Iris Weatherwax, tani një 97-vjeçare, nga Miçigan, SHBA, ka marrë sot diplomën e shkollës së mesme.
Kur ajo ishte nxënëse e shkollës së mesme në vitin 1938, kishte mbetur shtatzënë, për këtë arsye ishte përjashtuar nga shkolla dhe më kurrë nuk kishte arritur të regjistrohet përsëri, shkruan ABC News, transmeton Koha.net.
Drejtori i po asaj shkolle, Eric Lieske, ka thënë se mosmarrja e një diplome të shkollës së mesme është keqardhje për çdonjëri, prandaj ai kishte pranuar t’i jap zonjës një diplomë.
Të mërkurën është miratuar kërkesa për marrje diplome, ndërsa sot ajo zyrtarisht ka marrë diplomën e shkollës së mesme. (b.an)
