“Total black out”/ Punonjësit e “Facebook” jashtë zyrave prej rënies së sistemit. As kartat e hyrjes nuk funksionojnë!

Black Out

Facebook, Instagram dhe Whatsapp janë jashtë funksionit, për më shumë se katër orë. Mosfunksionimi i aplikacioneve të popullarizuara “Facebook”, “Instagram” dhe “WhatsApp” në nivel global, ka alarmuar tërë botën dhe sipas informacioneve të para nga gazetarët botërorë, “Facebook”-ut i ka rënë i tërë sistemi dhe kështu punonjësit e kësaj kompanie nuk po mund as të futen në vendin e tyre të punës – kështu të paktën pretendon gazetarja e “New York Times”.

“Sapo bisedova me disa që punojnë në ‘Facebook’, të cilët më shpjeguan se punonjësit nuk po mund të futen në ndërtesë për të vlerësuar shkallën e ndërprerjes, pasi kartat e identifikimit në hyrje gjithashtu nuk u kanë punuar”, ka shkruar gazetarja e NYT, Sheera Frenkel.

 

Ndërkohë nga Facebook janë deklaruar lidhur me këtë në rrjetin social Twitter.
“Jemi të vetëdijshëm që disa persona po kanë probleme me qasje në aplikacionet tona. Po punojmë që gjërat t’i kthehen normalitetit dhe kërkojmë falje për këtë”, thuhet në kumtesën e tyre.

Tri aplikacionet që janë në pronësi të themeluesit të Facebookut, Mark Zuckerberg, veprojnë në një infrastrukturë të përbashkët, nuk janë të qasshme për përdoruesit që para orës 17:00.

Përdoruesit e Facebook fillimisht hasën në një mesazh se ueb-faqja nuk funksionon, ndërkohë që në Instagram dhe WhatsApp nuk mund të postohej, dërgohej apo pranohej ndonjë mesazh apo përmbajtje tjetër.

Një orë më vonë, gjiganti i rrjeteve sociale reagoi me anë të një postimi në llogarinë e tyre në “Twitter”, duke shkruar se janë në dijeni për këtë problem dhe janë duke punuar në rregullimin e tij.

Megjithatë, përdorues të shumtë zbuluan se bëhej fjalë për një ndërhyrje në DNS serverët, dhe kjo është duke i pamundësuar atyre të qasen në faqe.

Kompania qëndron shpesh misterioze duke mos treguar shkakun e ndonjë problemi të caktuar, madje edhe pasi ta kenë rregulluar atë.

Në vitin 2019, Facebook pësoi rënien më të madhe ndër vite, duke qëndruar jashtë funksionit për më shumë se 24 orë. Me të zgjidhur këtë problem, kompania shkroi se ishte vetëm një “operacion rutinë i mirëmbajtjes”.

Tani, sipas raportimeve të ndryshme, problemi është i lidhur me DNS serverët që funksionojnë në atë mënyrë, që kur lexuesit kërkojnë për shembull: Facebook.com në shfletuesit e tyre, atëherë kjo kthehet në një IP adresë me disa numra në mënyrë, që të ofrohet qasja në të dhëna dhe të shohim atë që kemi kërkuar.

Meqenëse Facebook është jashtë funksionit dhe sistemi nuk funksionon, kërkimet nuk funksionojnë, pasi përmbajtja nuk është në dispozicion. Serverët e Facebookut duhet ta ofrojnë këtë, por e gjitha që shfaqet është një kod që lë të kuptohet për një problem.

Në aplikacionet si WhatsApp dhe Instagram, ne mund të shohim përmbajtjet e para më herët, por nuk jemi në gjendje t’i kërkojmë serverëve të Facebookut për përmbajtje të re.

Next Post

Leave a Reply

Your email address will not be published.

LAJMET E FUNDIT

Welcome Back!

Login to your account below

Retrieve your password

Please enter your username or email address to reset your password.

WP2Social Auto Publish Powered By : XYZScripts.com