<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:wfw="http://wellformedweb.org/CommentAPI/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	xmlns:slash="http://purl.org/rss/1.0/modules/slash/"
	>

<channel>
	<title>Ardian Ndreca &#8211; JavaNews.al</title>
	<atom:link href="https://javanews.al/author/ardiand/feed/" rel="self" type="application/rss+xml" />
	<link>https://javanews.al</link>
	<description></description>
	<lastBuildDate>Thu, 25 Jul 2024 09:54:52 +0000</lastBuildDate>
	<language>en-US</language>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	

<image>
	<url>https://javanews.al/wp-content/uploads/2024/12/cropped-cropped-favicon-32x32.jpg</url>
	<title>Ardian Ndreca &#8211; JavaNews.al</title>
	<link>https://javanews.al</link>
	<width>32</width>
	<height>32</height>
</image> 
	<item>
		<title>&#8220;Imagjinoni ata që janë burrnue në rrugën &#8216;Enver Hoxha&#8217; me vdekë në rrugën &#8216;Nard Ndoka&#8217;&#8230;&#8221;</title>
		<link>https://javanews.al/imagjinoni-ata-qe-jane-burrnue-ne-rrugen-enver-hoxha-me-vdeke-ne-rrugen-nard-ndoka/?utm_source=rss&#038;utm_medium=rss&#038;utm_campaign=imagjinoni-ata-qe-jane-burrnue-ne-rrugen-enver-hoxha-me-vdeke-ne-rrugen-nard-ndoka</link>
					<comments>https://javanews.al/imagjinoni-ata-qe-jane-burrnue-ne-rrugen-enver-hoxha-me-vdeke-ne-rrugen-nard-ndoka/#respond</comments>
		
		<dc:creator><![CDATA[Ardian Ndreca]]></dc:creator>
		<pubDate>Thu, 25 Jul 2024 09:48:41 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1553299</guid>

					<description><![CDATA[Nga Ardian Ndreca Nji prej mënyrave për me shkrue qytetin asht edhe nëpërmjet odonimeve, bahet fjalë për emnat e rrugëve. Gjithmonë dhe gjithkund odonimet kanë qenë dhe janë të lidhuna me ideologjitë dhe me pushtetin. Megjithatë nji odonomastikë e qëndrueshme asht shenjë kulture dhe tregon se ai qytet, ose ma mirë ai qytetnim, ka mbërrijtë [&#8230;]]]></description>
										<content:encoded><![CDATA[<p><strong>Nga Ardian Ndreca</strong></p>
<p>Nji prej mënyrave për me shkrue qytetin asht edhe nëpërmjet odonimeve, bahet fjalë për emnat e rrugëve. Gjithmonë dhe gjithkund odonimet kanë qenë dhe janë të lidhuna me ideologjitë dhe me pushtetin.</p>
<p>Megjithatë nji odonomastikë e qëndrueshme asht shenjë kulture dhe tregon se ai qytet, ose ma mirë ai qytetnim, ka mbërrijtë nji ekuilibër të atillë që sido të ndryshojë pushteti nuk ndërron emnat e rrugëve krye tri dekadash.</p>
<p>Mendoni sa e sa rrugë në Romë, Madrid, Venedik, Paris, Vjenë që mbajnë po ato emna prej katër-pesë shekujsh. Ndokush do të ketë provue madje kënaqësinë që tue vizitue këto qytete me gjetë nji rrugë që shekuj ma parë asht përshkrue në nji roman, në nji libër historie, apo që përmendet në nji ngjarje me randësi. Tek ne ma shpesh na ka ra me provue zhgënjimin e humbjes së çdo gjurme, pse shumë shpesh ne harrojmë, shlyejmë e çdo herë nisim rishtas prej te abetarja. Tek ne veç qielli me yje vijon me qenë i njejti, pse poshtë bajmë lesh e li gjithçka që kena në dorë.</p>
<p>Tue pa disa harta topografike të Shkodrës e ma ekzaktsisht atë të vitit 1913 të kohës së Internacionalit, atë të vitit 1923 të Etënve Jezuitë, atë të vitit 1940 të kohës së fashizmit dhe atë të viteve ’70, pra të kohës së komunizmit, mund të dallojmë lehtësisht luftën për kontrollin e hapsinës urbane nëpërmjet odonomastikës.</p>
<p>Ajo e vitit 1913, e para në llojin e saj, paraqet vullnetin sundimtar të pranisë ushtarake të Fuqive të Mëdhaja në Shkodër, dhe nuk len hapsinë për asnji emën shqiptar. Ajo e vitit 1923 reflekton bindjet e reja që buronin prej shtetit të sapothemeluem shqiptar, fryt i Rilindjes sonë kombëtare. Kurse harta e kohës së fashizmit, tue pasë parasysh se asokohe ishim pa sovranitet, mund të themi se respektonte admirueshëm odonomastikën e maparshme, kuptohet tue e mëlmye me ndonji emën-simbol të fashizmit. Ndërsa harta e kohës së komunizmit solli ndryshime rranjësore, tue mos respektue asnji traditë dhe emërtim historik, por tue e mbushë qytetin me emnat dhe datat e atyne që kishin marrë në dorë pushtetin në vitin 1944.</p>
<p>Asht me interesë me vërejt sesi në gadi tetë dekada – që për nji qytet si Shkodra nuk janë shumë – kanë ndrrue deri në pesë herë emnat e rrugëve siç mund të shihet edhe prej kësaj tabele:</p>
<p>Përfytyroni njerëz që kanë lindë në Rrugën d’Estournelles de Constant, janë burrnue në Rrugën Enver Hoxha dhe kanë vdekë në Rrugën Vilson! Ndoshta të kishin pritë edhe pak do të kishin pasë fatin me vdekë në Rrugën Nard Ndoka!</p>
<p>Në kohën e komunizmit të gjitha rrugët e hapuna rishtas merrnin emna që kishin lidhje me regjimin në fuqi, për shembull bulevardi që bashkoi Fushë Qelën me Azilin e Qelës, pjesa nga qendra e qytetit tek ish Dega, u quejt Bulevardi Stalin, ndërsa sot quhet Bulevardi Skënderbeu. Kudo kishte emna atentatorësh, veprimtarësh të lidhun me “Lëvizjen”, për shumicën e të cilëve në nivel vetëdije qytetare nuk njihej pothuejse asgja, as se çka kishin ba dhe as si kishin vdekë.</p>
<p>Kjo s’do të thotë se Shkodra s’duhet me pasë rrugë që të mbajnë emnat e të ramëve të Luftës së Dytë botnore. Për shembull dëshmorit Reshit Rusi, pinjoll i nji familjes së nderueme qytetare dhe ish nxanës i liceut Illyricum, i asht kushtue stadiumi tek ish Fusha e Lëkurave. Të njejtën gja e meritojnë edhe anëtarë tjerë të asaj lëvizje si Zef Mala, Qemal Stafa, Selim Shpuza, Fadil Paçrami etj.</p>
<p>Do të kishte qenë logjike që koha e demokracisë të kishte gjetë rrugëzgjidhje për shumë padrejtësina historike, por fatkeqsia e atij qyteti me qenë pothuejse gjithnji i drejtuem prej individësh pa spesor moral dhe intelektual dhe kthimi i idealeve demokratike në ideologji të mirëfilltë ku ka mbizotnue dialektika mik/anmik, ka krijue nji katrahurë në qytet.</p>
<p>Sot do të gjeni rrugë me emna qesharakë dhe të pakuptimtë si: Rruga Rinia, Rruga Treni i Mallrave, Rruga e Mëndafshit, Rruga Kumbulla e Vardilave, apo rrugë me emna njerzish për të cilët lodheni kot me gjetë ndonji informacion historik që të justifikojë kilometrat linearë që u janë kushtue: Rruga Ludovik Saraçi, Rruga Shaqir Oso Zeqja, Rruga Rozar Dodmasej, Rruga Todi Gërmenji! Tek ne nuk ndahen vetëm tenderat por edhe rrugët dhe emnat e të vdekunve që duhet me ua kushtue!</p>
<p>Klientelizmit, tarafeve, partizanllekut i asht shtue ndonjiherë edhe mungesa e elegancës. Profesor Sami Repishti patjetër që e meriton nji rrugë në vendlindje e madje meriton edhe shumë ma tepër për aktivitetin e tij prej disa dekadash në favor të vendit tonë, por profesori i nderuem asht gjallë e shëndosh dhe zakoni i marrë me i dhanë nji rruge emnin e nji personi që ende s’e ka mbyllë shtegtimin toksor nuk ndeshet vetëm në Kamzë, e cila siç dihet rrezaton dije dhe qytetni, por edhe në Shkodër. Nji gja e tillë shërben vetëm me e vu në pozitë jo komode të interesuemin, sidomos kur asht i stolisun me cilsina të nalta si profesori në fjalë.</p>
<p>Learn more<br />
Po të flasim për mungesat s’do të mbaronim kurrë, por po përmendi sa për shembull vetëm disa emna që do ta kishin meritue me ia pasë kushtue nji rrugë në Shkodër. Po e nisi me disa pararendës që e meritojnë për kontributin e madh dhe lidhjet që kanë pasë me kryeqendrën veriore, siç asht rasti i Anton Loredanit, kapiten dhe mbrojtës i Shkodrës, Maestro Giovanni Canale, themelues i bandës së qytetit në vitin 1878, mjekët humanista Gennaro Simini dhe Basri Qallimi, apo rasti i Dr. Xhevat Korçës, drejtori i parë i Gjimnazit Shtetnor.</p>
<p>Vijnë mandej me rradhë shkrimtarë, intelektualë, njerëz të kulturës dhe veprimtarë si Ndoc Nikaj, Lazër Shantoja, Migjeni, Zef Mala, Llukë Karafili, Arshi Pipa, Veli Stafa, Zef Zorba, Frederik Rreshpja, Safete Sofia Juka, Ferdinand Paci, Rini Monajka.</p>
<p>Ndër të gjithë këto emna asht paradigmatik rasti i dom Ndoc Nikajt, të cilit, edhe pse klerik i dënuem, në kohë të komunizmit emnin e tij e mbante nji rrugë, ndërsa menjiherë mbas ramjes së regjimit emni iu zëvendësue me nji tjetër. Bashkia e Shkodrës dhe këshilltarët e saj, njerëz me komplekse dhe pa guxim qytetar, s’kanë pasë aq integritet sa me ia dhanë emnin e Át Anton Harapit nji rruge urbane por e kanë degdisë në nji shpat të Taraboshit, te Kazena, për ma tepër mbrenda nji hapsine private. E kanë pasë ma kollaj me i mbushë rrugët e qytetit me emna deng pa markë, pse ashtu kanë kënaqë njeni-tjetrin dhe s’kanë “rrezikue” asgja. Por sado që t’i jepni rrugëve emnat e tekahytave të partisë në pushtet, apo të afërmve e farefisëve tuej, lodheni kot, pse ata që s’kanë pasë vlerë në të gjallë nuk marrin vlerë për së vdekuni!</p>
<p>Në fund krejt do të doja shumë që të dilte dikush e të më përgënjeshtronte tue më tregue se ku janë rrugët që i kushtohen Ndoc Nikajt, Shantojës, Arshi Pipës, Zef Zorbës, Frederik Rreshpjes!!</p>
<p>Raste për t’u trajtue në vete janë edhe gabimet drejtshkrimore. Tue qenë se administrata shtetnore duhet ta pranojë Drejtshkrimin e vitit 1972, kjo gja do të ishte dashtë me u pasqyrue edhe në odonomastikën urbane.</p>
<p>Mjerisht shihen shëmtime gjuhësore, fryte të nji pseudo-gegnishteje prej analfabetësh, si psh. Rruga Baja e Vogël apo Rruga At Gjergj Fishta! Në gjuhën shqipe nuk thuhet “At filani”: o duhet Át (gegnisht) ose ma mirë Atë. Sigurisht nuk mund të ndiqet me sy mbyllë as drejtshkrimi i masipërm kur bahet fjalë për shkrimin e emnave të huej, sidomos kur rezultati asht: Rruga Gjino Berri apo Rruga Zhasin Hekard! Ma e pakta do të duhej që në kllapa të vendosej emni siç e ka shkrue vetë mbajtësi: Hyacinthe Louis Hecquard tue shtue transkriptimin e saktë shqip, profesionin dhe datat e lindjes dhe të vdekjes.</p>
<p>Odonomastika urbane mundet me qenë dije dhe kulturë për të gjithë.</p>
<p>Mund të konstatohet lehtë sesi nji qytet si Shkodra ka pasë ma shumë vende kuptimplote me forcë simbolike në vitin 1940 sesa sot që edhe pse asht qindfishue repertori urban, për me postue nji letër duhet të vendosësh në kllapa: afër Telekomit, tek Dollari, mbas hotel filanit, tek pallatet e filan fistekut, te Western Unioni e të dhana tjera qesharake.</p>
<p>Hapsina urbane që kena krijue nuk qëndron në kambët e veta. Sidomos ajo e ndërtuemja në dekadat e fundit asht e pakuptimtë, pse s’mjafton betoni me ba qytete, kullat janë protezat e nji qyteti pa gjymtyrë e kjo vlen kryekreje për Tiranën.</p>
<p>Në lidhje me odonomastikën ka vite që kambëngulim, së bashku me disa miq, edhe me anë peticionesh, për me ba diçka që inercia e të quejtunit “djep i kulturës” të marrin nji kuptim ma aktual për Shkodrën. Mjerisht dy kryetarët e fundit të bashkisë kanë qenë totalisht indiferentë. I jam drejtue edhe disa deputetëve shkodranë, fillimisht të djathtë e së fundi edhe nji deputetes së majtë, por e kam të qartë se këto s’janë halle deputetësh.</p>
<p>E sotmja i ka të gjitha veset e kohës kur shkruente Shantoja, por mjerisht nuk ka asnji prej virtyteve që kishte ajo, e atëherë në këtë shkretinë ku jena, me u marrë me emna rrugësh asht njilloj si me u mundue me shkrue kodin penal në ranë!</p>
]]></content:encoded>
					
