Faqja e zeze, a jeni ne toke te bukes o njerez?!

Ne Tirane ne protesten pro palestineseve mbahen pankarta qe i bejne dem çeshtjes se Kosoves dhe kauzes sone shume vjecare per te cilen jane sakrifikuar shume gjenerata. Te krahasohet Hamasi me UCK-ne, eshte agjende e Serbise, Rusise, Iranit e Kines, te gjithe aleateve anti- perendimor dhe kunder nesh.

Izraeli:

– i rrethuar nga një tufë arabësh armiqësor

– u përballën me gjenocidin pikërisht përpara krijimit të shtetit të tyre

– armiku kryesor i boshtit Rusi-Kinë-Iran-Serbi

– ishte viktimë e terrorizmit arab me mbështetjen iraniane vitin e kaluar

– njeh Kosovën

Kosova:

– shtetësia e arritur me ndihmën e fuqive perëndimore

– i rrethuar nga një tufë sllavësh jugorë armiqësorë

– u përball me gjenocidin pikërisht përpara krijimit të shtetit tonë

– armiku kryesor i boshtit Rusi-Kinë-Iran-Serbi

– ishte viktimë e terrorizmit sllav jugor me mbështetjen ruse vitin e kaluar

– njeh Jerusalemin si kryeqytet të Izraelit

Krahasimi i UÇK-së e cila ishte një ushtri çlirimtare me organizatë terroriste si Hamasi që kreu masaker në Tetor të vitit të kaluar është një fyerje për çështjen tonë dhe për UÇK-në. Absolutisht e neveritshme

O Albin Kurti boll na thure vargje, Kosova s’ka nevoje per poet ne krye te shtetit, por per nje dore te forte qe i mbron qytetaret e saj, e qe e forcon shtetin.

Paske ndjere keqardhje e dhimbje, po ti a je kryeminister a çka je???

Paske raportu per rastin sikurse nje gazetar i terenit.

Ti me qellim nuk je marre ne kete postim me sistemin e sigurise edhe te drejtesise e as me masat konkrete qe ti eshte dashte me tregu qe ke me i marre, sepse ti e din shume mire ku ke deshtu prej qe ke ardhe ne pushtet.

Pse nuk i shkarkon te gjithe ata qe po deshtojne te mbrojne grate, çikat e kategorite me te pa mbrojtuna te vendit.

Sa muaj i harxhove kot me marreveshje per targa e ne fund u detyrove me leshu pe, se s’ke pase rruge tjeter e kete e ke dite shume mire qe nga fillimi.

Apo ke blere kohe per me mbulu deshtimet tuaja e asnje progres te qeverise ne ate vend?

Çka ke ba gjate kesaj kohe per me rrite sigurine per qytetaret brenda territorit ku ti e ke ne dore???

Pse kaq lehte po kryhen vrasjet??

Qysh ka mundesi kryeministri i vendit me postu nje reagim ku nuk con asnje mesazh tek kriminelet e tek pergjegjesite e institucioneve qe kane deshtu te mbrojne viktimen qe ti paske ndjere keqardhje?!

Postimi yt eshte i gerditshem, iritues, manipulues.

Ti e ke minimalizu gjendjen e rende ne te cilen eshte vendi, duke permend vetem burrin e kesaj vrasje makabre, pa kerkuar llogari nga institucionet, pa i dhene asnje mesazh burrave tjere qe neser kane me i vra grate pa pike frike, pa iu premtu grave siguri, pa tregu cilat kane me qene masat tua konkrete si kryeminister.

Ky status i yti eshte deshmi qe ne krye te shtetit eshte nje demagog mashtrues i pa afte me qeverise me vendin!

Qielli tha eshte i piste.

Po ta kishte hallin e terroristeve Berisha shume kohe me pare do te kishte ngritur kete shqetesim, kur shqiptaret iu bashkuan Shtetit Islamik.

Duhet rikujtuar se Berisha ka flirtuar me keto grupe, madje u ka dhene edhe pasaporta shqiptare pjestareve te Al Qaida-s.

