<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:wfw="http://wellformedweb.org/CommentAPI/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	xmlns:slash="http://purl.org/rss/1.0/modules/slash/"
	>

<channel>
	<title>Artur Zheji &#8211; JavaNews.al</title>
	<atom:link href="https://javanews.al/author/artur/feed/" rel="self" type="application/rss+xml" />
	<link>https://javanews.al</link>
	<description></description>
	<lastBuildDate>Fri, 07 Feb 2025 19:25:00 +0000</lastBuildDate>
	<language>en-US</language>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	

<image>
	<url>https://javanews.al/wp-content/uploads/2024/12/cropped-cropped-favicon-32x32.jpg</url>
	<title>Artur Zheji &#8211; JavaNews.al</title>
	<link>https://javanews.al</link>
	<width>32</width>
	<height>32</height>
</image> 
	<item>
		<title>Anastasi u largua, tani të kthehet Fan Noli!</title>
		<link>https://javanews.al/anastasi-u-largua-tani-te-kthehet-fan-noli/?utm_source=rss&#038;utm_medium=rss&#038;utm_campaign=anastasi-u-largua-tani-te-kthehet-fan-noli</link>
					<comments>https://javanews.al/anastasi-u-largua-tani-te-kthehet-fan-noli/#comments</comments>
		
		<dc:creator><![CDATA[Artur Zheji]]></dc:creator>
		<pubDate>Fri, 07 Feb 2025 19:23:33 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1639327</guid>

					<description><![CDATA[Nga Artur Zheji Perëndia vendosi ta marrë kryepeshkopin Anastas. Personalisht uroj që të prehet në paqe dhe të jetë duke folur me ëngjëjt e Parajsës… Porse shqiptarisht, mendoj që tani është koha të kthehet Imzot Fan Noli, në Kryevendin dhe në busullën e Krishterimit modern shqiptar. Fan Noli ish dhe mbetet, Kryepeshkopi i panjollë dhe [&#8230;]]]></description>
										<content:encoded><![CDATA[<p><strong>Nga Artur Zheji</strong></p>
<p>Perëndia vendosi ta marrë kryepeshkopin Anastas. Personalisht uroj që të prehet në paqe dhe të jetë duke folur me ëngjëjt e Parajsës…</p>
<p>Porse shqiptarisht, mendoj që tani është koha të kthehet Imzot Fan Noli, në Kryevendin dhe në busullën e Krishterimit modern shqiptar.</p>
<p>Fan Noli ish dhe mbetet, Kryepeshkopi i panjollë dhe më i ndrituri shqiptar që aq shumë na deshi ne shqiptarët mosmirënjohës.</p>
<p>E them këtë, sepse në këto 35 vite të “mbretërimit” të kryepeshkopit Anastas, Fan Noli, Ati i madh dhe i shenjtë i krishterimit shqiptar, u bë çmos të harrohet dhe t’mos kujtohet në madhështinë e tij të ndritshme! Sado që u përpoqën Patriarkanat jo shqiptare, për të mitizuar dhe “shqiptarizuar” Anastasin e ndjerë, duke harruar përdhunshëm Yllin që nuk perëndon, Imzot Fan Nolin erudit, Bariun e madh të letrave shqipe, nuk besoj se ja dolën!</p>
<p>Elitat shqiptare nëse kemi ende të tilla, duhet që Fan Nolin ta rikthejnë në vëmendjen tonë kombëtare dhe në Kishën tonë ortodokse amtare.</p>
<p>At Fan Noli, sivëlla shpirtëror vetëm me Gjergj Fishtën, duhet të studiohet si kryekombas në shkollat tona tejet të shkombëtarizuara ku madhështia e Tij, kalohet përciptas me disa rreshta të përciptë!</p>
<p>Patriarkanat kanë një kujtesë shumë më të gjatë se popujt dhe kurrë nuk ia harruan Imzot Fan Nolit, që rithemeloi një Kishë ortodokse shqiptare të pavarur që kishte Kryet e vet në udhëheqjen shpirtërore të shqiptarëve.</p>
<p>Ndoshta fqinjët apo vëllezërit tanë grekë, mendojnë dhe besojnë se shqiptarët janë ca kope delesh të humbura nga vatha e Greqisë.</p>
<p>Ndërsa për të krishterët ortodoksë shqiptarë, qofshin në Shqipëri apo më të shumtët në Greqi, miliona Arvanitasit e tretur që të kuptohemi, bindja e fqinjëve tanë është e plotë: janë thjesht disa ish-grekë të çoroditur.</p>
<p>Në të vërtetë ky është një debat i madh historik dhe gjithmonë e më tepër gjuhësor në të cilën nuk dua të futem dhe nuk mund të futem.</p>
<p>Por, sigurisht si shqiptar, mbështes shkollat studimore që shqiptarët janë bashkëkohës të Aleksandrit të Madh dhe se Greqishtja e vjetër dhe Shqipja e vjetër janë dy gjuhë mrekullisht të ngjashme, për të mos thënë binjake të një Mëme të vetme.</p>
<p>Nëse lemë së paku tre katër mijë vite pas dhe të kthehemi në të sotmen, që nuk shqitet e nuk shqitet dot nga Periudha e Artë antike, mendoj se edhe i ndjeri Anastas ka besuar thellë thellë se po bënte një punë të vyer.<br />
Ndoshta ai ka besuar se po bënte një punë të ndritshme: kthimin e deleve të humbura të besimtarëve të krishterë ortodoksë shqiptarë, në vathën e Kishës Ortodokse Greke. Dhe Athina zyrtare ishte fortlumturisht e interesuar që kjo të ndodhte, sepse shqiptarët ortodoksë në Shqipëri janë të shumtë në numër dhe të shquar së tepërmi në themelet e kulturës moderne shqiptare.</p>
<p>Dhe ata disa qindra e mijëra, jetojnë në trojet e tyre që dikush i quan Vorio-Epir, domethënë sipas po atyre, në një “zgjatim” përkohësisht të humbur të Greqisë. Në të vërtetë ky është një debat qindravjeçar dhe u ka marrë jetën me vrasje apo helmim shumë iluministëve shqiptarë, sidomos priftërinj të ndritçëm ortodoksë shqiptarë, që Kisha e sotme i ka “harruar” fare.</p>
<p>Këtu, më i ndrituri ndër të ndritëshmit, lartësohet Fan Noli, që mëvetësoi Kishën shqiptare, që përktheu Shekspirin për delet e Shqipërisë, që përktheu Servantesin e kryevepra të tjera si dhe shkroi poema të paharrueshme për delet e paditura të vendit tonë të atëhershëm.</p>
<p>Unë mendoj që sot, pas largimit të kryepeshkopit Anastas, Tirana zyrtare duhet të mbrojë qetësinë shpirtërore dhe arbërore të zgjedhjes së kryepeshkopit të ri, sipas kodeve të Fan Nolit dhe Visarion Xhuvanit.</p>
<p>Kryeministri greko-arvanitas, djali i Marikës arvanitase pra, zoti Mitsotaqis, e nderoi me hidhërim të sinqertë të ndjerin Anastas dhe mirë bëri, sepse forcoi së tepërmi dyshimet e shqiptarëve, që i ndjeri kryepeshkop, besonte se ne të krishterët shqiptarë, ishim dele të humbura.</p>
<p>Por ne e kemi Imzotin dhe Bariun tonë që nuk vdes kurrë!</p>
<p>Sepse gjykoj që eshtrat e Fan Nolit duhet ato së pari të jenë gur themeli i Kishës sonë autoqefale dhe Tirana zyrtare, duhet të ketë zë më të fortë në Tiranë se i nderuari greko-arvanitasi Mitsotaqis apo jo?</p>
<p>Një Komb pa Panteon liderash shpirtërorë që u kanë mësuar shqipen shqiptarëve, që i kanë bërë kulturalisht kryenaltë, do të vijojë të jetë një Komb delesh, sikundër na duan shumica e fqinjve tanë të dashur.</p>
<p>Figura e Fan Nolit, qëllimisht e harruar mund të Rilindë më në fund Kishën Ortodokse Shqiptare dhe jo vetëm!<br />
Perëndia të më ndjejë nëse kam gabuar në këto rradhë, por besoj së tepërmi dhe me prova të katërcipta se Ilirët, Maqedhonasit, Epirotët, Spartanët apo Athinjotët kanë qenë degë të barabarta të një Trungu të stërlashtë.</p>
<p>E pra, me të drejtën e Zotit, që të ketë “pemën” e vet në altarin e popujve ndriçues të Qytetërimit Antik botëror.</p>
<p>Të drejtën shqiptare.</p>
]]></content:encoded>
					