					<wfw:commentRss>https://javanews.al/imagjinoni-ata-qe-jane-burrnue-ne-rrugen-enver-hoxha-me-vdeke-ne-rrugen-nard-ndoka/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Shpallja “anmik i popullit” i nji gomari që del në televizion dhe zbavit disa të ngjashëm të tij!</title>
		<link>https://javanews.al/shpallja-anmik-i-popullit-i-nji-gomari-qe-del-ne-televizion-dhe-zbavit-disa-te-ngjashem-te-tij/?utm_source=rss&#038;utm_medium=rss&#038;utm_campaign=shpallja-anmik-i-popullit-i-nji-gomari-qe-del-ne-televizion-dhe-zbavit-disa-te-ngjashem-te-tij</link>
					<comments>https://javanews.al/shpallja-anmik-i-popullit-i-nji-gomari-qe-del-ne-televizion-dhe-zbavit-disa-te-ngjashem-te-tij/#respond</comments>
		
		<dc:creator><![CDATA[Ardian Ndreca]]></dc:creator>
		<pubDate>Thu, 22 Feb 2024 09:49:21 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=1478394</guid>

					<description><![CDATA[Nga Ardian Ndreca A mund të gjobitet apo të dënohet dikush që mendon dhe e shpreh publikisht se toka asht e sheshtë apo që kundërshton vlerën e ligjeve të Newton-it?! E pra janë ligje që kanë nji statut epistemologjik solid. Aq ma tepër dikush që pohon marrina në lidhje me historinë e gjuhës dhe kulturës [&#8230;]]]></description>
										<content:encoded><![CDATA[<p><strong>Nga Ardian Ndreca</strong></p>
<p>A mund të gjobitet apo të dënohet dikush që mendon dhe e shpreh publikisht se toka asht e sheshtë apo që kundërshton vlerën e ligjeve të Newton-it?! E pra janë ligje që kanë nji statut epistemologjik solid. Aq ma tepër dikush që pohon marrina në lidhje me historinë e gjuhës dhe kulturës sonë, të vërtetat e të cilave kanë nji statut tjetër në krahasim me ligjet e natyrës!</p>
<p>Hapsina publike kudo asht e mbushun me sharlatanë por asht absurditet me mendue se çeshtja e sharlatanëve mund të rregullohet me peticione, me norma apo ligje, tue qenë se këto të fundit nuk janë në gjendje me ba mrekullina. Edhe po u miratue nji normë, nji dekret apo rregullore (përfytyroj ndërkaq fytyra të çmerituna në Strasburg), sharlatanët të nesërmen do të zgjoheshin nga gjumi po me të njejtin zell dhe do të zhvendoseshin në nji hapsinë tjetër publike.</p>
<p>Mandej nuk e di sesa do t’i vlente shkencës së vërtetë shpallja “anmik i popullit” i nji gomari me zile që del në televizion dhe zbavitë disa të ngjashëm të tij!</p>
<p>Ndokush kujton se përjashtimi nga hapsina publike i sharlatanëve i zgjidh problemet, kjo ngjet nga që tek ne gjuha e forcës asht ende mikluese, por do të ishte ma mirë me pyet veten pse ka kaq shumë (aq sa janë) që i ndiejnë dhe i vehen mbrapa sharlatanëve!</p>
<p>Për dekada asht ba sehir ndërsa arsimi i ulët dhe i mesëm publik shkatrrohej me themel, kurse ai i nalti, në vend që të ecte me ritmet e duhuna shpërfytyrohej në kioska ambulante që shtypin diploma, e në ato kioska ke mujtë me gjetë jo pak sqimatarë të shkencës tue nënshkrue në bordero.</p>
<p>Kemi krijue nji sistem të kalbun arsimor që nuk i reziston dot sfidave të kohës, kemi krijue nji shoqni me nji kulturë aq të ulët sa që trembet edhe prej tre-katër tekahytash të ndërkryem. Ata që gjejnë strehë në asi teorinash kallpe e bajnë ma së shumti për shkak të sensit të inferioritetit që rrjedh prej mjerimit të së përditshmes, prej frustrimit që ka prodhue dhe prodhon klasa politike e këtyne dekadave, pa u kujtue se teorina të atilla e bajnë qesharak kombin dhe gjuhën tonë.</p>
<p>Testi i fundit ndërkombëtar i “Pisa” tregoi se vendi ynë ka ramje të theksueme në arsim. Kjo ndodh pse kultura dhe arsimi nuk kanë qenë dhe nuk janë prioritet tek ne, prandaj s’duhet të çuditena nëse zbraztia dhe shkretia që ka krijue politika mbushet me sharlatanë, me injoranta dhe deliranta. I kemi në krye e mandej na duket çudi që janë edhe në bisht!</p>
<p>Megjithatë, edhe nëse kemi humbë betejën për dijen dhe kulturën, të paktën nuk duhet të bajmë gabimin fatal me humbë edhe tolerancën ndaj atyne që kanë rrëshqitë ose janë të ekspozuem ndaj gomarlleqeve që shprazen përnatë në televizionet shqiptare.</p>
<p>Askujt nuk do të duhej t’i hiqej fjala e lirë, sado e pasaktë dhe joshkencore të jetë ajo. Ndoshta do të mjaftonte që Shteti shqiptar mos t’i jepte ma miliona reklama atyne televizioneve që nxjerrin në plan të parë teveqela e bihude nga mëngjesi deri në darkë, e ky fenomen do të ridimensionohej. Pellazgërinat dhe revanshizmat infantiliste janë vetëm leskrat e dukshme të inferioritetit dhe mjerimit të nji sistemi të tanë që asht ma afër përmbarimit sesa rilindjes së vet.</p>
]]></content:encoded>
					
					<wfw:commentRss>https://javanews.al/shpallja-anmik-i-popullit-i-nji-gomari-qe-del-ne-televizion-dhe-zbavit-disa-te-ngjashem-te-tij/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>“Fjalimi i Jozefina Topallit dhe femnat e atij krahu politik”</title>
		<link>https://javanews.al/fjalimi-i-jozefina-topallit-dhe-femnat-e-atij-krahu-politik/?utm_source=rss&#038;utm_medium=rss&#038;utm_campaign=fjalimi-i-jozefina-topallit-dhe-femnat-e-atij-krahu-politik</link>
					<comments>https://javanews.al/fjalimi-i-jozefina-topallit-dhe-femnat-e-atij-krahu-politik/#respond</comments>
		
		<dc:creator><![CDATA[Ardian Ndreca]]></dc:creator>
		<pubDate>Thu, 29 Oct 2020 15:50:43 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://javanews.al/?p=948058</guid>