Radikale kemi, jo vetem ne Kosove dhe Maqedoni por grupe te tilla radikale ka plote edhe ne Shqiperi. Radikalizmi vjen nga ligjeratat qe mbjellin jotolerance.

Ka ende plote imame qe vazhdojne te ushtrojne kete mosdurim. Ne Maqedoni gjendja eshte me e rende ngase atje ne kete drejtim mungon qellimisht shteti.

Shume politikane shqiptare i instrumentalizojnë keto grupe per arsye votash e pushteti. Gje qe herdokur do tju dal bumerang.

Protestat jane instrument legjitim. Mirepo dhuna eshte mjeti qe duhet refuzuar.

Berisha ne kete moshe tashme nuk duhet te ve ne rrezik sigurine, partine dhe shtetin per shkaqe personale.

Ai duhet ta bej luften e shpelarjes me SHBA -te dhe po ia doli te rehabilitohet do te ishte maksimalja. Të tjerat besoj se e degradojne edhe me shume personalitetin e tij!

Ngjarjet e fundit në Afganistan tregojnë sesi trajtohet gruaja nga ekstremistët islamist. Nuk guxon asnje grua te dal në rrugë pa burka dhe e pa shoqëruar nga një burrë.

Ndërkohë dua të tërheq një paralele me Kosovë ku këto forma kokëmbulimi deri para e deri vonë pas pavarësimit të Kosovës nuk kanë qenë.

Gjyshet i hidhnin shamitë mbi kokë, por nuk mbulonin tërë fytyrën. Kush i solli në Kosovë? Kush tha se kështu duhet të mbulohen myslimanet? Pra dikush e bëri agjendë.

Në gjithë a këtë debat më së shumti me shqetëson primitiviteti i disave që prangimin e gruas duan ta na shesin si liri veshjeje edhe pse ajo diktohet nga dikush.

Nga kush pra u urdhërua ky akt mizogjin e maskinist i radhës?

Ka qene viti 2012, kur nisa hulumtimin mbi rritjen e ekstremizmit islamist ne trojet shqiptare dhe ne diaspore.

Pas me shume se 8 muajve hulumtim ne Kosove, Shqiperi, Maqedoni dhe Angli, e realizimin e mbi 80 intervistave nxorra te dhena mbi shtrirjen e nje rrjeti te madh te ekstremizimit qe kishte leshuar rrenje te thella tek shqiptaret.

U shpalla islamifobe bashke me koleget e mi qe raportonim dhe ende mbajne kete epitet.

Me vite te tera, derisa une beja perpjekje per te rritur vetedijen mbi rrezikun e madh nga ky kancer, behej propagande ndaj meje me shpifje sikur; (video e nje plaku qe lavderon Millosheviqin- gjoja eshte gjyshi im), per te me humbur kredibilitetin kur flas per ekstremistet islamist.

Per te mos ri-numeruar faktet kur une personalisht dhe familja ime kemi pesuar nga puna ime.

Une per keto tete vite kam pare se shqiptaret jane duke plotesuar agjenden e Serbise, ate qe per 100 vjet beri perpjekje ky regjim te na portretizojne para botes, “Shqiptaret terroriste islamiste- Lindje e Mesme e Ballkanit”.

Çfare beme ne nga 1999-ta e ketej; nxorrem nje nga 10 terroristet me te rrezikshem ne bote, Lavdrim Muhaxherin, derguam me se shumti pjestare te ISIS-it per koke banori ne Siri dhe Irak, vrame ne aeroportin e Frankfurtit dy ushtare amerikan, i mbushem xhamite e Europes me shqiptare qe benin thirrje per xhihad, morrem pjese ne sulme terroriste si ky i fundite ne Vjene, dite me pare kerkuam largimin e ambasadorit te Kosoves ne France pse kritikoj nje terrorist islamist qe i hoqi koken nje mesuesi…

Shume pak zera kemi fole per kete rrezik, sot jo vetem neper xhami por ne politike, Universitet te Prishtines, institucione publike e private njerez me ndikim jane duke bere fushate pro erdoganiste e kunder zerave qe kritikojne agjendat islamiste.

