Një faqe interneti e quajtur “The Dead List”, që përdoret për të parashikuar dhe diskutuar vdekjet e mundshme të personave të famshëm, ka publikuar listën e saj për vitin 2022, ku ka përfshirë edhe Mbretëreshën Elizabeth, pas parashikimit të saktë për vdekjen e Princit Philip vitin e shkuar. Në krye të “Listës së Vdekjeve” janë aktori Dick van Dyke, 97 vjeç dhe diplomati Henry Kissinger.
Prezantuesi dhe gazetari Sir David Attenborough, muzikanti Shane MacGoëan, aktorja Angela Lansbury dhe ish-prezantuesi amerikan Bob Barker mbeten në listë nga viti i kaluar.
Një nga njerëzit më të rinj në listë është komentatori i regbit, Nigel Starmer-Smith, 78 vjeç, i cili është për herë të parë në listë dhe është pozicionuar direkt në vendin e gjashtë.
Fytyra të tjera të reja në listën e zezë të vdekjeve janë prezantuesi televiziv Bill Turnbull, politikani italian Silvio Berlusconi, futbollistët Pele, Sir Bobby Charlton dhe Dennis Laë, si aktori Michael Gambon, i cili luajti “Eastender Arthur Foëler.”
DeathList zgjedh 50 persona të famshëm që ata besojnë se do të vdesin gjatë vitit.
Siç thuhet në faqen e tyre të internetit, rregullat e Listës së Vdekjeve janë: “Kandidatët duhet të jenë mjaft të famshëm në mënyrë që vdekja e tyre të pritet dhe të raportohet nga mediat e Mbretërisë së Bashkuar; kandidatët nuk mund të jenë të famshëm vetëm për faktin se kanë gjasa të vdesin së shpejti dhe se vetëm 25 kandidatë mund të rishfaqen nga lista e vitit të kaluar.”
Në vitin 2021, faqja parashikoi me sukses se 12 njerëz do të vdisnin, duke filluar me Princin Philip, i cili ishte numri një në listë dhe ndërroi jetë në muajin prill. Duka i ndjerë i Edinburgut kishte qenë në listën e vdekjeve gjithsej nëntë herë përpara se të vdiste. Pas Princit Philip, Golden Girl Betty Ëhite ishte në vendin e dytë në listë dhe fatkeqësisht mbylli sytë natën e Vitit të Ri.
