<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:wfw="http://wellformedweb.org/CommentAPI/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	xmlns:slash="http://purl.org/rss/1.0/modules/slash/"
	>

<channel>
	<title>Artan Fuga &#8211; JavaNews.al</title>
	<atom:link href="https://javanews.al/author/artanfuga/feed/" rel="self" type="application/rss+xml" />
	<link>https://javanews.al</link>
	<description></description>
	<lastBuildDate>Sun, 30 Aug 2026 07:27:49 +0000</lastBuildDate>
	<language>en-US</language>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	

<image>
	<url>https://javanews.al/wp-content/uploads/2024/12/cropped-cropped-favicon-32x32.jpg</url>
	<title>Artan Fuga &#8211; JavaNews.al</title>
	<link>https://javanews.al</link>
	<width>32</width>
	<height>32</height>
</image> 
	<item>
		<title>9 meta-parimet e politikës së jashtme të shqiptarëve</title>
		<link>https://javanews.al/9-meta-parimet-e-politikes-se-jashtme-te-shqiptareve/?utm_source=rss&#038;utm_medium=rss&#038;utm_campaign=9-meta-parimet-e-politikes-se-jashtme-te-shqiptareve</link>
					<comments>https://javanews.al/9-meta-parimet-e-politikes-se-jashtme-te-shqiptareve/#comments</comments>
		
		<dc:creator><![CDATA[Artan Fuga]]></dc:creator>
		<pubDate>Sun, 30 Aug 2026 07:27:03 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1879280</guid>

					<description><![CDATA[Nga Artan Fuga Unë nuk e di nëse ka lëndë në shkollë të mesme për gjeopolitikën shqiptare. Nuk e di, në fakt e di mirë, se çfarë idiotësish u mësojnë për ne që kemi çarë historinë me shpatë në dorë dhe kemi hedhur valle në grykë të ujkut! Unë, ajo që di është kjo: Në [&#8230;]]]></description>
										<content:encoded><![CDATA[<p><strong>Nga Artan Fuga</strong></p>
<p>Unë nuk e di nëse ka lëndë në shkollë të mesme për gjeopolitikën shqiptare.</p>
<p>Nuk e di, në fakt e di mirë, se çfarë idiotësish u mësojnë për ne që kemi çarë historinë me shpatë në dorë dhe kemi hedhur valle në grykë të ujkut!<br />
Unë, ajo që di është kjo:</p>
<p>Në shekuj, elitat drejtuese shqiptare, ashtu po i quaj sido që të kenë qenë, drejtues, qofshin pashallarë kryengritës, kaçakë, drejtues të ndritur lëvizjesh shtetformuese, drejtues shteti të pavarur, etj. në politikën e jashtme kanë zbatuar duke qenë ose jo të ndërgjegjshëm për çfarë kanë bërë këto 9 parime:</p>
<p>1. Përballje deri në një farë mase me shtetet fqinje për të mbrojtur territore.<br />
2. Duke mos gjetur përkrahje këtu afër, gjithmonë kanë kërkuar një aleat të madh sa më larg dhe që për rjedhojë jo fort dashamirës me fqinjët.<br />
3. Përherë ia kanë shpërblyer mbështetjen fuqisë së madhe me shërbime ushtarake ose duke u konvertuar në fenë a ideologjinë, a modën e tyre.<br />
4. Kanë kërkuar gjithmonë të çajnë mes konflikteve të fuqive të mëdha të kohës duke ja bërë me sy të dyjave (së paku) ose duke kërkuar t&#8217;i lënë të qetë se nëse i ngacmonte njëra hidheshin me tjetrën. Mbi këtë bazë kanë ndërtuar një farë pavarësie.<br />
5. Kanë idealizuar modelin social dhe politik të perandorisë së madhe ose të fuqisë së madhe pa e njohur nga brenda atë. Këtu përjashtim bëjnë bejlerët shqiptarë që jetuan në Turqi, u bënë palamentarë turq, etj.<br />
6. Duke u mbështetur te fuqia e madhe, kanë shërbyer për njërën palë të pushtetit atje duke u përdorur kundër palës tjetër.Për pasojë sa herë kanë ndërrruar atje raportet e forcave aq herë ka pasur krizë politike ose përmbysje forcash në Shqipëri.<br />
7. Përherë ja kanë dalë disi të kapërcejnë krizat, duke lëshuar me marrëveshje toka shqiptare deri sa përfunduam në kënetë mes detit ku më tutje na hanë peshqit dhe na djegin kandilat e detit dhe maleve ku më lart na hanë arinjtë!<br />
8. Sa herë jemi sulmuar, kur ka qenë për të rrezistuar, qeveritarët ose janë dorëzuar, ose kanë dhënë dorëheqje, ose ja kanë mbathur, ose janë bërë kolaboracionistë.<br />
9. Aleancat me fuqinë e madhe, perandorinë, a forca të tjera epokale i kanë përdorur për të çimentuar pushtetin e tyre. Aleatë me të huajt për të mbajtur nën zgjedhë shqiptarët.</p>
<p>Këto përbëjnë, mendoj, parimet e filozofisë së politikës së jashtme që përcaktohen nga gjeopolitika e shqiptarëve dhe e Shqipërisë, nga identiteti etnik dhe kombëtar i saj, nga marrëdhëniet me fqinjët ndoshta edhe nga rrethana të tjera!</p>
]]></content:encoded>
					
					<wfw:commentRss>https://javanews.al/9-meta-parimet-e-politikes-se-jashtme-te-shqiptareve/feed/</wfw:commentRss>
			<slash:comments>1</slash:comments>
		
		
			</item>
		<item>
		<title>Plutarku në “jetë paralele” dhe partitë politike në Shqipëri!</title>
		<link>https://javanews.al/plutarku-ne-jete-paralele-dhe-partite-politike-ne-shqiperi/?utm_source=rss&#038;utm_medium=rss&#038;utm_campaign=plutarku-ne-jete-paralele-dhe-partite-politike-ne-shqiperi</link>
					<comments>https://javanews.al/plutarku-ne-jete-paralele-dhe-partite-politike-ne-shqiperi/#respond</comments>
		
		<dc:creator><![CDATA[Artan Fuga]]></dc:creator>
		<pubDate>Wed, 22 Jul 2026 08:10:23 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1860076</guid>

