Pedagogu i përgjigjet Ramës: Enveri më përjashtoi nga shkolla, ke prerë fjalimin tim

Pedagogu Sherif Bundo i është përgjigjur kryeministrit Rama pas publikimit të një video.

Bundo shfaqej teksa fliste para studentëve të Ekonomikut dhe bëntë thirrje për të mos dialoguar.

Por sipas pedagogut, video është prerë qëllimisht dhe nuk është transmetuar e plotë.

“Studentët do të ulen në dialog pasi të jenë të organizuar dhe bashkë me ta të ulet edhe profesorati. Studentët janë të brishtë dhe qelibar. Nuk mund të braktisen. Unë ndihem krenar që studentët më ftuan të flas” – citoi Bundo fjalët që sipas tij i janë censuruar në materialin filmik.

Ai ka dhe një përgjigje për kryeministrin që e cilësoi si enverist. Bundo pranoi se është i majtë, por tha:

“Unë enveristi jam përjashtuar në vitin e parë nga fakulteti për probleme biografie. Dhe falë dashamirësisë së një profesori, ai e mori vetë përgjegjësinë dhe më mbajti si student. Unë sot mbaj një diplomë nderi të dhëna nga qeveria e Ramës” – tha Bundo në një studio televizive.

/javanews/a.rada

 

View this post on Instagram

 

Më kollaj e besoja që fluturon gomari, se sa që këto imazhe s’janë arkiva filmash të gjyqeve komuniste kundër armikut të klasës! Po jo, janë të freskëta fare mu nga mbrëmja e sotme në Fakultetin Ekonomik😱Dhe kaq shumë jam tronditur, sa që më bëjnë sytë sikur oratori është Sherifi, një enverist që në fundvitet ’90 drejtonte Komitetin Kombëtar të Turizmit si socialist dhe porosiste hotel-turizmat ta merrnin djathin tek i vëllai në Përmet😼Po as vetë ai, i shkreti Shero që kishte zbuluar efiçencën e kalit në ekonomi në një studim doktorature, s’do ishte dot kaq fantazëm e të shkuarës sa ky oratori këtu🤭 Të cilin nuk e njoh, po Zoti i ruajt studentët tanë nga të tilla fantazma që u tregojnë se ç’duhet të bëjnë me jetën e tyre👻☠️🤮

A post shared by Edi Rama (@ediramaal) on Dec 12, 2018 at 3:03pm PST