					<description><![CDATA[Nga Ardian Ndreca Më pëlqeu fjalimi i Jozefina Topallit, e cila me gjithë zhgënjimet që mund t’i ketë shkaktue ndokujt (jo veç për arsyena parimore por edhe pse s’i ka rregullue mbesën apo nipin në parlament) mbetet politikania ma me spesor dhe me karakter të spikatun në historinë tonë bashkëkohore. Kjo s’domethanë se s’ka ba [&#8230;]]]></description>
										<content:encoded><![CDATA[<p><strong>Nga Ardian Ndreca</strong></p>
<p style="text-align: justify;">Më pëlqeu fjalimi i Jozefina Topallit, e cila me gjithë zhgënjimet që mund t’i ketë shkaktue ndokujt (jo veç për arsyena parimore por edhe pse s’i ka rregullue mbesën apo nipin në parlament) mbetet politikania ma me spesor dhe me karakter të spikatun në historinë tonë bashkëkohore. Kjo s’domethanë se s’ka ba gabime.</p>
<p style="text-align: justify;">Në nji klimë politike me ‘bura’ dhe femna të përçuduna, angazhimi i saj asht pozitiv, ndoshta nji të nesërme e merr në dorë dhe e bashkon të djathtën tue përzanë zuzarët e sotëm!</p>
<p style="text-align: justify;">Nuk e duen për shumë arsye, e të gjitha bashkë bahen nji arsye e madhe për nji person me vullnet të fortë si ajo për me ecë përpara tue kujtue fjalët e Dante Alighierit: “non ragionam di lor, ma guarda e passa!”</p>
<p style="text-align: justify;">Femnat e atij krahu politik, t’paktën për empati duhet ta ndienin pozitivisht angazhimin e elementit të gjinisë së tyne në politikë, por siç duket kajherë e dallojnë filigranen e konstantes së elementit femnor (das ewig weibliche goethiane) dikund tjetër.</p>
]]></content:encoded>
					
					<wfw:commentRss>https://javanews.al/fjalimi-i-jozefina-topallit-dhe-femnat-e-atij-krahu-politik/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>“Kujtesa” për përdhunuesin serial të demokracisë</title>
		<link>https://javanews.al/kujtesa-per-perdhunuesin-serial-te-demokracise/?utm_source=rss&#038;utm_medium=rss&#038;utm_campaign=kujtesa-per-perdhunuesin-serial-te-demokracise</link>
					<comments>https://javanews.al/kujtesa-per-perdhunuesin-serial-te-demokracise/#respond</comments>
		
		<dc:creator><![CDATA[Ardian Ndreca]]></dc:creator>
		<pubDate>Sat, 10 Aug 2019 16:32:03 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://www.javanews.al/?p=760127</guid>

					<description><![CDATA[Nga Ardian Ndreca Monumenti i shehitëve të Erdoganit në Tiranë ka vetëm nji domethanie dhe s’ka të bajnë me “krijimin e kujtesës” për të cilin flet Herodoti, por me zonën e përmjerrun që felini i Azisë së Vogël ka shenjue në Ballkan. Ai memorial ka kuptimin politik të të qenit zorrë qorre, nji miletbahçe private [&#8230;]]]></description>
										<content:encoded><![CDATA[<p><strong>Nga Ardian Ndreca</strong></p>
<p>Monumenti i shehitëve të Erdoganit në Tiranë ka vetëm nji domethanie dhe s’ka të bajnë me “krijimin e kujtesës” për të cilin flet Herodoti, por me zonën e përmjerrun që felini i Azisë së Vogël ka shenjue në Ballkan. Ai memorial ka kuptimin politik të të qenit zorrë qorre, nji miletbahçe private e nji diktatorit që tashma vetëm Putini i hapë krahët.</p>
<p>Memoriali asht nji monument dhe skaji rrjedh prej latinishtes “monere”, me kujtue! Çka t’i përkujtojnë shqiptarët 15 korrikut turk! Asgja. Ndoshta i vetmi turk që meriton me u kujtue asht Ati i Turqisë moderne, por ai siç dihet i ban hije Erdoganit për shkak të shpirtit laik të politikës së tij.</p>
<p>Pse duhet që ne të marrim pozicion ndërmjet luftës së mbrendshme mes ish shitësit të limonatave të Bosforit dhe predikuesit Gülen! Se mos i zgjidhëm problemet tona ne që të bahemi arbitra në punët e të tjerëve!</p>
<p>Në Tiranën bihude kremtohet në mënyrë transversale pikërisht ajo demokracia e rilindun e Erdoganit për të cilën Europa ia ka mbyllë definitivisht derën. Emnat e atyne të ramëve për ne s’mund të kenë asnji kuptim politik dhe peshë historike. Prania e tyne në Tiranë asht thjeshtë falë lidhjeve personale mes dy kapove dhe jo fryt i miqsisë së ndërsjellë mes dy popujve. Fryt i arbitraritetit maksimal dhe i arrogancës së padurueshme të nji deliranti. Po në qoftë se nesër Rama do të miqsohej me diktatorin e Burundit Nkurunziza, çka do të shpikë, do të vendosin në Tiranë nji memorial për milicët hutu që e mbrojtën prej nji grushti shteti?!</p>
<p>Asht jashtë çdo diskutimi se tek ne nji memorial i tillë asht i pavend siç do të ishte ai i hutuve apo i kujtdo tjetër. Po të kishte këtë ndjeshmëni Rama do të duhej të kishte përkujtue katër të vramët e 21 janarit, të cilët u sakrifikuen për karrigen e tij dhe nuk gjetën drejtësi në zululandin ku mbretnon deliri i nji njeriu që kujton se din gjithçka dhe mundet me ba gjithçka.</p>
<p>Shqipnia nuk asht pronë e jueja që ta poshtnoni dhe ta dhunoni sistematikisht, ju jeni të përkohshëm, madje shpresojmë shumë të përkohshëm dhe ne na vjen turp që politika shqiptare përfaqsohet prej Ramës, Bashës, Kryemadhit, Berishës dhe Metës me rropulli.</p>
<p>Ndër gjithë këta Rama ka nji veçori, i pëlqen shoqnia e të fortëve, e kujton të fortë Erdoganin. Por ish limonataxhia i Bosforit nuk asht aq i fortë, edhe pse ka krijue nji parajse për miqtë e tij që kanë probleme me pasuni të pajustifikueshme para ligjit.</p>
<p>Ramës i përshtaten disa rreshta me të cilët Teofrasti (nuk hyn ndër autorët e lexuem as prej tij e as prej Erdoganit) portretizon karakterin e “philoponeros”: atij që vdes për me qenë mik i zuzarëve, i të ashtuquejtunve të fortë në politikë e në jetë, i atyne që shkelin ligjin, i hajdutëve dhe mashtruesve, pse kështu i duket vetja i fortë tue mbajtë krahun e tyne. Të ngjashmit gjejnë njeni tjetrin – thotë Teofrasti.</p>
<p>Llaci i lagjes admiron përdhunuesin serial të demokracisë, ky asht titulli i memorialit turk. Zakonisht të sëmurëve u shtohet deliri kur u vjen fundi dhe ne atë fund do ta presim pa keqardhje dhe me shumë neveri. (tema) /l.m</p>
]]></content:encoded>
					
					<wfw:commentRss>https://javanews.al/kujtesa-per-perdhunuesin-serial-te-demokracise/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Dy fjalë për librin e Isuf Kalos</title>
		<link>https://javanews.al/dy-fjale-per-librin-e-isuf-kalos/?utm_source=rss&#038;utm_medium=rss&#038;utm_campaign=dy-fjale-per-librin-e-isuf-kalos</link>
					<comments>https://javanews.al/dy-fjale-per-librin-e-isuf-kalos/#respond</comments>
		
		<dc:creator><![CDATA[Ardian Ndreca]]></dc:creator>
		<pubDate>Wed, 17 Jul 2019 07:37:28 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">https://www.javanews.al/?p=749321</guid>