					<description><![CDATA[Nga Artan Fuga Po lexoja Plutarkun. “Jetë paralele” quhet libri i tij ku ai ndërmerr një metodë krahasues mes Greqisë antike dhe Romës së Lashtë, duke krahasuar rreth 25 çifte personazhe me njërin tjetrin, njërin nga Greqia, tjetrin nga Roma, për të parë ngjashmëritë dhe dallimet mes dy botëve, kulturave dhe historive. Një traktat madhështor [&#8230;]]]></description>
										<content:encoded><![CDATA[<p><strong>Nga Artan Fuga</strong></p>
<p>Po lexoja Plutarkun. “Jetë paralele” quhet libri i tij ku ai ndërmerr një metodë krahasues mes Greqisë antike dhe Romës së Lashtë, duke krahasuar rreth 25 çifte personazhe me njërin tjetrin, njërin nga Greqia, tjetrin nga Roma, për të parë ngjashmëritë dhe dallimet mes dy botëve, kulturave dhe historive.</p>
<p>Një traktat madhështor i metodologjisë krahasuese.</p>
<p>Nuk e di përse më erdhi në një çast krahasimi mes periudhës 45 vjeçare komuniste dhe periudhës paskomuniste 36 vjeçare tashmë.</p>
<p>A ka ndodhur që historia përsëritet? Pra, çka ndodhte në një etapë të periudhës komuniste ndodh edhe gjatë periudhës që e pasoi, së cilës është gjynah t’i vë emrin tranzicion postkomunist!</p>
<p>Aty nga mesi i viteve 70 Enveri i futi një fshesë të gjithë shokëve të tij me të cilët kishte qeverisur dhe i kishte deri atëherë në majë të partisë. Ca me pushkatime, ca në burg, ca në internime! Një spastrim i partisë dhe kërceu pranë vetes askërkusha, njerëz pa asnjë kontribut, por që kishin dy avanatzhe të mëdha:</p>
<p>E para nuk dinin asgjë nga të fshehtat e asaj ç’kishte ndodhur në të kaluarën, me një fjalë zhduku dëshmimtarët,</p>
<p>dhe e dyta ata duke qenë askushi, adhuronin liderin si Perëndi, se ata që kishin ikur e dinin se si ishte ngritur dhe çfarë kishte bërë. E dinin se sa e kishte kapacitetin. Të rinjtë e adhuronin se pa të shkonin menjëherë andej nga kishin ardhur, nëpër SMT, kooperativa, miniera.</p>
<p>“Gjaku i ri” në fakt ishte llaç dhe çimento për liderin e gjithfuqishëm që tanimë e shihte veten të parrezikuar nga shokët, pra nga vëllezërit – ujq si thotë Tomas Hobsi.</p>
<p>Kjo ndodhi pas nja tridhjet vjetësh nga ardhja në pushtet. A po ndodh pas tridhjet vjetësh që edhe në dy partitë e mëdha tanimë janë fshirë, sigurisht jo me pushkatime, burgime – në ndonjë rast nuk jam i sigurt -, jo me internime, por me përjashtime, largime, edhe një sërë “të vjetrish”, duke sjellë gjakun e ri afër liderit tradicional?</p>
<p>Gjithsesi mekanizmi i përjashtimit funksiononte si atëhere si tani! Kurse struktura : lider tradicional – të rinj pa përvojë, pa kujtesë, dhe pa mbështetje sociale ka vepruar dhe vepron edhe tani.</p>
<p>Enveri bëri edhe një gjë tjetër. E kishte merak atë që përsëriste se pushteti nuk duhet të bëjë dualizma me partinë. Domethënë tjetër janë ata që drejtojnë partinë, ai pra, dhe ca të panjohur rreth tij, dhe ata që drejtojnë ministrinë, ose janë në rreshtat e parë të Kuvendit Popullor. Në këtë mënyrë e ndau grupimin drejtues rreth vetes (që në fakt grupimi kishte vetëm çelësat e kashtës) në dy a tre pjesë ku secili prej tyre kishte pushtet krejt të kufizuar, ishin në brisk e thikë me njeri tjetrin, gati t’i nxirrnin sytë njeri tjetrit, ca në parti, ca në Kuvend, ca nëpër ministri. Kjo ndodhi fiks nja tridhjet vjet pasi u hap era komuniste në pushtet.</p>
<p>A do të thoshte Plutarku se jetët paralele janë edhe sot paralele po të krahasonte ata që janë në parti rreth Liderit tradicional, atyre që janë si ushtarë prej letre nëpër ministri, ose atyre që mbajnë fjalime në Kuvend?</p>
<p>Nuk e kam këtu më Plutarku ta pyes, se ka ikur nga kjo botë si romak që fliste greqisht që nga viti 60 pas Krishtit.</p>
<p>Vija e partisë enveriane nuk ndryshonte në thelb vetëm përsa i përket ruajtjes së pushtetit. Për të tjerat kthehej nga frynte era. Një herë pro aleatëve të mëdhenj, pastaj me Jugosllavinë, pastaj me Stalinin, pastaj me Kinën, në fund, pasi i konsumoi të gjitha miqësitë dhe tradhëtitë, mbeti vetëm, dhe ra!</p>
<p>Ata të vijës së mëparshme likujdoheshin, bashkë me ta edhe kujtesa historike e politikës së mëparshme. Poli drejtues ishte pushteti. Në këtë mënyrë partia nuk kishte më bosht të vërtetë ideologjik, dhe më në fund praktikisht u bë si “parti e gjithë popullit”, ndonëse koncepti i Brezhnjevit kritikohej. E gjithë popullit, pra e askujt. Vetëm e liderit. Të tjerët nuk e dinin se në çfarë partie ishin ndonëse edhe kur i pushkatonin thërrisnin : “Rroftë partia!”</p>
<p>Edhe populli nuk ja dinte kuptimin ideologjik partisë “së tij”. Dinte se ishte “e tij”, në kuptimin që nuk e lëshonte pushtetin, dhe që një herë në katër vjet, i zhvaste votën, pa vlerë, nën uturimën e daulleve dhe trokëllimat nëportë netëve të terrorit.</p>
<p>Kështu më një anë ishte populli dhe në anën tjetër partia “e tij” e gjithë popullit.</p>
<p>E kishte mirë Hannah Arendt kur thoshte se të nesërmen e rënies së Hitlerit, në Gjermani nuk kishte më asnjë nazist. Me rënien e komunizmit, nuk kishte më asnjë komunist. Ajo bën edhe ironi, por edhe e ka seriozisht, sepse do të thotë që populli ishte distancuar nga partitë e gjithë popullit që në fakt ishin vetëm të Liderit të vjetër. Partia ishte zhveshur nga anëtarët, nga populli po se po, ishte zhveshur edhe nga vetë drejtuesit e saj, madje edhe nga vetë Lideri, ishte bërë si një autobuz që zbret një disheze pa shofer!</p>
<p>Më kujtohet në 90 kur drejtuesi i atëhershëm thërriste nëpër mbledhje : Ku janë komunistët!</p>
<p>E them edhe një herë, Pluraku ka vdekur, nuk e pyes dot më nëse heq ndonjë paralele këtu për të krahasuar kohët, dhe për të thënë që përtej ideologjive boshe dhe rrenacake, historia, ajo Historia që ka ligje të hekurta, përsëritet.</p>
<p>Rrota e historisë si rrota e mundimit!</p>
]]></content:encoded>
					
					<wfw:commentRss>https://javanews.al/plutarku-ne-jete-paralele-dhe-partite-politike-ne-shqiperi/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Degradimi i sotëm i përfaqësimit partiak dhe kurimi i domosdoshëm i parlamentarizmit</title>
		<link>https://javanews.al/degradimi-i-sotem-i-perfaqesimit-partiak-dhe-kurimi-i-domosdoshem-i-parlamentarizmit/?utm_source=rss&#038;utm_medium=rss&#038;utm_campaign=degradimi-i-sotem-i-perfaqesimit-partiak-dhe-kurimi-i-domosdoshem-i-parlamentarizmit</link>
					<comments>https://javanews.al/degradimi-i-sotem-i-perfaqesimit-partiak-dhe-kurimi-i-domosdoshem-i-parlamentarizmit/#respond</comments>
		
		<dc:creator><![CDATA[Artan Fuga]]></dc:creator>
		<pubDate>Mon, 06 Jul 2026 18:14:38 +0000</pubDate>
				<category><![CDATA[Opinion]]></category>
		<category><![CDATA[Kryesoret]]></category>
		<guid isPermaLink="false">https://javanews.al/?p=1853862</guid>

