Gareth Bale nuk do të luajë me Real Madrid në ndeshjen kundër Barcelonës. Uellsiani u dëmtua mbrëmë në takimin kundër Sportingut dhe diagnoza e sotme ka përjashtuar mundësinë që ai të luajë më 3 dhjetor në Camp Nou.
“Testimet e kryera në Spitalin Universitar Sanitas La Moraleja kanë evidentuar një traumë në ligamentin e kaviljes së djathtë”, thuhet në komunikatën e klubit.
Si rezultat, përjashtohet që ai të luajë në El Clasico, por ndoshta do të mungojë edhe në takimin e fundit në grup në Champions League, kundër Borussia Dortmund. Të dyja skuadrat janë kualifikuar dhe takimi është i vlefshëm vetëm për të përcaktuar fituesin e grupit.
Marca/d.i.
