Presidenti ukrainas Volodymyr Zelensky ka folur në një konferencë shtypi në Kiev, ku ai u tha gazetarëve se Rusia mund ta marrë kryeqytetin ukrainas vetëm nëse e “rrafshon qytetin me tokën”, raporton Reuters.
Zelensky tha se ishte i hapur për diskutime me presidentin rus Vladimir Putin, duke shtuar se ai kishte diskutuar mundësinë e negociatave që do të mbaheshin në Jerusalem me kryeministrin izraelit Naftali Bennett.
Ai tha se shpresonte që Bennett do të kishte një “ndikim pozitiv” në bisedimet e paqes me Rusinë.
Komentet e Zelenskiy erdhën pasi një zyrtar i paidentifikuar i qeverisë ukrainase tha se kryeministri izraelit i kishte kërkuar Zelenskiy të pranonte një ofertë të bërë nga Putin për t’i dhënë fund luftës, siç raportohet nga Walla news izraelite, Jerusalem Post dhe faqja e lajmeve amerikane Axios.