					<description><![CDATA[Nga Artan Fuga Në këto ditë të nxehta zgjimi të qytetarisë shqiptare, të mbushura me entuziazëm dhe shpresa se politika nuk do të jetë më sëmundja kanceroze e shoqërisë shqiptare, por mekanizmi i emancipimit shoqëror, duke kthyer shpresën ndër shqiptarët, ditë sa historike, por edhe të rrezikshme, një pyetje themelore është se: Çfarë i ndodhi [&#8230;]]]></description>
										<content:encoded><![CDATA[<p><strong>Nga Artan Fuga</strong></p>
<p>Në këto ditë të nxehta zgjimi të qytetarisë shqiptare, të mbushura me entuziazëm dhe shpresa se politika nuk do të jetë më sëmundja kanceroze e shoqërisë shqiptare, por mekanizmi i emancipimit shoqëror, duke kthyer shpresën ndër shqiptarët, ditë sa historike, por edhe të rrezikshme, një pyetje themelore është se:</p>
<p>Çfarë i ndodhi politikës shqiptare?</p>
<p>Përse degradoi në këtë mënyrë sistemi partiak i përfaqësimit të vullnetit popullor?</p>
<p>E prej këtej të kuptojmë edhe pakënaqësinë, mosbesimin, neverinë e hak-ashme shqiptare ndaj politikës së sotme.</p>
<p>Shkurt këtu si studjues, por edhe si autor që kam tre dekada që tund zilen e alarmit për këtë proces degradimi, paraqes tre teza të shpejta:</p>
<p>Teza e parë: Sistemi politik i partive të sotme nuk përfaqëson më vullnetin e qytetarëve shqiptarëve, pra të kombit!</p>
<p>Jo sepse parimisht është i papërdorshëm. Në asnjë mënyrë jo! Parlamentarizmi përfaqëson një nga zbulimet e mëdha të njerëzimit, ndoshta më të madhin zbulim në botë, një mekanizëm progresi social. Por, në kuptimin se historia e solli që te ne, për shkaqe rrethanore ai degradoi hap pas hapi derisa e ka sjellë kombin në këto ditë të një krize sociale dhe politike shumë të rëndë dhe të rrezikshme.</p>
<p>Kush e mban përgjegjësinë për këtë?</p>
<p>A nuk duhet t&#8217;i thonë vetes &#8220;mjaft!&#8221; ata që kishin marrë përsipër të bënin të kundërtën dhe dështuan?!</p>
<p>Nuk ka nevojë ta thërrasë sheshi dështimin e politikës, e ka thënë raportin i BE kur thekson problemet që kanë të bëjnë me atë si partitë politike në Shqipëri kontrollojnë shtetin dhe administratën, si zgjedhjet manipulohen, si veprimtaria e Kuvendit të Shqipërisë lë për të dëshiruar.</p>
<p>Çfarë thotë sheshi më shumë se sa kaq?</p>
<p>Mbi të gjitha sistemi i partive ka degraduar procesin e zgjedhjes të atyre që e quajnë veten përfaqësues të popullit, deputetët. Ligja elektorale ka shkelur çdo orë e çdo çast kushtetutën e Shqipërisë dhe përgjegjësit duhet t&#8217;i përgjigjen akuzës së mijëra qytetarëve. Në vend që çdo qytetar të ketë shanse të barabarta për të zgjedhur dhe për t&#8217;u zgjedhur, në vend që deputeti të jetë përfaqësues i popullit, në vend që qeveria të përgjigjet para Kuvendit, ky i fundit është bërë një lolo në duart e kryetarit të ekzekutivit dhe degradimi ka vajtur në atë pikë sa Presidenti i republikës, që i thotë vetes përfaqësuesi i unitetit të popullit, në këto ditë të nxehta, nuk guxon as të thotë një fjalë të vetme.</p>
<p>Teza e dytë: Parlamentarizmi është një mekanizëm i domosdoshëm përfaqësimi politik, por i mbështetur nga mekanizma të tjerë, përndryshe degradon.</p>
<p>Në një shoqëri plurale, gjithëmonë e më të nuancuar, edhe përfaqësimi elektoral nuk mund të mos jetë plural. Përndryshe rrezikohet liria e gjithkujt për t&#8217;u organizuar në ato agjenci sociale, komunitete, bashkësi politike, organizata, parti politike që përputhen më mirë me bindjet e gjithësecilit dhe interesat e gjithkujt.</p>
<p>Liria për të zgjedhur dhe e organizimit është e drejtë themelore, si edhe ajo e protestës, pa të cilën shoqëria degradon në barbari.</p>
<p>Dikush mund të pyesi:</p>
<p>Si?</p>
<p>Liria për këto organizata të degraduara te ne që quajnë veten parti politike, qenka kush për të siguruar lirinë e të gjithëve dhe të gjithë secilit?</p>
<p>Këtu nuk duhet ngatërruar situata e degraduar në Shqipërinë e këtyre dekadave ku pluralizimi politik u përvetësua nga disa liderë politikë për hesap të pushtetit të tyre personal me parimin e përfaqësimit të shprehjes së vullnetit popullor me të zgjedhur.</p>
<p>Në një shoqëri moderne demokracia e drejtpërdrejtë, nga sheshi, mund të jetë një ëndërr e bukur, frymëzuese, por, e pamundur ta zëvendësojë krejtësisht atë me sistem përfaqësimi.</p>
<p>Nuk ka nevojë të jesh një Weber, një Spenser, një Durkheim, një Ortega y Gasset, apo një Lok, apo Ruso për ta ditur këtë në ditët tona.</p>
<p>Qytetari i gjithë ditur nuk është realitet, është utopi, është gjithëmonë e më pak i mundur!</p>
<p>Por, kjo nuk do të thotë se demokracia e drejtpërdrejtë, ajo e referendumeve, ose e ngritur mbi parimin e madh të subsidiaritetit, pra të vendimarrjes lokale, ajo që në shumë rrafshe nuk i rregullon çështjet me ligj kombëtar, por edhe sipas traditës, apo sipas vendimarrjes komunitare, nuk ka vend që të aplikohet atje ku mundet.</p>
<p>Teza e tretë: A ka mundësi të kurohet sistemi parlamentar shqiptar? Unë mendoj se çështja djegëse e Shqipërisë sot nuk janë pelikanët, as gjelat e detit, as dallëndyshet, madje as lopët, dhitë, por njeriu.</p>
<p>Por, nuk u sigurua njeriu, asnjë shpend apo kafshë nuk mund të jetë në duart të sigurta!</p>
<p>Ky sistemi politik i degraduar i partive politike si gjoja instrumente përfaqësimi ka nevojë për ndërhyrje drastike për ta kuruar, për ta shëruar, për ta mjekuar, por jo për ta vdekur!</p>
<p>Kjo është përgjegjësia e deputetëve, jo vetëm e qeverisë, që në fakt është përfituesja kryesore nga dështimi i sistemit të përfaqësimit! Atë që nuk e bën dot deputetët, që nuk dinin ose nuk donin ta bënin, tani të hapin krahun se e bën qytetari!</p>
<p>E mira është që Kuvendi i Shqipërisë të shpallë afatet e vetëshpërndarjes së tij! Nëse deputetëve u ka mbetur një fije përgjegjësie morale dhe sociale!</p>
<p>Për sa më përket, kur më ka qëlluar të jem në komisione të Kuvendit të Shqipërisë për çështje të kulturës, shkencës, arësimit, rinisë, etj., kam vënë duart në kokë nga kotësia e deputetëve, nga mungesa e përgjegjësisë, nga rreshtimi partiak i tyre, nga mungesave e kompetencave profesionale, përse jo edhe nga idiotizmi apo budallallëku i ndonjë deputeti apo deputeteje torrollakë. Por, nuk rikthehem më me emra se historia i ka hedhur në kosh! Kjo më ka bërë disa vite më parë të deklaroj se refuzoj nga ai çast e tutje të marr pjesë në ndonjë mbledhje komisioni kuvendor për shkak se e përbuz mënyrën e funksionimit të tyre.</p>
<p>Për ta kthyer legjitimitetin e një Kuvendi të ri duhet ndryshuar nga themeli kodi i poshtër elektoral i sotëm që të dy partitë kanë mbajtur në këmbë deri tani. Ka vend që populli të shprehë lirshëm dhe me mekanizmat e duhura vullnetin e tij për kandidatët për deputetë që duhet t&#8217;u ikin kontrollit të kryetarëve të partive, antikushtetues, duhet që Kuvendi të kontrollojë qeverinë, jo qeveria deputetët si deri më sot, etj.</p>
<p>Duhet të rikthehemi në tre parime bazë:</p>
<p>Të parlamentarizmit të vërtetë.</p>
<p>Të shtetit ligjor.</p>
<p>Të respektit të sovranitetit të popullit.</p>
<p>A është e mundur?</p>
<p>Poooo!</p>
<p>Është e mundur nëse gjërat ndryshojnë jo prej gjasme, por katërcipërisht!</p>
<p>Ky, mendoj se duhet të jetë objektivi i dytë pas të parit i protestës qytetare!</p>
<p>Ndryshe, gjithçka do të kthehet në një film që e kemi parë edhe dy tri herë të tjera në dekadat e fundit!</p>
<p>Ju siguroj që nuk flas kot, unë e kam studjuar këtë problem veç të tjerash qysh te ky libër që shihni më poshtë!</p>
]]></content:encoded>
					
					<wfw:commentRss>https://javanews.al/degradimi-i-sotem-i-perfaqesimit-partiak-dhe-kurimi-i-domosdoshem-i-parlamentarizmit/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Skenarët e mundshëm të ndikimit të protestave!</title>
		<link>https://javanews.al/skenaret-e-mundshem-te-ndikimit-te-protestave/?utm_source=rss&#038;utm_medium=rss&#038;utm_campaign=skenaret-e-mundshem-te-ndikimit-te-protestave</link>
					<comments>https://javanews.al/skenaret-e-mundshem-te-ndikimit-te-protestave/#respond</comments>
		
		<dc:creator><![CDATA[Artan Fuga]]></dc:creator>
		<pubDate>Thu, 18 Jun 2026 18:41:12 +0000</pubDate>
				<category><![CDATA[Opinion]]></category>
		<category><![CDATA[Kryesoret]]></category>
		<guid isPermaLink="false">https://javanews.al/?p=1846798</guid>

