Ish-presidenti amerikan dhe fituesi i çmimit Nobel për Paqen, Jimmy Carter, 91 vjeç, njoftoi se trajtimi i tij kundër sëmundjes së kancerit ishte i suksesshëm duke i dhënë fund kësaj faze kritike.
Presidenti i 39-të i Shteteve të Bashkuara të Amerikës kishte bërë të ditur në muajin gusht të vitit të kaluar, gjatë një konference shtypi me ngarkesë emocionale, se mjekët kishin identifikuar katër melanoma të vogla në trurin e tij, duke e nxitur për të kryer një radioterapi.
“Trajtimi ka dhënë rezultate shumë të kënaqshme”, deklaroi një ditë më parë ish-presidenti demokrat nga kisha baptiste e Maranathas, në Plains, qyteti i tij i lindjes.
“Në përfundim të IRM-së së fundit (imazheri me anët të rezonancës magnetike), mjekët vendosën se nuk ishte më i nevojshëm vijimi i trajtimit”, u shpreh ai, përcjell ata.