					<description><![CDATA[Nga Ardian Ndreca Neveria e thellë asht përshtypja e vetme që të ngjall leximi i pasazheve të librit të Isuf Kalos, xherrah besnik i shëndetit të nji klani gjakatarësh që kishte si qëllim të vetëm ruejtjen e pushtetit me çdo mjet, tue derdhë gjak, tue burgosë e persekutue këdo që imagjinata e sëmurë konsideronte si [&#8230;]]]></description>
										<content:encoded><![CDATA[<p><strong>Nga Ardian Ndreca</strong></p>
<p>Neveria e thellë asht përshtypja e vetme që të ngjall leximi i pasazheve të librit të Isuf Kalos, xherrah besnik i shëndetit të nji klani gjakatarësh që kishte si qëllim të vetëm ruejtjen e pushtetit me çdo mjet, tue derdhë gjak, tue burgosë e persekutue këdo që imagjinata e sëmurë konsideronte si anmiq potencial.</p>
<p>Asht nji libër i botuem prej sharlatanit Henri Çili, i cili vetëpërkëdhelet me termin liberal, por asht thjesht nji pehlivan parvenue që s’ia ka pi as hirrën liberalizmit.</p>
<p>Libër i promovuem me nji grumbullim ish- bllokmenësh e lakejsh, mes tyne edhe Sali Berisha, varkari i përjetshëm i familjes Hoxha. Libër i himnizuem prej nji figure si Ilir Meta, prezantimin e denjë të t’cilit mund ta bajnë vetëm SPAK-u.</p>
<p>Libër i shkruem prej nji personi që të paktën betimi i Hipokratit do ta kishte detyrue mos me u zgjatë në disa detaje që nxjerrin në pah nji mendje me pulsione voyeristike, mbasi paska pasë vesin me iu afrue shtratit të pacientave me bllok në dorë për me marrë shënime pikante. Por megallomania senile ban atë që as guximi djaloshar s’mbërrin me e ba: ta nxjerr bojën.</p>
<p>Autori i librit del në pah si nji skuth moralist i kompleksuem ndaj atyne që nuk respektonin normat e moralit komunist, dylme ndaj të fortëve, i frustruem prej kinse suksesit të atyne që prej jashtë kishin mbërrijtë me ecë para në Bllok, adhurues i Enverit edhe në fazën e tij demenciale, i përjargun mbas Nexhmijes – “dimensionet” intelektuale e njerzore të së cilës i paska njohtë si kurrkush tjetër. Edhe kujtimet e nji idioti si Haxhi Kroi nuk të ngjallin ma shumë neveri se këto faqe që liberali Çili, sahanlëpisi i çdo pushteti, ka botue me pompozitetin me të cilin servir sahanat e çorbës së tij intelektualoide.</p>
<p>Fakti që vitet e fundit ka nji valë revizionimi të gjykimit historik ndaj krenëve të komunizmit shqiptar asht edhe rrjedhojë e mosfunksionimit të gjithë atyne organeve që në këto dekada do të ishte dashtë që të kishin mbledhë dokumentacionin përkatës për krijimin e kujtesës historike për krimet e komunizmit. Shumica e tyne kanë qenë në shërbim të Sali Berishës, i cili siç dihet pozonte në varkë me bijtë e Enver Hoxhës së bashku me kolegun e tij, qatipin e regjimit Kalo.</p>
<p>Në rrëfimin e këtij të fundit Enveri del autoritar e hijerandë, jo “burrë grashë” – shkruen ai, tue citue në mënyrë kriptike nji thanje të Kujtim Alimerkos, hero i burgjeve të Enverit, që Atë Zef Pllumi e sjell tek libri i tij me kujtime. Ka diçka makabre në këtë citim: shprehja e Alimerkos e vendosun në thojza edhe prej vetë Kalos, rezervohej në origjinal për ata që kanë ruejt dinjitetin njerzor në burgjet e regjimit enverist, ndërsa këtu përdoret nga Kaloja për me karakterizue vetë Enverin!</p>
<p>Kaloja shkruen për Enverin: “Ai imponohej me një shikim. Me një mbledhje të vetullave dhe rrudhave në ballë. Ndonjëherë me buzëqeshje, pa fjalë. Me heshtje. Burrëria tradicionale e meshkujve shqiptarë me nuanca mazohizmi ishin të shfaqura krenarisht dukshëm në mënyrën e tij të sjelljes” e vijon: “Ai rrezatonte autoritet, prandaj as guxova të ndaja me iniciativën time me të ndonjë mendim, shqetësim apo ta ndikoja në ndonjë drejtim, jashtë kuadrit të detyrës sime profesionale”. Librit të Kalos i mungon vetëm fraza mbyllëse: Rroftë KQ i PPSH me në krye…</p>
<p>Pyesim veten nëse i ka pa ndonjiherë ky Kaloja regjistrimet në video të mbledhjeve të Byrosë ku Enveri hidhej si zorra në prush tue anatemue shokët e tij me fjalor rrugaçash, a ia kanë dhanë miqtë e tij me lexue ndonji dokument arkivor ku me firmën e Enverit pushkatoheshin dhe dënoheshin njerëz të pafajshëm?</p>
<p>Nexhmija e Kalos del si nji grue e devotshme me “kompleksin e adhurimit dhe nënshtrimit të përhershëm të saj ndaj burrërisë, vendosmërisë dhe guximit të Enverit, si vendimmarrës i pakundërshtueshëm, që imponohej me bindjen se kishte gjithmonë të drejtë”.</p>
<p>Deliri i Kalos shkon deri aty sa me vizatue paralelizma mes Enverin e Leninit dhe Nexhmijes e Krupskajës, por nuk thotë sesa ndikonte gjendja psikofizike e Enverit, ashtu si ajo e sifilitikut të Uljanovskit, në vendimarrjen dhe në fobitë e tija me efekte traumatike për mbarë popullin!?</p>
<p>Nuk thotë që spesori intelektual i Nexhmijes ishte i papërfillshëm, se prej gjithë jetës së saj si “studiuese” dhe udhëheqëse nuk mbetë as edhe nji paragraf i denjë për t’u kujtue!</p>
<p>Por shqiptarët i kujtojnë ama shumë mirë zemërligësinë, atë substancialen që shorti ndau pothuejse barabar mes saj dhe të shoqit: nji egërsi e pashoqe prej kafshësh të egra që nuk stepeshin dhe zhduknin me kuç e maç edhe familjet e shokëve të luftës dhe të idealit. Kaloja flet për mungesën e “nexhmijizimit” si rrymë politike, a thue se e keqja tek ajo mund të kishte krijue individualitet të atillë sa me prodhue forma të reja!</p>
<p>Nji mendje mediokre si ajo e Nexhmijes dhe e Enverit mund të pillnin veç plane vrasjesh e pabesish, qesharakësia e tyne si pseudo-mendimtarë marksista asht e njohun botnisht. Në kushte normale Enveri do ta kishte pasë vendin si shitës cigaresh kontrabandë në ndonji qoshe të Tiranës ndërsa Nexhmija nji anonime deng pa markë.</p>
<p>Por Nexhmijes nuk mund t’i mohohet nji meritë tjetër, si intrigante meskine ajo nuk hezitoi me miratue si në shtrat si në forumet e partisë krimet ma të shëmtueme e me projektue të tjera së bashku me Ramizin për me ruejt familjen e saj.</p>
<p>Kur doktori i Enver Hoxhës sajon komplote deri edhe me dadon e Mehmet Shehut, tue hjedhë dyshime sesi nji plakë e huej mund të rriste fëmijët e kryeministrit, e kuptojmë se çfarë regjimi ka pasë Shqipnia, çfarë llomi njerzor ka drejtue atë vend dhe ka mbajtë në kambë makinerinë e diktaturës dhe të dhunës. Kur doktori arsyeton si nji operativ sigurimi çka mund të pritej prej nji hetuesi apo polici!?</p>
<p>Doktori Kalo shprehet se “në elektrokardiogramet e zemrave të tyre ne mjekët nuk pamë tek ata imazhe apo gjene të djallit”.</p>
<p>Asht e qartë tentativa me i paraqitë edhe njerzit ma gjakatarë të regjimit si individë të zakonshëm, me të mira e të këqija si gjithë të tjerët.</p>
<p>E kuptojmë delirin e pleqnisë, sindromën e mirënjohjes së përjetshme ndaj atyne që “e kanë ba njeri” tue i dhanë shkollë, tue e nxjerrë jashtë shtetit, tue e shetitë me barkë, tue e veshë me privilegje, pushtet, tue e mbrojtë dhe vlerësue si besnik.</p>
<p>Por vetvetijshëm të vjen me mendue se edhe nji njeriu pleh, por pleh krejt ama, siç duhet të jetë ky Kaloja, duhet t’i vijë turp me derdhë lavde pa doganë mbi ata që në vitin 1990 ia dorzuen Shqipninë dhe shqiptarët botës ma keq se fiset e egra afrikane, të unshëm, të izoluem, të mjerë, të dëshpëruem, me burgjet plot, me mija e mija të pushkatuem, me qindra mija vite burgu vetëm për me ruejt pushtetin dhe privilegjet e Enverit dhe të bedelave si Kaloja.</p>
<p>Zgjedhja e Sali Berishës nga ana e Ramizit e Nexhmijes në 1990 paska qenë e sigurtë dhe me symbyllë, pse këdo të kishin zgjedhë prej varkarëve të tyne rezultati do të kishte qenë i njejtë. Këtë gja e tregon ky libër dhe promovimi i tij sot.</p>
<p>Kobet e komunizmit shqiptar nuk ka asnji aparat diagnostikimi pozitiv që i tregon, prandaj edhe varkari i familjes Hoxha s’ka mujtë me i pa. Për me i pa duhet humanizëm dhe qytetari dhe mbi të gjitha empati me ata që kanë vuejt dhe që janë shumica e shqiptarëve, ata që nuk hynin në Bllok me pistoletë në brez apo me stetoskop në qafë si Kaloja apo Berisha.</p>
<p>“Genet e djallit” në trupat që mjekonte Kaloja s’mund të shihen si imazhe apo diagrama të ftohta në letër karbonit, por si vuejtje, shkatrrime jetësh dhe si izolim i pashpirt i nji populli të tanë prej botës së qytetnueme dhe idealeve të saja të lirisë. Nexhmija me shokë duhet t’i jenë mirënjohës Kalos jo pse vitet e fundit ka surfullue Enverin tue ia zgjatë fazën e gjytrymllekut, por për ketë libër që mëton me paraqitë anën njerzore të Bllokut.</p>
<p>Kalos i ka mungue empatia me shqiptarët që nuk kishin akses në Bllok, me ata që vuenin në kampe internimit dhe burgje. Tek ky libër ai ngjason me nji zagar shërbestar të cilit i ka interesue vetëm sahani i tij dhe asgja tjetër. Si të tillë duhet t’ia lexojmë edhe epikrizën e tij të diktaturës.</p>
<p>Ai e ka shkrue edhe për vete atë epikrizë, privilegj i rrallë i atyne që në tentativën me u monumentalizue edhe nepërmjet nji nuliteti si Henri Çili vorrosin vetveten nën malin ma të madh të plehut që ka prodhue historia shqiptare e shekullit XX./ TemA</p>
]]></content:encoded>
					
					<wfw:commentRss>https://javanews.al/dy-fjale-per-librin-e-isuf-kalos/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Forca e taksapaguesve amerikanë në Shqipni</title>
		<link>https://javanews.al/forca-e-taksapaguesve-amerikane-ne-shqipni/?utm_source=rss&#038;utm_medium=rss&#038;utm_campaign=forca-e-taksapaguesve-amerikane-ne-shqipni</link>
					<comments>https://javanews.al/forca-e-taksapaguesve-amerikane-ne-shqipni/#respond</comments>
		
		<dc:creator><![CDATA[Ardian Ndreca]]></dc:creator>
		<pubDate>Thu, 06 Jun 2019 08:58:19 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">http://www.javanews.al/?p=731055</guid>