					<description><![CDATA[Nga Artan Fuga Protestat e një mase shumë të madhe njerëzish kanë tronditur rëndë politikën, qeverisjen, opinionin publik dhe institucionet që ndonëse e quajnë veten përfaqësuese të qytetarëve, nuk mundin të fitojnë besimin e tyre. Protestat po zgjasin prej më shumë se dy javësh çka nga njera anë tregon energjinë kritike të pjesëmarrësve, por nga [&#8230;]]]></description>
										<content:encoded><![CDATA[<p><strong>Nga Artan Fuga</strong></p>
<p>Protestat e një mase shumë të madhe njerëzish kanë tronditur rëndë politikën, qeverisjen, opinionin publik dhe institucionet që ndonëse e quajnë veten përfaqësuese të qytetarëve, nuk mundin të fitojnë besimin e tyre.</p>
<p>Protestat po zgjasin prej më shumë se dy javësh çka nga njera anë tregon energjinë kritike të pjesëmarrësve, por nga ana tjetër, duhet thënë, kanë krijuar një normalitet në anormalitet. Klasa politike sunduese sikur po mësohet me to, dhe jeta vazhdon sikur të mos ketë ndodhur gjë, dhe sikur bulevardi dhe sheshet të mos tronditen nga thirrjet dhe marshimet e mijëra qytetarëve.</p>
<p>Gjithandej pyetet se si do të vejë puna? Sigurisht askush nuk e ka fuqinë të parashikojë fatin e të tilla zhvillimeve sado që sido të vejë puna në të ardhmen disa gjëra janë kapërcyer dhe një realitet i ri do të shfaqet.</p>
<p>Mendoj se nga një analizë e situatës politike, por edhe strukturës si funksion politika dhe qeverisja sot te ne ka disa skenarë të mundshme:</p>
<p>I pari, protesta zgjerohet, e ruan energjinë e saj, mbështetet nga një pjesë gjithnjë e më gjerë e opinionit publik, në një farë mënyre radikalizohet në qëndrime, duke ndërmarrë edhe veprime të tjera veç atyre të marshimit në rrugë dhe sheshe. Kjo e detyron shumicën socialiste të ndryshojë qeverisjen duke ndërruar kryeministrin dhe qeverinë, e duke krijuar një tjetër nga gjiri i saj. Kështu mund të thotë se vullneti i protestës u realizua.</p>
<p>Ky version kundërshtohet nga fakti se si e vështirë sot për sot që lidershipi sundues brenda shumicës parlamentare të çedojë vendin e vet ndonjë grupi tjetër brenda tij.</p>
<p>I dyti, protesta sado e ligjshme, e justifikuar, e gjerë, vazhdon për një kohë, por nuk arrin të kristalizojë një drejtim politik të organizuar, nuk formon një ose disa parti, pra nuk transformohet në një valë që strukturohet si forcë politike që merr pjesë në zgjedhje, dhe ndonëse vazhdon për një kohë të caktuar, nis edhe të rutinizohet dhe gradualisht ta humbë forcën e saj. E vërteta që lidershipi politik po bën çfarë është e mundur që çështjet të shkojnë në këtë rrugë.</p>
<p>Edhe ky version mund të kundërshtohet sepse ata që e nisën protestën nuk mendohet se e bënë për të mos arritur disa objektiva që janë shprehur.</p>
<p>I treti është që Edi Rama duke parë qëndrueshmërinë e protestës</p>
<p>dhe zgjerimin e mundshëm të saj, të shpërndajë Kuvendin dhe në vjeshtë të shpallë zgjedhjet e parakohshme për t’i fituar ato. Këtu ai mund të mbështetet te fakti që partia demokratike dhe partitë e tjera shihen nga protestuesit me po atë sy që shihet edhe partia socialiste, si edhe duke kërkuar t’i gjejë protestuesit ende të pastruktuar mirë politikisht.</p>
<p>Edhe mund ta bëjë, por hëpërhë nuk e konsideron si prioritare duke imagjinuar se punët nuk kanë arritur deri aty. Deputetët nuk do ta donin sepse rrezikojnë të humbasin kolltuqet e deputetit që u japin privilegje.</p>
<p>I katërti, të krijohet spontanisht një numër deputetësh që t’ja bëjnë të pamundur shumicën kryeministrin në Kuvend dhe në këtë mënyrë ta detyrojnë të formojë një qeveri teknike dhe pastaj brenda një periudhe të kalohet në zgjedhje.</p>
<p>Ky variant kundërshtohet me argumentin që duke ditur rreshtimin e deputetëve dhe natyrën e tyre të varur nga lidershipi partiak, si vështirë që segmente të gjera deputetësh të arrijnë të mëvetësohen në sjelljen e tyre politike.</p>
<p>I pesti, protestuesit nisin të organizohen politikisht që sa kohë Edi Rama është kryeministër, dhe përgatiten që më pas ta forcojnë energjinë e protestës duke bërë që brenda një ose dy muajsh të kërkojnë zgjedhje dhe përfaqësohen atje politikisht. Pra, të shkojnë drejt krijimit të partive.</p>
<p>Ky variant ka si kundërshtim që iniciativa për të krijuar parti mund të sjellë brenda protestuesve jo një, por disa parti politike të reja dhe në këtë mënyrë energjia e protestës të përçahet dhe të zbehet duke sjellë zhgënjim midis tyre.</p>
<p>I gjashti, Edi Rama merr përsipër të anulojë projektin e Zvërnecit, edhe si presion nga BE, ose nga ndonjë tërheqje e mundshme e vet financuesve sipërmarrës, dhe të konsiderojë se objektivat e protestës u dëgjuan.</p>
<p>Edhe ky version ka kundërshtimet e veta, sepse janë avancuar shuma financiare dhe qeveria e di se tërheqja e investitorëve do të ishte me kosto për besueshmërinë e saj te kapitali i huaj dhe influenca e tij te pushtete ndërkombëtare që mbështesin qeverinë!</p>
<p>I shtati, një ndërhyrje më direkte e faktorit ndërkombëtar që mund të ndikonte si mbi qeverinë, ashtu edhe mbi faktorin politik tjetër.</p>
<p>Ky version ka kundërshtinë se një ndërhyrje e hapur nuk do të imagjinohej sepse kjo do të ndikonte mbi faktorin protestë dhe mund të mos shihej mirë nga opinioni publik.</p>
<p>Si përfundim sot jemi në një gjendje ekuilibri të paqëndrueshëm, i cili sjell si të papritura, edhe një lloj hezitimi dhe kaosi në publik, por edhe një gjendje politike në statukuo të një krize që duket e gjatë dhe ende në fillimet e veta.</p>
<p>Protestuesit kanë energjinë dhe iniciativën politike në sheshe, por kanë vështirësi dhe barriera për t’u strukturuar politikisht dhe për t’u bërë në afatshkurtër faktorë nga jashtë në brenda sistemit politik.</p>
<p>Opozita e sotme ka zë brenda sistemit politik, por sot për sot ajo nuk ka mbështetjen e protestuesve dhe të qytetarëve politikisht aktivë. Protestat e kanë dobësuar edhe më tepër atë. Veprimet e saj në Kuvend janë aktualisht pa pasoja politike.</p>
<p>Qeveria ka marrë një goditje që vazhdon në opinionin politik dhe ndodhet përpara të papriturave si nga brenda ashtu edhe nga jashtë. Por, ama ruan përparësi brenda sistemit të vendimmarrjes politike, ka mbështetje ndërkombëtare, dhe ka sigurisht edhe përkrahje nga grupe sipërmarrësish të lidhur me të.</p>
<p>Sa do të vazhdojë ky ekuilibër i paqëndrueshëm?</p>
<p>Kjo do të shihet! Ndoshta një rrethanë e re e prish!</p>
]]></content:encoded>
					
					<wfw:commentRss>https://javanews.al/skenaret-e-mundshem-te-ndikimit-te-protestave/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Çgardhimet</title>
		<link>https://javanews.al/cgardhimet/?utm_source=rss&#038;utm_medium=rss&#038;utm_campaign=cgardhimet</link>
					<comments>https://javanews.al/cgardhimet/#respond</comments>
		
		<dc:creator><![CDATA[Artan Fuga]]></dc:creator>
		<pubDate>Mon, 15 Jun 2026 13:19:14 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1845374</guid>

					<description><![CDATA[Nga Artan Fuga E gjithë klasa politike sigurisht mban përgjegjësi për atë që quhet gjëma më e madhe për kombin shqiptar dhe për këto troje që prej ndoshta mijëvjeçarësh.Mbivendosja e pronave të tokës! E bërë kastile lëmsh, që në mes të rrëmujës ujqit dhe çakejtë të rrëmbejnë ç’mundin! Eshtë koha e sqarimit të kësaj çështjeje! [&#8230;]]]></description>
										<content:encoded><![CDATA[<p>Nga Artan Fuga</p>
<p>E gjithë klasa politike sigurisht mban përgjegjësi për atë që quhet gjëma më e madhe për kombin shqiptar dhe për këto troje që prej ndoshta mijëvjeçarësh.Mbivendosja e pronave të tokës!<br />
E bërë kastile lëmsh, që në mes të rrëmujës ujqit dhe çakejtë të rrëmbejnë ç’mundin!</p>
<p>Eshtë koha e sqarimit të kësaj çështjeje!</p>
<p>Nga skenat në televizion duket se jemi si në Anglinë e kohës së gardhimeve (enclosures), ku feudalët pasi përzinin fshatarët nga tokat, i gardhonin ato, i mbillnin me bar për delet, që t’ua shisnin leshin fabrikantëve). Mijëra familje fshatare u hodhën në rrugë. Plasën revolta dhe kryengritje.<br />
Ne këto ditë jemi në kohë çgardhimesh.</p>
<p>Ndërkohë me çka ndodhur në këto tridhjetepesë vite, prona e tokës është bërë mish mash dhe jo thjesht bregdeti apo ndonjëherë…</p>
<p>Kush e mban përgjegjësinë për këtë? Irani, Greqia, Ukraina, Kosova, Maqedonia, Anglia, Gjermania? Kush?</p>
<p>Mbivendosur prona.</p>
<p>Kadastrat? Kadastrat kanë bërë kërdinë!</p>
<p>Gjykatat? Kanë dhënë në kohë të ndryshme tituj pronësie të ndryshëm.</p>
<p>Si merret pronësia mbi tokën?<br />
Cave u thuhet sipas trashëgimisë familjare. Por, u jepen vetëm letra.</p>
<p>Cave u thuhet se toka iu kompensohet, por si shkëmbim keni nga dy lekë.</p>
<p>Cave iu thuhet se si kompensim do të merrni shkëmbenj ku flenë vetëm arinj dhe shqiponja!</p>
<p>Cave u thuhet se këtë tokën e këtyre që e trashëgojnë nga familjet do ta merrni sipas ligjit 7501, ligji më i poshtër dhe idiot që nga koha ndoshta e Perandorisë romake e këtej në këto vise.</p>
<p>Cave u thuhet se do ta merrni fshatçe sipas tokës që keni pasur para kooperativës.<br />
Cave në qytet do të merrni ndërtesat që blini si ish drejtorë komunistë, por tokën do ta kete ai që e kishte.</p>
<p>Pastaj erdhi investitori strategjik që i thuhet se tokat, sepse dua unë, do t’ua marrësh ti këtyre që prej dekadash enden nëpër kadastra se na duhen “gardhimet” për të bërër “revolucionin industrial” me resorte turistike dhe me fusha me panele diellore.</p>
<p>E gjithë Shqipëria lëmsh. Me përjashtim të atyre që kanë pasur lidhje me pushtetin. Fut duart dhe merr prona sipas të gjitha pretendimeve. Lër toka në zgëqe merr kompensim në plazhe e në bllok, merr prona të ish familjes dhe përfito se të tjerët s’i marrin dot, sekserë, dhe investitorë strategjikë që i marrin sipas dëshirave të mbretit.</p>
<p>Mbi një copë toke mbivendosur disa pronarë! Të gjithë tundin fletë pronësie nxjerrë nga kadastra. Të gjithë citojnë ligje që kanë bërë lëmsh gjithçka. Të gjithë tundin harta të vjetra që janë skanuar e fotografuar dhe manipuluar nga dhjetëra duar. Mijëra dokumente të hequr nga arkivat!</p>
<p>Vendime gjykatash ku gjyqtarët nuk janë më. Trupa gjykuese e hutuar nuk di çfarë ligji të marrë referencë. I forti iu bën presione, paraja bën punën e vet, pushtetari i kërcënon!</p>
<p>Të gjitha sipas ligjit, hahahaha, por ligjin e bën hajduti!</p>
<p>Po për këtë ka njeri përgjegjësi? Apo hiç! Gjithçka është në rregull!</p>
]]></content:encoded>
					
