Nëse të gjithë ( majtas – djathtas ) do kishin folur për të, do të thoja se vërtet qe madhështore dhe kish goditur në shenjë. Nëse do fliste vetëm njëri krah, do besoja se diçka ka lëvizur. Por nëse heshtin të gjithë.. ( përveç Armir Shkurtit ) atëhere, prit një herë!

Ne jemi në fushatë. Pas një muaji e ca bëhen zgjedhjet. Kryeministri ka një program politik Orwellian: parajsa – BE. Ferri – këneta. Armiku – Goldshtajni ( ose bufi ). Heroi? Shpëtimi? – Edi Rama.

Ndërsa opozita e çdo ngjyre Edi Ramën e ka njehsuar me të keqen absolute. Ramën e akuzojnë për korrupsion, vjedhje, pjesë e krimit të organizuar, armik të Shqipërisë, arkitekt dhe përfaqësues politik të oligarkisë, diktator, vjedhës votash, tiran, antidemokrat, satrap…

Në këto kushte, është e ligjshme, e drejtë, e moralshme çdo protestë, manifestim a revoltë kundër këtij djalli me kaq aktivitet satanik dhe katastrofal për vendin…

E di Doktor? Po të drejtohem me terma që ti i njeh që nga rinia, si kardiolog i shquar. Kur mjeku gjen diagnozën e saktë, por përdor mjekimin e gabuar, o është idiot ose kriminel.

Të thuash se Edi Rama është mafioz, kryekëput i korruptuar, autor i shpopullimit dhe rrënimit të vendit, por në protestë të çosh opozitarët për mbylljen e tiktokut, është si të diagnostikosh një të sëmurë me infarkt por ta fusësh në operacion për ti hequr bajamet. E vret Doktor! Siç keni vrarë at e bir ( ti me Lulin ) opozitën këta 3 mandate!!!!

Sonte ka qenë protesta më e mjerueshme dhe diskredituese në hisorinë e pluralizmit politik. Demokratët refuzuan të identifikohen me atë tallje publike, skizofrenike, jashtë jo vetëm realitetit dhe kontekstit politik por edhe logjikës njerëzore. Më karagjoz e bëri këtë manifestim fakti që pjesmarrësit protestonin për mbylljen por tiktoku vazhdon të jetë i hapur….

Të tjerat tirrini vetë, në mendjet tuaja, se nuk ka kuptim të vazhdoj unë me gjëra që janë ashiqare. Thjesht, në përgjigje të parashtersës time për doktorët dhe Doktorin, që kur venë diagnozën e saktë dhe trajtimin e bëjnë gabim, ju garantoj se Doktori ynë veç idiot s’është!

Meqë karnavali i sontëm s’është tjetër veç një argument më shumë për tezën time se Establishmenti është në lojë me njëri – tjerin, se Berisha është i lumtur po mbeti mbreti i opozitës, e po ashtu edhe Rama, kam një lutje për çdo demokrat, në kuptimin e mirëfilltë të këtij termi:

VËLLEZËR !

Eja ta shtyjmë Partinë Demokratike, se Doktori thjesht po bën sikur s’i bije motorino! Ta shtyjmë për ta ndezur me marsh e doktor brenda! Vetëm kështu AI nuk ka ku shkon! Do detyrohet ti japë kësaj makine gjigande, me emrin Partia Demokratike. Ka aq karburant opozitar, aq urrejtje popullore, saqë mjafton vetëm të ndizet kjo makinë. Edhe në vazhdoftë Doktori të sabotojë, fuqinë e të gjitha duarve bashkë , e gjithë mendjeve e zemrave bashkë, nuk ka shans ti ndalojë!

ÇOHUNI TË NDEZIM PD- në!

Në foto është kalorësi El Cid. Të vdekur e hipën mbi kalë dhe e lëshuan jashtë kalasë e nga pas, të frymëzuar nga prijësi që pandehnin të gjallë, e ndoqën ushtarët.

Hidhur më vjen të them se kjo metaforë më rri kallëp për Doktorin. Një kufomë politike që prin mbi kalë popullin opozitar, popull që e adhuron si Shën Gjergjin që vrau dragonin e që po si ai shenjt, shpresojnë ti heqë kokën kuçedrës së pushtetit.
* Mes Don Kishotit dhe Ushtarit të mirë Shvejk.