					<wfw:commentRss>https://javanews.al/anastasi-u-largua-tani-te-kthehet-fan-noli/feed/</wfw:commentRss>
			<slash:comments>1</slash:comments>
		
		
			</item>
		<item>
		<title>Parashqevi Simaku: Kësulkuqja e shqiptarëve</title>
		<link>https://javanews.al/parashqevi-simaku-kesulkuqja-e-shqiptareve/?utm_source=rss&#038;utm_medium=rss&#038;utm_campaign=parashqevi-simaku-kesulkuqja-e-shqiptareve</link>
					<comments>https://javanews.al/parashqevi-simaku-kesulkuqja-e-shqiptareve/#respond</comments>
		
		<dc:creator><![CDATA[Artur Zheji]]></dc:creator>
		<pubDate>Fri, 27 Dec 2024 17:07:32 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1620309</guid>

					<description><![CDATA[Nga Artur Zheji Vëmendja tronditëse për Parashqevinë, është në thelb një tronditje e personalitetit të vetë shqiptarëve. Shumica e mërgimtarëve të larguar përdhunshëm nga Vendi i Shqiponjave të plagosura, shohin te këngëtarja e pafat dy kohë të shkrira në një të vetme: Shkëlqimin dhe Skëterrën. Mërgimtarët shqiptarë, janë në të vërtetë shumica e popullit tonë, [&#8230;]]]></description>
										<content:encoded><![CDATA[<p><strong>Nga Artur Zheji</strong></p>
<p>Vëmendja tronditëse për Parashqevinë, është në thelb një tronditje e personalitetit të vetë shqiptarëve.</p>
<p>Shumica e mërgimtarëve të larguar përdhunshëm nga Vendi i Shqiponjave të plagosura, shohin te këngëtarja e pafat dy kohë të shkrira në një të vetme: Shkëlqimin dhe Skëterrën.</p>
<p>Mërgimtarët shqiptarë, janë në të vërtetë shumica e popullit tonë, kudo që flitet shqip, në çdo cep të trojeve tona të lashta dhe moderne. Dhe kjo shumicë, shumë milionëshe ka qenë si ato farat e luleve të bukura të malit, që stuhia i rrëmbeu, i pështjelloi në mijëra shtjella dhe i degdisi në të katër anët e horizontit.</p>
<p>I degdisi dhe i përplasi, i shtypi dhe i dhunoi, i turpëroi apo i depersonalizoi, i shkeli apo ju zhduku emrat dhe origjininën e fisit nga vinin…</p>
<p>Por nuk i shfarosi dot!<br />
Ata, milionat e shqipeve të plagosura, ndërtuan foletë e tyre në shkretëtirat e vendeve të huaja, grimcë pas grimce.<br />
Shpesh me kokën ulur e të nënshtruar, por me një “Arnaut inat” siç e thërrasin turqit inatin e tërbuar të shqiptarëve, me një Arnaut inat pra, të fshehur e të mbrojtur, thellë në placën e tyre, si një farë të pacënuar.<br />
Një farë e pacënuar gati të mbijë, kur kushtet e stuhisë që i rrëmbeu të qetësohen dhe kur shkretëtira të çelë gjethe e sythe për ta e familjet e tyre.</p>
<p>Dhe sot që flasim, të degdisurit e dikurshëm të para 30 viteve, në të shumtën e tyre mbijetuan e hodhën rrënjë.<br />
Dhe i rrëfyen botës frutin rrezatues të geneve shqiptare, duke kapur shumë maja të habitshme dhe lartësi të pabesueshme në xhunglën e egër të Planetit dhe në çdo cep të tij.</p>
<p>Dhe kështu pas 30 vitesh batërdie dhe kryeneçësie të shqiptarëve të arratisur nga jeta e tyre e dikurshme, për të rritur ëndra dhe fëmijë në Dhé të huaj, si në një pasqyrë e thyer, panë shumë pranë dy kohë krejt të kundërta!<br />
Dy kohë të kundërta, të mbërthyra në një person të vetëm: Parashqevi Simaku.</p>
<p>Një këngëtare rrezatuese e skenave të pambrritshme dhe një të pastrehë të harruar nga vetja dhe të harruar nga bota.<br />
Dhe sedra e “Arnaut damarit” u tërbua, duke uluritur “Drejtësi!” për Parashqevinë, që domethënë drejtësi për veten në të njejtën kohë!</p>
<p>Dhe kështu harresa u shëndrrua në kujtesë dhe Parashqevia u bë “virale” sa hap e mbyll sytë, sepse shqiptarët zbuluan Kësulkuqen e tyre, pak përpara se ta hante “ujku” në metrotë e Nju Yorkut.<br />
Dhe e shpëtuan Kësulkuqen e tyre, tashmë kombëtare, duke shpresuar se kanë shpëtuar edhe veten e tyre nga nja Fat i tillë.<br />
Iluzion sigurisht!</p>
<p>Por një iluzion që fal një dehje të ëmbël dhe aspak të dëmshme, në një botë shqiptarë të pushtuar nga politika dhe Mbretëresha Gënjeshtër, në të vërtetë Mbretëresha jonë e vërtetë në këto kohë moderne…</p>
<p>Pjesa tjetër që lidhet me fatin e Parashqevisë, ka shumë spekullim dhe llum, biznes dhe shëmti, sepse të vërteta të tjera na presin në lidhje me këtë përrallë që na vjen nga stacionet e trenave Njujorkezë…</p>
<p>Por nuk dua sot të merrem me këtë llum, por me pasionin e parrëfyer të shqiptarëve për gjëra të bukura dhe përralla me fund të lumtur!</p>
<p>&nbsp;</p>
]]></content:encoded>
					
					<wfw:commentRss>https://javanews.al/parashqevi-simaku-kesulkuqja-e-shqiptareve/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Triumfi Trump! Pse Amerika e votoi dhe a mund të manipulohet nga ne ballkanasit</title>
		<link>https://javanews.al/triumfi-trump-pse-amerika-e-votoi-dhe-a-mund-te-manipulohet-nga-ne-ballkanasit/?utm_source=rss&#038;utm_medium=rss&#038;utm_campaign=triumfi-trump-pse-amerika-e-votoi-dhe-a-mund-te-manipulohet-nga-ne-ballkanasit</link>
					<comments>https://javanews.al/triumfi-trump-pse-amerika-e-votoi-dhe-a-mund-te-manipulohet-nga-ne-ballkanasit/#respond</comments>
		