					<wfw:commentRss>https://javanews.al/cgardhimet/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Kushtetuta e grisur!</title>
		<link>https://javanews.al/kushtetuta-e-grisur/?utm_source=rss&#038;utm_medium=rss&#038;utm_campaign=kushtetuta-e-grisur</link>
					<comments>https://javanews.al/kushtetuta-e-grisur/#comments</comments>
		
		<dc:creator><![CDATA[Artan Fuga]]></dc:creator>
		<pubDate>Sun, 14 Jun 2026 12:32:10 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1844982</guid>

					<description><![CDATA[Nga Artan Fuga Në këto ditë të nxehta politike si edhe të një proteste qytetare masive, energjike, që vazhdon prej ditësh nën anatemimet e atyre që paguhen goja për t&#8217;i shërbyer qytetarït, si edhe nën vështrimet &#8220;intelektualiste&#8221; të atyre që ndajnë të keqen nga e mira, sikur të vështronin yjet apo galaktiket e largëta, apo [&#8230;]]]></description>
										<content:encoded><![CDATA[<p><strong>Nga Artan Fuga</strong></p>
<p>Në këto ditë të nxehta politike si edhe të një proteste qytetare masive, energjike, që vazhdon prej ditësh nën anatemimet e atyre që paguhen goja për t&#8217;i shërbyer qytetarït, si edhe nën vështrimet &#8220;intelektualiste&#8221; të atyre që ndajnë të keqen nga e mira, sikur të vështronin yjet apo galaktiket e largëta, apo si spektatorë në Koloseun romak duke parë gladiatorët të shqyer nga tigrat në arenë, ka megjithatë një pyetje:</p>
<p>Cfarë ka në planin politik që i ka bërë masat qytetare kaq të distancuara nga politika sunduese, nga e gjithë klasa politike, nga qeverisja?</p>
<p>Cfarë ka ndodhur me modelin e qeverisjes tash 35 vjet në Shqipëri, që vendimmarrja sot prodhon të tilla qendrime mbi pronën, investimet, ekonominë, fitimin që me të drejtë iu dredh mishin dhe iu irriton deri lëkurën njerëzve</p>
<p>Unë mendoj dhe e kam thënë prej vitesh se ne kemi një Kushtetutë, por sidomos ligje organike të vendit, ato që modelojnë sistemin e vendimmarrjes dhe të qeverisjes që janë në kundërshtim me Kushtetutën.</p>
<p>Më troç: Janë në kundërshtim me Kushtetutën.</p>
<p>Edhe më troç, janë antikushtetuese.</p>
<p>Hapur : Kushtetuta ka mbetur në pjesët e saj më të rëndësishme bosh, si një letër pa vlerë.</p>
<p>Sikur e kanë thënë në vende të tjera për kësi rastesh, ne jetojmë nën një &#8220;grusht shteti&#8221; të përditshëm, permanent, të javashëm, të butë, por të qendrueshëm, të pakuptuar, të mbuluar me një zhurmë mediatiko-politike trullosëse, dhe të mbëhstetur hapur ose fshehur edhe nga ata që duhet të ishin garantë të rendit kushtetues.</p>
<p>Thelbi i kësaj ka qenë mposhtja e qytetarit, nënshtrimi i qytetarit, zhveshja e qytetarit nga ato të drejta sovrane që ja jep Kushtetuta, dhe sidomos bllokimi kushtetues i pushteteve.</p>
<p>Themi në Kushtetutë se Presidenti i Republikës është garant i unitetit të kombit. Por, a është i barazlarguar Presidenti nga krahët politikë për të qenë garant i unitetit?</p>
<p>Por ç&#8217;ka ndodhur? Me disa ndryshime, prej vitesh Presidenti zgjidhet nga shumica qeverisëse e Kuvendit. Pra, ai vetëm mbi palët nuk mund dhe nuk ka qenë. Prandaj edhe sot që qytetarët e tij janë në shesh, ata që e paguajnë atë, ai hesht sikur të mos ndodhte asgjë. Nuk pipëtin!</p>
<p>Themi se deputeti është përfaqësues i popullit. Rrenë! Shihni statutet e partive kryesore, ato janë antikushtetuese, sepse në fakt në mënyrë normative &#8220;e kapin rob&#8221; deputetin duke e vënë nën presionin e partisë dhe të kryetarëve të saj. Deputeti nuk varet fare nga populli, kontrollohet nga lidershipi i partisë, i dridhen leqet nga kryetari i partisë, është në modelin e vet funksional serviil i tij! I këndon hymne dhe ditirambe atij sikur të kishte qenë Oktav Augusti !!!</p>
<p>Thuhet se sipas Kushtetutës qytetarët kanë të drejta të barabarta.</p>
<p>Posi pra!</p>
<p>Aty rri!</p>
<p>Kushtetuta llomotit kot!</p>
<p>As deputetët nuk kanë të drejta të barabarta, lëre më qtytetarët! Disa deputetë zgjidhen sipas listave të hapura, disa sipas listave të mbyllura. Ku është barazia këtu? Po barazia midis shqiptarit të thjeshtë dhe investitorit strategjik që vetëm sepse është i pasur !!!, ose mik me pushtetarë, përzgjidhet si &#8220;strategjik&#8221; dhe merr prona publike sikur të ishin &#8220;mall pa zot&#8221;. Ku është barazia këtu?</p>
<p>Cfarë thotë Kushtetuta? Që zgjedhjet janë të lira, të drejtpërdrejta? Rrrenë në realitet! Ndodh krejt tjetër gjë. Qytetari edhe kur voton, nuk e di se kujt i shkon vota e tij. Ku është votimi i drejtpërdrejtë këtu? Ja jep votën Prendës, por e merr Lena. Do thoni ju se Lena dhe Prenda janë njësoj, por megjithatë parimi kushtetues shkelet me këmbë. Madje edhe me aprovimin e opozitës, e cila pastaj ankohet se i vidhen vota, apo se qytetarët nuk vijnë në shesh!</p>
<p>Cfarë thotë Kushtetuta? Se në Shqipëri pushtetet janë të ndara? Cdo budalla në Shqipëri e di se kjo është një tallje e madhe. Kushtetuta sikur i ngjan një xhaxhoje që flet kot! Askush nuk e dëgjon! Te ne Kryetari i partisë në pushtet ka në dorë deputetët, kontrollon grupin parlamentar të shumicës, emëron Presidentin e Republikës, i cili ka zë më pak seç mund të ketë zë një këshilltar a sekretar i kryeministrit, heq e ve ministrat sipas midesë së vet, dhe kontrollon gjithashtu edhe mekanizmat parlamentarë që kontrollojnë gjyqësorin, të drejtën në përgjithësi, mediat publike, ato që gjoja quhen agjenci të pavarura, etj.</p>
<p>Ku është këtu ndarja e pushteteve??? Nuk e thotë raporti i BE që shteti dhe partia nuk janë të ndarë si duhet!</p>
<p>Barazia e qytetarëve në të drejtën për të zgjedhur dhe për t&#8217;u zgjedhur? Hahaha! Të qeshësh me lot! Të qash nga trishtimi! Një kandidat për deputet meqë vjen nga një parti, edhe parti koti qoftë, kandidon pa vështirës, merr dhe subvencione që merren nga buka e gojës së qytetarëve. Kurse nëse një qytetar i thjeshtë do të kandidojë, atij i duhet të futet si gamilja nëpër njëqind vrima gjëlpërash, për të mos guxuar kurrë të sfidojë lidershipin sundues të dy partive sunduese!</p>
<p>Patrimi bazë i subsidaritetit, pra i autonomisë i pushteteve lokalë? Të gajasesh së qeshuri! Të lotosh nga mërzija!</p>
<p>Me një të rënë të dorës u zhdukën dhjetëra e dhjetëra komuna rurale. Bashkitë u bënë si komitete ekzekutive ku një elitë burokratike e qendrës së qyteteve vendos edhe për jetën e popullsive rurale, dhe më pas i rrëmben asaj fondet për rrugë, shërbime mjekësore, shkolla, e tjera.</p>
<p>Ja, pra! Kush na i ka sjellë kështu sendet? Kush na e ka grisur Kushtetutën?</p>
<p>Pa pyesni pak?</p>
<p>Irani,<br />
Greqia,<br />
Serbia,<br />
Afganistani,<br />
Maroku,<br />
Kosova,<br />
Maqedonia,<br />
Zanzibari,<br />
Groenlanda?</p>
<p>Kush maskara i jashtëm? Apo e kemi shkelmuar vetë? Vetë, domethënë lidershipi sundues, sepse ne si qytetar kush na pyet!</p>
<p>Dhe themi pastaj se kemi konstitucionalistë, se kemi komision ligjesh në Kuvend, se kemi President që shqyrton, vigjëlon, qendron pa gjumë që Kushtetuta të mos preket, se kemi analista, se kemi opozitë që nuk i lejon këto, se jetojmë në një vend me të drejta të barabarta, me ndarje pushtetesh, me zgjedhje të rregullta së paku formalisht, se sovrani është populli që sa bukur e këndon këngën Kushtetuta e gjorë, por që sovraniteti qendron i nderur mbi sobë si ndërresa të lagura në dimër që presin të thahen nën tymin që i ribën pis!</p>
]]></content:encoded>
					