Një cipë e hollë si e qepës ndan një tragjedi nga një komedi. Epik do të kish qenë një Berishë i plagosur, makar edhe i vrarë, si kalorësi El Cid, që u prin me pallë zhveshur opozitarëve të munduar në një dekadë të gjatë. Por kundër kujt? Përballë s’ka asnjë ushtri. Asnjë kalorës. Asnjë batalion. Të gjithë janë përmbi. Siç luajnë fëmijët me një karkalec zënë nën një kavanoz, ashtu mbi El Cidin tonë po lozin dhe argëtohen disa. Duke nisur që nga zyrtarë me emër në SHBA e duke mbaruar tek ca O.P.GJ në Tiranë, pa shumë famë e lavdi. Brenda kavanozit vlojnë me tërbim edhe mijëra besimtarë të Doktorit. Po po! Ca e kanë fe këtë punë. Por pa e vrarë shumë mendjen nëse ai mbi kalë është Shën Gjergji, El Cid i vdekur apo Don Kishoti kundër mullinjve?

■ Po ta nis me Lulin. Siç një çupë llasticë provon në këmbë njëzet këpucë para se të blejë një palë, Lulin na e bëre të provojë mender me bythë gjithë kolltuqet e rëndësishëm të pushtetit, për ti lëshuar në fund edhe tëndin, të kryetarit të partisë. Bëje sehir e hajgare sa herë Luli ngulte më thellë hanxharin e sa herë çante më egër PD – në. ” PD e ka kryetarin”! – na qeshje edhe kur Luli deklaronte fitoren në disfatën e ’21- shit dhe na e konfirmove si kryetar edhe pas ca javësh, kur ( si ti në këtë 2 dhjetor ) Basha “shkërrmoqi” një farë Gjergj Hani me një rezultat pak më të dobët se tëndin: veç 90%!
U zgjata, Doktor! Atëherë po përqëndrohem vetëm tek ato që unë i gjykoj si një punë e zënë gabim që nga themeli: Kjo e rikthimit.

● //Strategjia// Më 8 janar ’22 demokratë të besimit berishist u mblodhën tek selia e PD , brenda së cilës qenë mbledhur demokratë të besimit bashist. Ndër dhjetra skenare e taktika që mund të përdorje, Doktor, vure në jetë vetëm atë që presin të gjithë nga ty: dhunë, varé, qysqi, sëpata, hunj, cfurqe…. Pse? – pyeta veten. Përgjigjen vazhdon e ma jep me këmbëngulje TI, doktor! Të vetmen detyrë që ka Shqipëria në botë, është të rrijë urtë. Quhet STABILITET. Kush e siguron këtë stabilitet, mbetet në fron sa të dojë. Kush e trazon stabilitetin ka gjasa të thirret nga fuqitë e mëdha e të bëhet faktor. Mbase edhe ta marrë pushtetin. Tymi në javët e fundit në Kuvend ma dënd me shembuj teorinë time që JU , Doktor, në çastet më pisk të jetës suaj, po u thoni atyre që ju shohin mbi qelqin e kavanozit: “Mos e kruani me mua se unë ju vë zjarrin! E destabilizoj…..” Halli është se ata që të kanë zënë nën kavanoz ta dinë takatin dhe hapin

●//taktika// E di atë barcoletën doktor? Mori një mësues një karkalec dhe i këputi këmbët e para. Përplasi pëllëmbën mbi tryezë dhe karkaleci kërceu. Pastaj i këputi krahët, përplasi pëllëmbën e sërish karkaleci u hodh përpjetë. Në fund i këputi këmbët e pasme e, sado që përplasi duart, insekti s’lojti më.
– Ç’mësojmë nga ky eksperiment? – pyeti nxënësit
– Mësojmë se, kur karkalecit i këpusim këmbët e pasme, ai s’dëgjon më nga veshët!
Nga eksperimenti i “burrave mbi kavanoz”, Doktor, kuptojmë se sa herë të prekin ty, personalisht a të tutë në familje, ti kërcen sa më fort e lart të mundësh, duke mobilizuar edhe armatën e të dëshpëruarve. Çuditërisht, kur prekemi NE ti nuk dëgjon nga veshët!!

● // njerëzit// Një nga arsyet pse lufta bëhet në sallën e kuvendit besoj se është edhe çështja e “ushtarëve”. E futa në thonjëz ” ushtar”, sepse para 33 vitesh neve ishim një ushtri gjigande, e etur për liri dhe demokraci, e vendosur për varrosjen një herë e mirë të diktaturës. TI na dëshmove, Doktor, se ke tmerr nga njerëzit e lirë. TI mundesh të bësh përpara veç me mercenarë. Me doemos robi nën ty duhet të ketë vese apo të jetë i përlyer në punë të ndyra, me qëllim që ti kesh në dorë e ti luash si të të dojë qejfi. Kështuqë e kapitullove ushtrinë tonë për ta zëvendësuar me armatën tënde të mercenarëve. Ama po e bëre shurrën në det kripa ta sjell në gjellë. Edhe pse sot ke po aq popull sa në ’90 -ën kundër tiranisë dhe varfërimit të një pushteti monist dhe antishqiptar, tek TY nuk besojmë më! Jo thjesht se na ke prerë mëse një herë në besë e na ke lënë vetëm, por se tani as KAUZA personale nuk gudulis më njeri e as mercenarët nuk ndezin kurrëfar besimi!

