Operatori i Sistemit të Shpërndarjes së Energjisë Elektrike (OSHEE) po vijon kontrollet për lidhjet e paligjshme të energjisë elektrike në të gjitha qytetet e vendit.
OSHEE bën të ditur se nga kontrollet në qytetin e Burrelit në verilindje të vendit, janë konstatuar abonentë që vidhnin energjinë elektrike, përmes ndërhyrjes në matës dhe lidhjes së paligjshme direkt nga linja.
Për shkelësit e ligjit, OSHEE ka bërë kallëzim në prokurori dhe policia ka shoqëruar shtetasit: F. K. dhe S. K. njësia Kastriot, Dibër; Gj. D., Mirditë; A. J. dhe Gj. D. nga Dibra; T. B. dhe M. Rr. nga fshati Lenjë, njësia Krastë; Xh.M. dhe P. M. nga Ostreni i Madh; A. T. nga Dohoshisti.
Gjithashtu, policia e Burrelit ka arrestuar një grup prej 4 personash, dy nga Tirana dhe dy nga Tropoja, me akuzën e vjedhjes së transformatorëve në periudha të ndryshme. /b.d