					<wfw:commentRss>https://javanews.al/kushtetuta-e-grisur/feed/</wfw:commentRss>
			<slash:comments>1</slash:comments>
		
		
			</item>
		<item>
		<title>Koha për reforma të thella!</title>
		<link>https://javanews.al/koha-per-reforma-te-thella/?utm_source=rss&#038;utm_medium=rss&#038;utm_campaign=koha-per-reforma-te-thella</link>
					<comments>https://javanews.al/koha-per-reforma-te-thella/#respond</comments>
		
		<dc:creator><![CDATA[Artan Fuga]]></dc:creator>
		<pubDate>Fri, 12 Jun 2026 12:18:12 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1844287</guid>

					<description><![CDATA[Nga Artan Fuga Tani që qytetarët janë në sheshe dhe aktivë politikisht, çka është një gëzim i madh për shoqërinë shqiptare, pjesa e emancipuar, ndoshta ka edhe më tepër durim të dëgjojë propozime për reforma në planin politik, ekonomik, social, administrativ, etj., që i kam parashtruar edhe më parë në librat e mi! Institucione që [&#8230;]]]></description>
										<content:encoded><![CDATA[<p><strong>Nga Artan Fuga</strong></p>
<p>Tani që qytetarët janë në sheshe dhe aktivë politikisht, çka është një gëzim i madh për shoqërinë shqiptare, pjesa e emancipuar, ndoshta ka edhe më tepër durim të dëgjojë propozime për reforma në planin politik, ekonomik, social, administrativ, etj., që i kam parashtruar edhe më parë në librat e mi!</p>
<p>Institucione që kanë përjashtuar qytetarin, duke e detyruar të dalë në shesh, nuk i duhen askujt veç atyre që i kanë privatizuar.</p>
<p>Institucionet duhet të hapen për qytetarët njëherë e përgjithmonë, jo nga frika e përmbysjes, por si gjendje normale e një shoqërie të shekullit të Inteligjencës Artificiale, ku disa janë akoma me mendësi klaniko-primitive.</p>
<p>Në planin politik</p>
<p>20 propozime</p>
<p>1. Askush nuk mund të qëndrojë në postin e kryeministrit më shumë se një herë dhe më tepër se një mandat.</p>
<p>2. Deputetët zgjidhen drejtpërdrejt nga populli, nominalisht!</p>
<p>3. Një kandidat për deputet i paraqitur nga një parti dhe një kandidat i shpallur nga qytetarët kanë të njëjtat detyrime dhe të drejta në procesin e kandidimit.</p>
<p>4. Presidenti i Republikës mund të propozohet edhe nga qytetarët, por në çdo rast ai që do të zgjidhet kërkon tre të katërtat e numrit të deputetëve. Nëse deputetët nuk e zgjedhin dot, atëherë zgjedhja bëhet me referendum popullor mbi kandidaturat tashmë të paraqitura.</p>
<p>5. Nuk mund të jetë këshilltar bashkiak asnjë person që ka mandat në organet qendrore të një partie politike, që ka tashmë një detyrë publike dhe që nuk banon prej së paku pesë vitesh në atë zonë.</p>
<p>6. Të njihet e drejta e votës së qytetarëve në bazë të zgjedhjes së lirë nga ana e tyre, kudo ku secili ka një pronë, një vendbanim.</p>
<p>7. Të decentralizohet pushteti bashkiak, duke bërë që çdo bashki të ketë kompetencë për të mbuluar vetëm zona urbane të veçuara, si edhe të krijohen komuna për çdo grup qendrash banimi rurale, pavarësisht numrit të banorëve të përhershëm.</p>
<p>8. Këshilltarët bashkiakë zgjidhen drejtpërdrejt dhe nominalisht (jo me listë) nga ana e qytetarëve.</p>
<p>9. Askush nuk mund të kryejë dy detyra funksionale (jo elektorale) në shërbimin publik apo të marrë pagë ose honorar të dytë për detyra funksionale.</p>
<p>10. Referendumet lokale dhe kombëtare kërkohen edhe nga qytetarët, pa kufizime drastike, dhe për çështje strategjike dhe parësore, sidomos kur pushteti lokal nuk vendos dot, referendumi bëhet forma e ligjshme e marrjes së vendimeve sipas parimit të madh të subsidiaritetit.</p>
<p>11. Reformohet drejtësia duke vendosur jurinë qytetare për krimet e rënda, korrupsionin dhe banditizmin e organizuar.</p>
<p>12. Përcaktohen funksionet e magjistratit që zgjidhen drejtpërdrejt nga qytetarët.</p>
<p>13. Me një numër të caktuar qytetarësh, ose me vendim apo iniciativë të Presidentit, Kuvendi mund të shpërndahet dhe të organizohen zgjedhje të reja. E njëjta gjë edhe me këshillat bashkiakë.</p>
<p>14. Vendoset përgjegjësia kolektive e organeve të zgjedhura si në planin penal ashtu edhe atë publik, duke u gjykuar nga Gjykata e Lartë.</p>
<p>15. Të gjithë nëpunësit e administratës publike shpallen funksionarë publikë dhe nuk mund të emërohen apo të shkarkohen nga ministri apo personat me funksione politike. Ata varen nga sekretari i përgjithshëm i institucionit dhe emërohen nga konkurse kombëtare nga juri pa konflikt interesi, dhe shkarkohen vetëm me vendime gjykatash, nëse apelojnë.</p>
<p>16. Çdo nëpunës publik mban përgjegjësi personale ligjore për çdo kundërvajtje ose mosveprim që lidhet me funksionet e tij, pavarësisht se kush e ka urdhëruar të veprojë ose mosveprojë.</p>
<p>17. Çdo qytetar ka të drejtë të hedhë në gjyq shtetin për çdo pasojë të dëmshme që i ka ardhur nga fajet e shtetit dhe të nëpunësve publikë.</p>
<p>18. Web-et e institucioneve publike shpallen media publike dhe rregullohen me ligj të veçantë.</p>
<p>19. Ndalohet absolutisht përdorimi i çdo mjeti publik në fushatën zgjedhore. Çdo kandidat për një post elektiv dorëzon përfundimisht mandatin e ushtrimit të një detyre ekzekutive.</p>
<p>20. Fushata e zgjedhjeve sigurohet të jetë falas dhe pa i shkaktuar asnjë shpenzim shoqëror çdo kandidati.</p>
]]></content:encoded>
					
					<wfw:commentRss>https://javanews.al/koha-per-reforma-te-thella/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Dy botët që po përplasen sot!</title>
		<link>https://javanews.al/dy-botet-qe-po-perplasen-sot/?utm_source=rss&#038;utm_medium=rss&#038;utm_campaign=dy-botet-qe-po-perplasen-sot</link>
					<comments>https://javanews.al/dy-botet-qe-po-perplasen-sot/#respond</comments>
		
		<dc:creator><![CDATA[Artan Fuga]]></dc:creator>
		<pubDate>Fri, 05 Jun 2026 19:12:06 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1841663</guid>