● //kauza// Pate, Doktor, në plot 2 vjet, kohë për të ngritur një kauzë për të qenë. Jo “krimi”, “hajdutët”, “djegësat”, “Rama ik” e të tjera si këto. Duhej ( ende është doemosdoshmëri! ) një platformë politike serioze. Tranzicioni është një deformim i përbindshëm i sistemit. Do të kish pas mjaftuar vetëm parimet e ekonomisë së tregut të lirë , liritë themelore të njeriut dhe rikthimi i pluralizmit politik, në një platformë serioze, të qartë dhe të zbatueshme, që sot të kishim një lëvizje opozitare prej vërteti, masive dhe serioze…. Por kjo lëvizje do të kish pas shkuar shumë larg objektivit tënd, Doktor, të mbrojtjes së vetvetes dhe familjes. S’është çudi edhe të të kish jashtëqitur fare prej vetes

● //strukturat// Me po ata mercenarë që çove demokratët në opozitë e më pas që i aktivizoi Luli për ta çuar PD nga disfata në katastrofë, ti po bën “revolucionin” , Doktor!

Jo në 10 vjet, por të paktën në 2 vitet e fundit ti nuk arrite të krijosh udhëheqje të re të PD dhe të projektosh pasardhësin. Ky, Doktor, nuk është gabim! Është krim!!! Kur dilje ato fillimet e foltores, krejt i vetëm, me çunakë e vasha të reja nga pas për dekor, na e bëre të qartë: UNË! UNË! UNË!! dhe “Après moi le déluge”!!( pas meje u bëftë qameti )

Pa program, pa platformë, pa udhëheqje, pa ide apo ideologji, bylyku i të mjerëve, i të pashpresëve si dhe ai i batakçilerëve që presin të “kapin nai gjo”, duke shitur njëri – tjetrin, kauzat dhe idealet, shtyjnë ditët me ty, brenda kavanozit ku të kanë futur dhe lozin me ty, o zoti Sali Berisha! E bëre më ndyrë se Luli atë që bënte Luli o Doktor! Ke dy vjet që i ngop opozitarët me lugë të zbrazët o Sali! Ndyshe nga Luli, duke i tërhequr si gomarin me karrotë, me premtime dhe mirazhe revolucionesh.

Këto , mendoj, janë ca nga gabimet që ende vazhdon ti bësh edhe këto çaste që unë po të shkruaj. E hidhur është, ama sot ti je dëm shumë më i madh për Shqipërinë seç ke qenë ndonjëherë në 79 vitet e jetës tënde!!

(Marrë nga faqja personale ne Facebook)

Lajmi i mbrëmshëm nuk qe se Anjeza Shabani u filmua duke zhdëpur një fëmijë, por se ish kolegu i saj i para 3 viteve, Armir Shkurti, nuk reagoi në facebook për ngjarjen!

Ja, edhe vet i madhi Zanetti i Interit më ka shkruar! Shkroi më pas edhe në një postim timin, bashkë me emra të mëdhenj të futbollit, e më pas këtë …e bënë lajm në një portal!

“Monstër” qe epiteti më dashamirës që më atribuan. E gjithë kariera ime paskësh qenë kot,  më blozë aktivizmi qytetar e akoma më plehrë emisioni Alarm . Më bënë lëpirës prapanicash të partive, kurvar e çmos tjetër. Më i zi unë se Anja që i binte me sa fuqi kishte atij fëmije. ….

….. Po Ministres së Arsimit , kush nga portalet , mediat dhe opinioni publik i kërkoi një reagim? Po agjencive dhe inspektorateve të panumërta shtetërore, kush i shkoi e t’i bëjë disa pyetje thelbësore:

1 –  A ishte i rregullt, me leje e gjithçka ky biznes?

Mesa jam informuar, është hapur PA LEJE! Por kjo mbetet për t’u sqaruar nga portalet, emisionet dhe opinioni publik. Mbase unë gaboj. Por nëse është e vërtetë kjo që  unë di, në burg bashkë me atë rrahëse fëmijësh duhet të jetë edhe një varg i gjatë funksionarësh shteti që e kanë lënë të zhvillojë atë aktivitet

Pra pasi të flasë Ministria, Drejtoria Arsimore Rajonale Tiranë, Drejtoria e Tatim – Taksave, Drejtoria e Policisë Tiranë etj, për rregullsinë e atij biznesi, pastaj në ka mbetur ndonjë gur për t’u hedhur, ia lëshoni pa problem Armirit që flet a që hesht

2 – A është Anjeza Shabani shtriga që duhet djegur në turrën e druve? Patjetër! – shkruajnë një pjesë e të indinjuarve me të drejtë. “Ta zhdukim, ta vrasim, ta dënojmë…!!!”

