Dy gra siriane rrezikuan jetën e tyre për të filmuar në fshehtësi jetesën brenda kryeqytetit të të ashtuquajturit Shteti Islamik, në Raqqa.
Në videon e publikuar, dy grave u është ndryshuar zëri dhe përdorën emrat e koduar Om Omran dhe Om Mohammad me qëllim që të mos zbulohet identiteti i tyre.
Në video e fshehtë duken momente nga jeta e përditshme në Raqqa, qytet që është nën sundimin e terroristëve të ISIS. Shihen qartë edhe persona të armatosur me kallashnikovë që lëvizin nëpër rrugë, të cilët kanë marrë rolin e policit për të ruajtur rendin dhe qetësinë.