					<description><![CDATA[Nga Artan Fuga Nuk është çështje thjesht mjedisore, ndonëse çështje e mjedisit është bërë kanceroze dhe shkakton kancere të vërteta te ne! Përtej saj shihen dy epoka që përtej konspiracionizmit përplasen me njera tjetrën. Këtë nuk e kuptojnë ende dhe nuk duan ta kuptojnë jo vetëm pushtetarë, deputetë periferikë pa asnjë formim adekuat për të përfaqësuar [&#8230;]]]></description>
										<content:encoded><![CDATA[<p><strong>Nga Artan Fuga</strong></p>
<p>Nuk është çështje thjesht mjedisore, ndonëse çështje e mjedisit është bërë kanceroze dhe shkakton kancere të vërteta te ne!</p>
<p>Përtej saj shihen dy epoka që përtej konspiracionizmit përplasen me njera tjetrën. Këtë nuk e kuptojnë ende dhe nuk duan ta kuptojnë jo vetëm pushtetarë, deputetë periferikë pa asnjë formim adekuat për të përfaqësuar rininë qytetare të Shqipërisë së epokës dixhitale, por edhe gazetarë të ndryshëm larg dhe anash detyrës së tyre.</p>
<p>të hapur përtej kufijve nacionalë dhe përtej dasive nacionaliste, orientimin nga konkurrenca e lirë dhe heqja e privilegjeve dhe barrierave në tregëti dhe shërbime në plan rajonal dhe global,</p>
<p>bashkëjetesën në ekonomitë e sotme me modele të avancuara të bizneseve të mëdha dhe investimeve të mëdha me bizneset e mesme që janë këto që punësojnë para së gjithash,</p>
<p>kulturën e dialogut që e futën në këto dy dekada rrjetet sociale,</p>
<p>pakënaqësinë masive përballë stagnacionit,</p>
<p>korrupsionit që bën kërdinë,</p>
<p>që përjetojnë shtresat qytetare, kapërcimin në ndërgjegjen qytetare</p>
<p>të militantizmit partiak të partive të kohës staliniste në Evropë,</p>
<p>ndërgjegjen patriotike të mpleksur me hapjen ndaj botës, dinjitetin për të drejta individuale,</p>
<p>nga ana tjetër atë që shoqëria aktuale u ofron:</p>
<p>kulturën monopolistike të biznesmenit strategjik, pra të privilegjuar nga pushteti,</p>
<p>tendera që SPAK dhe Kontrolli i Shtetit po tregojnë se janë të manipuluar,</p>
<p>hapësira ekonomike të rrethuara me tela me gjemba,</p>
<p>propagandë e orkestruar duke fshehur informacionin,</p>
<p>profesione të kufizuara brenda hoteleve, për të rinjtë që kërkojnë të ardhme,</p>
<p>shkelje të së drejtave pronësore publike apo private,</p>
<p>ujë me ose pa piper mbi protestuesit qytetarë të lirë,</p>
<p>një klasë burokratiko-politike parazitare,</p>
<p>flotë uji mbi shtresat e mesme qytetare që protestojnë,</p>
<p>llomotitje zhurmuese dhe pa shije si mëny restoranti fshati,</p>
<p>propagandë gjoja nacionaliste,</p>
<p>hapësirë politike e mbyllur për qytetarin që endet jashtë institucioneve.</p>
<p>Këto janë dy botët që po përplasen sot në hapësirat publike.</p>
<p>Kuptoheni sa më shpejt këtë!</p>
<p>Kuptohet se Shqipëria që në vitet 90 bëri ndryshimin politik, nuk bëri dot atëhere as ndryshimin kulturor, as atë social, as atë institucional.</p>
<p>Cështja nuk janë vetëm foletë e dallëndysheve, as vetëm pelikanët, as vetëm peshqit, fazanët, as dhelprat, ujqit, kërmijtë, zvarranikët, por :</p>
<p>A do ta bëjë dhe si do ta bëjë Shqipëria këtë pjesë të ndryshimit social që qysh ka 90 ka mbetur e mpirë, e paralizuar?</p>
<p>Brenda trupit social sot përplaset një pjesë e gjymtyrëve të mpira, atrofizuara, paralizuara, dhe pjesa e gjallë që lufton për jetën!</p>
<p>Nëse kjo pamje humbet nga vështrimi ne si komb do të vazhdojmë të humbasim energji kot, të vetëvritemi!</p>
]]></content:encoded>
					
					<wfw:commentRss>https://javanews.al/dy-botet-qe-po-perplasen-sot/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Vapa dhe Tirana që nuk është më!</title>
		<link>https://javanews.al/vapa-dhe-tirana-qe-nuk-eshte-me/?utm_source=rss&#038;utm_medium=rss&#038;utm_campaign=vapa-dhe-tirana-qe-nuk-eshte-me</link>
					<comments>https://javanews.al/vapa-dhe-tirana-qe-nuk-eshte-me/#respond</comments>
		
		<dc:creator><![CDATA[Artan Fuga]]></dc:creator>
		<pubDate>Wed, 27 May 2026 18:59:50 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1838039</guid>

					<description><![CDATA[Nga Artan Fuga Të gjithë ankohen! Disa thonë ngrohja globale, mundet, disa vrima e ozonit, mundet, disa ndryshim klime në çdo mijëra vite, mundet! Nuk kam fuqi të merrem me këto ideologji! Di një gjë: Edhe para 50 vitesh bënte kjo vapë në Tiranë. Ndalnin edhe shkollën, ose e fillonin në tetor. Aq shumë! Por, [&#8230;]]]></description>
										<content:encoded><![CDATA[<p><strong>Nga Artan Fuga</strong></p>
<p>Të gjithë ankohen! Disa thonë ngrohja globale, mundet, disa vrima e ozonit, mundet, disa ndryshim klime në çdo mijëra vite, mundet! Nuk kam fuqi të merrem me këto ideologji!</p>
<p>Di një gjë: Edhe para 50 vitesh bënte kjo vapë në Tiranë. Ndalnin edhe shkollën, ose e fillonin në tetor. Aq shumë!</p>
<p>Por, Tirana atëhere kishte mbrojtëse kundër vapës që ne nuk i kemi. Ishte tjetër qytetërim që vinte nga vitet 30 dhe 40, vazhdoi edhe nja 30 vjet dhe pastaj politikat i kanë dhënë dërmën!</p>
<p>Cfarë avantazhesh kishte për freski?</p>
<p>1. Nuk kishte këtë beton që e përthith nxehtësinë ditën dhe e lëshon natën.</p>
<p>2. Nuk kishte këta qindra mure Berlini të bërë nga ndërtesa të larta që bllokojnë korrentet e ajrit, erërave, në verë, Veri &#8211; Jug dhe Perëndim &#8211; Lindje!</p>
<p>3. Nuk kishte këtë qarkullim kriminal veturash që veç ndotje, ngrejnë edhe temperaturat urbane.</p>
<p>4. Në zemër të qytetit kishte qindra e qindra bahçe dhe kopshtije me dhjetëra pemë, vërtetë miliona, e çfarë pemësh cilësore që thithnin gjithë gazin karbonik.</p>
<p>5. Mijëra puse me ujë të bollshëm që me vaditjet i jepnin qytetit freski.</p>
<p>6. Qyteti ishte i vogël relativisht dhe rrethohej nga një zonë tepër e gjërë rurale plot pyje, të prera tani, si edhe kultura bujqësore që e lidhnin qytetin me natyrën.</p>
<p>7. Nuk kishte nga këta kondicionerët që ftohin brenda dhe ngrohin jashtë në mënyrë skandaloze.</p>
<p>8. Ndërtesat ishin me çati dhe jo mbuluar me tarraca që të gjithë nxehtësinë e përcjellin vertikalisht kat më kat.</p>
<p>9. Njerëzit në shumicën e rasteve punonin në banesë, si qytetërim artizanal, dhe nuk kishin nevojë t&#8217;u hipnin autobuzave në zheg të vapës duke u bërë telef!</p>
<p>10. Raporti midis hapësirave të ndërtuara dhe hapësira rrethuese pa ndërtime ishte ku e ku më i ekuilibruar sesa tani.</p>
<p>11. Avujt e shumtë të qytetit apo të zonave përreth përplasnin masat e ngrohta në malin e Dajtit dhe atje cdo ditë mblidheshin retë që cdo ditë, aty nga ora pesë a gjashtë jepnin një shi behari të fortë që të këndjellte zemrën e kështu pa fund!</p>
<p>I mësojnë fëmijëve këtë histori në shkollë? Apo ju mësojnë budalliqe jo komunizmi, jo kapitalizmi, jo feudalizmi?</p>
<p>Thonë se një rritje prej dy gradësh në qytet sjell çrregullime mendore te njerëzit. Sidomos agresivitet! Jemi më agresivë apo nuk jemi?</p>
<p>Ankoheni nga vapa? Kujtoni se është fatalitet? Jo, jo, ne e kemi shkaktuar!</p>
<p>Zoti nuk e ndëshkoi Adamin dhe Evën. Nuk ndëshkon Zoti. Zoti vetëm sa iu tha që më këto që po bëni do të vuani!</p>
]]></content:encoded>
					
					<wfw:commentRss>https://javanews.al/vapa-dhe-tirana-qe-nuk-eshte-me/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Me çfarë i paguajmë pasojat e hetimeve kundër korrupsionit?</title>
		<link>https://javanews.al/me-cfare-i-paguajme-pasojat-e-hetimeve-kunder-korrupsionit/?utm_source=rss&#038;utm_medium=rss&#038;utm_campaign=me-cfare-i-paguajme-pasojat-e-hetimeve-kunder-korrupsionit</link>
					<comments>https://javanews.al/me-cfare-i-paguajme-pasojat-e-hetimeve-kunder-korrupsionit/#respond</comments>
		
		<dc:creator><![CDATA[Artan Fuga]]></dc:creator>
		<pubDate>Thu, 21 May 2026 09:55:47 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1835471</guid>

