se janë të tronditur nga glorifikimi prej heroi dhe ceremonia madhështore e varrimit që qeveria e Serbisë i bëri Mlladiçit, kriminelit që ushtroi genocid dhe vrau mijra njerëz me plumb pas koke. Në Bosnje, në Republikën e Kosovës dhe në Shqipëri, [&#8230;]]]></description>
										<content:encoded><![CDATA[<p><strong>Nga Bajram Peçi</strong></p>
<p>Krerët e Bashkimit Europian pasojnë këto orë njeri-tjetrin, duke bërë deklarata se janë të tronditur nga glorifikimi prej heroi dhe ceremonia madhështore e varrimit që qeveria e Serbisë i bëri Mlladiçit, kriminelit që ushtroi genocid dhe vrau mijra njerëz me plumb pas koke. Në Bosnje, në Republikën e Kosovës dhe në Shqipëri, është vështirë të ndeshësh kënd që të ndjehet i habitur mesa ndodh! Shumica e qytetarëve të këtyre tri shteteve, që u njohin serbëve dhëmb e dhëmballë, më së shumti i përmbahen bindjes se në Serbi shumica e banorëve të saj janë në njëfarë mënyre Mlladiça. I përket Serbisë t’ua heqi nga koka këtë “paragjykim”.</p>
<p>Kur me urdhër vriteshin me plumb pas koke 10 mijë oficerë polakë, ata që i vrisnin nuk dinin pse ndodhte kjo? Arsyen e dinte Stalini. Masakra e Katinit e pranverës së vitit 1940, u krye me urdhër të Byrosë Politike të Bashkimit Sovjetik – Stalinit, Molotovit, Kaganoviçit, Voroshillovit, Mikojanit dhe Kalininit, që nënshkruan urdhërin për të ekzekutuar 25.700 polakë, të cilët ndodheshin në kampe dhe burgje në Ukrainën dhe Bjellorusinë Perëndimore, strehuar atje pas sulmit të hordhive naziste mbi Poloninë. Bashkimi Sovjetik nuk ishte në luftë me Poloninë, por i ashtuquajturi pakt (i fshehtë) mes Ribentropit dhe Molotovit, më 23 gusht 1939, e kish ndarë Poloninë mes tyre. Ndërsa në Srebenicë, <em>Më 11 korrik të vitit 1995,</em> kur Mlladiç urdhëronte të vriteshin (po me plumb pas koke) 8 mijë qytetarë boshnjakë, djem e burra të pa armatosur, paqësore, rrëmbyer nga shtëpitë e tyre, arsyeja dihej: të shfarrosen të gjithë ata që nuk janë serbë dhe nuk i përkasin besimit të tyre fetar. Nuk i vrau Mlladiç me dorën e tij, por disa qindra Mlladiçë të tjerë. e ata që nuk janë serbe dhe nuk I përkasin besimit të trye fetar.h</p>
<p>Bota e tromaksur nga ky krim i përbindshëm, i lejuar të ndodhte edhe prej trupave paqruajtëse hollandeze, u vu në lëvizje, nga ku, nën diktimin amerikan, u vendos paqja e brishtë e Dejtonit.</p>
<p>E thënë në mënyrë të përmbëledhur, ceremonia e varrimit u shndërrua në një pasqyrë për t’i treguar botës se Serbia ka qenë e mbetet po ajo agresore që provokoi luftrat në ish Jugosllavi, që luftoi përbindshëm kundër kroatëve, që rrethoi për vite Sarajevën dhe kreu krime të llahtarshme me gjuetinë kundër fëmijve dhe grave, që ndërmorri genocidin kundër shqiptarve në Kosovë, që provokon pareshtur me sjellje dhe veprime popullin shqiptar.</p>
<p>Nën ritet ortodokse priftërinjtë bekuan udhëtimin e Mlladiçit në përjetësi, ashtu siç kishin bekuar armatën serbe për vrasjen masive të popujve fqinjë. Në kokat e turbullta të elitës politike në pushtet, nën shembullin e presidentit hipokrit Vuçiç, që u përfaqësua në varrim prej familjes së tij, nuk pati asnjë moment ktjellimi prej ndokujt që të kuptonte se ceremonia ishte një ditë shkatërruese për popullin e tyre. Ata që bëjnë politikën europiane, me gjasa, pas tri ditësh do ta kenë harruar këtë ceroemoni dhe do fillojnë nga qokat, por populli boshnjak dhe ai shqiptar nuk do ta harrojnë kurrë! Për shumë studiues të Ballkanit, me ngjarjen e përjetuar të ceremonisë shtetërore të varrimit të kriminelit, do mund t’í kuptojnë shumë gjëra edhe më qartë! Nderi prej heroi që i bënë Mlladiçit do t’i bëjë historianët të njohin më saktësisht rajonin dhe t’i japin përgjegje opinionit ndërkombëtar se pse Serbia po armatoset kaq vrullshëm dhe kundër kujt përgatitet të sulmojë në këtë rajon të gjymtuar nga luftrat?!</p>
<p>Serbia, sipas asaj që shkruante në kohën e tij, Lamartine, (mesi i shek.XIX), “…nuk ishte gjë tjetër veçse një oqean pyjesh, që kishte më shumë derra se njerëz”. Në vitin 1841, Blanqui shkruante nga Beogradi se “…disa baraka, një spital, një ndërtesë burgu, lajmërojnë praninë e një qytetërimi në zhvillim”. A e ndihmuan vallë këto ngrehina dhe të tjera më pas, që ta fusnin popullin serb në rrugën e qytetërimit, të humanizmit njerëzor, të popullit që di të jetojë në fqinjësi të begatë e mirëkuptim? Kjo ceremonia e varrimit shërbeu përpos se t’í largojë popujt e Ballkanit edhe më! Si gjithnjë, shkaktare pse ndodh kështu, është Serbia?</p>
<p>E gjithë ceremonia e varrimit s’ishte veçse një kërcënim serioz kundër paqes, kundër fqinjëve, një acarim i provokuar tensionesh e krizash. Të jemi syçelët!</p>
]]></content:encoded>
					
					<wfw:commentRss>https://javanews.al/ne-kokat-e-turbullta-ska-vend-per-humanizmin/feed/</wfw:commentRss>
			<slash:comments>0</slash:comments>
		
		
			</item>
	</channel>
</rss>