					<description><![CDATA[Nga Ardian Ndreca S’kam asnji vështirsi me besue dy gjana: e para që përgjimi i bisedës së Avdylajt asht i vërtetë dhe asht shprehi e nji sistemi që ka si të barabartë LSI-PD-PS dhe gjithë të tjerët pa përjashtim. Diferencimi i vetëm mes tyne nga fushata në fushatë ka qenë thjesht sasior dhe jo cilësor. [&#8230;]]]></description>
										<content:encoded><![CDATA[<p><strong>Nga Ardian Ndreca</strong></p>
<p>S’kam asnji vështirsi me besue dy gjana: e para që përgjimi i bisedës së Avdylajt asht i vërtetë dhe asht shprehi e nji sistemi që ka si të barabartë LSI-PD-PS dhe gjithë të tjerët pa përjashtim. Diferencimi i vetëm mes tyne nga fushata në fushatë ka qenë thjesht sasior dhe jo cilësor.</p>
<p>Blemja e votës asht simptomë e sëmundjes sistemike që asht marrja e pushtetit me dhunë, gja që në shfaqjet ma ekstreme ka njohtë shpërthime armësh dhe vrasje si ajo e Fatmir Xhindit, e këtu Prokurorisë për çudi nuk i rrjedh asnji deponim!</p>
<p>Kjo gja ndoshta për mefshtësinë kapilare që ka lideri socialist kur bahet fjalë me “kërkue” gjakun e atyne që vriten për shkakun e tij, përfshi ata të shkretët e 21 janarit sakrifica e të cilëve i shërbeu pushtetit por jo demokracisë.</p>
<p>E dyta: s’kam dyshue asnjiherë që aksi PD-LSI s’e çan kryet jo për hapjen e negociatave, lëvizjen e lirë të shqiptarë e gjana kësilloji, por për asnji gja të mirë që ka të bajnë me Shqipninë. Atyne u intereson nji sulltanat i vogël ku mund të vjedhin e të grabisin siç kanë ba në këto dekada. Kjo përsa i përket tempizmit shantazhues të kinse opozitës.</p>
<p>S’përban ndonji mister fakti që ka nji seri tabloidesh e revistash europiane interesi i të cilave ndaj së vërtetës herë mbas here ndërthuret në mënyrë aktive me interesat private të personave të caktuem që punojnë në to.</p>
<p>Sigurisht që s’e kemi fjalën për interesin ndaj dijeve të diskutueshme që mund t’u përçojë në lamijen e shkencave mjeksore ndonji ish deputet i shumëpërdorun i opozitës por për gjana shumë ma joshëse. Ka nji pjesëz të shtypit të huej për të cilin etika profesionale ban rimë të puthun me njimijë fjalë, përfshi prostitucionin e rastësishëm.</p>
<p>Nuk harrohet ndër vite përdorimi si dritare i disa organeve të shtypit perëndimor prej diktatorëve afrikanë të Gambias, Burkina Fasos apo të Burundit. Por këto gjana janë të vjetra sa bota dhe s’na interesojnë aq shumë, sidomos kur kanë mbi vete peshën e ripërsëritjes tek po të njejtat organe shtypit.</p>
<p>Menjiherë mbasi opozita projektoi me ngulmim, por fatmirsisht pa ia arritë qëllimit, viktimat e veta në protestën e fundit, “escalation” kaloi në publikime përgjimesh, entiteti i të cilave me thanë të drejtën ishte, për ne, jo për gjermanët, qesharak.</p>
<p>Në të vërtetë ato përgjime nuk u publikuen për shqiptarët, pse do të kishte mjaftue me ia pasë kalue cilitdo prej porthaleve vendalie, por tek ne s’kanë efekt, pse askush nuk impresionohet dhe s’asht i gatshëm me rrezikue veten për disa hajdutë që ankohen për kolegët e kapun me presh në dorë.</p>
<p>Çka na bajnë me mendue përgjimet? Brenda Prokurorisë flejnë shumë kangë të pakëndueme! Mosprocedimi, siç janë gjasat, nga ana e drejtësisë ndaj subjekteve të përfoluna asht minimumi shenjë e mosfunksionimit të saj, me dyshimin e arsyeshëm se në ato zyra ka ende nji korrupsion kapilar.</p>
<p>I mbani mend premtimet e atij Solonit të Berishës dhe Metës, Adriatik Llallës, për revolucionet në drejtësi që premtonte çdo shtator? Sa herë e ka akuzue Tik-mjeranin opozita e sotme për bashkëjetesë paqsore me botën e krimit? Asnji herë të vetme.</p>
<p>I kujtoni stërvinat e sistemit të drejtësisë sonë, disa prej të cilave mbasi qelbën vendin morën me vete frytet e grabitjeve dhe ikën me bisht ndër shalë? Lista nuk asht e plotë, por shumë prej tyne i gjeni tek faqja e vettingut. Reforma në drejtësi mbetet diçka e pakuptimtë vetëm për idiotët funksionalë që janë me shumicë.</p>
<p>Pyetni pak të korruptuemit dhe do t’ju tregojnë se nuk asht aspak e lehtë me mshehë apartamente, vila, makina, udhëtime, konto bankare!! Pikërisht ikja nga skena e këtyne të fundit ia prishë gjumit Berishës me shokë.</p>
<p>Fakti që edhe sot në organet e drejtësisë ka njerëz që jo vetëm nuk procedojnë krimin por përdorin të dhanat dhe provat e mbledhuna për me shantazhue politikën asht shenjë se në atë gropë të zezë ende s’asht pastrue gja.</p>
<p>U pa qartësisht se në momentin që objektivi i kërkimit të viktimave në “protestat mbarëpopullore” edhe kësaj here dështoi, falë kryesisht menaxhimit gjakftohtë dhe profesional të ministrit Sandër Lleshaj, objektivi ma realist mbetej sabotimi i negociatave. Në të dyja rastet humbin shqiptarët dhe maksimumi që mund të arrijnë opozita e fishekzjarreve asht zgjatja e agonisë së shëmtueme që po përjeton.</p>
<p>Në të vërtetë opozita do të duhej të tregohej e kënaqun me përgjimet e publikueme për faktin se tue i dalë në shesh të palamet palës kundërshtare, afrimi i SPAK-ut do të thotë spastrim edhe në rradhët e tyne.</p>
<p>Kjo gja nuk ndodhë mbasi opozita ka alergji prej reformës, të cilën do ta kishte pranue vetëm po ta kishte ba Tiku apo ndonji batakçi tjetër. E vetmja gja që ajo don asht rindamja e pushtetit në tavolinë, bllokimi i reformës dhe përgatitja e nji koalicioni të gjanë ku tepsia të jetë në dispozicion të të gjithëve.</p>
<p>Shmangia e ndërshkimit për krimet e kalueme dhe tepsia janë gjithçka për heronjtë tanë! Në fakt shtatë protesta janë shpenzim i madh dhe herët a vonë të detyrojnë me shitë edhe pronat e vjedhuna, tue qenë se janë gjithnji e ma të paktë ata që zgjidhin qesen për disa politikanë që duket qartë se s’kanë të ardhme.</p>
<p>Me hjedhë fishekzjarre para parlamentit kur s’ke se çka me festue asht nji budallallek të cilin janë të paktë ata që mund të vijojnë me e financue ma gjatë!</p>
<p>Un jam i bindun se shqiptarët, jo Edi Rama, meritojnë hapjen e negociatave. Edi Rama si politikan nuk meriton asgja, jo vetëm për njerzit e politikës dhe të biznesit që ka promovue dhe ka mbajtë nën sqetull, shumë sish veteranë të fushatave shtetshkallmuese të Berishës, por ai s’meriton asgja pse falë politikës së tij sot Berisha sillet i lirë dhe ndez pirgje urrejtjet në bulevard, ndërsa në krahun tjetër asht sfinksi që asht zgjedhë po me votat e Ramës.</p>
<p>Demagogjia, korrupsioni që ka gjenerue në mënyrë aktive në këto dy legjislatura, xhambazlleku me të dobtit dhe përulësia me të “fortit”, bajnë që Rama të klasifikohet si figura tipike e tranzicionit shqiptar. Të paktën Berisha ka meritën e ruejtjes së vijimsisë së linjës me frymën dhe partinë që i dha teserën e parë.</p>
<p>Tashma po afron protesta e rradhës. Entuziazmi ka ra dukshëm. Kalorsi i fytyrës së vrerosun asht kthye në atdhe. Ai që i veremosi ata dy-treqind vetë që zhvendosen me komandë prej katundeve dhe provincave të Shqipnisë çdo dy javë për me u engledisë me zanin e tij prej fluturaku të stresuem kur përçudnon himnin kombtar.</p>
<p>Pengesa kryesore e suksesit të tij si tenor asht nji ministër që zbaton ligjin por s’përdorë dhunën. Por pengesa janë dhe krenat e fortë të demokratëve që nuk çahen as me shufra hekurit. Nga njena anë ministrin Lleshaj si ushtarak karriere duket se asht e vështirë që ta bajnë me e humbë durimin çeta e sallahanave dhe batakçive që ndërsehen rregullisht me frymën kadaverike të kryeopozitarit të vërtetë.</p>
<p>Mbetë vetëm me gjetë ndonji viktimë ndër protestuesit paqsorë, që me bomba molotov dhe shufra hekurit në dorë shprehin dëshirën me e ba Shqipninë si vendet e Kaukazit.</p>
<p>Me eksperiencën që ka Berisha në këtë fushë patjetër që herët a vonë do ta gjejnë ndonji qyqarë e ndoshta kjo do të shenjojë nji herë e përgjithmonë edhe fundin e agonisë së tij të gjatë.</p>
<p>Por nuk duhet të harrojmë se për ata që duen reformën në drejtësi dhe sprastrimin e Shqipnisë prej të korruptuemve dhe centrifugalëve, që ma fort se nga Bild-i shohin nga Moska, vlejnë ma shumë paret e taksapaguesve amerikanë që janë derdhë në Shqipni sesa ndonji kolateral që ata s’e duen, por që gjithsesi s’munden me e parandalue.(TemA)</p>
]]></content:encoded>
					
					<wfw:commentRss>https://javanews.al/forca-e-taksapaguesve-amerikane-ne-shqipni/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Nga molotovi, tek rasti Borchardt: Shtegu që nuk të çon në Europë</title>
		<link>https://javanews.al/nga-molotovi-tek-rasti-borchardt-shtegu-qe-nuk-te-con-ne-europe/?utm_source=rss&#038;utm_medium=rss&#038;utm_campaign=nga-molotovi-tek-rasti-borchardt-shtegu-qe-nuk-te-con-ne-europe</link>
					<comments>https://javanews.al/nga-molotovi-tek-rasti-borchardt-shtegu-qe-nuk-te-con-ne-europe/#respond</comments>
		
		<dc:creator><![CDATA[Ardian Ndreca]]></dc:creator>
		<pubDate>Tue, 14 May 2019 17:30:31 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">http://www.javanews.al/?p=721081</guid>

