Aktori britanik Daniel Craig ka deklaruar se nuk do të luajë më rolin e “agjentit 007” në dy seritë e tij të ardhshme. Ai ka fituar rreth 45 milionë euro për rolet e tij të kaluara, por asnjë shumë parash nuk ia ndryshoi mendjen për të marrë pjesë edhe në seritë e ardhshme të James Bond.
Studio e regjistrimit MGM i ofroi aktorit një shumë prej 68 milionë paundësh (rreth 88 milionë euro) nëse ai rikthehet për këtë rol, por me sa duket Daniel-it i kanë ardhur në majë të hundës filma me skena të rrezikshme aksioni, të cilat i kanë shkaktuar një dëmtim në këmbë, shkruan tch. Aktori ka qenë në këtë rol që nga viti 2005, duke mbledhur një shumë të madhe parash për “Box Office Revenue” dhe për kompaninë ikja e Craig është një humbje e madhe.
Pas ikjes së tij, rolin e agjentit më të famshëm në botë do ta merr Tom Hiddleston për një çmim ende të padeklaruar.
JAVA/ a.k
