Dy incidente janë shënuar në dy qendra të ndryshme votimi në Durrës. Policia bën me dije se ka ndërhyrë pas denoncimit të disa komisionerëve për disa persona të paautorizuar që pengonin zhvillimin normal të procesit të votimit.
Më ndërhyrjen e policisë, procesi i votimit ka vijuar normalisht. Ndërkohë, një tjetër incident është shënuar në korridorin e qendrës së votimit 1430-2, ku një person është dhunuar fizikisht nga 3 të tjerë. Këta të fundit të identifikuar si D.B, P.P, N.P janë shpallur në kërkim dhe policia po punon për kapjen e tyre.
/s.f
