Ministri i Brendshëm i Italisë, Matteo Salvini, është bërë i njohur për politikat e tij kundër emigrantëve që vijnë nga Lindja dhe bllokimin e porteve të vendit.
Pak ditë më parë ai premtoi edhe ashpërsimin e luftës ndaj mafias në vend duke thënë: “Paqja mbaroi”.
E sot, shkruajnë mediat italiane, Salvini ka hedhur një tjetër hap surprizues.
Ai është fotografuar duke u larë në pishinën e fermës Suvignano në Monteroni d’Arbia (Siena). Kjo fermë i është konfiskuar mafias nga policia në vitin 2007.
“Shije e dyfishtë”, e komentoi Salvini zhytjen në këtë pishinë. /b.d