					<description><![CDATA[Nga Ardian Ndreca Prej shkurtit të kaluem protestat për bllokimin e reformës së drejtësi, i vetmi mjet që kanë shqiptarët tashma me rimarrë në dorë fatet e veta dhe me u integrue në Europë janë kthye në palestra të krimit politik, atij që në dekadat e fundit ka vjedhë, ka vra dhe ka poshtnue, tue [&#8230;]]]></description>
										<content:encoded><![CDATA[<p style="text-align: justify;"><strong>Nga Ardian Ndreca</strong></p>
<p style="text-align: justify;">Prej shkurtit të kaluem protestat për bllokimin e reformës së drejtësi, i vetmi mjet që kanë shqiptarët tashma me rimarrë në dorë fatet e veta dhe me u integrue në Europë janë kthye në palestra të krimit politik, atij që në dekadat e fundit ka vjedhë, ka vra dhe ka poshtnue, tue ba që Shqipnia të renditet e fundit në rajon.</p>
<p style="text-align: justify;">Asht e kuptueshme që reformën në drejtësi nuk e duen ata që janë kapë me bllok në dorë, ata që kanë grabitë për dekada, që kanë shkaktue Gërdecin dhe kanë vra njerëz në mes të bulevardit.</p>
<p style="text-align: justify;">Tashma Basha, figura ma e pakuptimtë që ka marrë ndonjiherë megafonin e PD-së e ktheu përfundimisht partinë në nji tifozeri provinciale të çjerrun së cilës skuadra e zemres i ka rrëshqitë nga kategoria. Mund të themi pa frikë se ky budalla i damshëm e ka nxjerrë partinë në mes të katër rrugëve, pa asnji të ardhme e pa asnji shpresë.</p>
<p style="text-align: justify;">Partia e Arbnorit, Meksit, Selamit, Hajdarit, Topallit ka ra në dorë të disa zgaçave të përbuzshëm, injoranta dhe pa shtyllë kurrizore që drejtohen nga nji aktor qesharak që po mbyllë siparin e tragjedisë të së djathtës shqiptare.</p>
<p style="text-align: justify;">Marka “molotov”, sado që mund të vlerësohet dhe të ndiqet me vemendje nga ndonji kanal i huej televiziv si Russia Today, nuk asht mjeti me hy në Europë por me iu largue asaj përgjithmonë.</p>
<p style="text-align: justify;">BE-ja dhe SHBA janë shprehë qartë: në Shqipni askush nuk e merr pushtetin me dhunë, kush e merr e fiton vetëm me vota dhe si fituesit si humbësit përballen në parlament. Nga ana tjetër kush cenon rendin kushtetues ndërshkohet simbas ligjit.</p>
<p style="text-align: justify;">Para pak ditësh mbetjet kinse opozitare sulmuen institucionet me bomba molotov. Dihet se me të hollat e kujt asht ble ajo benzinë që kërkon me djegë Shtetin shqiptar. Ata që evokojnë 1997 ka gjasa që atë benzinë ta pijnë me fund gjatë ndonji vizitë në kancelaritë perëndimore.</p>
<p style="text-align: justify;">Ajo benzinë nuk kërkon zgjedhje të reja por mëton vetëm me futë garuzhdën në kazanin e pushtetit, prandaj koalicioni PD-LSI (ka gjithmonë diçka që shkon përtej ideologjisë politike) nuk ka anmik të vetin Edi Ramën por shqiptarët që kanë vendosë mos me i ndjekë ma përtej.</p>
<p style="text-align: justify;">Askush nuk ka mendue se grupet kriminale që kanë kapë transversalisht këto dy parti politike, tue pa afrimin e fundit të vet të mos reagonin e të mos zgjidhnin qesen e milionave të grabituna për me destabilizue vendin tue nisë te shishet molotov e tue përfundue te portalet dhe mediat.</p>
<p style="text-align: justify;">Por gjumi i qetë, ai që bahet pa ndihmën e benzodiazepinave, nuk blehet me shishe benzine, madje këto funksionojnë vetëm si katalizatorë që afrojnë fundin. Ambasadori Bernd Borchardt nuk asht si turist në Shqipni, ai përfaqson pikërisht atë realitet që demagogët e bulevardit s’e heqin gojet. Prandaj duhet të kujtohen ata që i rrinë në krah gjatë protestave grabitësve dhe vrasësve, se po bahen haptas palë me ata që kërcenojnë Bashkimin Europian dhe kjo gja nuk do t’u harrohet lehtë! Ambasadorin Borchardt nuk e kanë kërcënue disa të çmendun apo ndonji qytetar privat, por dy forca politike që nuk e duen integrimin në Europë, pikërisht ata që duen me shkatrrue, siç kanë ba deri tashti, çdo shpresë të shqiptarëve.</p>
<p style="text-align: justify;">Edi Rama do të iki patjetër, por vetëm me votë të lirë. Do të iki jo pa turp për gjithçka që s’ka ba dhe për shumë gjana që ka ba keq, për kompromiset e turpshme, për megalomaninë prej histrioni mediatik, për korrupsionin që shpura e tij ka ushqye në këto vite dhe për oligarkët që ka kooptue prej pararendësit të vet në atë zyrë; por do të ikin vetëm mbasi të jenë zhdukë njiherë e përgjithmonë prej skenës politike dhe publike ata që sot kanë në dorë çakmakun e shisheve molotov. BE-ja dhe SHBA nuk janë të gatshëm me e shkëmbye Ramën me molotovin.</p>
<p style="text-align: justify;">Në momentin që Berisha, Meta, Basha e cirku që i rrethon nuk do të jenë ma, do të kemi mundësi me u marrë lirisht me Ramën, pse cikli i tij mbaron menjiherë mbas tyne.</p>
<p style="text-align: justify;">Dhe ndërkaq Molotovi do të lakohet rishtas vetëm si emën i përveçëm historik dhe jo si mënyrë me marrë pushtetin, pse asht aq i rrezikshëm dhe i pa homologueshëm si mjet sa që shumë shpesh i plasë në dorë vetë atij që e përdorë.</p>
]]></content:encoded>
					
					<wfw:commentRss>https://javanews.al/nga-molotovi-tek-rasti-borchardt-shtegu-qe-nuk-te-con-ne-europe/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Opozita që SHBA-ja kërkonte prej kohësh</title>
		<link>https://javanews.al/opozita-qe-shba-ja-kerkonte-prej-kohesh/?utm_source=rss&#038;utm_medium=rss&#038;utm_campaign=opozita-qe-shba-ja-kerkonte-prej-kohesh</link>
					<comments>https://javanews.al/opozita-qe-shba-ja-kerkonte-prej-kohesh/#comments</comments>
		
		<dc:creator><![CDATA[Ardian Ndreca]]></dc:creator>
		<pubDate>Thu, 25 Apr 2019 07:39:41 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">http://www.javanews.al/?p=712137</guid>