		<dc:creator><![CDATA[Artur Zheji]]></dc:creator>
		<pubDate>Mon, 11 Nov 2024 17:21:50 +0000</pubDate>
				<category><![CDATA[Opinion]]></category>
		<category><![CDATA[Kryesoret]]></category>
		<guid isPermaLink="false">https://javanews.al/?p=1600063</guid>

					<description><![CDATA[Nga Artur Zheji Trump shpartalloi hipokrizinë e elitave majtiste amerikane, që janë të super-pasura dhe njëkohësisht lotojnë meditaikisht për të varfrit. Trump në tanksin e tij të madh zgjedhor, bëri vend për të gjithë, në mënyrë të pastër pragmatiste. Trump përqafoi të zhgënjyerit nga Biden dhe u dha besë e shans të ri, ish-armiqve të [&#8230;]]]></description>
										<content:encoded><![CDATA[<p><strong>Nga Artur Zheji</strong></p>
<p>Trump shpartalloi hipokrizinë e elitave majtiste amerikane, që janë të super-pasura dhe njëkohësisht lotojnë meditaikisht për të varfrit.</p>
<p>Trump në tanksin e tij të madh zgjedhor, bëri vend për të gjithë, në mënyrë të pastër pragmatiste.</p>
<p>Trump përqafoi të zhgënjyerit nga Biden dhe u dha besë e shans të ri, ish-armiqve të tij të djeshëm.</p>
<p>Bëri zv.president ish-akuzatorin e egër Vance dhe ish-mbështetësin e Biden, gjeniun Elon Musk me mbi 200 milion ndjekësit e tij të platformës “X”.</p>
<p>Musk dhe “X”, theu dhe thërrmoji CNN dhe New York Times, në komunikim publik transversal.</p>
<p>Trump theu në këto zgjedhje çdo lloj rregulle.</p>
<p>Ai nuk ju drejtua pjesës gri me fjali të ekuilibruara dhe nuk zgjodhi daltën e skulptorit apo furçën e bojaxhiut për të krijuar modelin e kandidatit të mirë dhe të gjithë-pranueshëm.</p>
<p>Trump e bëri fushatën me buldozer dhe i hodhi benzinë zjarrit të pakënaqësive të përditshme të amerikanit që jeton në periferinë e vëmendjes së elitave llafazane majtiste dhe centriste.</p>
<p>Trump miliardave të tij, i shtoi miliardat ulëritëse të gjeniut Elon Musk dhe bindi emigrantët e brezit të vjetër, që rreziku ju vjen nga emigrantët e rinj, sivëllezërit e tyre ispanikë, të varfër dhe me xhepa të shqyer, që gërryejnë tortën ekonomike të asistencës sociale.</p>
<p>Emigrantët e integruar, kuptuan mesazhin e Donaldit dhe votuan Trumpin!</p>
<p>Pasuria e Trumpit, e Elon Musk, Bezos e të tjerë të skuadrës së miliarderëve, është përtej “ëndrrës amerikane”, është e pakapshme në kohë dhe hapësirë!</p>
<p>Ndërsa ëndrra amerikane e vëllezërve të tyre të uritur, që sulmojnë me miliona kufijtë me Meksikën, mund të shkatërrojë ëndrrën amerikane të emigrantëve të punësuar, nga e cila kanë përfituar dhe jetojnë më mirë. Dhe kështu votuan për Trumpin dhe kundër vëllezërve të dëshpëruar dhe konkurrentë, që duan të copëtojnë portofolin e asistencës shtetërore.</p>
<p>Sepse Trump nuk i gënjeu: thjesht u tha më votoni mua, që të mos copëtohet më tej torta e ndihmës sociale me miliona emigrantë të tjerë! Dhe ata, me miliona votuan për copën e tortës së tyre…</p>
<p>Trump nuk e maskon mbështetjen e tij për Izraelin me fjalë humaniste për viktimat palestineze, por thotë hapur: “Ta lemë Netanyahun të mbarojë punën e filluar!”, sepse gjithsesi të gjithë e dinë që pa miliardat amerikane në armë dhe predha, Izraeli nuk e përballon dot një luftë të vërtetë në Lindjen e Mesme.</p>
<p>Dhe këto armë, ndërmjet një metafore humaniste dhe një këshillë për vetëpërmbajtjeje ndaj Netanyahut, i dërgonte edhe Biden me shumicë dhe do ti dërgojë edhe Trump.</p>
<p>Por Trump premton se do vendosë Paqen edhe aty, sigurisht duke shpartalluar Hamasin dhe Hezbollahun, ashtu si edhe në Ukrainë , edhe arabët në Miçigan, parapëlqyen “For President”, të “sinqertin” punëmbaruar dhe të ashpër republikan.</p>
<p>A mund të manipulohet Trump nga ne ballkanasit?</p>
<p>Besoj se po.</p>
<p>Puna për të tërhequr kërrabën e vëmendjes nga vetja, ka filluar më shumë se një vit më parë.</p>
<p>Në nivele biznesmenësh dhe politikanësh shqiptarë të kamur.</p>
<p>Por edhe kandidatët amerikanë për poste kyçe, e ndjejnë që larg erën e athët të viktimave ballkanike që afrohen me cash dhe llogari bankare of shore.</p>
<p>Mund t’ju marrin paratë dhe më pas t’ju kthejnë shpinën.</p>
<p>Po ky do të ishte një shkrim tjetër…</p>
]]></content:encoded>
					
					<wfw:commentRss>https://javanews.al/triumfi-trump-pse-amerika-e-votoi-dhe-a-mund-te-manipulohet-nga-ne-ballkanasit/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Berisha ndërton trashëgiminë e tij politike, ndërsa Rama stolis betejën e fituar të 2025</title>
		<link>https://javanews.al/berisha-nderton-trashegimine-e-tij-politike-ndersa-rama-stolis-betejen-e-fituar-te-2025/?utm_source=rss&#038;utm_medium=rss&#038;utm_campaign=berisha-nderton-trashegimine-e-tij-politike-ndersa-rama-stolis-betejen-e-fituar-te-2025</link>
					<comments>https://javanews.al/berisha-nderton-trashegimine-e-tij-politike-ndersa-rama-stolis-betejen-e-fituar-te-2025/#comments</comments>
		
		<dc:creator><![CDATA[Artur Zheji]]></dc:creator>
		<pubDate>Mon, 23 Sep 2024 07:30:10 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1579190</guid>

