Shqiptarët kanë një traditë gëzimi me djegie, ajo është shamia e beqarit.

Në dasma masivisht e shoqeruar edhe me këngë kur dhëndrri i vë flakën shamisë nga ai moment është zyrtarisht bashkëshort burrë dhe jo më beqar i vetëm!

Kjo tregon se edhe përgjegjësia është shumë më e madhe nga ai moment e pas.

Ndalur tek zhvillimi i sotëm, djegia e mandatit të një deputeti të zgjedhur edhe pse jo nga populli por nga lista, peshon si shamia e beqarit.

Ndaj, jeni ende në kohë t’i thërrisni arsyes djathtas e majtas.

Skeni përse me mandatet dhe shaminë tensiononi Shqipërinë.

Fundja kur populli ka ikur prej 1992 ju sjeni shqetesuar kaq shume.

Por sot publiku është shumë i shqetësuar dhe me të drejtë?

Po tani ishte ???? E ditës!

Djathtas thonë u krye ska më qeveri me Ramën.

Majtas, asgjë s’do ndodh do vazhdojme per të mirën e vendit.

Në fakt vendi ka një tension social, ka nje arrogancë drejtorucësh, ka shumë pandëshkueshmëri shumë probleme por falë jush ka dhe disa të mira.

Ajo ç’ka dua të shpreh me keto rreshta është fakti se s’mundet më keshtu.

Në e paçi lojë për pushtet nga hundet ju daltë.

Në e paçi për votën e lirë, zoti ja u shperbleft dhe bëhuni bashkë bëni atë kodin zgjedhor pa lista, pa bandit, e lejoni emigrantët të votojnë.

Por kriminelët s’lindën as dje as sot, as blerja e votave.

#kolltukuseshtembishqiperine

Fjalori banal është kudo, kamera jo gjithmonë.

Çfarë fjalori ka përdorur kreu i PD-s në Gramsh.

Është i paetikë, i pakultur, i pasjellshëm, është fjalor rrugë…. është fjalor lacash nga ata me xhama të zinj e “pushtet” që kjo shoqëri i prodhoi e sot i sheh e nëpërkëmbur.

Nëse zotëria është vërtet një politikan i zgjedhur lokal qoftë dhe partiak, një minutë e më parë policëve duhet ti kërkoj falje.

Çdo pretendim tjetër të tijin apo të partisë që ai përfaqëson, për dhunë presion apo shantazh.

Duhet ta diskreditoj me prova jo pretendime “sulm politik” e më tepër akoma ti drejtohet prokurorisë e gjykatës nëse ka serish paqartësi për çfarë është bërë ndaj tij.

Sot. Ne, ai, dhe kushdo ka parë videon, ka dëgjuar fjalorin, ka shijen e pështirë të një fjalori banal që na ka pushtuar hapësirën e komunikimit, aq sa është bërë ndotje akustike.

Fatmirësisht aty ishte kamera që e filmoi, qoftë dhe kamera e trupit të policit. Po ashtu kishte e disa video me këndë të ndryshme filmimi nga qytetar.

Por kamera jo gjithmonë është e hapur. Jo gjithmonë rastis aty ku duhet.

Fjalori ordiner, agresiv, arrogant, i dhunshëm, ka pushtuar rrugë e rrugica, medime e rrjete sociale, komunikime nga më të ndryshmet.

Here herë edhe mediat lokale e kombëtare. Nuk keni pse habiteni, nga një kryetar partie që degradon gjuhën e folur në atë gjendje.

Këtë fjalor thuajse e dëgjojmë përditë, në trafik e në rrugë boshe, për një vend parkimi e një të drejtë sipas radhës.

Ne po i humbim peshën fjalës, po përdorim dhunën si komunikim

Kryetar lokal, policët nuk janë as të Xhafës, as të Ramës, as dikur të Bashës apo Berishës.

Ata janë të shtetit tënd e timit.

Ndaj kërkoju falje dhe sqaroje me veten moralisht nëse do apo jo sërish të jesh në arenën politike.

Ai fjalor mbase të jep ndonjë votë, por ti kurrë nuk mund të përfaqësosh partinë e lirisë dhe demokracisë, e aq me pak qytetarin e Gramshit.

Unë nuk ndihem i turpëruar nga fjalori yt, jo se nuk të kam dëgjuar.

Por ju që përdorni atë gjuhë, jeni bërë aq shumë sa po na detyroni të përdorim tapa veshi.

Në rrugë ka njerëz normal, ka familjar, bashkëshortë, motra, vëllezër, ndaj nëse ju q…. e se çani k…. për asnjë se jeni ai ajo e ata, niseni nga brenda shtëpisë tuaj. Shiheni, do ju pëlqej që familjaret tuaj të dëgjojnë fjalorin e rrugës pa pranin e kamerave.

Shqiptarja.com