“E vras këdo që më prek tim bir”! – këtë deklaratë e kam bërë qysh sa i pashë sytë orën e parë që erdhi në këtë botë. Por s’qe e thënë. E kisha në një kopsht privat në mes të Tiranës. “Babi, më rrafi zysh Edlira sot. Ma skuli vesin ele më xhujti ke façja”. Më ra qielli. Thirra, bërtita, ulërita, kërcënova…po nuk e vrava dot edukatoren! Ashtu siç – besoj unë – shumica që bën be në facebook se do vrasë këdo që i prek fëmijën, tërhiqet në moment të fundit.

Pasi unë bëra namin, fëmijën nuk ma prekën më me dorë. Për hakmarrje nuk i afrohej edukatorja, nuk  e përfshinte në lojra, nuk e stimulonte…

SEPSE KY ËSHTË SISTEMI!!!

Përqëndrimi i urrejtjes, mllefit, shfryrjes vetëm tek një “businesswoman” që rreh fëmijë, nëse mbetet aty, besoj se nuk është aspak e shëndetshme për shoqërinë. Janë mbushur profilet me foton e Anjeza Shabanit të krehur e pudrosur dhe të gjithë shfryjnë atje. Mirëpo ajo mbrëmë fjeti në qeli. Ne do flasim edhe sot edhe nesër , sa të na dalë ndonjë histori tjetër …qoftë edhe futbolli që do të zerë komentet a bisedat tone. Ne mbrëmë nuk pamë as më pak e as më shumë nga ç’kemi parë në kamera të tjera të fshehta në shkolla, jetimore, kopshte fëmijësh. Janë arrestuar, dënuar e liruar drejtoresha e edukatorë pafund, por janë liruar sërish e druri sërish vazhdon ndër fëmijë pa mëshirë.

A e dini se dënimi për atë vepër që patë në ekran mbrëmë nis nga 3 muaj burg? Do të thotë se e arrestuara e mbrëmshme ka të gjithë të drejtat që të lirohet nga gjykata dhe ta nxjekë proçesin në gjendje të lirë? A e dini se për këto lloj veprash që dënohen nën 2 vjet burg, jepet masë dënimi alternative, si psh: punë në komunitet apo shërbim prove? Pra kur të tërhiqet vala e  cunamit të dufit e mallkimeve, Anjezës mbase mund t’i ketë marrë me vete koshtin, por jo lirinë.

3 – A pyetën portalet dhe opinioni ligjvënësit dhe ligjzbatuesit se si ka mundësi që shteti, i ashpër deri në tirani për një kupon tatimor a gotë birrë në timon, është kaq mëshirëplotë për ata/ato që me të drejtë quan “monstra” e që jo vetëm rrahin një fëmijë, por lenë gjurmë të përjetshme në jetën e tij e gjithë atyre krijesave të vogla që shohin dhe përjetojnë tmerrin duke parë ato skena dhune? Nuk pashë as dje as sot të analizonte kush se si ka mundësi që ky shteti ynë është kaq larg edukimit të fëmijës, kaq pasiv ndaj rritjes së tyre, varfërisë e deri dhunës?

Tani dy fjalë për Anjezën dhe për Alarmin:

Emisioni investigativ Alarm u ngrit vrullshëm, brenda pak muajve, dhe u bë një ndër emisionet investigative kryesore në vend, ku gjenin pasqyrim madje edhe zgjidhje halle e probleme nga më të larmishmet: Nga keqtrajtimi i pacientëve nëpër spitale tek ai i fëmijëve në shkolla, nga polici që merr rryshfet tek deputeti, nga PD – ja te PS -ja…

Anjeza Shabani ka qenë pjesë e atij emisioni dhe ka dhënë kontributin e saj si prezantuese. Korrekte dhe e impenjuar. Në raste të ngjashme me të sajin mbrëmë, ka mbushur sytë me lot e ka mallkuar dorën që ka qëlluar foshnjen. Në atë periudhë të paktën, se tani nuk e di, falte 5 vakte, një a dy prej të cilave në Xhaminë e Xhurës, pas Kinostudios. Iku nga Alarmi në vitin 2013 kur do lindte vajzën, të cilës i vuri emrin Diren, emrin e të cilës ia ka vënë edhe kopshtit.

Për këto arsye, tronditja dhe befasia e neveria ime ishin të mëdha. Zhgënjim nga dikush që ti pret të jetë në majat e luftës , të paktën asaj në mbrojtje të më të dobtëve. E pashë në lokalin pranë shtëpisë emisionin mbrëmë, me burra të tjerë, dhe që të gjithë njëzëri , pasi e shamë, deklaruam: “T’ia bënte tim biri, unë e kisha vrarë”….por unë e di që s’jemi nga ata burra…