					<description><![CDATA[Nga Artur Zheji Asgjë nuk ndryshon në Fshatin tonë, të pasurit bëhen më të pasur, të varfrit ëndërrojnë të pasurohen, lëpirësit shtohen ndërsa Shefat e gjithëpushtetshëm mbeten gjithmonë po ata! Ndërsa Rama, befas serioz e i menduar fluturon për në Nju York me mision në Kombet e Bashkuara, Berisha del në dritaren e shtëpisë dhe [&#8230;]]]></description>
										<content:encoded><![CDATA[<p><strong>Nga Artur Zheji</strong></p>
<p>Asgjë nuk ndryshon në Fshatin tonë, të pasurit bëhen më të pasur, të varfrit ëndërrojnë të pasurohen, lëpirësit shtohen ndërsa Shefat e gjithëpushtetshëm mbeten gjithmonë po ata!</p>
<p>Ndërsa Rama, befas serioz e i menduar fluturon për në Nju York me mision në Kombet e Bashkuara, Berisha del në dritaren e shtëpisë dhe i flet rrugës së Shpresës!</p>
<p>Shqipëria turistike, ndërkohë numëron të ardhurat që bartin turistët në arkat e shtetit dhe biznesit dhe u gëzohen verdhushkave që thuhet se po derdhen lumë!…</p>
<p>Ndërkohë që ujqit e nginjur ulërijnë plot epsh dhe neps, delet e shumta, gjithmonë e më të shumta, hanë barin e përditshëm me veshët ngrehur se mos ju mbin ndonjë kullë në mes të lëndinës së gjelbërt dhe bari ju soset.</p>
<p>Spak-u dhe Spakistët, si arkeologë në kërkim të rrënjëve të korrupsionit, gërmojnë llogore pafund dhe zbulojnë Shqipërinë e padukshme, që shtrihet më e madhe përfund Shqpirësisë së dukshme! Dhe llagëmet e zeza të ca burrave e grave shqiptare, trima e trimëresha sypatrembur, janë më të gjata se Muri Kinez, por i përmbysur si një qytet i nëndheshëm plot me qypa me florinj që ju derdhen…</p>
<p>Spakistët si dikur gladiatorët e Spartakut legjendar, premtojnë të rrënojnë Romën e pathyeshme të korrupsionit, porse ndeshja vazhdon dhe duket se gladiatorët Spakistë po japin shenja lodhjeje dhe rraskapitjeje, përpara mureve kryelarta të Perandorisë të së Keqes!</p>
<p>Ndërkohë, kusuri i Njerëzisë – njerëzia e ngratë mbytur në të përditshmen e vet, plot tik-tok, Instagram e Fb, rri ulur në shkallët e stadiumit social dhe ha fara luledielli, bën “likes” apo komente duke britur “on-line”, protestën apo tifozerinë e vet!</p>
<p>Asgjë nuk ndryshon as edhe në guzhinat e errta të intrigave, çipat spiunë dhe spiunët dhjetëftyrësh janë ngado dhe nuk ka më surpriza e komplote pas krahëve.</p>
<p>Realiteti i “Monarkisë së Stabilitetit” ka edhe algoritmet e veta spektakolare: Beneti, dikur kanakari i Berishës së papepur, bëhet sot kanakari kryesocialist i Shkodrës, ndërsa Erioni, zbulimi i dikurshëm i Ramës fitimtar, hyn në ujë në një të tretën dhe zvoglohet e zvoglohet pa zhurmë e plot ngërçe si djaloshi i dikurshëm mjaftist!</p>
<p>Super spektakël s’ke çthua!</p>
<p>Porse ekuilibri politik nuk prishet aspak nga këto super-lëvizje mbetur pa koment. Sepse ekuilibri dhe Uniteti është i hekurt!</p>
<p>Sepse kampet u fortifikuan edhe njëherë si qëmoti!</p>
<p>Kokrroçi i paepur, thinjoshi Berisha në njerin krah, gjatoshi Rama në krahun tjetër.</p>
<p>Berisha ndërton gurë-gurë piramidën e trashëgimisë politike, duke qëmtuar dhe duke futur në sherr kandidatët rivalë…</p>
<p>Rama, vijon të pikturojë apo të retushojë e stolisë, portretet e grupit të sulmit elektoral, për një betejë të fituar në tavolinë prej kohësh.</p>
<p>Në mes të dy super Shefave, në mes të Thinjoshit të paepur në dritaren e shpresës që nuk vjen dot dhe të Gjatoshit me kurorën e fitores në xhep pra, një lukuni me çakenj dhe krijesa kacavirëse, duan të hypin në anijet e mbingarkuara, që nisen për betejën e rreme të vitit 2025.</p>
<p>Historianët mund të veçojnë nga kjo kacavjerrje zhapikësh, padyshim disa shqytarë, të vjetër a të rinj politikë, me sigla të mëvetshme dhe me shpresa të rrespektueshme, por që nuk e trondisin dot Kandarin Zgjedhor që pritet në këtë sezon.</p>
<p>Dhe pra ja pse Sezona, nuk duket joshëse dhe me surpriza të dialektikës së brendëshme politike, përjashto këtu aksidentet e papërjashtueshme askurr në Historinë Njerëzore, apo si e thosh Balzaku i madh: në “Komedinë Njerëzore!” – sot më shumë komedi se askurr në Fshatin tonë.</p>
<p>Nëse një Fuqi e Mbinatyrshme nuk lëshon rrufe Zeusi, të gjithë e dinë se çfarë do të ndodhë dhe të gjithë bëjnë sikur nuk e dinë se çfarë fshihet pas algoritmit të paracaktuar të zgjedhjeve të ardhshme.</p>
<p>Ndërkohë shitësit e farave të kungullit dhe shitësit e farave të lulediellit, shtojnë fitimet e tyre dhe ushqejnë me vrasje kohe, spektatorët e shumtë të stadiumit të ndeshjes që pritet të fillojë…</p>
<p>Por kjo ndodh ngado, në çdo Fshat të Botës së madhe.</p>
]]></content:encoded>
					
					<wfw:commentRss>https://javanews.al/berisha-nderton-trashegimine-e-tij-politike-ndersa-rama-stolis-betejen-e-fituar-te-2025/feed/</wfw:commentRss>
			<slash:comments>1</slash:comments>
		
		
			</item>
		<item>
		<title>Pse e mirëkuptoj Helena Kadarenë, që e largoi turmën e hiçave</title>
		<link>https://javanews.al/pse-e-mirekuptoj-helena-kadarene-qe-e-largoi-turmen-e-hicave/?utm_source=rss&#038;utm_medium=rss&#038;utm_campaign=pse-e-mirekuptoj-helena-kadarene-qe-e-largoi-turmen-e-hicave</link>
					<comments>https://javanews.al/pse-e-mirekuptoj-helena-kadarene-qe-e-largoi-turmen-e-hicave/#respond</comments>
		
		<dc:creator><![CDATA[Artur Zheji]]></dc:creator>
		<pubDate>Thu, 04 Jul 2024 10:45:10 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1543677</guid>