Sot Serbia po i rikujton botes se ne jemi terroriste, e kete ia mundesuam vet ne.

Politikane te korruptuar bashke me perfaqesues nderkombetare qe lejuan futjen e organizatave pas luftes ne Kosove te shtrijne kete ideologji qe po na shkaterron te ardhmen.

Shqiptaret sikur ky i Tetoves ne diaspore qe mbushi sot ballinat e mediave jane rekrutuar edhe nga hoxhallaret e Kosoves, Maqedonise dhe Shqiperise.

Ne emer te “fese se paqes”, sot me shume se kurre shqiptaret jane ne listen e zeze te ekstremisteve islamist ne bote.

Ky eshte vetem fillimi, kemi me pa cka ka me ndodhe edhe pak vite!

Po du me besu ne shqiptarin, e ndershem, te beses, te nderit, e te fjales…

Po du me besu ne shqiptarin, qe me shekuj ka qene i shkelun, i vujtun, e i persekutun…

Po du me besu ne shqiptarin, qe ta shtron sofren e ndan kafshoren e fundit me ty…

Po du me besu ne shqiptarin, qe krenohet me ciken po aq sa edhe me djalin…

Po du me besu ne shqiptarin, qe ta zgjate doren kur je ne hall te madh…

Po du me besu ne shqiptarin, qe nuk con dore ne gru…

Por po me dalin para syve, grushtat e shqelmat e juaj…

Po me dalin para syve, bishat e egra…

Po me dalin para syve, kapadainjt qe dikur kane cofe per buke, e sot te shkelin pa dhimte…

Po me dalin para syve, matrapazet me rrmojsa ne goje…

Po me dalin para syve, burrat qe te presin ne terr per te te shqelmu…

Po me dilni para syve, krejt ju, qe qeshet ne zorin tone me te madh…

Hipokrita!

Shume shqiptare po i gezohen deshtimi te Kosoves sot ne Interpol.

Mos-uniteti yne historikisht na ka lane ne stagnim.

Brenda parlamentit te Kosoves ka gare primitive, fatkeqesisht edhe nga gjeneratat e reja qe me shume kane preokupim sa lajka po marrin ne Facebook.

As Serbia e as Maqedonia nuk jane me pak te korruptuara sesa Kosova, por ata kane diplomate e ne kemi hajgarexhi.

Qe 20 vjet s’po mund te dalim prej euforise se luksit e aeroplaneve private.

Vec per nje moment kqyreni Kosoven me sy te huaj.

Raportet vjetore nderkombetare, skandalet ne siguri, polici, Aki, drejtesi komplet e deshtume.

Te vjen aeroplani i sherbimit sekret turk ne Kosove, t’i rremben 6 turq e kryeministri i Kosove deklarohet qe se ka dite.

Shto kesaj qe aleanca e Lindjes me Rusi (Serbi) kunder shqiptareve eshte e njohur!

Fitorja e Erdoganit nuk ishte aspak befasuese. Asnjë diktator i kohës së sotme, nuk pengon më zgjedhjet, përkundrazi, ata menaxhojnë ato deri në futjen në kontroll të të gjitha mekanizmave “legale demokratike” për të siguruar rezultatin. Në favor të vetin natyrisht. Kush mund të thotë që nesër po të mbahen zgjedhjet në Rusi, nuk do të fitonte Putini, apo në Korenë Veriore, Kim Jong saherë të organizohen ato?

Erdogani pasi burgosi mijëra oponentë politik, dënoi mbi 200 gazetarë, mbylli 180 media, detyroi, imponoi zgjedhje të parakohëshme sapo vërjeti se inflacioni nuk ndalet më dhe se shumë shpejtë turqit do të binden se me një diktator të tillë nuk ka investime, nuk ka eksport, import e as turizëm. Ose turizëm nga vilajetet e tij që janë edhe mu të varfra se pjesët rurale të Turqisë dhe miliona kurdët që jetojnë në kushte mizore. Ishte çasti i fundit për ta shpëtuar kokën.