					<description><![CDATA[Nga Ardian Ndreca/ Ka pak shekuj që bota e qytetnueme e ka zhvendosë luftën politike në nji vend që quhet parlament, por ka shumë ma tepër kohë që instinktet e ulëta shkatrrimtare tentojnë me zhvendosë çdo lloj përballjet me natyrë politike nga agoraja në rrugë, në mal, në skuta, tue i mohue individit të drejtën [&#8230;]]]></description>
										<content:encoded><![CDATA[<p><strong>Nga Ardian Ndreca/</strong></p>
<p>Ka pak shekuj që bota e qytetnueme e ka zhvendosë luftën politike në nji vend që quhet parlament, por ka shumë ma tepër kohë që instinktet e ulëta shkatrrimtare tentojnë me zhvendosë çdo lloj përballjet me natyrë politike nga agoraja në rrugë, në mal, në skuta, tue i mohue individit të drejtën e të qenit përballë me tjetrin e të dialogut me nji mjet të brishtë dhe bashkimtar njiherit siç asht arsyeja.</p>
<p>Arsyeja asht fuqija e vetme, privimi prej saj asht impotenca ma e madhe e jetës civile dhe mohimi i lirisë të të qenit njeri. Tradita e kuvendit demokratik tek ne asht po aq e vjetër sa asht festa e halloween, me të cilën ka të përbashkët fantazmat që ndjellin zi si dhe krenat e kungujve bosh.</p>
<p>Këta të fundit tue ndjekë symbyllë fantazmat e tyne braktisën parlamentin. Tue dalë prej atij logu opozita shqiptare kreu sakrificën madhore, atë që s’e ndeshim as në shoqnitë primitive nën vijën e ekuatorit ku guximi asht i vetmi etalon i ekzistencës: ajo tredhi vetveten dhe humbi çdo lloj kuptimi politik që mund të kishte.</p>
<p>Kjo tregon se tek ne zgjedhjet janë nji proces qesharak pse ligji që i rregullon në kushtet tona konkrete i kthen në nji farsë ku votuesi e humbë kuptimin e vet në momentin që shtin fletën e palosun në kutinë e votimit.</p>
<p>Opozita e vetëtredhun shtyu javë dhe muej si nji sharabajkë e çmendun në teposhte e të gjithë e panë qartësisht se ata që dolën prej kuvendit treguen se nuk meritojnë ma kurrë me u kthye aty, pse arsyeja e qenjes së tyne në politikë nuk ka asnji lidhje me zgjedhësit por me disa familje kriminale që rrezikojnë seriozisht burgun dhe konfiskimin e pasunive të vjedhunave.</p>
<p>Protestat e këtyne muejve e deklasuen gradualisht uraganin që premtonte Nastradini i opozitës në nji shi pranveror që as lagë dhe as nxjerrë motin e mirë.</p>
<p>Torollakët dhe pitigonat që bahen zana të tretë në korin e çjerrun të hajdutëve dhe vrasësve s’kanë asnji të ardhme tashma. Politika nuk asht kurrë nji fenomen privat ku mund të jesh vetvetja tue nda llogoren me maskarenjtë. Në këtë sens Basha ka mbërrijtë me e shkatrrue opozitën shqiptare. LSI-ja nuk mund të konsiderohet parti e mirëfilltë dhe si e tillë i ban opozitë reformës në drejtësi ashtu siç i bajnë keqbasit ordinerë, në nji mënyrë jo politike.</p>
<p>Dinamikat e muejve të fundit njohtën nji faktor të ri e të panjohun ma parë, e kam fjalën për Ministrin e Brendshëm Sandër Lleshaj i cili shmangu me vendosmëni viktimat që kërkonte minotauri Berisha. Ministri Lleshaj për integritetin moral që ka asht shumë ma nalt se të gjithë kritikët e tij, sidomos ata që ulen krah për krah me vrasës e hajduta dhe grazhdohen prej tyne.</p>
<p>Ata që janë përgjegjes për plumbat vrastarë në mes të Tiranës u ankuen për gazin lotsjellës. Le ta provojë ndonjeni prej tyne me sulmue me shishe molotov pallatin e qeverisë në Romë, Dublin apo në Madrid dhe do ta shohë se çka do t’i ndodhin! E kemi të qartë që s’u hiqet mendsh kujtimi i 1997-tës por ajo histori nuk ka shanse me u përsëritë për me i shpëtue prapanicën kurrkujt. Gazi lotsjellës asht minimumi që mund të përdoret ndaj çdo individi që cënon rendin antikushtetues dhe bashkon forcat me ata që e cënojnë atë.</p>
<p>Këtu hyjnë edhe të gjithë të mjerët në sensin hygoian të cilët marrisht besojnë ende se Berisha, Basha apo çifti presidencial nuk flejnë natën për me i nxjerrë nga mjerimi i skajshëm. Të “mjerët” e mirëfilltë, jo ata që kanë vila në Lalëz, nuk i paraqesin asnji zgjidhje vetvetes kur mtojnë me sulmue parlamentin me dhunë. Mos të harrojmë se të mjerët shumë lehtë mund të bahen edhe të poshtër, ne këtë gja na e ka tregue ma së mirit historia gjatë gjysmës së dytë të shekullit të kaluem.</p>
<p>Ministri Sandër Lleshaj vendosi tarifa të reja për ata që emulojnë kriminelat dhe banditët që krijuen vitin e mbrapsht 1997, çdo akt kriminal lahet me lot aty për aty, por jo me gjak siç bante Berisha me Bashën për me mbrojtë Ilir Metën.</p>
<p>Nji opozitë e kalbun u vetëpërjashtue nga parlamenti e nji fat i tillë ndodh shumë rrallë. Nji opozitë e re po ia merr vendin dhe çkado që të bajnë do të jetë ma shumë sesa ajo që mbërrinte me ba ajo masa e pangjyrë dhe pa identitet që doli në mes të rrugës.</p>
<p>Ballirët, Bylykët e Bashës, Salianjët e Bardhët, patroklët shakllabana të demokracisë, do të vijojnë me e ngushëllue në minderet e Shqupit Akilin zaçjerrun që s’njeh as dy strofa të himnit kombtar, derisa të kumbojë edhe për ta ora e fundit në politikë.</p>
<p>Nji opozitë e re, shumë e dëshirueme prej miqve të huej po merr jetë dhe si Astrit Patozi si ata që e mbështesin do të kenë përkrahjen maksimale të aleatëve strategjikë të vendit tonë, pse nji opozitë si ajo e Bashës vetëm nji gja kishte sigurue deri më sot: karrigen e patundun të Edi Ramës.</p>
<p>Gjithçka do të kthehet në normalitet, kush mton me veprue ndryshe tue cënue rendin kushtetues me mjete joparlamentare dhe tue luejt në favor të atyne që kërkojnë me destabilizue Ballkanin do ta pësojë keq.</p>
<p>Çka përfaqsojnë për Shtetet e Bashkueme Berisha, Luli apo Monika në krahasim me Sadamit apo Gedafit? Ata s’vlejnë ma shumë se dy-tre kryepleq të lodhun katundit që s’çojnë kandarë për asgja! Rrjedhën e gjanave nuk do të mund ta ndryshojnë as lolot e oborrit, as kumarxhijtë dhe pijanecat profesionista, madje as pehlivanët e prostituimit mediatik që parja e Gërdecit ka ndërsye në këto orë me shantazhe kundër disa prej atyne që duen me u impenjue në opozitën e re.</p>
<p>Ka disa gjana në histori që mund të superohen por nuk mund të zhbahen. Ashtu si Haxhi Qamili dikur, sot Sali Berisha me zhganin e tij nuk do të mund ta kthejë mbrapa orën e Shqipnisë.</p>
<p>Tashma Edi Rama duhet të ndihet ma pak i sigurtë sesa ishte me Lulin, pse nji opozitë e mirëfilltë demokratike mund t’ia tundë themelet e tija prej kashtet edhe në fund të kësaj legjislature.</p>
<p>T’i braktisim njiherë e mirë regjistrat e zbrazun prej çdo kuptimësie: e majtë e djathtë, shpresojmë në nji opozitë të fortë që s’ka nevojë me mbrojtë as hajdutat e Rrugës së Kombit, as vrasësit e Gërdecit dhe as ata të 21 janarit, por t’ia mbledhin kompromisaxhisë së dashunuem me vetveten dhe veleitarit të vetëkënaqun që asht në atë vend vetëm prej iluzionit të nji “horror vacui” të pandehun. Zbraztia nuk ekziston as në natyrë e aq ma pak atë mund ta mbushin në politikë dioskurët qesharakë si Rama e Basha.</p>
<p>Rrugëtim të mbarë Astrit Patozi dhe opozita e re!</p>
]]></content:encoded>
					
					<wfw:commentRss>https://javanews.al/opozita-qe-shba-ja-kerkonte-prej-kohesh/feed/</wfw:commentRss>
			<slash:comments>1</slash:comments>
		
		
			</item>
		<item>
		<title>Lufta e pashpresë kundër SHBA-së</title>
		<link>https://javanews.al/lufta-e-pashprese-kunder-shba-se/?utm_source=rss&#038;utm_medium=rss&#038;utm_campaign=lufta-e-pashprese-kunder-shba-se</link>
					<comments>https://javanews.al/lufta-e-pashprese-kunder-shba-se/#respond</comments>
		
		<dc:creator><![CDATA[Ardian Ndreca]]></dc:creator>
		<pubDate>Wed, 27 Feb 2019 10:57:01 +0000</pubDate>
				<category><![CDATA[Aktualitet]]></category>
		<guid isPermaLink="false">http://www.javanews.al/?p=686227</guid>

					<description><![CDATA[Nga Ardian Ndreca/ Me datën 26 shkurt parlamenti votoi strukturat e KLGJ-së dhe KPL-së. Përjashta Berisha, Kryemadhi dhe Basha tentonin të bllokonin punimet e nji parlamenti që e kanë braktisë, tue qenë se përtej akronimeve të bezdisshme, këto struktura, së bashku me SPAK, BKH dhe gjykatën speciale përbajnë nji rrezik real dhe iminent për ta. Përsëritet [&#8230;]]]></description>
										<content:encoded><![CDATA[<p><strong>Nga Ardian Ndreca/</strong></p>
<p>Me datën 26 shkurt parlamenti votoi strukturat e KLGJ-së dhe KPL-së. Përjashta Berisha, Kryemadhi dhe Basha tentonin të bllokonin punimet e nji parlamenti që e kanë braktisë, tue qenë se përtej akronimeve të bezdisshme, këto struktura, së bashku me SPAK, BKH dhe gjykatën speciale përbajnë nji rrezik real dhe iminent për ta.</p>
<p>Përsëritet e njejta skenë, ata që ishin bashkë me 21 janar 2011 sot janë prap bashkë. Mbroheshin atëherë për aferat korruptive, të njejtën gja bajnë edhe sot.</p>
<p>Nominalisht janë nji parti e djathtë dhe nji e majtë e majtë (dy herë), ndërsa realisht përfaqsojnë nji interes të vetëm transversal që përshkon adhuruesit e haptë të Enverit me kinse urryesit e tij – nji herë e nji kohë shokë varkash. Shkaku i mirëfilltë që organizoi edhe protestën e fundit, të improvizueme me ngut, asht interesi jetik me shmangë drejtësinë.</p>
<p>Gjithçka ishte nji dështim total në të gjitha pikëpamjet. Për shembull lideri rumun i akuzuem për korrupsion Liviu Dragnea mbërrinte me nxjerrë në shesh deri në 100 mijë mbështetës kundër prokurores së hekurt Laura Codruta Kovesi, e cila vuni nën hetim 14 ministra dhe 39 zv/ministra. Por, dihet se rumunët që hodhën në burg Adrian Nastase dhe kroatët që dënuen Ivo Sanader, na kanë parapri gjithmonë në hapat historikë.</p>
<p>Me fjalë të ndyta dhe me retorikë banale nuk asht rrëzue kurrë asnji qeveri, sidomos në Ballkan, kurse gazi lotsjellës mjaftoi me zbutë efektet e kangëve patriotikë në gojën e atyne që Shqipnisë janë mundue me ia shitë edhe detin.</p>
<p>E megjithatë efekti i 4000 plumbave që u gjuejtën me 21 janar 2011 ishte shumë ma i randë sesa ai i gazit lotsjellës, këtë e tregon fakti se katër vetë s’u kthyen kurrë ma në shtëpijat e veta – falë atij bllokut të famshëm ku shifrat ishin elokuenca e vetme e nji politike dështake, falë atij kulshedrit plak që e urren Shqipninë dhe atij ish ministrit kukull që për mirënjohje ndaj familjes rrin përjetsisht në gjunjë.</p>
<p>Ata katër që u shkapetën pa jetë në bulevard s’patën kohë as me derdhë lot, dhe palaçot me pagesë dolën në darkë tue folë për çadra pistoletë dhe hipoteza absurde ndërsa trupat ftoheshin në morg.</p>
<p>Në vendet demokratike nuk gjuen kush plumba luftarakë kundër protestuesve, kurse</p>
<p>gazin lotsjellës mund ta provojsh nga Parisi në Tokio, në qoftë se pulsionet barbare të çojnë me shkatrrue gjanë e përbashkët dhe me dhunue institucionet.</p>
<p>Opozita sot akuzon Edi Ramën për vilën e Surrelit, deri këtu krejt në rregull, edhe pse së pari do të duhej dënue arkitekti për shëmtinë që i ka pjellë mendja. Drejtësia vlen për Ramën dhe për këdo tjetër.</p>
<p>Por Edi Ramën apo tjetërkënd nuk mund ta hetojë kurrsesi drejtësia e Tikut, emblemë e gjallë e korrupsionit sistemik, por ajo drejtësi që SHBA-ja përpiqet me ngjallë tek ne me ndihmën e saj konkrete e edhe me kërcënime të drejtpërdrejta, madje edhe publike.</p>
<p>Salitë dhe Monikat po të ishin koherentë do të gëzoheshin, pse reforma e vërtetë në drejtësi, garanti i së cilës janë SHBA, do ta kapte edhe vetë Ramën dhe ata që kanë përfitue në dy legjislaturat e fundit prej tij.</p>
<p>Por kjo mundësi nuk i josh aspak, nji gja e tillë nuk u hyn në sy, pse reforma rrezikon së pari ata që kanë hedhë në erë 26 persona në Gërdec, që kanë avullue 230 milion dollarë gjatë ndërtimit të Rrugës së Kombit, që kanë zhdukë 87 milion dollarë të dhanuna si garanci shitjet për Albpetrolin, që me 21 janar 2011 kanë vra 4 protestues me duer ndër xhepa. Vila e Surrelit asht nji kënaqësi e papërfillshme përpara ndërshkimit sado të pjesshëm të krimeve monstruoze që kanë krye, përfshi vrasjen dhe zhdukjet e personave.</p>
<p>Ata që sulmojnë sot selinë e kryeministrisë dhe parlamentin nuk duen asgja tjetër veçse bllokimin e çdo reforme në drejtësi si edhe garanci personale që ata vetë nuk do të preken asnjiherë.</p>
<p>Por Rama nji garanci të tillë s’e ka as për vete, dhe s’mund t’ia japë askujt. Ndërsa Shtetet e Bashkueme të Amerikës nuk i kanë dhanë garanci Sadamit dhe Gedafit, jo po i japin disa zuzarëve që kanë përfitue prej nji mase të shastisun dhe të pa kultivueme me ideale civile.</p>
<p>Që reforma në drejtësi asht diçka serioze që jep shpresë, e manifeston halli i madh që lexohet tridimensionalisht në fytyrën e rrënueme të Berishës, i cili del me protestue në kufijtë e forcave që i lejon mosha, e tregon dhuna që frymzon ai me ortakët e tij, të cilët përpiqen me alternue buzëqeshjet e sforcueme me nji retorikë bajate që ta çon stomakun peshë ma keq se gazi lotsjellës.</p>
]]></content:encoded>
					