					<description><![CDATA[Nga Artur Zheji Ka pak raste të rralla, ku njeriu i vogël, apo njeriu i vetëpandehur i madh, zhubroset, tkurret dhe vjen befas në vete! Sepse Vdekja shfaqet! Krenare dhe me vështrim të tejpërtejshëm, duke kërrusur në trup dhe në fytyrat e vrerosura, madhështitë e rreme të viktimave të saj të ardhshme.Dhe zagarët ndjehen zagarë [&#8230;]]]></description>
										<content:encoded><![CDATA[<p><strong>Nga Artur Zheji</strong></p>
<p>Ka pak raste të rralla, ku njeriu i vogël, apo njeriu i vetëpandehur i madh, zhubroset, tkurret dhe vjen befas në vete!</p>
<p>Sepse Vdekja shfaqet!</p>
<p>Krenare dhe me vështrim të tejpërtejshëm, duke kërrusur në trup dhe në fytyrat e vrerosura, madhështitë e rreme të viktimave të saj të ardhshme.Dhe zagarët ndjehen zagarë dhe jo ndonjë kafshë tjetër.</p>
<p>Dhe kobrat ndjehen nepërka tinzare e të pabesa, kokëulura dhe banuese të vrimave të fshehta ku thurrin planet e kafshimeve të ardhshme helmuese…</p>
<p>Dhe titullarët e pushtetit trullosen dhe ndjehen Askushi, kur shohin në sytë pa sy Mbretëreshën e Zezë.</p>
<p>Këtë Zonjë madhështore që një ditë vendos Drejtësi Hyjnore, mbi vampirët hipokritë të së përditshmes, ngjeshur dhe fshehur fort mirë, mbas kostumeve dhe kollareve të shtrenjta.</p>
<p>Ata, kinse të vrerosur, parakalojnë kokëulur, në funeral, buzë Zonjës Madhështore, Mbretëreshës së Zezë, me duart me unaza të arta, që ju fshehin paq njollat e gjakut që nuk ju lahen dot.</p>
<p>Ajo qëndron mbi krye të udhëtarit të radhës për në Botën tjetër dhe i këqyr të gjithë si i këqyr Shqiponja, minjtë brejtës të Vendit tim.</p>
<p>Dhe Mbretëresha, që lodron si fllad në atë log të përzishëm, dëgjon lutjet e tyre të heshtura, që ta shtyjnë sa më shumë takimin me të, të Pakorruptueshmen Absolute!</p>
<p>Por Ajo, e Madhërishmja, vazhdon të lodrojë si fllad, mbi atë gumëzhitje milingonash, gjarpërinjsh e hienash dhe përkëdhel ëmbël veç ata, që njerëzisht vuajnë vërtetë për të ndjerin që Ajo ka ardhë të marrë me vete…</p>
<p>Këtë perceptim ndjeva kur sodisja Funeralin e Shtetit për Ismail Kadarenë në udhëtimin e tij ndërmjet dy Botëve.</p>
<p>Shkrimtari i mprehtë dhe ironik, virtuoz dhe vetmitar në më të shumtën e jetës së tij, vështroi së fundmi shumë nga personazhet që kishte qesëndisur dhe tallur, të mbanin radhën në funeralin e tij.</p>
<p>Në të vërtetë, kjo është hakmarrja e tmerrshme e mikrobotës, ndaj atyre që i kanë shpërfillur së gjalli, ju vijnë në funeral, duke ja trazuar qetësinë që lipset në këto raste.</p>
<p>Ndaj dhe e mirëkuptova thellësisht Helena Kadarenë, që largoi turmën e Hiçave të shumtë, në çastet e shkurtra të ndarjes me Ismailin e saj.</p>
<p>Kush kupton, kupton.</p>
<p>Kush nuk kupton, nuk është më puna ime!</p>
]]></content:encoded>
					
					<wfw:commentRss>https://javanews.al/pse-e-mirekuptoj-helena-kadarene-qe-e-largoi-turmen-e-hicave/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Flauti magjik i Berishës dhe &#8216;kecat&#8217; që do poshtërohen nga &#8216;ujku&#8217;</title>
		<link>https://javanews.al/flauti-magjik-i-berishes-dhe-kecat-qe-do-poshterohen-nga-ujku/?utm_source=rss&#038;utm_medium=rss&#038;utm_campaign=flauti-magjik-i-berishes-dhe-kecat-qe-do-poshterohen-nga-ujku</link>
					<comments>https://javanews.al/flauti-magjik-i-berishes-dhe-kecat-qe-do-poshterohen-nga-ujku/#respond</comments>
		
		<dc:creator><![CDATA[Artur Zheji]]></dc:creator>
		<pubDate>Wed, 12 Jun 2024 16:10:22 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1533140</guid>

					<description><![CDATA[Nga Artur Zheji Përfundimisht Sali Berisha dhe grupi i tij më i ngushtë, politik dhe ekonomik, janë vështirësisht të konkurrueshëm. Sepse të fitosh betejat në një terren rrëshqitës dhe armiqësor, duke patur administratën amerikane dhe Brukselin kundra, është padyshim në kufirin e të pamundurës. Sepse beteja e Doktorit, nuk ishte rikthimi në pushtet, por pushteti [&#8230;]]]></description>
										<content:encoded><![CDATA[<div class="firstP">
<p><strong>Nga Artur Zheji</strong></p>
<p>Përfundimisht Sali Berisha dhe grupi i tij më i ngushtë, politik dhe ekonomik, janë vështirësisht të konkurrueshëm. Sepse të fitosh betejat në një terren rrëshqitës dhe armiqësor, duke patur administratën amerikane dhe Brukselin kundra, është padyshim në kufirin e të pamundurës.</p>
</div>
<p>Sepse beteja e Doktorit, nuk ishte rikthimi në pushtet, por pushteti i plotë mbi Partinë Demokratike, të cilin ja lëkundi për disa kohë vetëm Lulzim Basha.</p>
<p>Porse ambicia verbuese dhe etja e pasosur për vrarë politikisht Bashën, që nuk kishte pas vetes grupime ekonomike, apo grupime të fortësh të mirë armatosur, punoi mirë e bukur, në interes të Doktorit.<br />
Grupi i brishtë i deputetëve të rinj rreth Bashës, gjykuan krejt para kohe, se Saliu, politikisht morri fund dhe vrapuan te oborri i Doktorit, me shpresë ti rrëmbenin Partinë Demokratike.<br />
Doktori, një ujk i sprovuar politik, i joshi me dhurata dhe me xhingla vezulluese, përderisa të zgjidhte dy çështje kryesore:<br />
– Rrëzimin politik të Bashës<br />
– Marrjen e vulës, pra aktin përfundimtar noterial të pronësisë ndaj Partisë, godinën madhështore dhe truallin e pafund përreth…</p>
<p>Tani Doktori, ka lluksin e trashëgimisë së pronës së vet, tapinë e së cilës, të gjithë ambiciozët me brirë, i dhanë një dorë që ay, ta fitonte, ta fitonte me çdo kusht, edhe duke gënjyer ujqit e rinj, si të ishin ca keca me këmborë.</p>
<div class="tchAdBlock smallAdBlock">
<div class="siteWidthContainer">
<div id="div-gpt-ad-1508597120991-1" class="innerAdBlock" data-google-query-id="CMHbjcW21oYDFaVlkQUd5oILXA">
<div id="google_ads_iframe_/52408802/ARTAKT2_0__container__">Një bravo të madhe për Doktorin, që korri një fitore të fundit, të denjë për manual studimi, në shkencat politike shqiptare.</div>
</div>
</div>
</div>
<p>Kardiologu, u rrëfye mbi të gjitha një psikolog i përkryer! Dhe me fyellin e një Fakiri persian, luajti fort bukur me gjarpërinjtë dhe gjarpërueshet e reja. Fillimisht i magjepsi që të kafshonin me dhëmbkat e helmuara Lulzim Bashën e njomë, e më pas i joshi të lodronin si “liderët” e të ardhmes, duke i futur përmes tingujve të të njëjtit fyell magjik, në thesin e tij, thurur me fije kërpi dhe premtimesh që mrekulluan kecat apo gjarpërushët pa kërbisht!</p>
<p>Tani Sali Berisha, është rikthyer përfundimisht!<br />
Është në pushtet të plotë të lojës politike dhe komunikon me kode vetëm me Edi Ramën!<br />
Gjykoj se vetëm Argita dhe Shkëlzeni mund të trashëgojë natyrshëm këtë Parti, të tjerat janë fjalë dhe tinguj plot fantazi të Flautit magjik, që ja mbërriti deri këtu!<br />
Se çdo bëjnë kecat që ju fal ca kohë e drejta të ulurinj si këlyshë ujqish, është çështje garniture dhe sallaturinash… rizgjimi i tyre do të jetë një dramë e vockël dhe e parëndësishme.<br />
Game over!</p>
<p>Sali Berisha në poltronën e PD ndërsa Edi Rama, në poltronën e kryeministrit, edhe për një mandat të katërt!<br />
Kjo është marrëveshja, që të gjithë do ta mohojnë dhe do të përbetohen, se nuk ka ndodhur kurrë!<br />
Dhe madje, shumë kush do ti besojë këto përbetime, për të “mirën” e Shqipërisë dhe shqiptarëve.<br />
Spak, nëse do të vazhdosh të jesh SPAK-u! Është rasti ta kesh mirë mendjen, tash e tutje!<br />
Kaq për sot…</p>
]]></content:encoded>
					
