Opozita shton kërkesat: Qeveri enkas për zgjedhjet çdo 4 vite

Gjatë emisionit “Dritare” në Vizion Plus, Shehi tha se opozita e kërkon këtë qeveri, me qëllim garantimin e zgjedhjeve të lira jo vetëm më 18 qershor të 2017-ës, por çdo katër vite, pavarësisht se kush është në pushtet.

Sipas kreut të LZHK-së, kjo formulë i është propozuar Ramës edhe partnerëve të huaj.

“Duhet një qeveri teknike, ose le ta quajmë  Qeveri e Kujdesit Zgjedhor, qeveri tranzitore, që do nuk i marrë pushtetin Ramës dhe t’ia japë Bashës.

Por do të kujdeset që të ketë zgjedhje të lira dhe demokratike. Kjo është një formulë kompromisi që u kemi propozuar edhe të huajve.

Kjo  nuk është një  zgjedhje që bëhet vetëm për ne, por të përsëritet 4-5 vjet, çdo zgjedhje, derisa ta zgjidhim një herë e mirë këtë punë”, tha Shehi. /b.d