					<wfw:commentRss>https://javanews.al/lufta-e-pashprese-kunder-shba-se/feed/</wfw:commentRss>
			<slash:comments>0</slash:comments>
		
		
			</item>
		<item>
		<title>Rruga pa kthim</title>
		<link>https://javanews.al/rruga-pa-kthim/?utm_source=rss&#038;utm_medium=rss&#038;utm_campaign=rruga-pa-kthim</link>
					<comments>https://javanews.al/rruga-pa-kthim/#respond</comments>
		
		<dc:creator><![CDATA[Ardian Ndreca]]></dc:creator>
		<pubDate>Tue, 19 Feb 2019 12:50:21 +0000</pubDate>
				<category><![CDATA[Kryesoret]]></category>
		<category><![CDATA[Opinion]]></category>
		<guid isPermaLink="false">http://www.javanews.al/?p=682007</guid>

					<description><![CDATA[Nga Ardian Ndreca Të shtunën e kalueme isha rastësisht në Tiranë dhe munda të shoh sesi dëshpërimi i nji grupi mafioz që ka zaptue politikën shqiptare tash nji çerek shekulli ishte ba konsistent si xhelatina e nji kandili deti dhe pritej me bisturi. Shfaqja mjerane e atyne që kanë privatizue mjerimin e njerzve të thjeshtë tue [&#8230;]]]></description>
										<content:encoded><![CDATA[<p><strong>Nga Ardian Ndreca</strong></p>
<p>Të shtunën e kalueme isha rastësisht në Tiranë dhe munda të shoh sesi dëshpërimi i nji grupi mafioz që ka zaptue politikën shqiptare tash nji çerek shekulli ishte ba konsistent si xhelatina e nji kandili deti dhe pritej me bisturi. Shfaqja mjerane e atyne që kanë privatizue mjerimin e njerzve të thjeshtë tue u përdredhë para turmës së çorientueme, largoi iluzionin se protesta mund të kishte ndonji efekt konkret.</p>
<p>Ndërsa dëshpërimi i shqiptarëve asht i nji natyre tjetër, ata s’kanë frikë as prej burgut dhe as prej Departamentit të Shtetit amerikan, ata kanë dëshpërimin dhe frikën e atyne që nuk arrijnë në fund të muejit me të ardhunat e mjera që mbërrijnë me sigurue. Sigurisht që Edi Rama asht përgjegjësi kryesor për këtë vendnumro të ekonomisë sonë, tue qenë se rritja e saj qesharake nuk mbërrin me ndjekë parametrat tjerë negativë që detyrojnë të mjerët (në sensin hygoian) me gjetë s’di se ku durimin e mos me pështye në surrat liderat e opozitës që janë përlye me krime dhe me vjedhje.</p>
<p>Sigurisht që Berisha, Basha, Kryemadhi, Meta janë në hall të madh, ata e dijnë shumë mirë sesa i madh asht halli i tyne, por e “keqja” asht se e dinë edhe kancelaritë e hueja e së fundi edhe sistemi i drejtësisë që po bahet gati me lindë tek ne. E nesërmja për ta nuk asht e sigurtë edhe nëse Rama dhe qeveria e tij do të transferoheshin përgjithmonë në Timbuktu, pse krimet e tyne nuk kanë afat që të përndiqen. Berisha asht i dënuem me ikë prej kësaj bote i pasigurtë për gjithçka, kurse ata që janë ma të rinj se ai me jetue me po atë pasiguri depresive.</p>
<p>Në botë ka pasë politikanë që janë kapë jo me blloqe dhe me gërdeca në dorë, por me armë dhe me eksploziv – të cilëve u kanë dalë zot trimnisht, mjafton me kujtue Martin McGuinness të Sinn Féin apo Yasser Arafatin e Organizatës për Çlirimin e Palestinës, por këta ishin brumë tjetër e treguen se kishin forcën me kthye faqen e historisë dhe me u ba lidera botnor. Hajdutat e xhepave dhe vrasësit serial mbas shpine nuk bahen kurrë lidera, lodhen kot.</p>
<p>Sot që zilet e telefonave në Tiranë kumbojnë papushim, mesazhi i ndërkombtarëve asht se ajo opozitë nuk mund të marrin pushtetin pa sprastrue politikisht kriminelat dhe hajdutat që ka në krye dhe në trup. Eksperimente “ala 1997” nuk ka ma.</p>
<p>Protesta e 16 shkurtit tregoi aftësinë që Shteti ka me shmangë atë që opozita kërkon me dëshpërim: gjakderdhjen. Sandër Lleshi tregoi fytyrën qesharake të atyne që kërkonin me sulmue me dhunë institucionet, si Ministër i Brendshëm dhe si njeri me dinjitet qytetar ai i dha nji leksion edhe detashmentit të gatshëm të zhganit të gjobaxhinjëve të prostituimit mediatik dhe parlamentar. Nëse opozita do të kishte dëshirue atë ditë që protesta të ishte paqësore, në rresht të parë do të duhej të</p>
<p>kishte nxjerrë të gjithë bujarnishanët e saj, por kjo s’ndodhi, në rradhët e para ishin bombat molotov, motivi ma primitiv i disa individëve që janë djegë përgjithmonë përpara opinionit ndërkombëtar. Në luftë – thotë Immanuel Kant – anmiqtë nuk duhet të shkojnë deri aty sa me përdorë mjete dhe mënyra veprimi që do ta banin të pamundun nji paqë të ardhme. Me berishat e sojin e tij nuk mund të ketë paqë, siç ka kujtue oportunisti dhe mendjelehti Edi Rama.</p>
<p>Por sot faji kryesor për çdo dhunë si ajo e së shtundes bie mbi atë opozitë që nuk ka vjedhë dhe as ka vra, por i shërben kauzës së hajdutëve dhe vrasësve që e drejtojnë. Syleshat dhe servilët digjen edhe tue i shërbye së keqes, por nesër askush nuk do t’u besojë do t’i trajtojë si bashkëbisedues të denjë. Gjendja e sotme e opozitës të ban me e ndie brenda saj mungesën e Majlinda Bregut, Astrit Patozit apo Jozefina Topallit. Njerzit pa tru dhe pa dinjitet munden me qenë shërbestar të përulun, edhe të nji kukulle si Lulzim Basha, por nuk mbesin gjatë në skenë, ndërsa turpi mbetë ma gjatë se ata vetë. Hapi i vetëm i arsyeshëm i opozitës së djathtë do të ishte me dëbue përgjithmonë Bashën dhe Berishën, pse vetëm ky akt do t’i hapte rrugën drejt pushtetit, por kandrrat nuk kanë as guxim dhe as dinjitet me ba këtë gja dhe po përjetësojnë në pushtet nji politikan veleitar dhe kallp si Edi Rama.</p>
<p>Nji eksponent i nji partie europiane të fuqishme tregonte para pak vitesh në rrethe të ngushta miqsh sesi tue qeshë e kishte këshillue Ramën në fillim të legjislaturës së tij të parë me e arrestue Berishën, të paktën me e mbajtë pak orë në kambë para ndonji polici në ndonji komisariat të ndytë dhe me e nxjerrë me pranga me duer e të parruem para gazetarëve, pse kjo gja, besonte ai, do të kishte nji efekt të pakthyeshëm në psikologjinë e nji njeriu anti-shtet dhe burracak si Berisha. Rama jo vetëm që s’ndoqi këtë këshillë por u rrethue me të njejtit oligarkë që ishin kërtylë me tendera prej Berishës, dhe zgjodhi që betejat e veta me i ba me cicërima të bezdisshme në internet. Rama e meriton plotsisht atë që po ndodh sot, por nuk e meritojnë ata që e kanë votue, e kjo asht e vetmja shtysë me shkrue këto rreshta.</p>
<p>Besoj se dorëheqja e deputetëve të opozitës asht zgjedhja ma e mirë për njerëz të pakuptimtë politisht siç janë ata, me kusht që me paret e Gërdecit dhe të blloqeve tjera t’u paguhet rregullisht rroga – me të gjitha koeficientet shtesë: shampanjën, bakshishet, dashnoret, pushimet luksoze, pse ata për atë punë janë aty. Le të shkohet në zgjedhje të reja, se populli do ta zgjedhin rishtas opozitën e vet. Dhe ndërkaq, kushedi, falë SPAK-u ndoshta do të jenë krasitë e rrallue majtas e djathtas rreshtat e krimit! Jam i bindun se me datën 20 shkurt opozita do të ngrihej nalt moralisht vetëm nëse liderat e saj do të vetësakrifikoheshin para parlamentit si murgjit tibetan, por ata janë aq burracakë sa edhe dy pika lotë i trembin, jo ma prangat dhe burgu i gjatë!</p>
<p>E.Xh./</p>
]]></content:encoded>
					
					<wfw:commentRss>https://javanews.al/rruga-pa-kthim/feed/</wfw:commentRss>
			<slash:comments>0</slash:comments>
		
		
			</item>
	</channel>
</rss>