					<wfw:commentRss>https://javanews.al/flauti-magjik-i-berishes-dhe-kecat-qe-do-poshterohen-nga-ujku/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Ja pse bomba – Himara, nuk plasi!</title>
		<link>https://javanews.al/ja-pse-bomba-himara-nuk-plasi/?utm_source=rss&#038;utm_medium=rss&#038;utm_campaign=ja-pse-bomba-himara-nuk-plasi</link>
					<comments>https://javanews.al/ja-pse-bomba-himara-nuk-plasi/#respond</comments>
		
		<dc:creator><![CDATA[Artur Zheji]]></dc:creator>
		<pubDate>Mon, 01 Apr 2024 06:20:45 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1496572</guid>

					<description><![CDATA[Nga Artur Zheji Duket se pati shumë përpjekje për të destabilizuar Shqipërinë dhe për ta kthyer Himarën në një bombë shpërthyese. U përdorën të gjitha mjetet e mbidheshme dhe të nëndheshme. U zgjuan dhe u bënë aktive të gjitha agjenturat e “fjetura”, në Politikë, në Ekonomi dhe në Media, porse themelet nuk çeduan. Shumica shqiptare [&#8230;]]]></description>
										<content:encoded><![CDATA[<p><b>Nga Artur Zheji</b></p>
<p>Duket se pati shumë përpjekje për të destabilizuar Shqipërinë dhe për ta kthyer Himarën në një bombë shpërthyese.<br />
U përdorën të gjitha mjetet e mbidheshme dhe të nëndheshme.</p>
<p>U zgjuan dhe u bënë aktive të gjitha agjenturat e “fjetura”, në Politikë, në Ekonomi dhe në Media, porse themelet nuk çeduan. Shumica shqiptare dhe pakicat që “ndjehen” greke dhe financohen përmes pensioneve si të tilla, e refuzuan në shumicën e tyre këtë skenar.</p>
<p>Institucionet me gjithë difektet e tyre të stërmëdha, rrezistuan dhe shqiptarët, në shumicë: ndërmjet “zarfit” dhe Dinjitetit, zgjodhën dinjitetin.</p>
<p>Kryeministri Mitsotaqis, falë shkollimit të rafinuar dhe falë lidhjeve familjare arvanitase, duket se e ndaloi makinerinë radikale antishqiptare, ndonëse, në varësi të algoritmit të tij të brendshëm politik: “asnjëhrë, nuk duhet të themi asnjëherë”(never say never!)</p>
<p>Shqipëria politike dhe Shqipëria turistike, kaloi një sprovë të vështirë, por duke llogaritur ku jemi sot, të përballueshme.<br />
SPAK-u dhe mbështetja popullore që kjo strukturë ka fituar, rrëfeu muskujt e vet me ADN anglo-saksone dhe po vendos rregulla të reja loje: Kombëtare dhe ndërkombëtare!</p>
<p>Arrestimi i Gjergji Goros, vendosi një qëndrim simetrik ndaj Ligjit dhe ndaj Politikës, si edhe kontrabandohet nga tezat e radikalëve vendas apo helenë. Të mendosh që gjithë ky tension i padëgjuar që u përplas mbi Shqipërinë institucionale dhe opinionin publik arbëror: nuk shkaktoi asnjë incident vulgar me bazë urrejtjen shqiptaro-greke!<br />
Sepse fare thjesht: një urrejtje Shqiptaro-Greke, nuk ekziston! Kush thotë ndryshe, është i paguar që të ndezë një luftë dhe një zjarr artificial, që nuk ka fitimtarë, por vetëm të humbur!</p>
<p>Sepse shqiptarët dhe grekët e dinë mirë që janë ata, dhe vetëm ata, shqiptarët dhe grekët, popujt autoktonë, më të vjetër të Ballkanit dhe pse jo, edhe dy popujt më të vjetër të Europës, së këtyre 3.000 viteve të fundit!<br />
Se çfarë do të ndodhë më pas, askush nuk e di, por deri tash: bombat nacionaliste nuk plasën!<br />
Ky është fakt.</p>
<p>Sepse shqiptarët dhe grekët, me përjashtim të ca mercenarëve në politikë dhe mediatikë, këto bomba i lanë të plasin të vetmuara në laboratorët që i krijuan, duke shkaktuar veçse autogol politik.</p>
]]></content:encoded>
					
					<wfw:commentRss>https://javanews.al/ja-pse-bomba-himara-nuk-plasi/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Blinken i vuri kapak iluzioneve se ka plan B apo C për Shqipërinë. Opozita dhe SPAK…!</title>
		<link>https://javanews.al/blinken-i-vuri-kapak-iluzioneve-se-ka-plan-b-apo-c-per-shqiperine-opozita-dhe-spak/?utm_source=rss&#038;utm_medium=rss&#038;utm_campaign=blinken-i-vuri-kapak-iluzioneve-se-ka-plan-b-apo-c-per-shqiperine-opozita-dhe-spak</link>
					<comments>https://javanews.al/blinken-i-vuri-kapak-iluzioneve-se-ka-plan-b-apo-c-per-shqiperine-opozita-dhe-spak/#respond</comments>
		
		<dc:creator><![CDATA[Artur Zheji]]></dc:creator>
		<pubDate>Fri, 16 Feb 2024 17:20:52 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1475790</guid>