Asnjë rëndësi tashmë nuk ka se cila parti, qoftë ajo AKP apo ndonjë tjetër merr shumicën apo jo. Parlamenti de facto është çkyçur nga çdo lloj pushteti, ashtu si më herët mediat dhe ushtria. Me ndryshimin e amandamenteve kushtetuese, Erdogan sot ka autoritetin absolut në vendimarrje, me një fuqi marramendëse ekzekutive. Ai vendosë për gjqytarët dhe prokurorët dhe secilin post të rëndësishëm në Turqi. Veprime këto që në politikologjinë e pangarkuar me neosmanizëm konsiderohen dikatoriale, parafashiste dhe që duhet izoluar si shtet. Jo vetëm Austria ka nisur këtë aksion me mbylljen e xhamive të drejtuara drejt nga Ankara, duke ia dëbuar edhe imamët zyrtar të Erdoganit. Holanda, Gjermania dhe plotë shtete perëndimore ia ndaluan tubimet elektorale. Pse vallë?

Turqit dogjen edhe revista franceze qe pershkruanin me fakte diktaturën prosheriateske më të re në Bosfor. Bota perëndimore, por jo vetëm, distancohet nga Sulltani me aspirata të mëdha perandorake e me më shumë se 70% të vendit të zhytur në mjerim, varfëri, analfabetizëm dhe jo pak prej tyre në burgjet kazamateske – për nga nami krahasohen me gulaget – lartë e poshtë Anadollit.

*

Në hartën shqiptare mbështetësit e tij të flaktë përbëhen nga dy kategori njerëzish, sidomos në Kosovë dhe Maqedoni: nga ata që përfituan e zhvatin edhe sot financiarisht dhe të tjerë, të cilëve nëpërmjet ideologjisë fetare ua ka fut në tro gjoja se ky të jetë Kalifi i kësaj kohe, avokati i vetëm dhe shpëtuesi i Islamit. Për ta arritur këtë ndikim me para dhe trushpëlarje Erdogan investon (në vendet sllave miliarda e në viset shqiptare me tepër ideologji dhe kulte për doktrinën e tij) shuma

e mjete që shkojnë poashtu në dëm të vendit të tij dhe gjenerojnë edhe më shumë inflacion – çka nga ana tjetër shkurton sundimin e tij pa dyshim.

Të kthehemi tek hallet tona.

Në 10 vitet e fundit, Erdogani ka pasur ambient të përsosur të zhvillojë agjendën e tij në këto shtete, në krye të së cilave ishin dhe janë politikanë që i dhanë asetet kryesore kompanive të tij -në Turqi kjo quhet ryshfet dhe është legal, por jo në shtetet shqiptare ku ajo ç’bënin politikanët shqiptarët është: Korrupsion!

Këta dhe fëmijët e tyre sot ishin të parët që uruan përzjarrshëm fitoren e Diktatorit të Ankarasë – siç e quajnë tashmë gjitha media e botës, asaj pjese që nuk hanë ose nuk ka frikë prej tij. Kemi edhe ministra që puthin dorën e ambasadores së Turqisë – dihen me emra dhe adresë ata që falë bashkëpunimit me firma e ambasadën turke janë bërë jo vetëm milionerë, por edhe ministra, ngase kanë pare, me të cilat i blejnë ata që janë tashmë moti në politikë. Kjo është hallka e kriminalizimit të pushtetit, depërtimit të Turqisë – dhe jo vetëm – në aortën e instancave vendimmarrëse shqiptare.

Erdogani përdori atë që besonte nga historia osmane: se popujt e Ballkanit i nuk i nënshtrohet lehtë zotave, parave, mirëpo i nënshtrohen pa u fishkëlluar dy herë. Kjo ndodhi dhe ndodhë në Shqipëri, Kosovë, Maqedoni, Serbi e gjetiu. Ekzaltimi i shqiptarëve nuk çudit kënd, sepse këtë e çdokush tashmë e di – e jo vetëm ne që alarmojmë tash e më tepër se 5 vite – se Erdogani ka më shumë ushtri në trevat shqiptare se sa shtetet përkatëse.

