EMRI/ Plagoset me thikë një 18-vjeçar, transportohet me urgjencë në Spitalin e Traumës

I plagosuri është identifikuar si Klajdi Gjergji, ndërsa burime nga grupi hetimor bëjnë të ditur se i riu është plagosur në gjoks dhe brinjë.

“Më datë 06.02.2021, rreth orës 18:00 ,në rrugën fshatit Sanxhak, Kurbin është goditur me mjet prerës (thikë), shtetasi K.Gj.,18 vjeç, banues në Sanxhak, i cili është transportuar në spitalin e Traumës Tiranë.

Shërbimet e Policisë kanë shkuar menjëherë në vendngjarje, ka rrethuar zonën dhe vijon krehja e saj për kapjen e autorit, i cili menjëherë është larguar nga vendngjarja”, thuhet në njoftimin e policisë.

Grupi hetimor  po punon për zbardhjen e plotë të  rrethanave të ngjarjes.