Kreu i Partisë së Lirisë, Ilir Meta e ka ndalur turin e tij në Kavajë, ku po zhvillon takim me strukturat dhe banorë të këtij qyteti.
Gjatë fjalës së tij Meta sulmoi qeverinë “Rama”, ndërsa shtoi se edhe tërmetin e përdorën për të vjedhur pronat e qytetarëve.
Ai akuzoi kreun e qeverisë se ka projekt shpopullimin e vendit duke thënë se “do të zëvendësojë kavajasit me bangladeshas”.
“Edhe tërmetin e përdorën për të vjedhur dhe për të marrë pronat e qytetarëve. E dini historinë e banorëve në Kombinat. I piketuan që të marrin pronat e tyre për oligarkët. Një shtet anëtare e NATO-s, që aspiron për BE. Si mund të kërkojë ky votat e qytetarëve të Kavajës, ku me kukullat e tij pranuan falimentimin e ujësjellës-kanalizimit të Kavajës. A nuk e falimentuan këta Kavajën? Se vodhën dhe keqmenaxhuan qytetin.”, tha Meta.
/s.f