					<description><![CDATA[Nga Artan Fuga Pa dyshim opinioni shqiptar brenda dhe jashtë vendit e ka mirëpritur aq sa ka bërë struktura e posaçme kundër korrupsionit në këta vite. Sigurisht opinioni nuk di më shumë nga brenda institucionit, por i mërzitur nga shkalla e lartë e korrupsionit, arbitraritetit, e pabarazive në pasuri, sidomos midis deputetëve dhe popullit të [&#8230;]]]></description>
										<content:encoded><![CDATA[<p><b>Nga Artan Fuga<br />
</b><br />
Pa dyshim opinioni shqiptar brenda dhe jashtë vendit e ka mirëpritur aq sa ka bërë struktura e posaçme kundër korrupsionit në këta vite. Sigurisht opinioni nuk di më shumë nga brenda institucionit, por i mërzitur nga shkalla e lartë e korrupsionit, arbitraritetit, e pabarazive në pasuri, sidomos midis deputetëve dhe popullit të thjeshtë, jo për shkak populizmi, duartroket çdo sulm mbi kështjellën korruptive të ndërtuar në përmbi tre dekada.</p>
<p>Pavarësisht kësaj duhet ditur se cdo veprim njerëzor dhe institucional sjell pasoja të paparashikuara, dytësore, që shpesh kanë një ndikim tepër të rëndësishëm.</p>
<p>Kjo është pyetja: Cfarë pasojash kanë sjellë hetimet ndaj zyrtarëve të lartë, pa pretenduar të numërohen të gjitha?</p>
<p>Në krahun e qeverisjes në këto dy a tri vite u fshinë nga qeveria një numër ministrash dhe zëvendësministrash që drejtpërdrejt ose tërthorazi përmenden në dosjet hetimore, nëse iu besojmë raportimeve në media. Për rrjedhojë u forcua pushteti brenda qeverisjes i kryeministrit të sotëm, dhe ministrat humbën pothuajse krejtësisht përmbajtjen e tyre politike. Ata u bënë edhe më shumë persona që hiqen dhe vihen pa ndonjë pasojë politike. Aq shumë ka ikur larg kjo gjë saqë po të pyesësh njerëzit në rrugë, katër në pesë veta rrezik se nuk dinë se cili është ministër i këtij apo atij dikasteri.</p>
<p>Në krahun e opozitës, duhet thënë se hetimet i dhanë asaj një burim informacionesh të rëndësishme për të ndërtuar denoncimet e saj kundër qeverisjes dhe korrupsionit brenda saj. Po ashtu duhet thënë se vetë opozita, pd, ka dhënë kontribut me denoncimet e saj. Por, nga ana tjetër, veprimet e organeve të drejtësisë, duke vendosur në shenjestër edhe kreun e opozitës e dobësuan ndikimin e opozitës te një pjesë e mirë e elektoratit të pakënaqur.</p>
<p>Po kështu, opozita ra në kurthin e asaj që duke denoncuar korrupsionin, ka bllokuar cdo përpunim modelesh që kanë të bëjnë me propozime të reja për shqiptarët lidhur me ekonominë, shtetin, etj. Propaganda e saj jep të kuptojë se ajo beson se po të hiqen disa hajdutë dhe të vihen njerëz të ndershëm që beson se janë brenda saj, gjithçka do të ndryshojë për shqiptarët. Puna është se ky mesazh nuk i ka mjaftuar opinionit publik.</p>
<p>Pasoja kanë ardhur edhe ndaj mediave. Agjenda kryesore e tyre kanë qenë veprimet e prokurorëve të posaçëm, aq sa ka një lloj njehsim të raportimit mediatik dhe raporteve të hetimit. Cështjet sociale kanë dalë edhe më tepër në periferi të vëmendjes së gazetarëve. Në bisedat në studio në prime time kanë dalë në plan të parë cështjet që lidhen me hetimet e korrupsionit dhe për rjedhojë edhe gazetarë dhe analistë që me burime të ndryshme ngarkojnë hapësirën publike me përmbajtje hetimore, shifra, kontrata, etj., që sigurisht mbeten ,krejt të pakuptueshme nga audiencat. Ka një konvergjencë pra midis përmbajtjes së transmetuar në media dhe dosjeve hetimore, përse jo mund të thuhet se ato edhe ndikojnë deri në një farë mase njëra tjetrën.</p>
<p>Ka gazetarë që u duket se poqese nuk kopjojnë raporte hetimi dhe t’ja hedhin mbi kokë publikut si tulla nuk ja vlen të quhen të tillë! Gazetari është bërë një prokuror i dështuar, sikurse thoshim dikur në vitet 80 se traktoristi është një shofer i dështuar dhe shoferi një pilot i dështuar.</p>
<p>Reformën në drejtësi shqiptarët e kanë paguar goxha shtrenjtë. Nga njëra anë ajo që duket se shpresojnë të kenë fituar është hetimi i korrupsionit. Por, nga ana tjetër gjykata e niveleve të tjera, si penale ashtu edhe ato që gjykojnë çështje civile, për shkak të boshatisjes nga gjyqtarët, por jo vetëm, kanë vonesa të llahtarshme në shqyrtimin e dosjeve. Në një farë mase në jetën e përditshme shqiptari i sotëm merr me shumë vështirësi ose aspak drejtësi. Unë mendoj se kjo është hera e parë që i ndodh prej mijëra vitesh.</p>
<p>Mosbesimi te drejtësia, vonesat në shqyrtimin e çështjeve ka bërë që sidomos për çështjet e pronave të mbizotërojë kaosi i plotë. Ish pronarët ose pronarë të therë legjitimë nuk kanë ku të gjejnë drejtësi përballë rrëmbimit të pronave nga të fortë ose agjenci ekonomike private të lidhura me qeverinë ose me njerëz me pushtet.</p>
<p>Në planin e pritshmërive të opinionit publik</p>
<p>Opinioni publik fillimisht entuziast për luftën kundër korrupsionit tanimë është bërë më i mekur dhe shpreh pakënaqësi si për vonesën e hetimeve, ashtu edhe për vendosjen e shkaktarëve të korrupsionit përballë përgjegjësive penale.</p>
<p>Duke shqyrtuar me hollësi mijëra komente në rrjete sociale, shihet se janë bërë sunduese tre prirje kryesore.</p>
<p>E para, fataliteti. Bombardimi nga media me informacione mbi korrupsionin, hetimet e zgjatura, ndëshkimet që publikut i duken jo adekuate, i ka bërë shumë njerëz të mendojnë se korrupsioni e ka mundur të drejtën në këtë vend. Aktiviteti politik i opinionit publik të rënë në fatalizëm e ka bërë atë mosveprues. Kjo në fakt e ndihmon qeverisjen.</p>
<p>E dyta, frika. Frika nga të fortët, qofshin banda, qofshin elementë të krimit, qofshin qeveritarë të korruptuar. Individi nga populli sheh mbi kokën e tij një kështjellë si ato në filmat mesjetarë, ku pushteti i ligjshëm kushtetues nuk është veçse fasada që fsheh pushtete të tjera shumë më të fuqishme të paligjshme.</p>
<p>E treta, mosbesimi. Mosbesim kur sheh ndërthurje mes interesash financiare mes njerëzve me pushtet dhe atyre që hiqen opozitarë, si edhe kur gjykon se fundja ata që dënohen për korrupsion pas kryerjes së dënimit dalin të larë në jetën e lirë dhe gëzojnë pushtet financiar, lidhje shoqërore si edhe ndikim mbi vendimmarrjen politike.</p>
<p>Këtu ndikimi mbetet afatgjatë. Shihet se janë qindra njerëz nga administrata që përmenden në dosjet hetimore që qarkullojnë në media. Patjetër, nuk ka si të jetë ndryshe. Nëse një njeri me pushtet ka bërë krimin e korrupsionit, pas tij, kanë vepruar, me veprime ose mosveprime qindra e qindra të tjerë, me përfitime shumë të mëdha ose më të vogla.</p>
<p>Shoqëria prodhon krim të nivelit të lartë pikërisht sepse nuk ka një funksionim të qartë të mekanizmave të kontrollit të brendshëm në qeverisje.</p>
<p>Nga pikëpamja sociale çfarë do të bëhet me këtë shtresë sociale të inkriminuar? Ka një opinion që sidomos pjesa e lartë e këtij segmenti të shoqërisë, edhe nëse dënohet, pasi e kryen atë, rikthehet me pasuri, lidhje sociale, investime dhe pas disa vitesh do të rikthehet edhe në forma të ndryshme në qeverisje.</p>
<p>Do të riciklohet. Sikurse u ricikluan bejlerët nën Perandorinë osmane, në shtylla të shtetit të pavarur shqiptar, si u ricikluan zyrtarë të lartë të mbretërisë në oligarkë kuislingë të nazifashizmit, si u ricikluan individë nga shtresat e pasura në dinjitarë të lartë komunistë, dhe se si këta të fundit kontrolluan pushtetin edhe pas vitit fatal 1990. Ndoshta kështu do të riciklohen edhe të targetuarit nga hetimet e sotme në shtresën e pasur, të pashqetësuar në gjysmën e dytë të shekullit 21.</p>
<p>Hetimet ndaj korrupsionit janë një gjë pozitive përballë një shoqërie ku çdo qelizë po vdes nën metastazat e korrupsionit, pushteteve arbitrare, monopoleve. Por, në këtë fazë të parë, ato, pavarësisht tyre, kanë sjellë si pasoja kundra produktive dukuri sociale shumë shqetësuese.</p>
<p>Janë ato pagesa që ne duhet të bëjmë për hir të pastrimit të shoqërisë?</p>
<p>Janë ato tregues se procesi ka dalë nga dora?</p>
<p>Këtë do ta shohim deri aty në vitet 30.</p>
<p>Sa për tani qytetari kërruset edhe nën peshën e korrupsionit, edhe nën barrën e haraçit që paguan për atë që optimistët e quajnë betejë kundër korrupsionit.</p>
]]></content:encoded>
					
					<wfw:commentRss>https://javanews.al/me-cfare-i-paguajme-pasojat-e-hetimeve-kunder-korrupsionit/feed/</wfw:commentRss>
			<slash:comments>0</slash:comments>
		
		
			</item>
	</channel>
</rss>