					<description><![CDATA[Nga Artur Zheji Ai është një ujk i sprovuar i politikës së jashtme amerikane. Është njeriu i krizave të forta, që ai i zgjidh me elegancën e një kirurgu të operacioneve të thella, duke mbajtur në duar një bisturi të posaçme. Në këto kohë, Antony, është një kockë e fortë e administratës e presidentit 80 [&#8230;]]]></description>
										<content:encoded><![CDATA[<div class="firstP">
<p><strong>Nga Artur Zheji</strong></p>
<div class="clearfix">Ai është një ujk i sprovuar i politikës së jashtme amerikane. Është njeriu i krizave të forta, që ai i zgjidh me elegancën e një kirurgu të operacioneve të thella, duke mbajtur në duar një bisturi të posaçme.</div>
</div>
<p>Në këto kohë, Antony, është një kockë e fortë e administratës e presidentit 80 vjeçar Biden, sepse është i kudondodhur dhe efikas. Në çdo teatër krize, ku janë të përfshira interesat amerikane, përpara se të mbrrijnë aeroplanmbajtëset e flotave dhe aeroplanëve strategjikë, sigurisht që paraprin Blinken.</p>
<div class="tchAdBlock smallAdBlock">
<div class="siteWidthContainer">
<div id="div-gpt-ad-1508597120991-1" class="innerAdBlock"></div>
<div class="clearfix">Në Shqipëri ai erdhi se duhej të vinte, kush thotë ndryshe është vetëm budalla, ose shpërndan qëllimisht në ajër një budallallëk.Se përse duhet të vinte, fshihet në bisedën 90 minutëshe kokë më kokë me Ramën. Porse lehtësisht merret me mënd se biseda duhet të ketë qenë krejtësisht gjeo-politike, që domethënë:</div>
</div>
</div>
<p>a. Kosova dhe tensionet me Serbinë e Vuçiçit, që në perëndim konsiderohet lideri më i moderuar që Serbia mund të pjellë këto kohë.</p>
<p>b. Baza operative e Kuçovës.</p>
<p>c. Koordinimi përmes Tiranës, i faktorit shqiptar në Ballkan.</p>
<p>Situata e brendshme politike nuk rezulton të ketë qenë temë. Dhe për të larguar çdo iluzion, ai, “kirurgu” i krizave më të rëndësishme të Planetit Tokë, nuk kurseu asnjë kompliment publik dhe bujar për Kryeministrin shqiptar.</p>
<p>Kush thotë ndryshe ja fut kot. Me dashje ose pa dashje. Dhe këtë amerikanët nuk e bëjnë për herë të parë këtu te ne. Le të kujtojmë se si Bushët, rikthyen në pushtet Berishën në vitin 2005, edhe pas marrëzisë së viteve ’97 dhe ’98.</p>
<p>Blinken në këto orë qëndrimi në Tiranë, i vuri kapak iluzioneve se: Superfuqia është duke menduar ndonjë plan B apo plan C, për Shqipërinë e sotme.</p>
<p>Në optikën e tyre, Tirana zyrtare është “OK” për ta. Opozita dhe SPAK-u, le të bëjnë detyrat e tyre, për të mbajtur të shëndetshme shoqërinë shqiptare dhe për të luftuar sëmundjen ndërkombëtare dhe trasversale të korrupsionit.</p>
<p>Blinken bëri çmos që të thotë hapur dhe pa ekuivok se: “Rama is our guy!”, të tjerat janë komente që mbushin vakumet virtuale…</p>
]]></content:encoded>
					
					<wfw:commentRss>https://javanews.al/blinken-i-vuri-kapak-iluzioneve-se-ka-plan-b-apo-c-per-shqiperine-opozita-dhe-spak/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>SPAKU, kjo “Parti” e Re, përtej të Majtës dhe të Djathtës…</title>
		<link>https://javanews.al/spaku-kjo-parti-e-re-pertej-te-majtes-dhe-te-djathtes/?utm_source=rss&#038;utm_medium=rss&#038;utm_campaign=spaku-kjo-parti-e-re-pertej-te-majtes-dhe-te-djathtes</link>
					<comments>https://javanews.al/spaku-kjo-parti-e-re-pertej-te-majtes-dhe-te-djathtes/#respond</comments>
		
		<dc:creator><![CDATA[Artur Zheji]]></dc:creator>
		<pubDate>Tue, 24 Oct 2023 11:04:51 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1424142</guid>

					<description><![CDATA[Nga Artur Zheji Në rrokopujën e debateve, herë pjellore dhe herë shterpe që kanë shpërthyer mbas arrestimit të Malltezit, ngrenë krye shumë tema. Sepse duke parë milionat “legale” të eurove në qarkullim, ndër oligarkë dhe ndër familjarë të politikanëve, po kuptohet gjithmonë e më shumë se ka dy Shqipëri paralele. Shqipëria e Parë, mbyll muajin [&#8230;]]]></description>
										<content:encoded><![CDATA[<p><strong>Nga Artur Zheji</strong></p>
<p>Në rrokopujën e debateve, herë pjellore dhe herë shterpe që kanë shpërthyer mbas arrestimit të Malltezit, ngrenë krye shumë tema. Sepse duke parë milionat “legale” të eurove në qarkullim, ndër oligarkë dhe ndër familjarë të politikanëve, po kuptohet gjithmonë e më shumë se ka dy Shqipëri paralele.</p>
<p>Shqipëria e Parë, mbyll muajin me shtrëngesa të mëdha dhe ndjehet e burgosur në luftën e ashpër të së përditshmes.</p>
<p>Shqipëria e Parë bën shoping te “Gabi”, gulçon kur blen bukën dhe ushqimin e përditshëm. Fytyrëtrishtuar shikon me tmerr çmimet që rriten dhe shpesh qëndron e ngurtë dhe e mjerë, pas vitrinave të ndritshme. Shqipëria e Parë, lumturohen kur fëmija e tyre, gjen punë në emigracion, një punë çfarëdo por që paguhet në euro. Është kjo Shqipëri që bëri turizmin të lëvizë hovshëm, duke mbushur rradhët e armatës së pafund të kamarierëve, larësve të pjatave, larësit e makinave apo qërronjësit e patatave dhe qepëve, mjelësve të qumështit apo pastruesve të rërës dhe banakierëve. Pavarsisht se janë të paguar me thërrime, mundohen të hanë edhe ndonjë pjatë gjellë qyl te lokali i pronarit, që të ketë një kokër vezë me shumë për vëllain e vogël apo një palë atlete të përdorura fake, për motrën në moshë fejese…</p>
<p>Të përshkruash këtë Shqipëri që nuk ka zë të flasë dhe nuk jep dot kurrë një konferencë shtypi dhe që më së shumti vuan në heshtje dhe në vetmi të plotë, duhet të kesh një penë gjeniale.</p>
<p>Porse Shqipëria e Dytë është më e thjeshtë për tu përshkruar, sepse është shumë më e dukshme, shumë më e fryrë dhe shumë më pordhace padyshim.</p>
<p>Banorët e kësaj Shqipërie të Dytë, bëjnë festa të mëdha dhe thithin shpesh edhe kokainë të cilësisë së lartë. Porsosisin modën e fundit të teshave dhe makinave dhe rrahin gjoksin me vjedhjet e baballarëve, me trafikimin e suksesshëm të drogës, me ndërtimet e kullave dhe milionat e eurove që i numërojnë si kokrra kikiriku.</p>
<p>Oh, po! Këta banorë të Shqipërisë së super pasur, kanë shije të hollë për gjithshka. Porosisin tulipanë dhe trëndafila nga Hollanda e largët për festat e tyre! Veshin me shije të lartë dhe stilime të rafinuara dhjetëra mijëra eurshe, belin, gushën, pulpat dhe bythët e të përzgjedhurave të tyre.</p>
<p>Hanë tërshërë bio, avokado, lëng frutash, pijnë çaj jeshil 3.000 euro kg, apo konjak të vjetëruar mbi 5.000 euro shishja. Madje ka raste që edhe tualetet, (dmth nevojtoret apo dhjetoret) i veshin së jashtmi me gurë të çmuar zvarovski dhe i përmbytin me aromatizues firmato.</p>
<p>Këto dy Shqipëri, nuk mund të jetojnë përjetësisht në dy dimensione paralele dhe pra, të mos kenë pikëprerje apo përplasje mes tyre! Dhe këtu nuk flas për vjedhjet e vogla të mijëra shërbëtoreve që lajnë halet e familjeve të majmura dhe dembele, por, për një përplasje shumë më të fortë.</p>
<p>Nëse SPAKU, do të ishte sot një Parti politike, do të fitonte sigurisht dhe ndershmërisht shumicën e votave të shqiptarëve.</p>
<p>Përtej të Majtës dhe të Djathtës!</p>
<p>Sepse sot ndarja e “dy Shqipërive”, nuk është ideologjike, por rrënjësisht egzistenciale.</p>
<p>Janë ushtria e madhe e “të Pabuksave”, kryesisht njerëz punëtorë dhe gjithmonë të panginjur me dinjitet dhe siguri jete dhe kjo Shqipëria e grabitqarëve, që më së shumti kanë krijuar pasuri marramendëse përmes dhunës, mashtrimit dhe kërcënimit.</p>
<p>Për të mos lodhur lexonjësin mund ta mbyll me psherëtimën e një taksixhiu, ish biznesmen i vogël i përmbytur nga taksat:</p>
<p>SPAKU sot, na deh më shumë se rakia!</p>
<p>Thënë të gjitha këto, mendoj se duhet gjithmonë të vigjëlojmë që Drejtësia të jetë e drejtë, porse edhe kjo Padrejtësia e pandëshkueshme, le të na hiqet qafe për ca kohë!</p>
<p>Amerikanët kishin të drejtë: Politika nuk vetëpastrohet dot, se është grabitqare e lindur. SPAKU po jep provat e para, përtej të Majtës dhe të Djathtës.</p>
<p>Lajm i mirë ky!</p>
]]></content:encoded>
					