Reagimet e politikës, grupeve, fetarëve duke uruar si në dasmë një autokrat që mbyll gazeta, media, shkrimtarë, gra, fëmijë dhe mësues, duke uruar një tiran që ndalon gjuhët e popullit më të madh në vendin e tij siç janë kurdët; a nuk është ajo që shkruaj unë tash e sa vite, shkrime të cilat ambasadorja turke përpiqen me ndërskamca, intriga, duke futur nën kontroll pronarë gazetash që të mi ndalojë?

*

As reagimet e gazetarëve proerdoganistë nëpër shumë media të Kosovës e të mos flas për ato të Maqedonisë nuk befasojnë kënd – e mua më së paku. Dorën në zemër se megjithatë kam çaste shtangieje, sidomos ku shikojë ish-kolegë e kolege të mi dhe pyetem: Si ka mundësi që sot një gazetar ta adhurojë Erdoganin i cili po mban në burgje 17 mijë nëna me 800 fëmijë? Si ka mundësi që asnjë media nuk pat guximin të dal më një shkrim e të demantojë politikanët që i thonë vëlla Erdoganit? Ti tregojnë se ne nuk ndajmë kulturë të përbashkët me turqit – asnjëri, asnjë zë. Mendojnë gjithë tashmë njëjtë?

E vërteta është ndryshe megjithatë e thanë apo jo shumicat sot të heshtura: Jemi ndryshe – shqiptarë. Histori të përbashkët po, kemi: si popull trashëgues i perandorisë osmane merrni barrën mbi supe për krimet, pushtimin dhe kulturocidin ndaj qenies, gjuhës dhe kulturës shqiptare që e keni ushtruar për pesë shekuj mbi ne. Kështu na mësojnë faktet dhe historiografitë e shumta përveç asaj turkes, neoosmanes që Erdogani po bën përpjekje të na imponoi.

Kur ka qenë shkrimi i fundit që keni lexuar për milionat e Erdoganit në xhami, dhe projekte që kanë synim turqëzimin dhe ndikimin që edhe ne të kthehemi në sisteme autokratike, siç e praktikojnë Turqi. Si ka mundësi që askush nuk i sqaron opinionin tonë se Erdogani ka aleance të fortë me Rusinë dhe partneritet me Serbinë? Si ka mundësi që të gjithë këta që e dashurojnë Erdoganin nuk na ofruan asnjë fakt të na bindin edhe ne që jemi kundër se nuk paskemi të drejtë. Jo me sharje, fyerje, linçime por ja dilni dhe zhbëni faktet që i sjell unë apo tjerët? Mediat i apostrofoj e nuk i bëj apel çdo agjenti inferior të Erdoganit që lëvrit xhamive e mediave e që dihet se paguhet nga Dianeti apo Mit-i turk. Kush tregon se cila e qe ajo e mirë që Erdogani bëri për shqiptarët, përjashto miliona që ka ndarë me politikanët pas privatizimit të aseteve si KEK, Aeroport e të tjera në Maqedoni dhe Shqipëri.

Ju mund të pyesni si ka mundësi që një numër kaq i madh i “intelektualeve” po i përkulën një diktatori të një shteti që shtrydh 3 milion shqiptar brenda vendit të vet, një që shfrytëzon shtetet tona të varfëra për agjenda të tij personale për të shantazhuar Evropën? Pyeteni dhe natyrisht nuk doni të dëgjoni përgjigjen se ju qorton shefi i partisë, shefi i firmës apo hoxha në xhami. Çka kur do ikë Erdogani? Çka kur Erdogani të asistojë Serbinë karshi Republikës së Kosovës, të cilën ajo pareshturi e konsideron të dështuar saherë flet për çështjen kurde? Do të thoni; ani se baba e kemi, i mirë i keq kalifi ynë?

E dimë se një ditë do të pendoheni për këtë prostituim madje edhe të identitetit për pare, se për fe nuk iu beson kush se mund të jeni më arab se arabët, ku edhe lindi Islami dhe ku janë Meka e Medina. Atëherë mirëpo treni drejt progresit do të iu ketë ikur edhe njëherë mirë, si përherë në histori.

Që nga viti 2013, unë nuk udhëtoj në Turqi, dhe nuk e shfrytëzoj asnjë linjë fluturimi nëpërmjet saj.

Kjo, për shkak të paralajmërimeve nga organet tona të sigurisë se unë mund të arrestohem nga sigurimi i atjeshëm për qëndrimet e mia publike për autokratin Erdogan.

Ish- ambasadorja turke, sikurse edhe ambasadorja aktuale kanë shkruar letra të hapura kundër meje. Kam pas polemikë të ashpër publike me të dytën.

Nuk po i numëroj qindra kërcënime dhe fushatën e egër të erdoganistëve kundër meje.

Por, është fakt i ditur se Erdogani është aleat i Rusisë. Amerika dhe Evropa janë duke e shqyrtuar largimin e tij nga NATO për shkak të veprimeve të tij kundër agjendës evropiane.

Erdogani është tiran që ka mbushur burgjet me gazetarë, intelektualë dhe eksponentë opozitarë.

Erdogani çdo ditë kërkon nga Amerika deportimin e Gylenit në Turqi, për të nisur pastaj ciklin e hakmarrjes ndaj tij.

Natyrisht se Amerika nuk bje e një kërkese të tillë.

Mijëra turq: profesorë, shkrimtarë, aktivistë që kanë guxuar të flasin haptazi kundër diktaturës dhe krimeve të Erdoganit u është hapur dera në Evropë dhe SHBA.

Asnjë gylenist nuk i është dorëzuar Erdoganit nga perëndimi deri sot.

Këtë e paska bërë sot Kosova.

Kjo është goditje e rëndë për shtetin tonë.

Unë e kam rreziku familjen me angazhimin tim në funksion të alarmimit të shtetit dhe shoqërisë kosovare për rrezikun nga agjenda islamiste e Erdoganit për Kosovën.

Do ta bëjë sërish të njëjtën gjë, nuk do të hesht!

Thjesht, ngase nuk jemi vilajet i Turqisë.

Kosova është Evropë, e orientuar qartë nga Perëndimi, por në asnjë mënyrë nga Lindja.

Ma merr mendja, që teksa i lexojnë këta rreshta, shumë erdoganistë nëpër institucione, në universitet, në polici e në FSK, do të shkrehen nga gëzimi, me paramendimin se arrestimet e sotme janë triumf.

E di që ka edhe mijëra të tjerë ushtarë ideologjik të Erdoganit nëpër trojet shqiptare.

Por, një dua t`u them. 500 vjet s’kanë arrit të na zhbëjnë, as edhe 5 mijë të tjera JO!

a.ç

Arbana Xharra

Pas Britanisë së Madhe edhe plotë shtete tjera dëbuan ata që njiheshin si spiunë rusë. Menjëherë pas vendimit amerikan për përjashtimin e agjentëve të njohur edhe Shqipëria, po në këtë vijë, bëri të njëjtin veprim. Ishte më shumë demonstrim se Shqipëria, njëjtë si Kosova janë prezente brenda agjendave të reja të Perëndimit sa i përket rikonfigurimit të sferave të dominimit – veçanërisht për në Evropën Juglindore.

Që nga bisedat e fundit në Bruksel, Vuçiç dhe Qeveria serbe shihet se janë të nervozuara më tepër se kurrë më parë. Gjë që e manifestojnë duke u përbetuar oreçast se nuk do hyjnë në NATO dhe duke i telefonuar Putinit (publikisht) për çdo gjë. Kjo do të thotë se jo vetëm letra ultimative e SHBA-ve, Britanisë, Francës e Gjermanisë drejtuar Serbisë, e cila kërkon nga ky vend që më në fund ta njohë realitetin e shtetit të Kosovës, ka “fundosur” aspiratat e Beogradit, por si duket më shumë serbët për çdo ditë  e më shumë edhe vetë binden se nuk ndryshojnë gjë dot.