					<wfw:commentRss>https://javanews.al/spaku-kjo-parti-e-re-pertej-te-majtes-dhe-te-djathtes/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Prokurorët shqiptarë do fillojnë të vriten nëse vrasin frikën dhe refuzojnë zarfet</title>
		<link>https://javanews.al/prokuroret-shqiptare-do-fillojne-te-vriten-nese-vrasin-friken-dhe-refuzojne-zarfet/?utm_source=rss&#038;utm_medium=rss&#038;utm_campaign=prokuroret-shqiptare-do-fillojne-te-vriten-nese-vrasin-friken-dhe-refuzojne-zarfet</link>
					<comments>https://javanews.al/prokuroret-shqiptare-do-fillojne-te-vriten-nese-vrasin-friken-dhe-refuzojne-zarfet/#respond</comments>
		
		<dc:creator><![CDATA[Artur Zheji]]></dc:creator>
		<pubDate>Fri, 06 Oct 2023 10:46:26 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1415885</guid>

					<description><![CDATA[Nga Artur Zheji Nuk është e mundur që as pushteti dhe as shteti të garantojnë paprekshmërinë e Antimafies shqiptare, që po fillon të zërë fill. Eksperienca italiane, meksikane apo edhe ajo kolumbiane, na e dëshmojnë këtë. Ata kanë në luftën e tyre pambarim kundër organizatave kriminale: bilance të frikshme ku numërohen qindra prokurorë, ministra apo [&#8230;]]]></description>
										<content:encoded><![CDATA[<p><strong>Nga Artur Zheji</strong></p>
<p>Nuk është e mundur që as pushteti dhe as shteti të garantojnë paprekshmërinë e Antimafies shqiptare, që po fillon të zërë fill. Eksperienca italiane, meksikane apo edhe ajo kolumbiane, na e dëshmojnë këtë. Ata kanë në luftën e tyre pambarim kundër organizatave kriminale: bilance të frikshme ku numërohen qindra prokurorë, ministra apo gjyqtarë dhe policë të vrarë në krye të detyrës dhe në ballë të luftës.</p>
<p>Prokurorët tanë të kërcënuar, ata që dimë dhe ata që nuk dimë, sado të mundohet dhe megjithë vullnetin e mirë, nuk i mbron dot as Taulant Balla dhe as Policia Shqiptare. Nëse nuk ecën më tej siç edhe ka filluar: spastrimi i kupolës së Policisë së Shtetit nga ndotja kriminale në radhët e saj. Për hir të së vërtetës, Taulant Balla po jep shenja të prekshme se ka filluar një kirurgji të brendshme, por shthurja e gërshetit krim-politikë, është një operacion 360 gradë dhe vetëm në fillimet e veta.</p>
<p>Them në fillimet e veta, sepse “kërcënimet” reale janë një tregues real se krimi i organizuar është shqetësuar dhe po ndërmerr një reagim energjik me instrumentet e veta: para plus kërcënime direkte. Kjo është edhe faza më e rrezikshme, ose faza më e suksesshme e aksionit të krimit, sepse korrupsioni dhe kërcënimi real janë sigurisht instrumentet më rezultativë në historinë njerëzore. Duke parë ngjarjet e deritashme, drejtësia ka prekur vetëm nervin e organizatave dhe ende nuk ka prekur Bankat qindramilionaeuroshe, investimet përrallore dhe korridoret e lulëzuara të trafikimeve.</p>
<p>Deri atëherë, asnjë prokuror dhe asnjë gjykatës nuk rrezikon të vritet! Sepse vrasje e tyre nuk u sjell asnjë përfitim organizatave kriminale. Vrasjet kanë rezultuar gjithmonë “akte dëshpërimi” dhe një hakmarrje e verbër dhe krejt e pakuptimtë dhe aspak fitimprurëse në çështjet e majme të biznesit kriminal. Përkundrazi, “Vrasjet” e eksponentëve të drejtësisë shndërrohen herët a vonë në një vetëvrasje për porositësit e tyre.</p>
<p>Kështu ka ndodhur me kapon e kapove, Toto Rina, kur urdhëroi së bashku më të tjerë vrasjen e Falkones dhe Beorselinos, duke shënuar fundin e klanit të vet mafioz, që ishte asokohe tmerri i Republikës Italiane. Dhe porosia për vrasjen e tyre erdhi fill mbas ligjit special antimafia, për sekuestrimin e pronave, aseteve dhe parave kolosale të investuara gjithkund.</p>
<p>Dhe sigurisht kur ligji filloi të godasë bankat e krimit, “dhimbja” që u shkaktua ishte e papërballueshme për organizatat dhe i shpallën luftë shtetit, kur shteti filloi të divorcohet prej tyre. Proces ky, që është në pikëpyetje, përderisa jemi ende në nivelin e kërcënimeve që dalin në media, kërcënime të mediatizuara pra. Për Drejtësinë që premton drejtësi, kërcënimi është bashkudhëtar.</p>
<p>Porse prokurorët shqiptarë do fillojnë të vriten nëse vrasin frikën dhe refuzojnë zarfet. Deri atëherë, “Krimi” bën jetë të mirë dhe healthy në Dubai apo Londër, në Shkodër, Tiranë apo Vlorë…</p>
]]></content:encoded>
					
					<wfw:commentRss>https://javanews.al/prokuroret-shqiptare-do-fillojne-te-vriten-nese-vrasin-friken-dhe-refuzojne-zarfet/feed/</wfw:commentRss>
			<slash:comments>0</slash:comments>
		
		
			</item>
	</channel>
</rss>