Këtë situatë nuk e kuptojnë as opozitat e as plotë media në Kosovë e Shqipëri. Këto vajtojnë riprishjen me rusët; reagojnë aq me “demonizim” të qëllimshëm ndaj veprimeve të Policisë së Kosovës, e cila në sajë të një urdhri ligjor arrestoi njërin nga njerëzit më provokues, nxitës dhe nënçmues të shtetit të Kosovës siç është Gjuriç. Nëse Kosova nuk ua dëshmon edhe serbeve se është shtet që menaxhohet me ligje ata kurrë nuk do të kenë as arsye pse të binden me realitetin e ri. Kanë edhe shumë më pak arsye të ikin nga hipnozat nacionaliste.

Fatkeqësisht, për shumë media e politikanë në Tiranë e Prishtinë, arrestimi ndodhi një ditë pas aferës së “taksës për rrugën e kombit” – me të cilin shkas u linçua Edi Rama dhe Shqipëria në formën më brutale sidomos nga publicistët e Prishtinës. Ta sulmosh me aq tërbim e urrejtje Shqipërinë – nëpërmjet Edi Ramës –  dhe ta mbrosh gati paralelisht aq me urrejtje ndaj institucioneve tua, Serbinë – nëpërmjet Gjuriçit – ç’ka duhet të mendojë qytetari i Kosovës vallë, si do të të portretojë? Çka? Kur sulmon aq brutalisht shtetin tënd, ligjet e tua, Shqipërinë, je në gjendje të çmendesh për 10 Eurot për Shqipërinë dhe qorton shtetin tënd pse mbron kufijtë – me ato ligje që janë?

Inskenime? Kush, ku? A beson dikush vërtet se Kosova na është bërë aq “zojë e randë” saqë të dalë jashtë asaj agjendës që folëm në fillim, dhe të luajë “kaubojin me indianët”  E shumadisë, me ato pak e dhjetëra policë duke pasur bondstillin brenda? Asociacioni i komunave? Ai është paralajmëruar moti se do të organizohet e bëhet? Është provokimi i Gjuriçit, trenit që pamundëson atë. Jo Republika e Kosovës. Po të ishin kosovarët, dakord, por a nuk është Serbia ajo që madje edhe financon shuma të mëdha për tërheqje njohjesh e shumëçka?

Ruana zot tu kërkosh mediave të Kosovës që të bëhen si ato serbe. Horror janë. Por ndoshta 1% të përgjegjësisë për vendin dhe shtetin siç e kanë ata, do ishte mirë ta kopjoni. Kështu siç veprojnë aktualisht jo ngase po krijojnë përshtypjen sikur të jenë vetëm ehoja e atyre që prodhohen metropolove kyçe të Serbisë.

Serbia është problem që provokon dhe nuk njeh Kosovën. Ajo fut e provokon me njerëz që janë fabrika e shovinizmit ballkanik. Pushteti i Kosovës deri tash ka toleruar gjithçka, dhe për këtë e kemi gozhduar me të drejtë. Po ç’kemi tash kur ai funksionon? Ia paska shtrënguar pak me tepër se duhet një miniputini serb që as i shkon mendja të kërkojë falje për mije¨ra viktimat dhe hynë e del në vendin tonë pas asnjë fije respekti? Plus: a i shikuam videot? Ishte një grup i madh që donte ta parandalojë aksionin e Policisë para se të hyjë në sallë?

Mendoj se nuk jemi objektiv. Ndaj tjerëve jo objektiv por edhe servil jemi – ndaj vetes jemi tiranë? Është kjo meritë e pushteteve të këqija? Ndoshta por kjo do të thoshte se jemi bërë pikërisht siç na donin ata – joobjektiv, joprofesional, irracionalë që zhvillojnë kampanja vetëlinçuese edhe kur nuk duhet.